موضوع مميز / فيصل العدواني

[ليلاس]

http://store2.up-00.com/2016-02/145537071284641.gif
http://store2.up-00.com/2016-03/145840948268731.jpg


فيصل دخيل العدواني، من مواليد 12 فبراير 1983 في الكويت، لاعب كرة قدم كويتي. و قد كان يلعب في نادي النصر الكويتي، وفي ديسمبر 2006 أعير إلى نادي كاظمة لمدة عام وقد رجع إلى نادي النصر الرياضي. والآن معتزل كرة القدم.


واصبح الان شاعر جزل مميز , وذات قلم يلامس القلوب ,


له ديوان (غيبتك )



يتبع ..




WIDTH=0 HEIGHT=0

[ليلاس]

http://asset-1.soup.io/asset/9911/5999_1a43.gif

شد حيلك
في جروحي..
خل هذا الجرح يكبر
أجتهد..
عذب لي روحي
طيح من هالعين أكثر
بس تدري ياأناني..
هالجروح أكبر هدية
بينت لي شخص ثاني
ياقسى قلبه عليه
أشكرك...
من كل قلبي
كثر ماقصرت فيني
لكن أحلف لك
وربي
قدرك أنهيته بعيني..
شوف أنا أتعلمت منك
كيف أنا أجرح
وأنام
حتى لو خيبت ظنك
ماأقول والله حرام
شد حيلك في جروحي
خل هذا الجرح ...يكبر

[ليلاس]

http://eshqq.com/love/loveimg/2014/03/8.gif


السهر والنوح وحروف القصيد
هم زهابي لنتشى فيك الخيال
إن ضحكت الدمع بعيوني يزيد
وإن سليت الهم لوحلي تعال
وإن غفيت أغفى على جرح جديد
وإن وعيت أشوف قربك لي محال
تاهت الخطوه على الدرب البعيد
والمشاعر همها ذاك السؤال
هو صحيح اللي مضى يرجع يعيد
وترجع أيام المحبه والوصال
ولو صحيح الحب به عبد وسيد
أنت سيدي وانتي عمي والخوال
صاحبي ياقرب من عروق الوريد
خذ حياتي كلها بيدك حلال
والسهر والنوح وحروف القصيد
خلهم للي عشق حلم وخيال
http://store2.up-00.com/2016-03/145841156033721.gif
http://24.media.tumblr.com/tumblr_m2r58bIigq1r621gdo1_500.gif


بتغيب يعني لو تبي تغيب وتروح
منت بأول شخص عن دنيتي غاب
عادي توكل يابن الأجواد مسموح
أنهي المحبة و خلها خوة أصحاب
و إلاتمهل .. ليه أصاحبك ويلوح
برق يشيل بغيمته رشة عتاب
أخاف يضعفني ويضعفك وينوح
ورق يغني ذكرياتك ولا تاب
ارحل عسى درب الجفافيه مصلوح
وانا با أسكر دون طاريك هالباب
وان جيتني عاني ترى منت مسموح
ماتنفعك قولتك " فالماضي أحباب "
جنب خفوقك لحظة الضعف والبوح
والعذر ماينفعك لو تبدي أسباب
درس تعلمته بعد عداة اجروح
وكان الثمن أغلى من الحظ لوطاب
فقدت نبضي و انطفت عقبها روح
والميت ما تحييه دمعات الأهداب
والحين كانك ناوي تغيب و تروح
ارحل ولاني مرتجي واحد غاب

[ليلاس]

http://25.media.tumblr.com/tumblr_lhrc3go7bz1qexdnho1_500.gif

......

