سؤال ع السريع وبنفس الوقت ضروري

[رآجيه الفردوس]

السلام عليكم ورحمة الله وبركاته

أخواني حبيت اسئلكم عن موضوع برا نطاق الجامعه

بالثانويه الي يدخل علمي يحصل اشغال زينه .. والي يدخل ادبي لا ؟؟ << هذا السؤال للشباب لان عندي اخو وابي استفسر عنه هو شويات داج بالمواد العلميه بس بالادبي حلوه درجاته رغم انه داخل خاصه << باولى ثانوي هو

فيه ناس قالو له لو ماتدخل علمي م بتحصل شغل عدل .. حتى لو دخلت ادبي وجبت نسبه عدله مابتحصل

أن شاء الله هو بيدخل جامعه بأذن الله بس حابه اسئل عن قدام ولبعدين ونبي نقرر وش انسب له علمي ولا ادبي


يعني قولو لي وش رايكم :|

[alamir07]

وعليكم السلام ورحمة الله وبركاته

نصيحتي لكل انسان يتوكل على الله ويستخير في كل اموره
والله اني الوحيد من بين اصحابي اللي دخلت ادبي وهم دخلوا علمي
بحجة انه مستقبل العلمي افضل .. ولكن الارزاق بيد الله

انا تخرجت ادبي بنسبة 76%
الآن راتبي فوق الـ 10 ولله الحمد
واصحابي اللي دخلوا علمي بعضهم فلح والبعض الثاني
ما وصل نص راتبي

بالمختصر ان الواحد يتوكل على الله ويدخل للقسم اللي يشوف نفسه فيه

[رآجيه الفردوس]

وعليكم السلام ورحمة الله وبركاته

نصيحتي لكل انسان يتوكل على الله ويستخير في كل اموره
والله اني الوحيد من بين اصحابي اللي دخلت ادبي وهم دخلوا علمي
بحجة انه مستقبل العلمي افضل .. ولكن الارزاق بيد الله

انا تخرجت ادبي بنسبة 76%
الآن راتبي فوق الـ 10 ولله الحمد
واصحابي اللي دخلوا علمي بعضهم فلح والبعض الثاني
ما وصل نص راتبي

بالمختصر ان الواحد يتوكل على الله ويدخل للقسم اللي يشوف نفسه فيه


م شاء الله تبارك الله بالتوفيق يارب .. صح والله كلامك

[تفكير منطقي]

وعليكم السلام ورحمة الله وبركاته


العلمي لها مجالات

والادبي له مجالات

والناجح في هذا والا ذاك راح يلاقي رزقه مثل ما تفضل الأخ الأمير

أهم شي يدخل المجال اللي يفلح فيه

[Ninna]

ع قولت الأخ " تفكير منطقي " يدخل مجال يفلح فيه

يعني مو مهم علمي او أدبي قد أهمية هو وش ناوي او يحب انه يتخصص بالجامعة ويشتغل بهالمجال باقي حياته

خليه يفكر ويستخير وانتم شوروا عليه بما انكم تعرفون وش يحب وشجعوه ولا تسمعون كلام الناس تراه لا يودي ولا يجيب وقدرات الناس تختلف بكل مجال

اهم شيء الواحد يجتهد ويشوف وش المجال الي يقدر يبدع فيه ويتوكل ع الله

بالتوفيق لـ أخوك :106:

[المحترمه]

تم نقل الموضوع من قسم ملتقى طلاب التعليم عن بعد جامعة الملك فيصل (http://www.ckfu.org/forumdisplay.php?f=183).

الرد آلي للعلم

[دمعه الشوق]

اذا المدرسة الخاصة ممتازة حلو اما اذا من النوع اللي تنجح الطلاب فأنصحك يطلع ويدخل حكومي عشان تسهل عليه اختبارات التحصيل والقدرات .
ادبي او علمي مو مشكلة دامه ناوي يكمل جامعه
بس انا احبذ القسم العلمي بس اذا هو ضعيف بالمواد العلمية يدخل ادبي افضل
وبالتوفيق