المساعد الشخصي الرقمي

مشاهدة النسخة كاملة : استفسار عام الله يرضى عليكم يا الغاليين اللي عنده خلفيه يفيدنا <<<<

أبــو شـهـد
2016- 1- 12, 09:34 AM
السلام عليكم

انا طالب جديد ولا اعرف شيء نهائياً .. استلمت الباسورد امس


السؤال الأول //////

الحين دخلت على موقع البوابة ثم ( خدمات الشؤون المالية ) ثم ( الاستعلام عن الوضع المالي للطالب )
وطلع معاي [ تم تسديد الرسوم بالكامل . شكرا لك على دفع الرسوم ]

<<<<< أنا ما دفعت ولا ريال ..!!!!!!! وش السااااالفة ؟؟؟؟؟؟؟؟


السؤال الثاني //////

حاولت ادخل على ايقونة Blackboard دخلت الرقم الجامعي و دخلت نفس الباسورد اللي ارسلوه لي الجامعة حق البوابة ورفض يقول فيه خطأ في المستخدم او الباس
سؤالي الباسورد نفسه او لازم اسجل باسورد جديد وكيف الطريقة ؟؟؟؟؟؟؟؟؟

برضوة الدخول الى نظام البانر ... مو راضي تفتح الصفحة ؟؟؟؟


السؤال الثالث ////////

أقدر احول الرسوم عن طريق صرافة حسابي في البنك العربي الوطني ؟؟ او لازم راجحي ؟؟؟؟؟



السؤال الرابع ///////

وش اسوي الحين .. اختار المواد اللي ابيها او كيف
ترى اللي سويته كله اني استلمت باسورد للدخول على البوابة فقققققققققققققققققققققققط



الله يرزق اللي يساعدني ويفرج همومه ويوفقه

والله العظيم محتار مع ذا الجامعة وتعرفون دلاخة المستجد

شكرا لكم
Maroowsha
2016- 1- 12, 09:42 AM
السلام عليكم

ادخل على الموضوع المثبت اضافة مقررات وضيف المواد الي حاب تدرسها

ومن ثم شوف كم مادة واحسبها مشان تدفع رسومها
أبــو شـهـد
2016- 1- 12, 09:52 AM
دخلت عليه والتسجيل لازم عن طريق نظام البانر وهالزفت مو راضي يفتح معاي جربت انواع المتصفحات ولا فيه فايدة



مدبره يا كافي :sm1:
nawaf.a.m
2016- 1- 12, 10:13 AM
سلام عليكم
حياك الله يالغالي ومبروك القبول وياهلا ومسهلا وبالتوفيق لنا ولك يارب


بالنسبة لتم التسديد هذي مدري وش وضعها لأن خويي نفس الوضع تم التسديد


اما بالنسبة للبلاك بورد مقفل من الجامعة


انت الان الي عليك تدخل هالرابط https://www.kfu.edu.sa/ar/BannerSystem/Pages/login.aspx


اضغط الدخول على النظام
بعدين الدخول على المنطقة الآمنه
وبععدين اسم المستخدم رقمك الجامعي وكلمة المرور الي سويتها انت .


بعدين بيطلع لك خيارين المعلومات الشخصية والطالب


تدخل ع الثانية الي هي الطالب
بيفتح لك تحتها خيارات
التسجيل و سجلات الطالب


ادخل اول وحده وبتفتح خيارات تحتها
روح على تسجيل/الحذف والإضافة


بتفتح صفحة تسجيل المقررات
فيها عشر مربعات صغيره
هذي تعبيها بأرقام المواد


ادخل هذا الرابط بعدين اختر ادارة اعمال بعدين مواد المستوى الأول طـــــــلاب

بعدين بيطلع لك جدول فيه المقررات وارقامها CRN

https://www.kfu.edu.sa/ar/Deans/e-learning/Pages/courses_tables_page.aspx
اكتبها كلها في المربعات الصغير في صفحة التسجيل والإضافة


وتأكد منها وبعدين حفظ او تم مدري وش كان الخيار لكن تم يعني


وخلاص بالتوفيق حبيبي


تحياتي لكـ
أبــو شـهـد
2016- 1- 12, 11:31 AM
الله يعطيك الف عافية يا نواف

ما قصرت لبى قلبك
كحيل العين
2016- 1- 12, 11:35 AM
السلام عليكم ورحمة الله وبركاته الخطوه الاولى توصلك رساله بأسخراج الرقم السري
الخطوه الثانيه مقررات المستوى الاول تنزل من الجامعه دايركت ولا تحتاج انت تسجيل اي شيء
الخطوه الثالثه توصلك رساله بالسداد على رقم جوالك ومن ثم تقوم بالتسداد . مع تمنياتي ؤك بالتوفيق والنجاح
juoooan
2016- 1- 12, 11:51 AM
وعليكم السلام ورحمه الله وبركاته

