والله العظيم اني ماسويت شي وش الحل ..!!

[الطالب المملوح]

السلام عليكم ي اخواني :icon9:
والله العظيم ماسويت شي لاذاكرت ولا حليت واجبات ولاشفت محاضرات :icon9:


ساعدوني مابقى شي على الاختبار :icon9:


النفسية تعبانه :icon9:

[ادارة اعمال 222]

عليكم السلام ورحمة الله وبركاته
اولا توكل على الله ثم خصص اليوم وبكره تحميل وواجبات ومناقشات
بعدين رتب لك جدول مذاكرة تبدأ فيه بدون متابعه من يوم الثلاثاء كل اسبوع ماده في اليوم تخلص ٣ محاضرات
وبعد كل محاضرة ادخل اختبر نفسك كويز للمحاضرة اللي خلصتها وقيم نفسك
بالتوفيق ان شاء الله وترى كثير نفس الشيء ما بعد اشتروا ملخصاتهم معك وقت بس لا تضيع وقتك الباقي

[الطالب المملوح]

^ الله يجزاك خير مافصرتي اختي

ربي يوووووووووفقك

[كثبان]

كلام اداره رائع انا كذا ماشيه واول شي امسك ورقه وقلم وقسم كل ست ايام ماده تخلص كل يوم 3

محاضرات وكذا ماراح يجي يوم الاختبار اله وانت مستعد لا تحاتي كلنا نعاني من اخر سمستر




ورتب التقسيم لي كل ماده بالعدل ماعدى الموا د الصعبه زيدها يومين باتوفيق :icon19:

[هولمز]

وعليكم السلام ورحمة الله وبركاته ...

أولا وأنا خوك فكر بطريقة أيجابية وتعوذ من الشيطان وقل لا آله ألا الله ... ثانيا موضوع المذاكرة أصبح


أمر نسبي وخصوصا للمثلنا في المستوى الثامن والمقبلين على نهاية الدراسة ...


وإذا انا مكانك راح أتخذ الخطوات التالية :


1- أنسى موضوع الفترة الي راحت من الترم وأبدا من اليوم ( نقطة ومن أول السطر)


2- أعتبر مامضى إجازة وفرصة للتقاط الانفاس (أكيد التعب والإجهاد أخذ منا الكثير)


3- أسمي بأسم الله وأخذ أول مادة وأحاول أحفظها وأفهمها وكأنها المادة الوحيدة الباقية معي


4- بعدها المادة الثانية والثالثة وهكذاا ...


5- بعد أسبوعين أرجع للمحاضرات والمناقشات والواجبات وأنهيها


6- أشوف إذا أنا ودي أرجع من البداية ( وأنا متأكد أنك راح ترجع تذاكر من أول ووقت الأختبار راح تكون مستعد)


وأتمنى للجميع التوفيق

[gogi]

وانا بعد ماسويت شي.شكراً للأخوان ع رفع الروح المعنويه.
وان شاء الله ببداء من هذا الأسبوع.
والله يوفقنا يارب

[قعناص]

يــآ هلي الروح تعبـآنه .. جيبولي دكتور نفسية

:)


هدي يــآ رجال والوضع في السمبتيكـ


اخذ كل ماده وذاكر ملخصاتها واسئلة الاعوام السابقة وبس


وحل الواجبات ما يبي له فلسفة من الملتقى


والمناقشات عاديه والتحميل عااادي ..


:)

[سـلـطـان♕]

هانت ي رجال باقي لك شهر وتتخرج لا تصير مثلي طفشت من المذاكرة والواجبات والعزلة وقت الاختبارات واجلت سنة وتندمت اشد الندم نصيحة اخوية والله يسهل امورك ويوفق الجميع :rose:

[7amood]

الانظمه مفتوحه روح سو شي باقي 37 يوم

[مثابردوما]

الله يوفقنا وياكم
نفس الوضع مالي خلق للدراسة
اخر ترم ثثثثثثثقيل
ومشكورين على رفع المعنويات

[لست الا انا]

المفروض اخر ترم تكون متحمس اكثر
لانه مابقى شيء

[مـالـي حـل]