بدري حبيبي تعال اجلس هنا اقبالي
ودي أملي عيوني وخاطري بشوفك
أجلس يا دوبك وصار الوقت يهنالي
مدام سمحت لك الأيام وظروفك
ياما وياما سهرت الليل يالغالي
ارسم خيالك وعانق بالهوى طيوفك
واكتب قصايد نثرها الشوق في بالي
وأفرح إذا ما زهاها حرف بالحروفك
تبغى الصراحه .. احبك يا بعد حالي
وعقلي سلبته وقلبي صار ملهوفك
ما يوم والله أطاوع فيك عذالي
لو هم يقولون جروحي بسبت سيوفك
تبرى جروحي وأحس الكون يصفالي
لا صرت يمي وكيفي لامس أكفوفك
بدري حبيبي تعالي وخلك اقبالي
وبالله كمل علي اليوم معروفك

[ليلاس]

https://scontent.cdninstagram.com/t51.2885-15/sh0.08/e35/p640x640/12237494_937275736319452_1998782989_n.jpg?ig_cache _key=MTEzNDIyODI0NTA0Mzg1MTM4Mw%3D%3D.2

قصيدة الطيش - فيصل العدواني

تدري ان الطيش ملح الحب كله
خص لامن صار ممزوج بحماقه

لوتجرب تدري هرجي في محله
وش خذينا من تصرفنا بلباقه

الجنون احيان يبري الف عله
لو بعدنا العقل وخالفنا سياقه

موضروري نتركه مره ونفله
عالأقل شوي بنضيق نطاقه

كان شفنا الشوك ياسمينه وفله
والهجير امطار سالت بإندفاقه

والحزن فرحه زمان مسفهله
ابتسامة طفل تهدا وسط باقه

خل خوفك هالمسار وحدي ادله
لاتهوجس في عواقب الانزلاقه

انت عزم واترك اطبوع ممله
والطريق اسهود مابه اي اعاقه

هاه وش رايك بعد ماقلت كله
ودك انجرب نطيشها بحماقه

بعدها تحكم كلامي في محله
او نرد انحب غصب في لباقه





http://www.htoof.com/up/uploads/13821123831.gif



امسح دموعك ولا تطري الوداع
ولا تقول ان الهوا ذا مستحيل..


قبل لاتحكم علينا بالضياع
راجع اوراق الامل تلقى سبيل..


وان عصاك الوقت يازين الطباع
كف دمع العين والرمش الضليل..


واذكر ايام مشينا باندفاع
مانعرف الياس في ليل طويل..


يوم نزرع حبنا في كل قاع
ونقنع بحلو الامل لو هو قليل..


حبنا صافي ولامسه خداع
يرسم الفرحه على القلب العليل..


مثل مركب كنت واشواقك شراع
يبحر المركب ولو حمله ثقيل..


مايهمه موج وبحور وساع
مرتكي للميل لو طال الرحيل..


طالبك حاول بقد المستطاع
لاتروح وتبتعد يا اغلى خليل..


وامسح دموعك ولاتطري الوداع
وان نويت البعد خذ دمعي بديل..





http://www.htoof.com/up/uploads/13981921881.gif

كيف مدري وين وصلت حالتي الله عليم
من بعد ذاك الغرام اللي علي الخافق طرا
ان ركد عقلي وجاشي زارني ذاك اللئيم
هاجس ماقد رحمني وبدد احلوم الكرا
والله اني بعين ربعي رجل مايفنيه ضيم
وقبلهم في عين نفسي مادنت نفسي ورا
لين صرت ابمجلسي مليان يامحمداهيم
ماحيط العلم لو صاحب من اصحابي زرا

