ابي حل عاجل

[رفيف.]

صباح الخير جميعاً،،، مشكلتي مع التعارض مانحلت انا اخر ترم وعندي 11ماده ومسموح لي ل24ساعه ،، سجلت تسع مواد ومادتين طلعت تعارض مع مادتين ثانيه وكل مادخلت ايقونة التعارض يطلع لي لاتنطبق عليك الشروط ،،راسلت الفريدان ورد علي بسؤال قال هل التزمت بتعليمات وسجلت مقرر وتركت الأخر!!!ورديت عليه قلت نعم سجلت ماده وتركت الماده المتعارضه .
ونفس المشكله ارسلتها للشعيبي بس رد علي قال ،،،" لا والله ما يقبل هذي الشروط من فتح التعارض وموضحه للجميع وتم التنبيه بعدم ترك المواد الاولى للمستويات الاخيرة مما يسبب تعارضات في الجداول "
يعني الحل ادرس ترم تاسع عشان مادتين:Cry111:
اللي عنده خلفيه او تجربه سابقه عن الموضوع يقولي :sdfgdsf:
تعبت والله من فتحت ايقونة التعارض وانا حاولت بكل الطرق

[ممموني]

والله ماعندي خلفيه لكن الله يفرررجها عليييك وتنحل مشكلتك

[عبـدـآلـلـه]

الي مر علي بالمنتدى من أحد الأعضاء نفس مشكلتك خريج اخر ترم وعندة تعارض مادتين عشان يتخرج وبراسلهم ووافقو على طلبة لأنه خريج وصعب أنه يجلس ترم عشان مادة بس أنتبهي اذا تمت الأمور أن شاء الله على خير في وقت الأختبارات لازم تروحين للمشرفة حقت المركز وتبينين لها أن عندك كذا يوم في أختبارين في نفس الوقت عشان ما يكون الوضع غير معروف عندهم تطمني وانا خوك سبق ومر عضو في المنتدى ونزل موضوع نفس مشكلتك وأنحلت المشكلة وأختبر في نفس اليوم أختبارين واليوم الي بعدة أختبارين بس الله يعينك تسلمين ورقت الأختبار وتاخذينن الثانية يعني في نفس الفترة تختبرين أختبارين بس يسهلها الله و الأمر بسيط أنتمنى لك التوفيق ولكل مسلم.

[soma*]

ان شاءالله تنحل المشكلة واذا لا سمح الله ما انحلت تبلغين المشرفه وقت الاختبار انه عندك تعارض وأنك على وشك تخرج ان شاءالله تكون متعاونة يعني اذا يمديك تخلصين الاختبار في ساعه وتروحين للثاني اذكر قريت ان وحده سوت هالشي لان ما كان في مل غيره

واذا ما تقدرين وباقي وقت انسحبي من مادتين او اكثر واسترجعي المبلغ والشكوى لله

[رفيف.]

الي مر علي بالمنتدى من أحد الأعضاء نفس مشكلتك خريج اخر ترم وعندة تعارض مادتين عشان يتخرج وبراسلهم ووافقو على طلبة لأنه خريج وصعب أنه يجلس ترم عشان مادة بس أنتبهي اذا تمت الأمور أن شاء الله على خير في وقت الأختبارات لازم تروحين للمشرفة حقت المركز وتبينين لها أن عندك كذا يوم في أختبارين في نفس الوقت عشان ما يكون الوضع غير معروف عندهم تطمني وانا خوك سبق ومر عضو في المنتدى ونزل موضوع نفس مشكلتك وأنحلت المشكلة وأختبر في نفس اليوم أختبارين واليوم الي بعدة أختبارين بس الله يعينك تسلمين ورقت الأختبار وتاخذينن الثانية يعني في نفس الفترة تختبرين أختبارين بس يسهلها الله و الأمر بسيط أنتمنى لك التوفيق ولكل مسلم.

الله يجزاك خير ياأخوي ،،ويعطيك العافيه ،يعني زين فيه أحد نفس وضعي ،،راسلت الفريدان مره ثانيه وانشاءالله خير يارب

[رفيف.]

ان شاءالله تنحل المشكلة واذا لا سمح الله ما انحلت تبلغين المشرفه وقت الاختبار انه عندك تعارض وأنك على وشك تخرج ان شاءالله تكون متعاونة يعني اذا يمديك تخلصين الاختبار في ساعه وتروحين للثاني اذكر قريت ان وحده سوت هالشي لان ما كان في مل غيره

واذا ما تقدرين وباقي وقت انسحبي من مادتين او اكثر واسترجعي المبلغ والشكوى لله

مشكوره حبيبتي على ردك ،،، بس المادتين ماتسجلت عندي انتظرت لين تفتح ايقونة التعارض اسجلها وماتسجلت يعني حتى لو لقيت مشرفه متعاونه لازم تكون الماده مسجله عندي :Cry111:الله ييسرها يارب وبالتوفيق لي ولكم يارب

[المحترمه]

عزيزتي إن كنتِ مستوفيه الشروط مؤكد راح
يستجيب معاك النظام ... حاليا تم إغلاق الأيقونه
عليك رفع الطلب للدعم عبر أيقونة الإستفسارات
وراح يتم تسجيلها بإذن الله وراح تأخذ وقت لإضافتها
في النظام ... بالتوفيق