محتاجه مشورتكم

[غلا الجوري]

صباحكم رذاذ مطر بفجر الدمام الجو منعش هالكم يوم

محتاجه شوركم علي بما اني اخذت بطاقة تصنيف الهيئة ومن استلمتها صادفتني ظروف كثيرة وبصراحة كنت متأمله اني اصبر متى ماتسهلت مع وظايف المستشفيات الحكوميه لكن بعد قرار امكانية توقيع الوزير على استبعادنا خفت فكرت اني اقدم بالمستشفيات الخاصه مع اني جد اكره استعباد القطاعات الخاصه بشكل عام

ودي اي احد منكم توظف بمستشفى خاص يقول لي كيف طبيعة العمل هناك وهل ينصحني اشتغل وساعات العمل كيف وهل تسوا

واذا احد منكم يعرف مستشفى في الدمام او الخبر يرغب لتخصصنا وينصحني فيه


اكون شاكره لكم :106:

[غلا الجوري]

24 مشاهدة ولا رد

[خليفه المطيري]

مزاولتك العمل في مستشفى الخاص تكسبك خبره بالعمل وزياده عليها تشفع لك كتوظيف في القطاع الحكومي ف أبدئي بالخاص ومشي امورك اذا ارتحتي واصلي لين يجيك تعيين بالمستشفيات الحكوميه

[احمد الصاع]

صدر شي رسمي ولا بس كلام

[غلا الجوري]

ماصدر شي رسمي بس كل شي متوقع منهم من بعد حركة وزير التعليم

[حواء ال المدينة]

مافي شئ رسمي ياغلا وماعليك من كلام الوزير مايقدر يسوي شئ
كلمة قالها وسحبها يعني تطمني ان شاء الله الامور طيبة
شوفي التقويم تبع الخدمة المدنية في وظائف صحية راح تنزل قريب قدمي فيها وتوكلي على ربك المطلوب فقط شهادة تصنيف من الهيئة

[ابوغرام2]

مثل ماتفضلو الشباب تزيدك ثقه وخبره لين مايجيك تعيين باْذن الله
لكن عندي سوْال بالنسبه لتصنيف السي بي أر المطلوب عربي ولا انجلش؟