تسجيل الدخول

مشاهدة النسخة كاملة : جامعة الملك فيصل تجمع طالبات ماجستيير تاريخ لعام 1437-1438

تاريخية قطرية
2016- 3- 16, 09:54 AM
السلام عليكم ورحمة الله وبركاته


انا مقدمه على تخصص تاريخ اسلامي

حبيت نسوي تجمع ندردش فيه


انا عن نفسي تعبانه نفسيا من كثر ما احاتي النتيجة


وافكر في كل شي حتى في المحاضرات اقول يعني اذا انا من بلد ثاني


كيف اجي للمحاضرات وكيف الوضع وكل شي افكر فيه
تاريخية قطرية
2016- 3- 17, 03:06 PM
مافيه احد
حفصه الدوسري
2016- 3- 17, 03:47 PM
الله يوفقك وييسر امورك لاتحاتي الله كريم
ومااحد بياخذ الا المكتوب له
( علمت ان رزقي لن ياخذه احدا غيري فاطمئن قلبي )
تاريخية قطرية
2016- 3- 17, 06:12 PM
الله حلو هالكلام


انتي معنا في التاريخ الاسلامي
حفصه الدوسري
2016- 3- 17, 06:54 PM
تحلى ايامك حبيبتي

لا مو معاكم
تاريخية قطرية
2016- 3- 17, 07:32 PM
اي تخصص
حفصه الدوسري
2016- 3- 17, 08:38 PM
درست في كليه التربيه تخصص تاريخ وبعد التخرج سجلت في كليه التقنيه بالاحساء




تمنيت ادرس ماجستير تاريخ اسلامي
لكن الدوام مسائي وغير الوالد الله يحفظه معارض اكمل ماجستير في الفتره المسائيه
يقول لان الباصات فاضيه في الفتره المسائيه ومامعي طالبات في الباص
عشان كذا خايف عليا
ولا كملت ماجستير
الحمدلله على كل حال
مو مكتوب لي ادرس ماجستير
اتمنى تتطور جامعه الملك فيصل ويصير فيها ماجستير عن بعد
او الدراسه تكون صباحيه للماستر
تاريخية قطرية
2016- 3- 18, 11:25 AM
صدقيني دام تركتيه لمرضاة الله والوالد راخ ربي يعوضش باللي اخير واحسن منه
حفصه الدوسري
2016- 3- 19, 10:49 PM
الله كريم

الحمدلله على كل حال
تاريخية قطرية
2016- 3- 20, 11:26 AM
كل ما اسمع صوت مسج يجيني ارتباك عام
مـلاك
2016- 3- 21, 05:39 PM
الله يسر أمرك ويكتب لك القبول والتوفيق
تاريخية قطرية
2016- 3- 22, 07:09 AM
الله يجزاش خير
الله اكببر
2016- 3- 26, 11:15 PM
السلام عليكم من اللي ارسلت لها الكليه تاريخ اسلامي
انا الحمدلله ارسلوا لي
خلونا نتساعد عن اسئله المقابلة
تاريخية قطرية
2016- 3- 27, 06:15 AM
انا بعد ارسلو لي انتي كم الساعه كاتبين لش
الله اكببر
2016- 3- 27, 05:30 PM
٣ العصر
تاريخية قطرية
2016- 3- 27, 07:56 PM
وانا بعد
FooFooo
2016- 3- 28, 01:47 AM
•••المقابله الشخصيه•••
أهليين بناات ..حبيت افيدكم بالمقابله الشخصيه حسب طريقتهم في الاعوام السابقه بس اهم شي "الثقه بالنفس وعدم الارتباك"طبعا بالقاعه راح يكون فيها اكثر من دكتور
اول الاسئله:
الاسم بالكامل
مكان دراسه الكليه
تاريخ التخرج من الثانوي
تاريخ التخرج من الكليه
مكان الميلاد
تاريخ الميلاد
الحاله الاجتماعيه
رقم الجوال
اخر كتاب قرأتيه
سبب اختيارك لدراسه التاريخ الاسلامي

وبعدها كل دكتور يسألك كذا سؤال في التاريخ الاسلامي..

بعض الأسئله من الاعوام السابقه:
•اذكري مصادر التاريخ الاسلامي
•ارخي للمعارك التاليه:فتح مكه/غزوه احد/غزوه بدر/غزوه تبوك
•تكلمي عن الحجاج بن يوسف الثقفي
•ابناء الرسول ﷺ
•عن المماليك والايوبين
•علماء في التاريخ الاسلامي وبماذا اشتهروا
•حكام الدوله الامويه
•تاريخ مولد الرسول ﷺ ووفاته

..وبالتوفيق للجميع❤️
FooFooo
2016- 3- 28, 06:37 AM
ملاحظه**
مقابله العام الماضي كانت مع:
د/عبدالرحيم
د/مهند الدعجه
د/عذاري الشعيبي
د/هند الودعاني
تاريخية قطرية
2016- 3- 28, 07:03 AM
مشكوره اختي ماقصرتي فعلا ساعدتينا الله يوفقك يارررررب
غصون الازهار
2016- 3- 31, 09:14 PM
يعطيك الف عافيه فوفو
في ميزان حسانك يارب
غصون الازهار
2016- 3- 31, 09:15 PM
بنات شنو اسماء الدكتورات للتاريخ الاسلامي

اللي سووا لكم المقابله
تاريخية قطرية
2016- 3- 31, 09:34 PM
الدكتوره عذاري الشعيبي ووحده سودانيه ما اعرف اسمها
FooFooo
2016- 4- 1, 05:59 AM
قسموا البنات قسمين القسم الاول يقابلهم :
د/مهند. د/عذاري. واظن معهم د/هند الودعاني
القسم الثاني :
د/عبد الرحيم. د/ سودانيه. د/ مصري
للأسف مأعرف اسماءهم ....
غصون الازهار
2016- 4- 1, 07:44 AM
شكرا جزيلا
الله يوفقكم يارب
تاريخية قطرية
2016- 4- 1, 11:33 AM
امين الله يجزاش خير
شهرزاد بغداد
2016- 4- 1, 03:16 PM
في حد سأل متى ممكن تطلع النتايج ؟
غصون الازهار
2016- 4- 1, 03:55 PM
في شعبان النتايج
تاريخية قطرية
2016- 4- 1, 09:17 PM
يارب توفقنا