بالنسبه لقضايا ثقافيه يمديك تخلصها في يومين بالكثير ثلاث والاخلاقيات والتعاقد مو ذيك الصعوبه الملخص صغير اما الثلاث الباقيه يبي لها شوي بش الجوده تحس الملخص مليان معلومات في نفس الوقت ماينخاف منها لانه الدكتور يجيب نفس اسئله الاعوام او من الجزيئات يعني بسيطه الماده الصعبه فعلا هي موضوعات خاصه في الاداره ولان الدكتور اسئلته فراغات

انا اشوف ذاكر اول اليوم وانت نشيط ومركز ولا سكر مخك حمل المحاضرات وحل النقاشات حق الماده اللي تذاكرها كذا عشان ماتضيع ايام في الحل والتحميل

[أبو طلال ادارة]

الحمدلله والشكر
راعي مصادر وبيتخرج واخرتها ماذاكر ولا يعرف !!

[Memo bnt nasser]

يمديك تلحق لسا بدري بيومين خلص تحميل محاضرات ومناقشات وباقي الايام جهزلك ملخصات واسئلة وتصفح المواد

[smile-550]

السلام عليكم ي اخواني :icon9:
والله العظيم ماسويت شي لاذاكرت ولا حليت واجبات ولاشفت محاضرات :icon9:


ساعدوني مابقى شي على الاختبار :icon9:


النفسية تعبانه :icon9:


مطفي النور شكلك

باقي شهر ع الاختبارات يمديك تخلص وتراجع وتراجع مرتين

[saudi-com]

عفواً يمديك توه باقي وقت .باقل اكثر من شهر على الاختبارات و انا اخوك .

[نونو60]

لسئ فيه وقت ومع الاجتهاد ربي مابيضيع الجهد

[الرجل الأسطوري]

good people to fly upsky then perprosh

[طموح شايب]

اقول يا مملوح وشو له تدوخ راسك بالمذاكرة والاختبارات


خلك في صندوق اللاشي الين يفرجها الله


كلها شهر ونص بحول الله وتوفيقه ونرفع قبعات التخرج


الاختيار لك


تبي تجي معنا الله يحييك المقاعد شاغرة


والا تبينا نزورك الترم الجاي ونشجعك عشان تذاكر ؟


اختار ولا تحتار

[الطالب المملوح]

اقول يا مملوح وشو له تدوخ راسك بالمذاكرة والاختبارات


خلك في صندوق اللاشي الين يفرجها الله


كلها شهر ونص بحول الله وتوفيقه ونرفع قبعات التخرج


الاختيار لك


تبي تجي معنا الله يحييك المقاعد شاغرة


والا تبينا نزورك الترم الجاي ونشجعك عشان تذاكر ؟


اختار ولا تحتار




لا اكيييييييد ابي اجتهد وافتك من ذي المواد والجامعه بكبرها :hahahahahah::rose:


اشكرك على التشجيع والنصيحه ياشايبنا :love080::love080::love080:


الله يجزاكم خير على النصايح ماقصرتوو


تو سويت جدول للمذاكرة ووبدا بكرا ان شاء الله


اتمنى لي ولكم التوفيق والنجاح


الى اللقاء




:rose:

[الفجر المنسي]

سيم سيم حاسه بغثه وضيقة خلق من الدوام ومن الحياه ومن كل شي

وزود على كذا والدي مريض ربي يشافيه ادعو له

بس وصلت للاخره ولازم اكمل اللي بداته وحاولت وعصرت مخي خلصت محاضره وربع فربك كريم

الله يسهل على الجميع ويشافي مرضانا ومرضى المسلمين

[طموح شايب]

لا اكيييييييد ابي اجتهد وافتك من ذي المواد والجامعه بكبرها :hahahahahah::rose:


اشكرك على التشجيع والنصيحه ياشايبنا :love080::love080::love080:


الله يجزاكم خير على النصايح ماقصرتوو


تو سويت جدول للمذاكرة ووبدا بكرا ان شاء الله


اتمنى لي ولكم التوفيق والنجاح


الى اللقاء




:rose:



وليييييييييه تبدأ بكرا ؟!؟!؟!؟!؟!


ابدأ من اليوم


من الحين


يمديك اليوم تخلص المحاضرة الاولى لثلاث مواد

[الخطر القادم]

المملوح في هالزمن يآكلها في لحيته

خلك أسحم زيي و تبي تمشي أمورك :biggrin:

[مــطــنــوخ]

انا توني ببدأ وشوف فيه وقت كافي بأذن الله