مبروك المتهورين فتح ماجستير لنا

[الكلاداري]

بسم الله الرحمن الرحيم
اتمنى الجميع يكون بخير وصحة وعافيه
ابشركم الكثير من خرجينا توجه وقبل بجامعة فتحت جديدا في السعودية
الدراسه باللغة الانجليزي والتقيت مع الكثير لكل يمدح فيها بصراحة
الدراسه تكون من الساعة التاسعة صباحا يوم الجمعة الي السادسه مساء ويوم السبت يعني يومين بالاسبوع
التخصص الموجود ماجستير ادارة الاعمال الدولية
ماجستير ادارة العلاقات الدولية
وقريبا ماجستير الجودة
مدة الماستجر 14 شهر 12 شهر دراسة 2 شهر تقدم الرسالة
طريقة الدراسه كل شهر كتاب تختبر تاخذ الي بعده ونت حر تبي تاخذ الكتاب الثاني بالشهر الي بعده او تجلس تراجع وتتاخر كم شهر وتاخذ الكتاب الثاني يعني ممكن تاخذ الماستر في ثلاث سنوات او سنه
حبت اوضح لشلة المتهورين فيه فرق ماجستير MBA وهذا ماجستير ادارة اعمال يعني نحن خرجين ادارة اعمال ما نحتاج ناخذه ليش انا اقول هذا الماستجر عبارة عن مخلص لي اربع سنوات نحن درسنها يحتاجها فقط من تخصصه غير ادارة الاعمال اما اجستير إدارة الأعمال الدولية MIB هذا رمزة

هل الشهاد مصدقه نعم مصدقه من سفارة السعوديه في اسبانيا الجامعة جديدة شروطها سهله بعد تخرج ثلاث دفع تعطيك شهادة مصدقة ومعتمدة في السعودية
الكل يسئل وين الجامعة هاذي اقولك اسمها
geneva business school
موجودة في فندق موفنبيك بالخبر والرياض فقط قريبا جدة ليس لها موقع على الانتر نت يعني لاتجلس تحوس بجوجل روح للفندق واسئل عن الجامعة والتقى فيهم يعطونك بروشور فيه كل شي حبيت افيد الجميع واتمنى للجميع التوفيق دخلت الجامعة وكل ما اكتب مووضوع اقول يا شباب ادعو للوالدة بالشفاء الان اقول ادعو لها بالرحمة والمغفرة ويجمعني بها في جنات النعيم ونصيحة كل انسان عنده ام خليك تحت رجولها لاتقدم عليها شي لازوجه ولا مال ولا عيال امك امك اقدم هاذي الانشودة وهذا ماحدث لي بنسبةميه بالميه المقطوعه خلفيه اصوات بشرية وليست موسيقى :Cry111:




https://www.youtube.com/watch?v=ZpzgXGKyMjU

[فوق السحايب]

يسعدك يارب و يبشرك بالخير
الله يرحم الوالدة و يرزقها الفردوس الأعلى يارب

[ابو مهند 9]

الله يرحم والدتك ويغفر لها ويتجاوز عنها وجميع أموات المسلمين


بكرة ان شاءالله في الموفنبيك وربنا يسهل ان شاءالله
الله يجزاك خير

[ميلاد دمعي]

جزاك الله خير والله يوفقك ويرحم والدتك وجميع المسلمين والمسلمات

[ام وردي]

الانشوده تحزن جداا الله يرحم امك واموات المسلمين كلهم الله يجمعك بها في جنات النعيم

هذا طريقنا كلنا عسى الله يرحمنا برحمته

[Plender]

هل يعقل جامعه مالها موقع ؟ هههههههه ولا حكيت عن الرسوم او اللغه او موقع الدراسه وين


اعتقد انه اعلان والله اعلم :)

[أبو طلال ادارة]

الله يرضى عليك ماتنفع اعتراف السفارة اهم شيء وزارة التعليم شيك على موقعهم بالجامعات المعترف بها
شكراً