كني من صابه بغفله مس شيطان رجيم
لارقدوا خلق الله هجع ودك في ليل وسرا

مايرد لراي عاقل لاولاكلمه فهيم
اعتلى قمة جنونه لين كل به درا

من بعد ماكان راس القوم وبفعاله عديم
صار من يرأف بحاله من تذروبه ذرا

كل من شافه صفق كفيه وقال الله الرحيم
والسؤال نفس الاجابه هو برا لاما برا
والنتيجه ماي مقري وبعض من الذكر الحكيم
قالها من خاف به مطوع عنده قرا
هز رأسه ثم تلفت..كان هالموقف أليم
مالكم الا دعاء الرب رزاق البرا
وهذا انا ياخوك يا محمداوالله العظيم
حالتي تصعب على الكفار باللي بي جرا
كن الموت ارحم ولا استوا حالي سقيم
ارحم بمليون مره ولا ارا هاللي ارا
ماقوى قلبي يتناسى وصار حزني له نديم
كنه مع قلبي قرايب وسط هالحدب اخشرا
ويوم حال الحال دوني كل ما حولي جحيم
تهت انا في سوق بايع لامدري منهو اللي شرا
الوكاد اني ابمصيبه ولاني عن هذا غشيم
ولايفك العوق ربع لا ولا حتى اعشرا
بس مدري وين وصلت حالتي الله العليم
والسبب ذاك الغرام اللي علي الخافق طرا

[ليلاس]

ترا لازارني طيفك بوحشة ليلي المسكون
اضمه حيل بجفوني واحسه داخل احداقي
-
ولامن قال ضايقتك؟ اردد لاتخاف اتمون
ابيك اكثر تلامسني و بطفي منك اشواقي



......................................




ماكنت ابيها تصير، واليوم صارت
هاللحظه هذي .. ماتمنيتها تصير
-
اوادعـك واشـوف دمعتــك حــارت
واهمس لك بحسره"اشوفك على خير


..............................................


ترا الدمعه طهور العين.. وتغسل صوره الغيّاب..
بعد كانو كثير قراب..
لأن وجه الجفا قاسي..
ولاله اصحاب..
بكت منه الجفون إليين..
بقايا صورتك راحت ..
وحب سنين ..
ولا عدنا بعدها احباب
-
.........................................

يشوفون المطر فرحه وانا اشوف المطر ذ****
تبلل وجهي ادموعي وتستر دمعتي المزنه
-
امانه وش ينسيني ..انا من وين رحت القاك
وحتى الحزن بعماقي .. حزين وكارهٍ حزنه


..............................................


شسولف لك ؟!!
بعد طول الغياب اللي كلا ضلوعي
وباح الحزن .. ودموعي
تبي اكذب / واقول بخير
انا ويني ووين الخير
لو احلف لك ..
شسولف لك !!



.....

[ليلاس]

https://scontent.cdninstagram.com/t51.2885-15/s640x640/sh0.08/e35/12747804_231769357164072_265309085_n.jpg?ig_cache_ key=MTE4NzA4NjQ5NjUyNzMyMzQ1NQ%3D%3D.2

قصيدة ايه احبك والهوى فيني دفين - فيصل العدواني



لو يضيق الوقت والدنيا تشين
وشمسنا تشرق علينا من شمال

ولو يطوف العمر ايام وسنسين
ماتغير حبي لك يابن الحلال

ايه احبك والهوى فيني دفين
واعشقك والله هجران وصال

ايه احبك ايه احبك مرتين
مرة للود واخرى للدلال

دامك اللي بالقسى عيى يلين
مخلص دايم ولافيها مجال

الوفى طبعك وبك دايم يزين
شعر مجنونك ويصبح عال عال

منهو غيرك فسر اسرار الحنين
ومنهو غير امتلك قلبي وطال

ومنهو غيرك بدل ادروب الانين
في دروب نورت كل الليال

وانتشى قلبي لذاك الحب لين
اختلط حلوى الحقيقه بالخيال

واصبح الخفاق في حبك رهين
والحنيا العوج لك بيت وظلال

والله اني عاشققك والعشق دين
ولستمع بك عاذل كذب وقال

والله اني ماوهبت الروح دين
العطا وارث من عم وخال

[ليلاس]