اهلا بك اخي الفاضل؛ ومبروك قبولك بجامعه الفيصل


1- التسديد لسا لم يحن وقته
2- البلاك و الافتراضي حاليا الانظمه مغلقه لسا لم تبدا الدراسة
3- المواد تسجلها لك الجامعه ؛ لا داعي لاستخدام البنر
أبــو شـهـد
2016- 1- 12, 11:57 AM
الله يعطيكم العافية . حلو يعني ما صلح شيء ابد

بس التسديد وصلني رسالة يقول سارع بالتسديد ولما دخلت على البوابة واستعلمت يقول تم السداد ونشكرك وانا ما سددت وش اسوي الحين ؟؟؟
الحلم الصامت
2016- 1- 12, 12:30 PM
دخلت عليه والتسجيل لازم عن طريق نظام البانر وهالزفت مو راضي يفتح معاي جربت انواع المتصفحات ولا فيه فايدة



مدبره يا كافي :sm1:استخرج رقم سري جديد من ايقونة استرجاع الرقم السري
بعدها استعمل متصفح الكروم وعند ادخال الارقام لازم تكون بالانحليزي وتراعي اانها حروف كبيرة وصغيرة ...ان شاءالله يفتح معاك.... وفالك التوفيق.
أبــو شـهـد
2016- 1- 12, 12:38 PM
عرفت المشكلة بالجهاز لانه فتح معاي عن طريق الجوال

بس السؤال الأهم

التسديد وصلني رسالة يقول سارع بالتسديد ولما دخلت على البوابة واستعلمت يقول تم السداد ونشكرك وانا ما سددت وش اسوي الحين ؟؟؟
الحلم الصامت
2016- 1- 12, 12:51 PM
عرفت المشكلة بالجهاز لانه فتح معاي عن طريق الجوال

بس السؤال الأهم

التسديد وصلني رسالة يقول سارع بالتسديد ولما دخلت على البوابة واستعلمت يقول تم السداد ونشكرك وانا ما سددت وش اسوي الحين ؟؟؟انتظر لين ماتتضح الأمور.. ربك يسهل ان شاءالله
أبــو شـهـد
2016- 1- 12, 01:12 PM
الف شكر لكل من ساعدني برده

عسى ربي يوفقكم وبيض الله وجيهكم

خلاص كلمت الجامعة وتأكدت من سالفة التسديد .. وتم التسديد قبل قليل عبر تطبيق البنك العربي
والمواد يقول راح تنزل تلقائياً بحكم اني المستوى الأول

وعسى الله يوفقني وياكم جميع
abo yazed
2016- 1- 12, 02:32 PM
الف شكر لكل من ساعدني برده

عسى ربي يوفقكم وبيض الله وجيهكم

خلاص كلمت الجامعة وتأكدت من سالفة التسديد .. وتم التسديد قبل قليل عبر تطبيق البنك العربي
والمواد يقول راح تنزل تلقائياً بحكم اني المستوى الأول

وعسى الله يوفقني وياكم جميع

الله يوفقك وشد حيلك من البداية تابع كل المحاضرات من البداية ولا تتاخر في المذاكرة حتى قبل الاختبار باسبوع ، مواد المستوى الاول سهله يبيلك تركز في الرياضيات والاقتصاد الجزئي اول باول .
فالك التوفيق اخوي
دمت بخير:(204):
سبحانك يالله
2016- 1- 13, 02:57 AM
انا قبل جاني كذا نفسك انو تم التسديد وانا ماسددت وهو خطاء من الجامعه
انت سدد اهم شي اللي عليك
أبــو شـهـد
2016- 1- 13, 08:44 AM
الله يوفقك وشد حيلك من البداية تابع كل المحاضرات من البداية ولا تتاخر في المذاكرة حتى قبل الاختبار باسبوع ، مواد المستوى الاول سهله يبيلك تركز في الرياضيات والاقتصاد الجزئي اول باول .
فالك التوفيق اخوي
دمت بخير:(204):

اللهم آمين وياااااك يالغالي

وجاك الموت يا تارك الصلاة :41jg: 12 سنة من تخرجت من التقنية :16.jpg: المخ مجييييييييم
اللي علينا بنسويه والباقي على ربك

حياك ربي اخوي
أبــو شـهـد
2016- 1- 13, 08:45 AM
انا قبل جاني كذا نفسك انو تم التسديد وانا ماسددت وهو خطاء من الجامعه
انت سدد اهم شي اللي عليك

سددت خيتو وخلصنا