[رجعت ادرس]

الله يغفر لامك ويرحمها واموات المسلمين ويجمعك فيها بجنات النعيم
طيب هل هي برسوم والا كيف

[إرادﻫ]

غفر الله لها وجمعك بها في جنته
ورحم موتانا وجميع موتى المسلمين

[moheidsa]

الله يرحم والدتك ويغفر لها

جامعة بدون موقع على النت هذولي نصابين مبتدئين

الحيين الافلام قبل ما تنزل السينما وهم يصورونها يسوون لها موقع

هذا الموقع اللي لقيته لهم

http://www.gbsge.com/

الحين خلونا ندرس الموضوع من حيث الاعتماد والمصداقية والتكلفة اذا هي تسوى عليك ولا لا

مبدئياً هي غير موجودة في قائمة الجامعات المعترف بها في السعودية

[moheidsa]

هذي اسعارهم بالفرانك السويسري للي يحب يغامر


Master’s Fees for 2015-2016 (prices in Swiss Francs)




Application Fee = €150 via paypal. (Non-refundable, paid upon application)
Administration Fee = CHF 2.000 for European Applicants / CHF 4.000 for Non-European
Tuition per semester = CHF 10.280 (Total 1.5 year program / 3 semesters)

[هجوووله]

غفر الله لوالدتك وجمعك بها في جنات النعيم
ورحم الله موتانا وجميع موتى المسلمين ،،،

[moheidsa]

بغض النظر عن رسوم التسجيل 150 دولار

او الرسوم الادارية 4000 فرانك

رسوم السمستر الواحد 10.280= 39895 ريال يعني اربعين الف تقريبا

في جامعة غير معترف فيها في السعودية ويمكن في الخليج ليه ياعمي

لو عندي مال قارون ما خليتهم ينصبون علي النصبة هذي

[RED_ROSE]

الله يرحم أمك ويرحم أموات المسلمين ...


النشيد يقلب المواجع .. الله يرزقنا قلوبا صابرة مومنه ..

[ابا فراس]

عندك معرفه بالتقدير الي يحتاجونه الشي ثاني كم رسومها والله يرحم والدتك وجميع المسلمين

[الكلاداري]

جزاكم الله خير ورحم الله موتنا وموتاكم تعقيب وتوضيح
انا ماطرحت الموضوع الا جالس مع شباب خرجينا يدرسون بنفس الجامعة هي الوحيدة الي تقبل خرجينا وخرجين الجامعة العربية المتفوحة بكل سهولة
يا اخوان انا حبيت انشر الفائدة للجميع لا احد يحط بذمته يقول جالس تسوق من بقك لباب السماء ياليت الجامعة لي وابشر بعطيك ماستر مجاني
الدراسه باللغة الانجليزيه وماهي سهله
درجة النجاح من 70 هل الدراسه فيها سهول او تساهل لا يا تتعب وتنجح يا اجلس فحط مكانك مافيه شي اسمه مشيها تمشي التكلفه تقريبا للماستر 45 الي 50 تقريبا لا يجي احد يقول اني اخذ نسبه عشان اعض خشمه
الي يقول معتمدة مش معتمدة كل الشباب خرجينا قالو كذا لما حس الوقت يمضي عليه وهو جالس ما غير يطامر ويدور قبول دخل في هاذي الجامعة انا طبعا تواصلت مع جامعات في البحرين المعتمدة جامعة البحرين وشروطها صعبه تبي خرجين انتظام
تواصلت مع الجامعة الامريكيه بالشارقه قالت لازم شهادتك الجامعية معتمدة من بلدك ولغة قويه ونعمل
اختبار