أيا حمام الدوح يا ساكن الدوح
لاوهنيك كل ماضقت ترقا
وأنا عليك أشكي علي غير مصلوح
والعين ماجفت لها أيام غرقا
تنوح لي وأنوح..وتنوح.. وأنوح!
لكن بين النوح.. والنوح فرقا
نوحك طرب ماصيدك هموم وجروح
وأنوح لك مونس من الجاش حرقا
يهيم بي حزني وأنا هالك الروح
والهم يطرقني على كل طرقا
ماقلت مسموح ولا هو بمسموح
لاشك خاواني ولا منه فرقا
http://store2.up-00.com/2016-03/14584143923261.gif
قصيدة حياة التناتيف - فيصل العدواني
هذه القصيده قالها الشاعر فيصل العدوانى
مخاطبآ فيها أبن العم : ناصر بن دغيم المجنون العدوانى
ياناصر المجنون خب المطيه
وأنا رديفك يا أبن عمى ولك سيف
لا بارك الله برجل مابه حميه
من مركز القوه يجى عزمه ضعيف

البارحه و البارحه سرمديه
تقفى بى الأفكار شرد ومناكيف

هيفية الهوجاس أضحت قويه
تهيف بى وأهيف ..وتهيف وأهيف

نوب(ن) تحط بذيك ونوب(ن) بذيه
فى سهله ولا بروس المشاريف

لكن عليك الله وجاهة نبيه
ياصاحبي وأن كان مابه تصاريف

وأنا بدوى(ن) لا تضايق خويه
أسوق عمرى للمهالك ولا أعيف

وأشيش لامن شفت نجد العديه
وأخاف.. من قولة حكومه وتوقيف

بس البلا لامن بلتنى بليه
من دون ماجوبى وحد المراهيف

أبيح جرمى وأقترفه بأيديه
وأقول جملنى ياربى على الحيف

طبع توارثته بجينات حيه
لا شك ما والم حياة التناتف

أجسر على حلو الزمان ورديه
ولا همنى من يجمع المال بجنيف

وذلحين يا المجنون خب المطيه
وأنا رديفك يا أبو دغيم ولك سيف

ولا بارك الله برجل مابه حميه
ومن مركز القوه يجى عزمه ضعيف
http://store2.up-00.com/2016-03/14584143923261.gif
قصيدة خلها على الله ماهي أول خساره - فيصل العدواني

خلها على الله ماهي أول خساره
وياقلبي إصبر يمكن تكون خيره
إن كان ماوده يجي بإختياره
اللي خلقه الله خلق ناس غيره
ليته عرف هالبعد وشلون ناره
ماكان عندي يبعد ويروح ديره
الشوق بعثرني وطال إنتظاره
يعني خلاص الحب هذا مصيره
فواز عطني من باكيتك زقاره
وخدر لي الشاهي وخليه شيره
بجر صوت ماجلبته الحضاره
ميراث شايب ماختلف في مسيره
بعض الشعر يقثع عليك المراره
وبعضه يداوي كل نفس كسيره
وانا لعبت القاف وأربكت كاره
لكن عفته يوم حاسوا مريره
من صاروا الشعار نوره وساره
وسيمون اسمر هو يقود المسيره
بكره يصير الشعر رهن استعاره
يعني تقبل لو تهيجن شكيره
النفس طابت يوم كشف الستاره
يوم الكبيره تستوي بالصغيره
وادركت مافال جو ياكود فاره
استتبع الماخوذ ثم صار زيره
ودام انها ساحة لوي واستداره
بشوم عنها وياعساها سفيره
بطران لا والله شيخ البطاره
واعز نفسي عن نفوس حقيره
وعزاي بالعطار ورثه عطاره
واللي خدم مهما وصل تبع اميره
بنهي انا الموضوع وش لي بعاره
وارد للي ماتأنب ضميره
خل ظلمني ماعدلني بقراره
هو سبت احزاني وقلبي اسيره
اقفى ولادري وين صارت دياره
والمشكله ماعاد لي معه سيره
قامت تعذر جيته والزياره
وانا جروحي من بعاده خطيره
اومى بكفه وابتسملي بحقاره
وعرفت ريح المسك من نفخ كيره
هو يحسب ان الغدر فن وشطاره
بس مادرى ماطار بالحب طيره
فواز وينك ماتمد الزقاره
لي حروة الساعه ابيلي تعميره
يمكن مع الدخان تطخ الحراره
خص اذا شاهيك ياخوك شيره
وخلها علي الله ماهي اول خساره
واللي خلقه الله خلق ناس غيره



http://store2.up-00.com/2016-03/14584143923261.gif
قصيدة كنتي غلطه وصعب اكررها معاك - فيصل العدواني
إرسمي هالغدر في محجر عيونك
دام صار الوضع متساوي معاك

