التقدير راسب وعطوني انذار اخير فزززعتكم

[شرقاوي منتسب501]

السلام عليكم


يا اخوان جاني انذار ثالث ومكتوب الانذار الاخير يعني لو ارسب الترم الجاي اتوقع برئ مفصول ولازم لازم لازم لازم انجح الترم الجاي والله خايف من الفصل شايل هم ابي اعرف منو عنده نفس مشكلتي يفيدنا ايش صار معه بعد الانذار الاخير هل واصل او تم فصله وابيكم تساعدوني ايش الطريقه الي يخليني انجح واشيل هالانذارت

[(مشعلي)]

يجب عليك ان تشد حيلك وتذاكر ولازم تجيب معدل على الأقل ٢ من ٥

والله يعينك لو تهتم بروحك وتذاكر تجيبها بالراحه

[شرقاوي منتسب501]

والله ذاكرت لكن اذا كانت طريقة الاسئلة مقالي وش راح تسوي اتوقع انك ما جربت الاختبارات المقاليه يا طيب

[شرقاوي منتسب501]

ورب الكون لو طريقة الاختبار موضوعي كان نجحت لكن المقاليه لعبت فينا حسبي الله عليهم

[سـلـطـان♕]

مشكلة تخصصكم مقالي كان ريحت نفسك وجيت ادارة اعمال ولا اجتماع :biggrin:

الله يسهل امورك والله يوفق الجميع :004::(204):

[شرقاوي منتسب501]

الترم هذا باذن الله بذاكر من بدري لاني خلاص يا انجح واكمل يا راسب وفصل الله يزينها ويارب يفكونا من الاسئله المقاليه

[شرقاوي منتسب501]

انا كنت ادارة اعماال وحولت تربيه ولو ادري انها مقالي كان ما حولت لكن نقول الحمدالله

[شرقاوي منتسب501]

ارجوا احد يفيدنا الي عندهم انذارات ايش صار معكم؟؟؟؟؟؟؟؟؟

[المربع]

فيه ايقونة بالخدمات الطلابية , اسمها على مااعتقد ( طلب فرصة بعد آخر إنذار ) ,, عرج عليها وشفها

[سـلـطـان♕]

انا كنت ادارة اعماال وحولت تربيه ولو ادري انها مقالي كان ما حولت لكن نقول الحمدالله


الحمد لله على كل حال لعلها خيره والله يسر امورك وامور المسلمين اجمعين :004::(204):

[شرقاوي منتسب501]

الحمد لله على كل حال لعلها خيره والله يسر امورك وامور المسلمين اجمعين :004::(204):

امين يا رب تسلم

[Iaila]

التجربه ماكانت لي كانت لبنت اختي
اول خطوة اسويناها نزلنا مواد سهله وقليله اكتفينا ب 5 مواد
حرصنا على انه ماتفوت ولا درجه من درجات المشاركه
الاستعداد من بدري للاختبار
لو عندكم في تخصصكم فقه السيره نزلها عنك
راح ترفع معدلك كثير لانها سهله

الحمدلله نجحت والمعدل كان 2.80

[سيف بن هاضل]

شف مقرراتك ونزل المواد اللي تشوف انها سهله .. وعليك بالمذاكرة

[عهووودهـ]

فعلا خذ لك مواد سهله
او غير التخصص وريح راسك

[سعد الروقي1]

انا اول مادخلت الجامعه صارت لي ظروف والمعدل في نزول وكنت افكر اترك الدراسه لكن الحمد لله زانت اموري واهتميت بالمحاضرات واذاكر قبل الاختبار بفتره ومشت معي تمام (معدلك بإذن الله تقدر ترفعه بسهوله بس شوية اجتهاد من قبل الاختبارات وبيتعدل وضعك ) الله ييسر امرك وامورنا اجمعين

[جنوبية وافتخر]

الله يوفقك ويسهل امرك يارب وان شاءالله تنجح يعتمد عليك هالشي قبل اي احد
حط قدامك انها اخر فرصة وابذل كل وسعك وربي يقدرك باذن الله توكل ع الله وسوي مثل ماقالو اول شي نزل مواد سهلة واهتم بدرجات الاعمال الفصلية وشد حيلك بالمذاكرة اول باول لاتخلي طبيعة الاحتبار بكونها مقالي تاثر عليك كنا نختبار مقالي بالمدرسة والحمدلله
بالتوفيق

[أم رياض]

حول إلى تخصص ثاني

[sh3lo.62]

-
نصيحه مني اخذ ٥ او ٤ مواد سهله ،
انا بقولك طريقتي لدراسة المقالي ايام
الثانويه وهالطريقه تصلح للي يدرس مقالي مثلك
١- اقرا الملخص بتركيز ( اذا م حصل فيه تغير )
ولازم تبدا الحين او ع الاقل الأسابيع الجايه ، لا تسوف
التسويف بخليك لي قبل الامتحان بيوم
٢- خلصت قراءه جيب لك أوراق وقلمين مثلا احمر واسود
وحول الملخص كامل الى نقاط مرتبه مثلا [
- التعاريف كامله ان وجدت بكل المحاضرات ،
- بعدها الاسئله اللي تكون إجابتها أهداف او نقاط
٣- جمعت كل شي بترتيب خلاص ابتدي احفظ هذا
الملخص اللي انت نظمته ، لان المقالي يختلف عن الموضوعي
ب انه استراجع حفظك على شكل كتابي وهالشي
بسبب لك تشتيت و م راح تجيب درجات