لك ابركن نوافق عليك بركن ما نوافقك عليك والدراسه انتظام
عندنا بالشرقيه الخبر جامعة محمد بن فهد ماستر ادار تنفيذية المبلغ 180 الف ريال وما يقبل الا انتظام
تواصلنا مع الجامعة الالكترونية بروض ما تقبل خرجينا
يعني معادلة صعبه اما ماجستير وتواصل ولا يضيع الوقت اما اذا قدرت تجد قبول من احدى جامعتنا المحلية وتفرغ من العمل ممتاز او قدرت
تخرج خارج السعودية هذا افضل وتتحمل تكاليف الدراسه
لذلك جرى التنويه والله ولي التوفيق

[ابومحمدالودعاني]

اسأل الله العلي القدير ان يرحمك والدتك وان يسكنها الجنة وان تلتقي بها في جنات النعيم

[الفجر المنسي]

سبق وكتبت عن هالموضوع لكن الاعضاء سالو عنها وقالو غير معترف فيها

لذلك شلت الفكرة من راسي وتقدر تشوف موضوعي

http://www.ckfu.org/vb/t729125.html

[فواكهه]

طرح جميل موفق اخوي الكلا داري والله يرحم والدتك ويرحم جميع اموات المسلمين

[a7la_sara]

غفر الله لوالدتك
ولوالدي الحبيب
ولجميع موتى المسلمين

اللهم امين

[sammar616]

الله يرحم الوالدة و يرزقها الفردوس الأعلى يارب

[moheidsa]

جزاكم الله خير ورحم الله موتنا وموتاكم تعقيب وتوضيح
انا ماطرحت الموضوع الا جالس مع شباب خرجينا يدرسون بنفس الجامعة هي الوحيدة الي تقبل خرجينا وخرجين الجامعة العربية المتفوحة بكل سهولة
يا اخوان انا حبيت انشر الفائدة للجميع لا احد يحط بذمته يقول جالس تسوق من بقك لباب السماء ياليت الجامعة لي وابشر بعطيك ماستر مجاني
الدراسه باللغة الانجليزيه وماهي سهله
درجة النجاح من 70 هل الدراسه فيها سهول او تساهل لا يا تتعب وتنجح يا اجلس فحط مكانك مافيه شي اسمه مشيها تمشي التكلفه تقريبا للماستر 45 الي 50 تقريبا لا يجي احد يقول اني اخذ نسبه عشان اعض خشمه
الي يقول معتمدة مش معتمدة كل الشباب خرجينا قالو كذا لما حس الوقت يمضي عليه وهو جالس ما غير يطامر ويدور قبول دخل في هاذي الجامعة انا طبعا تواصلت مع جامعات في البحرين المعتمدة جامعة البحرين وشروطها صعبه تبي خرجين انتظام
تواصلت مع الجامعة الامريكيه بالشارقه قالت لازم شهادتك الجامعية معتمدة من بلدك ولغة قويه ونعمل
اختبار

لك ابركن نوافق عليك بركن ما نوافقك عليك والدراسه انتظام
عندنا بالشرقيه الخبر جامعة محمد بن فهد ماستر ادار تنفيذية المبلغ 180 الف ريال وما يقبل الا انتظام
تواصلنا مع الجامعة الالكترونية بروض ما تقبل خرجينا
يعني معادلة صعبه اما ماجستير وتواصل ولا يضيع الوقت اما اذا قدرت تجد قبول من احدى جامعتنا المحلية وتفرغ من العمل ممتاز او قدرت
تخرج خارج السعودية هذا افضل وتتحمل تكاليف الدراسه
لذلك جرى التنويه والله ولي التوفيق





انا مادري ليه تبي تعض خشمي معلومة الاعتماد جايبها من موقع التعليم

ومعلومة تكاليف الجامعة جايبها من موقعهم والمكتب اللي هنا في السعودية يمكن ياخذ عليك نسبة زيادة

اعتبرها معلومات عامة واترك خشمي مكانة :41jg:

اذا من الخبر نتقابل انا وياك عندهم نستفسر منهم

[سـلـطـان♕]

اهم شيء الاعتراف من قبل وزارة التعليم قبل فكرة الدراسة والله يوفق الجميع

[abeer al-roo7]

يسعدك يارب و يبشرك بالخير
الله يرحم الوالدة و يرزقها الفردوس الأعلى يارب

[علي بن عبدالرحم]

الجامعة غير معترفه يعني اي واحد يدرس فيها بيخلص بالنهايه بلا شي ..



لاتتحمسون زياده وتجيبون العيد

[علي بن عبدالرحم]

ولاتنسو شروط التعليم العالي حتى لو الجامعه معترفه وقويه تطلب من الطالب التواجد في بلد الدراسه ..

اي شخص يبي يدرس برا اول جهه يتواصل معها هي الملحقيه الثقافيه السعوديه في ذلك البلد هم فاتحين علشان الطلبه .

[7amood]

-

[أبو رفعه]

انتبهووووو الجامعه وهميه يا جماعه الخير

[لمُت نفِسٌيَ]

يا أخوان ..
اذا الجامعة مو معترف فيها في أسبانيا من قبل التعليم العالي بالسعودية
سواءً كلية Geneva أو الجامعة ..
تتوقعوا بيعترف فيها وهي بالسعودية ، وبهالشكل المشكوك فيه !.

[عِصآميهة]

يعني افهم تخصص ماجستير ادارة اعمال ماينفع لنا ي خريجين بكالريوس ادارة اعمال ياليت توضيح على ذا النقطه ؟

والله يرحم امك ويرحم اموات المسلمين وعظم الله اجركم فيها ..

[هارون الرشيد]

غفر الله لوالدتك ولجميع اموات المسلمين ورزقهم الفردوس الأعلى
بالنسبة للماستر يا شباب اذا احد ماهو محتاجها او عمله ما يوافق او غير معترف بالشهادة ليش يضيع وقته وفلوسه
من واقع سوق العمل من أسباب البطالة اما شهادتك اقل من الوظيفة او شهادتك اعلى من الوظيفة بالاضافة الى الخبرة العملية. الخ،،،
لذلك اذا ماهو سعر معقول زي ماقاموا الاخوان دار العلوم ب 240 كم يبكون الراتب عشان ادفع 240 الف للماستر وماهي قوة الشهادة
يفضّل ان تكون الماستر بعد عدة سنوات من الخبرة العملية والله الموفق

[رتك111]

جزاك الله خير والله يرحم امك ويسكنها الفردوس الأعلى من الجنه

[smile-550]

لقيت لها اعلان في الجريدة

سعرها غالي شوي

موفقين انشالله

[أمنية أحمد]

شكرا على المعلومات

[لارا الشهري]

الله يرحم والدتك ويجمعك بها في جنة الفردوس

[بنت العبدالرحمن]

الله يرحمها و يغفر لها يارب ويجمعك معها في جنات النعيم

[miss-kfo]

لم تزبط معنا

[قعناص]

انــآ ابشركم ...

عندي بقالة واعطي مــآستر في جميع التخصصات ,,


كل ما عليك تشتري علبتين بيبسي وتحصل على ماستر بالجبن ..


:)




والله حاله ..

[Thekrayat]

من_rir::*****_rir::*****_rir::*****_rir::*****_rir :

[Thekrayat]

انــآ ابشركم ...

عندي بقالة واعطي مــآستر في جميع التخصصات ,,


كل ما عليك تشتري علبتين بيبسي وتحصل على ماستر بالجبن ..


:)




والله حاله ..



من جد والله مسخره
سجل لي واحد ماستر بالجبن
هههههههههههههههههه

[علي سهيل]

الله يغفرله واموات المسلمين

[MEDO598]

يا شباب انا رحت بنفسي لفندق موفنبيك الرياض يقول و الله لا عندنا جامعه ولا شيءو رحت و سألت اكثر من شخص كلهم اكدولي ان لا يوجد جامعه او كليه في الفندق
يعني السالفه و الله اعلم كذب و ذا هو قاصد الكذب الله لا يوفقه لافي الدنيا وولا في الأخره و ياليت من الاخوه المشرفين اقفال الموضوع و طرد العضو