تجرحين وتظلميني في ظنونك
لين صارت عيشتي شبه الهلاك

كم حلفت وقلت والله ماخونك
وانتي نبض القلب ولادور سواك

وكم جلبت العذر واستدمحت دونك
ولو زعل غيرك انا دور رضاك

وكنت اعض الطرف عن اروع فنونك
الجحود اللي تعلا واعتلاك

عيشي في شكك وتوهي في ظنونك
والحقي الشرهات من وفا بهواك

واخذي هالجمله قبل تغفى جفونك
كنتي غلطه وصعب اكررها معاك

[ليلاس]

http://media.tumblr.com/tumblr_lnethg5TR41qgf7on.gif

ودى أجيلك ومتردد من أسبوع
ودى ولكن خايف(ن) كيف ردك



أخاف تحسب جيتى لك بها خضوع
وتزيد فى كبرك من الغيظ هدك



ما أكذب عليك أن قلت لك منك مفجوع
يا قو باسك كيف طولت صدك



يلوع بى همى.. وأناديك.. ويلوع
قلبى سبايب ما جنيته بيدك



وش فايدة صوتى أذا القلب منزوع
والمشكله مانى على جال حدك



غصب(ن) نقلت الجرح ماهو على طوع
وأصبحت ندك .! كيف أنا أصبحت ندك؟



ياسيدى مانى على الورد مدفوع
لا صار ما تاوى لمنهو يودك



ولا صار مغوينك حواسيد وربوع
ما طاب شئ(ن) فى هواهم يشدك



أسقيت زرع الصد وأنبت له فروع
وحطيت راحة يدك من تحت خدك



وخليت عذال الهواء تدفن الجوع
فينى وتروا من مشاريب عدك



مدخلك بالله لا يقولون مخدوع
أرفق عساها ذكرياتى تردك



وأن كانت الرده مثل حبت الكوع !!
الله حسيبك والليالى.. تضدك

[ليلاس]

على كف القدر والحب ظامي والرجا حيران
على كف الزمن ضاعت سنيني مع لياليها

تضيع بداخلي بسمه ويظهر للشقا عنوان
واذا بانت بوادرها عذاب الهجر يخفيها

واحس ان الجفا يمشي بدمي داخل الشريان
يعذبني..يسهرني..ليالي مر حاليها

عجزت ولابقابي حيل وانفاس الوصل هجران
تعبت اسأل ليال الصمت جروحي كيف أواديها؟

تجاوبني ليال الصمت وتحرق قلبي الهيمان
تقول:شموع امالك حلفت اني لطفيها

مدام انك على دربي ابعطيك العذاب الوان
وازيد جراحك بصدرك ولا لك من يشافيها

ياليت اقوى ولو لحظه اسلي خاطري بنسيان
الم جروحي واهاتي من الدنيا وبلاويها

نخيتك يامل ضايع نخيتك تطوي الحرمان
نخيتك ترسم الفرحه على حزني وترضيها

والا يالله يارازق عبادك يارفيع الشان
تفرح قلبي الملهوف قبل ماروح تنهيها
http://cms.azoz-star.com/smile_albums/seprate/11910288516732.gif
لا تعاتبني دخيلك انتهى وقت العتاب
دام ما للحب قيمه ويش له نعيد ونزيد

