اريد مشورتكم لاهنتم

[الفجر المنسي]

السلام عليكم ورحمة الله وبركاته

كيفكم يامتهورين ان شاء الله بخير؟!

والله ضايق صدري مره ابي فزعتكم ومشورتكم :Cry111:

ياطويلين العمر السالفه ومافيها اني توظفت بوظيفة كاشير باحد الشركات تاريخ تعييني للوظيفه 23-3-2012

طبعا الوظيفة كانت قريبه مني نص ساعه بسياره وراتب ماتغير طول مانا موجوده وصابره ومحتسبة عشان شغلها خفيف وعشان الدراسة ...

المهم طول مانا اداوم وعود وعود كثيررررره المهم قدر الله ان تغير وقت عملي وصار دوامين وانا رفضت العمل بعدها اضطرو ينقلوني الشركه الرئيسية وعدوني يغيرو لي المسمى الوظيفي الى محاسبة طبعا نقلوني من شهر 11

وطبعا اعطوني وعود ان بيتغير راتبي والمسمى الوظيفي وبيكون خلال شهر شهر 1

وطبعا انا تعلمت الشغل وكل يوم اتعلم جديد يعني تقدرو تقولو متدربه

المهم سمعت الان قرار ان مابيكون في زياده لاحد طبعا كل موظفين زي حالتي :no:

الزبده انا نقلت للشركه مشوار ها ساعه رايحه وساعه راجعه :139:

ماتغير المسمى الوظيفي وماعطوني زياده وبدلات للنقل !!!

لا تقولي لي ادور عمل ثاني لان مابيكون بصالحي لو ماتغير المسمى الوظيفي حقي ولاني ماتخرجت باقي لي اذا ربي اراد هالترم

لو انتو بوضعي كيف رح تتصرفو بكمل 4 سنوات بهالوظيفة وراتبي نفسه 4000 مخصوم منه تامينات وساند وو

وعندي التزامات ماديه للبنك ومابتخلص الا السنة جايه

ايش الحل مع وضعي هل اشتكي بمكتب العمل؟ هل لو اشتكيت بينصفوني؟؟!!!!!!!

هل بيعوضوني؟ عطوني حل من جد قهر قهر استغلال لحاجة الموظف واستغفاله :Cry111:

الله المعين

[سـلـطـان♕]

انا اشوف تصبرين والصبر مفتاح الفرج الى ان تتخرجين وتقدمين شهادتك اذا حسنوا وضعك ولا ربي بيرزقك احسن منهم ساعات التغيير يكون في صالح الانسان وهو ما يدري تخافين لا تلقين احسن من وضعك وتكتشفين انك كنتي ضايعة السنين هاذي كلها ومن اسباب الفشل الخوف من المجهول والله يوفق الجميع ان شاء الله :004::(204):

[Meshooo]

انا اشوف انك تصير لحد التخرج ..مع خبرتي بمكاتب العمل ..اشتكت مره وللاسف ما انصفوني ,,


الله يوفقك يارب ,,

[سكون الكون]

انا مانصح تتركين شركتك فالوقت الحالي لعدة أسباب
أولها انه اغلب الشركات صارت تحسب الف حساب فالتوظيف وبعض الشركات وقفت التوظيف وبعض الدوائر الحكومية أيضا وقفت التوظيف ف ممكن تطلعين وتجلسين فترة ع ماتحصلين شغل وممكن يكون افضل وممكن اسوا
وبما انه باقي لك سنه كمليها الى ان تمسكين الوثيقه وتطالبين يعدلون راتبك ومسماك الوظيفي او تاخذين منهم شهادة خبره 5 سنوات وبشهادتك البكالوريوس باذن الله بتحصلين وظايف براتب ومميزات افضل
والراي يرجع لك بالاخير وربي يكتب لك اللي فيه الخير
ونصيحه لايصير عندك تضجر من عملك عشان ماتصير السنه ثقيله عليك ,مشي الوضع عادي الى ان تحصلين وضع افضل منه

[عبدالله الشّلاحي]

نصيحتي نصبرين حتة تحصلين على وثيقة التخرج
وبعدها تحاولين يعدلون وضعك الوظيفي
وإذا رفضوا وموجود في العقد مايثبت وعودهم بالرآحة راح تأخذين حقك
لكن إذا مجرد وعود راح تتعبين معهم وبالأخير ماراح تحصلين حق
لكن لو أنا في مكانك راح استمر حتى اخلص التزاماتي المادية وبعدها رآح آخذ شهادة خبرة وأبحث في شركات أخرى ومتى ماحصلت قدمت استقالتي وطالبت بحقوقي

[ابو ديمة]

عليك بالدعاء وربك يفرجها

[الفجر المنسي]

ماقصرتو يااخوان ربي يجزاكم الف خير

الحياه تطلب الصبر والتحمل واظن كلنا مرينا بظروف هذي الوظيفه ودراسه ومصاعبها

حاخد بنصيحتكم وانسى الموضوع لحد مااتخرج وربي يكتب لي ولكم كل خير ويسعد كل من رد او دعاء لي بظاهر الغيب

ماقصرتو

[أبوطلال ادارة]

لو تحصلين لك محامي يفزع لك , بس محد يقدم شيء ببلاش مكتب العمل نفسه فيه ملاحظات كثير كيف بيعطيك حقك !!
قولي حسبنا الله ونعم الوكيل وأكثري منها