- عسى ربي يوفقك ويوفقنا ��

[كن واثق بالله]

ماعليك امورك لازالت بمتناول اليد بعد الانذار الاخير يعطونك فرصة اضافية خذ العلم بس انت لازم تشد هالترم وصدقني اذا جربت النجاح لن تتنازل عنه طعم النجاح رائع ولك خاص دعائي بتوفيق

[الكريم الله]

المشكلة ان الاختبار مقالي ويتعمدون تصعيب الاسئله الله لا يوفقهم توهقنا في اخر المشوار

[مهاوي 1403]

ذاكر ثم ذاكر ثم ذاكر
وبدري من الشهر هذا ذاكر
وخذ مواد سهله او على الأقل عدد الساعات 9

ربي يوفقك

[ابو ديما @]

الله يكون في عونك

[Student Taste]

اخوي شرقاوي
الكلام لك وللجميع
لا تخاف وتشيل الخوف بقلبك ، توكل على الله وشد حيلك من بداية الترم وخذ اقل عدد من المواد وحاول تكون بين كل مادة ومادة في الاختبارات يوم أو أكثر عشان تركز وتجيب معدل ، وبالنسبة للانذارات كأني قريت إذا ما خاب ظني إذا رفعت المعدل يشلونها منك ، عموماً لا تدع هاجس الخوف يصيطر عليك ويخليك خايف .
مع تمنياتي لك وللجميع التوفيق والنجاح ..

[slo0o0o07]

واجد من الزملاء مكتوب له
انذار اخير ( فصل )

هل يعني خلاص مفصول ولا له الحق يطلب فرصة اخيرة ؟
يقول الايقونه طافية

[بيدو11]

سلام عليكم متى يفتح الحصول على فرصة اخيرا ؟؟؟

[مملكه الاحساس]

يا أخوي الواحد قبل لا يدخل القسم أولا يكون رغبان فيه ثاني حاجه حط في بالك ما في أحد راح يساعدك في مشكلتك إلا انت كيف تساعد نفسك وتنجح
أولا حط في بالك أن إذا رسبت هذي المره راح تنفصل نهئيا من الجامعه وبكذا تشد حيلك لأنك راح تكون خائف على مستقبلك
ثاني شئ المذاكرة بشكل مستمر يعني في بدايه الدراسة تذاكر في الأسبوع على الأقل من 3-4 محاضرات ورتبلك جدول وتدرب على الأسئلة بحيث يسهل عليك المذاكره فتره الاختبارات
وربي يوفقك أن شاء الله وتنجح

[ابو برجس8888]

باقولك شي

انا اخذات كل الثلاثه الانذارات وتسلفت علييها بعد ههههههههههه اكثر من انذارين

لكن الانذارات الثلاثه الاولي الرابعه رفعت المعدل فوق 2 وعادو وفتحو لي فرص انذارات ثانيه



ارفع المعدل الترم هذا فوق 2 ضروي ولا تراك بتطلع مخرج 9 مع الدائري

اللحق نفسك


واخذا المواد كلها وشئت ان تقلل المواد اخذا ثلاث سهله فقه السيره والاخلاق الاسلاميه
والمذاهب المعاصره وشد حيلك وحطم الرقم القياسي ههههه


هذا الي قددرت افيدك فيه
وشكرا

لكن اعمل فرصه اضافيه الحين اليله تحديدا عشان التحديث يسمحون لك

ترا باقي 4 ايام للتسجيل المقررات


كل شيك ع التسجيل هل يسمح لك تسجل ولا لا بعد ماتسوي طلب فرصه اضافيه

[thadgk]

السلام عليكم
يا اخوان أنا عندي إنذار اخير بالفصل
التسجيل مكتوب يمنع التسجيل بسبب الانذار
ايقونه طلب فرصه اخيره طافيه وش الحل يا اخوان

[شرقاوي منتسب501]

-
نصيحه مني اخذ ٥ او ٤ مواد سهله ،
انا بقولك طريقتي لدراسة المقالي ايام
الثانويه وهالطريقه تصلح للي يدرس مقالي مثلك
١- اقرا الملخص بتركيز ( اذا م حصل فيه تغير )
ولازم تبدا الحين او ع الاقل الأسابيع الجايه ، لا تسوف
التسويف بخليك لي قبل الامتحان بيوم
٢- خلصت قراءه جيب لك أوراق وقلمين مثلا احمر واسود
وحول الملخص كامل الى نقاط مرتبه مثلا [
- التعاريف كامله ان وجدت بكل المحاضرات ،
- بعدها الاسئله اللي تكون إجابتها أهداف او نقاط
٣- جمعت كل شي بترتيب خلاص ابتدي احفظ هذا
الملخص اللي انت نظمته ، لان المقالي يختلف عن الموضوعي
ب انه استراجع حفظك على شكل كتابي وهالشي
بسبب لك تشتيت و م راح تجيب درجات


- عسى ربي يوفقك ويوفقنا ��



وهذا الي سويته نزلت 4 مواد فقط وان شاء الله تزين الامور