ودامك اللي للخطايا مشرع عشرين باب
العتب ما ظن يقدم لا ولا حتى يفيد

من هويتك وكني الظامي ويتبع له سراب
لا اقترب يمه تلاشى وابتعد عنه بعيد

حاير تاه بدروبك ولا نقل غير الصواب
كم نزفه الشوق لجلك وللأسف قلبك جليد

وكم تعثر به سؤالي ولا لقى منك جواب
غير جورك والتجني ما جنى شي جديد

اشهد ان الحب كافر وأكثر أيامه عذاب
لا غدى منهو تحبه قاسي رايه عنيد

وعشرة فيها مذله يا عساها للذهاب
ليتها تفنى وتبقى عزة عيت تبيد

لجل لو حتى طرى لي وصلكم قلت الغياب
ولا اعتزمت إلا رحيلي والشديد

بتركك يا حب عيا ينجلي عنه الضباب
أيه نعم هذا قراري وانتهى قدرك أكيد

وكان قصدك في مجيك تفتح أبواب العتاب
أنصحك وفر كلامك لا تعيد ولا تزيد
http://cms.azoz-star.com/smile_albums/seprate/11910288516732.gif
مسرحيه صارت الدنيا بعيوني
وانتي اجدر من لعب دور البطوله

ياملاك الحب عفوا ياجنوني
لو سمحتي بخاطري شي بقوله

بسألك وشلون خابت بك ظنوني
وكيف هانت عشرتي معك بسهوله

وليه كنت توصفي حالك بدوني
مثل وادي ينتظر تجري سيوله

هو غبا مني تسير ني شجوني
او غبا اتبع خفوقي في ميوله

او غبا صديت عن ناس نهوني
ثم ضربت الكون في عرضه و طوله

وانصحوني وانصحوني وانصحوني
لا تجي خطوات رجلينك عجوله

وكنت اكابر و احلف انك ماتخوني
لين جتني طعنتك في صدر يوله

فعلتك تمخا و يبقى يافتوني
شي واحد وان سمحتيلي بقوله

انتي اعلم من اكون ومن تكوني
والجبل ما هزته ريح خجوله

[ليلاس]

قصيدة لاترتبك- فيصل العدواني

لاتربكك كلمة نطقها لساني
لاصرت تدري مالي غيرك بهالكون

في موقفي خلك مجرد ثواني
من غير لاتسأل ابد كيف وشلون

يعني تشوف الحال في وضع ثاني
والغيره تسلب حكمتك منك بالهون

والشك يزحم خافقك والمحاني
لن العقل يفنى ..ويسكنك مجنون

ساعتها تعرف من القهر وش بلاني
لما يتساوى طعم دنيتك واللون

والله لو لحظة تصير بمكاني
مالمتني بقولي ولا امسيت مغبون

اطلق حجاجك..مو عشانك عشاني
مقدراشوفك ضايق البال هاللون

ادري جرحتك والعذر مامداني
اجمعة بيدي وخابر ابليس ملعون

ولاتربكك كلمة نطقها لساني
لاصرت تدري مالي غيرك بهالكون..



