تسجيل الدخول

مشاهدة النسخة كاملة : ساعدوني لاجتياز هالمادة اريد ان اتخرج ؟!

Eric
2016- 2- 16, 07:45 PM
ياجماعة الخير باقيلي التلاوة والتجويد وأتخرج
أنا لم أوفق في اجتياز المادة لثلاث مرات وهاذي الرابعة
آمل النجاح و التخرج بإذن الله ابي طريقة او حل لاجتياز الماده لجل التخرج
افيدوني بطريقة مذاكرتها او حفظها فوالله انها من اصعب المواد علي
ومع جزيل الشكر والامتنان لكم جميع
سـلـطـان♕
2016- 2- 16, 07:54 PM
ذاكر من الان وشد حيلك والنماذج السابقة في الاختبار اللي مرت عليك راح تفيدك والدعوة سهالات الاختبار كله اختيارات وبإذن الله تتخرج وبالتوفيق للجميع :rose:
...mlak
2016- 2- 17, 10:52 AM
.............................
اربع مرات يا أخوي ومانجحت ..!
أكيد فيه خلل .. يا إنك ماذاكرت ودرعمت أو إنك قاعد تذاكر محتوى حق الجيران أو مدري؟؟


الماده جداً جداً سهله لآتصعبها..
أهم شيء ذاكر من بداية الترم ..أمسك الملزمه بيدك وتابع المحاضرات
( أفهم واحفظ لآتحفظ من دون فهم) ....ورآح تعديها وينجاح بإذن ربي ..


وإذا مانفع معك دوَر حولك شيخ ولاطالب علم أوإمام المسجد خله يساعدك أو هنا بالمنتدى ماراح يقصرون...




وتراها ماده وحده وتتخرج.. شد حيلك عليها هالترم وبإذن ربي تقدر تجيب 100 بس ذاكر أول بأول..
والله يوفقك والجميع.وبإذن الله الترم الجاي تكون من المتخرجين .


................................
(نواف)
2016- 2- 17, 12:04 PM
مادة ذي كثير يرسبون فيها مستغرب وكم مرة يرسبون يبدو الخلل من دكتور نفسه أو تصحيح
نجمة وسط السماء
2016- 2- 17, 01:49 PM
أنا سبق ورسبت فيها في بداية دراستي .. لكن الحمدلله المرة الثانية اجتزتها .. تدري شلون نجحت فيها .؟؟؟ طريقة سهلة ..
تابعت المحاضرات بتركيز جيد ، كل الأمثلة اللي يذكرها في المحاضرات المسجلة والمباشرة تكتبها في ورقة وتحفظها مع حفظ التعاريف الموجود في المحتوي .. وأن شاء الله تجتازها ...
ترا أسئلة الأختبار بعضها من الأمثلة اللي ذكرها في المحاضرات .. بالتوفيق
خيالات حالم
2016- 2- 17, 03:19 PM
ارسلت لك رسالة خاصة وانشاء الله اقدر اساعدك
oOo saudi oOo
2016- 2- 17, 03:47 PM
سهله يالغالي

جيب لك مدرس تلاوة وتجويد وبإذن الله راح تتسهل عليك وراح تلاقي أكثرهم من أخواننا المصريين






بالتوفيق
جنوبي في تبوك
2016- 2- 17, 07:54 PM
أسأل الله العظيم رب العرش الكريم أن الله يفتح عليك ويسهلها عليك اخوي يبدو مانت متذوق الماده انصحك
ادخل دوره تجويد وبإذن الواحد الأحد تتسهل عليك
جنوبي في تبوك
2016- 2- 17, 07:58 PM
إذا منت فاضي ادخل على شروحات بنفس اسم الدرس عاليوتوب واكتب إذا في ملاحظات أو شيء أذكر اسئله الدكتور حلووه ماشاءالله
إلا إذا انه تغير
اخوي انا درست هالماده وكنت في دوره تحفيظ فيمكن هذا سهل لي بعد الله
ولااخفيك أخذت فيها ممتاز ماشاءالله عقبالك أسأل الله المعبود الذي لا يعجزه
ولا يغلبه شيء...،
تاج راسي امي
2016- 2- 17, 08:08 PM
الماده سهله احفظ الاحكام و طبقها و اغلب الامثله معاده يعني الماده هذي بالذات لرفع المعدل

انصحك تتابع المحاضرات شرح الدكتور فيها بطل
a3mr
2016- 2- 17, 09:01 PM
الماده سهله جداااا لانها تعتمد ع (قاعده) وتطبقها ع الامثله
تابع مع الدكتور المحاضرات ودون كل شي يقوله
وبالاختبار اقراء السؤال ولااااااا تنظر للخيارات لانها راح تلخبطك اذكر اني كنت فاهم كل شي والاسئله لخبطتني
وكنت اغطي ع الخيارات ما اشوفهم واحل المثال وبعدها اختار الجواب الصح من الخيارات

كذا سهلت ع نفسي ولا حاستني الخيارات
والحمد لله اخذت ممتاز
نوف اسعد
2016- 2- 18, 02:55 AM
اذكر اني ذكرتها مرتين المره الاولى مافهمت شي وكنت شايله هم والمره الثانيه مسكتها قبل الاختبار ب اسبوع وذكرتها بتركيز حبه حبه والحمدالله نجحت يبي لك اشوي تركز وعيد مذكرتها اكثر من مره
nuha ash
2016- 2- 18, 05:28 AM
المادة أكثر من سهلة ذاكرتها ليلة الاختبار فقط وحتى ماتابعت مع الدكتور لإن كلامه كثير وكنت أسرح وجبت فل مارك فيها
والمحتوى قصير جدا ونصه درسناه من رابع ابتدائي !


غريبة جداً جداً عدتها كل هالمرات ومانجحت فيها !!
المحترمه
2016- 2- 18, 10:11 AM
تم نقل الموضوع من قسم ملتقى طلاب التعليم عن بعد جامعة الملك فيصل (http://www.ckfu.org/forumdisplay.php?f=183).

الرد آلي للعلم
Abdulaziz- Al.Naim
2016- 2- 18, 10:34 AM
ذاكر سهل جداً خصوصاً الاخفاء والاظهار والادغام كلها تعاريف اذا فهمتها وحفظتها تقدر تطبقها بالايات القرانية سهله جداً وعليك بالاسئلة الاعوام الماضيه وتنجح بأذن الله انا اخذت فيها a+ ان شاء الله ترتفع معنوياتك بالتوفيق ان شاء الله - تحياتي