http://cms.azoz-star.com/smile_albums/seprate/11910289095045.gif


مشكور ماقصرت لكن طالبك ماعاد أبى
غير الرحيل أستأذنك وسبوق قلبى فلها

ماعدت قاوى للحمل شف كيف غاد(ن) منكبى
هزل(ن) ولكن طعنتك لابد ما تفطن لها

ياكم عطيت ولا خذيت الا مرارة مشربى
عقدت أيدينى من هواك ولا عرفت أحلها

يا منيتى مانى غبى هالطيب خلانى غبى
أغض عينى لغلطتك ولا حرام أدبلها

أجرعك مر القسى والله ماتحبى حبى
لكن شمت من الردا والنفس تحمل غلها

مذهب صدوق ومذهبك لاشك خالف مذهبى
والعوسجه قشرا ولا ذكرت بوافر ظلها

وياربعنا روحو ورى النار شبت وحطبى
عصارة أفكارالمخيخ وأشياء كثيره ملها

أتلد بعيونى غضب تزهمنى بأفلح يا صبى
وتثور وتزوع اللهب وأعتا السيوف تسلها

( فواز ) يا حزامى تعال أسمع وحقق مطلبى
والكايده خابرك دايم بالوزا كفو(ن) لها

أفزع معى فزعت شجاع(ن) يعربى لليعربى
فى وقت ذلان العرب تشكى مرارة ذلها

باكب شعر(ن) ماجنى غير العنا ويا تعبى
واليا أنحنى عزمى ياخوك أثقل همومى أشتلها

أربكت لكن للاسف مادسم الوقت شنبى
تمنعنى شيمة شايب(ن) كن الضلوع أحتلها

غايب ولكن حاظر(ن) ذكراه يحيابى وبى
من عالى شموخه همم ماتنثنى عن حلها

يالله سترك لا يبيد الجبل وتخر أركبى
قدام من يفرح على زله من قبل أزلها

ياخوك مايجرح سوى من يدبى لكسرك دبى
أرجال لكن طبعها تخجل توصف دلها

ودك أتبدل شمغها بشيال ورهاف العبى
تحرم عليها عقلها وأشنابها عارن لها

(فواز ) والدنيا متاع ولا دامت لوجه النبى
شف كيف هذا يتلها وشف كيف هذا يتلها

كلن يبيها والبلا هذا يبى وهذا يبى
ويقول يالله يا علها وأقول يالله علها

أنحاس مثل الذهب منسوخ مابله كوبى
مغشوش واللى له عنا خسران من دهولها

هبيت يا وجه الزمن اى والله الوالى تهبى
فيك القلوب الوافيه تشكى سبايب قلها

أستغفر الله والقصيد أحيان ينتاب غضبى
لكنه يروى يابسات الأورده ويبلها

وأستغفر الله دام الاستغفار وحده مهربى
أن كان زليت القدم فى قاع ماهى محلها
http://cms.azoz-star.com/smile_albums/seprate/11910289095045.gif
اتمنى ان يروق لكم ..:rose:

..

[عطرالحروف]

ماشاء الله تبارك الرحمن...

الله يعطيك العافية ياقلبي لروحك ..:love080:

[.Perfect]

.



ابداع وجمآل ماشاء الله تبارك الله :004: ,


سلمتي يا ليلاس على هالمجهود الجميل :rose:

[ليلاس]

عطر - منوله

اسعدني مروركم حبيباتي ,, :106::106::004:

[البعد الرابع]

تسلم يمينك

اختيار راقي لشاعر جزل



احترامي وتقديري

[So0oT AlFgEd]

ماشاء الله

شاعر مميز وطرح اميز
الله يعطيك العافيه

+ تقييم

[ليلاس]

ممتنه لمروركم ..:rose:

[أسير نجد]

موضوع مميز ورائع جدا

سملت يدااك ليلاس :rose:

[تك تك مخك معاي]

لي عوده تليق .. ♡

[حواء ال المدينة]

ذووووق وانتقاء مميز لشاعر راائع ومبدع

ليلاس دمتي آنيقة :rose:

[ليلاس]

اسعدني تواجدكم ي احبه :rose:

[Dr ʀeнαв]

_

تميز , ابداع , تألق , عطاء ...
شاعر كبير وديوآن خلآب ..
يعطيك العافيه ياملي , موضوع جمع الابداع بين اسطره
سلمتِ وعسى دياتك ماتمسهن النار يآرب ~
لكِ:rose:

[ليلاس]

رحوبا .. يسعدلي هالطلهه ، ممتنه:rose:

[تك تك مخك معاي]

رآئعه بحق ي سيكووو
م ننحرم ياربي من هيك ابدآع
فعلآ متميزة

تقبلي مروري ي عذبه :004:

[ليلاس]

:rose::rose:

[нαмαѕαт αℓqυℓσσp]

ديوان لشاعر رآئع
إنتقآء مميز ليلاس
أبدعتي

[ليلاس]

انرتي همسه:106: