خير الناس أنفعهم للناس

[ســــلآف]

السلام عليكم ورحمة الله وبركاته

قال الرسول الله صلى الله عليه وسلم: خير الناس أنفعهم للناس.

أحب مساعدتكم والوقوف معكم ولكن يد وحده ما تصفق
الاحظ عليكم هذا الفصل كل واحد متحفظ بمعلوماته لنفسه
اشوف زوار المباشرة والمواضيع كثير سواء طالبات او طلاب
ولكن مستحيل نفيد بكلمه سمعناها لماذا يا حبايبي
العطاء والتعاون جميل لكم الأجر في مساعدة بعضكم البعض....
يمكن البعض يقول انا غير ملزم فعلا انت غير ملزم ولكن انت هنا تاخذ تعلم تعطي ايضا
أنا اخذ ولكن احاول بقدر المستطاع اعطي من باب محبتي لكم ولا حتى انا غير ملزمه ....
حبايبي حبوا الخير والعطاء ....
... تراني مثلكم طالبه واقصر على نفسي لكي اخدمكم ولكن ... لا جديد

اليوم بالاحصاء عدد الطالبات 78 طالبه ابد ولا بنت دخلت كتبت كلمه
الصناعي فوق 30 ولا احد كتب شي

بكذا ممكن حتى انا اقتصر ولا اكتب شي
ولكن انا احبكم وحب فائدتكم واتمنى بعد مشاركاتكم بما يفيدكم
لكي تجد وقت الاختبار ما تحتاجه ....
و القسم ما فيه أي شي جديد غير التجميع من الطلاب السابقين


اتمنى كلامي ما يزعلكم
وعتذر مقدماااااااا

:icon19:

[al shamrani]

وعليكم السلام ورحمة الله وبركاته
كلامك ما يزعل .. لأنه صحيح 100%
والتقصير موجود وحاصل منا جميع
وانتي ما قصرتي عطيتي من وقتك الكثير
وانا هنا اتكلم عن نفسي بأني مقصر المستوى هذا معكم كثير
وأعتذر منكم جميع لأني المستوى هذا ماخذ اربع مواد من سابع وخمس مواد من ثامن وضايع بينهم هنا وهناك ومشروع التخرج اخذ وقتي كله
ولكن البركة في الموجودين ما بيقصرون ان شاء الله
ولا تنسون أن الاختبارات على الأبواب وتحتاج تكاتفنا جميع مع بعض

[KFU.ÃĦΣẹÐ]

انا في تخصص الإدارة وارى ان مجهوداتك وعطائك بلا حدود
واتمنى قله تفاعل البعض م تثني لك عزم، وتستمري ع م انتي عليه
وانتي من خير الناس وانفعهم للناس

تحياتي
:106:

[zoozi]

عليكم السلام ورحمه الله وبركاته ,,,

اللهم صل وسلم على محمد وعلى اله واصحابه اجمعين ...


يابعد قلبي ياسلاف لاخلا ولاعدم ,,,,,, فعلا معك حق تتضايقين وماحد يلومك ومعروفك على راسنا من فوق والقصور حاصل منا اكيد ,بس يظل لكل واحد ظروفه ,,,عني انا المستوى هذا مضغوطه بالمرره والمحاضرا ت المباشره مادخلت غير ثنتين تقريبا ومع ذلك ماحسيت بفرق عدم حضورها ربي يحرم يدينك على النار كل شي كاتبته وموجود اعتمدت على الله ثم عليك ,,,,مساعدتك ووقتك اللي تعطينا ,اجرها عند ربي واسال الله في علاه انه مايضيع لك تعب بكل جهد وبكل حرف تكتبينه وبالعكس كلامك مايزعل لانه معك حق يد واحده ماتصفق .

[نوف بنت سعود]

اهلين اخت سلاف
بالعكس كلامك صحيح مية بالمية
وعن نفسي اي شئ اتذكره او بلخصه بنزله لكم هنا
وحبيت انوه انه المستوى الماضي فتحت انا موضوع مذاكرة الاحصاء الاجتماعي في هذا القسم وكان الموضوع مثبت
وكان فيه تبسيط للمسائل مرة وشرح ممتاز
ياليت تحطونه مرة ثانية عشان يستفيدون

[نوف بنت سعود]

http://www.ckfu.org/vb/t701105.html




هذي المذاكرة اللي سويتها في المستوى الماضي:106::106::106:

[الشـايب]

تألق نجمه بكل قوة وعفوية وتمتطي خيل النجاح عابرة حواجز الصعاب والوقت
متسلحه بجهودها الميمونة منصات التقدم لتلوح لها أغصان الشكر والتقدير على قمة العطاء والمساعده
نعلم إننا مقصرون ولكن عشمنا كبير بقبول الإعتذار
فوالله لم احضر ايتها محاضره مباشره منذو إلتحاقي بالجامعه وحتى الآن ولكن بجهدكِ انتِِ وبعض الاخوات والاخوان وصلت لنا المعلومه الصحيحه وإستطعنا مواصله العلم وإجتياز المستويات السابقه لنشارف على انهاء تحصيلنا الدراسي .صحيح الكل يعطي ولكن هناك من يعطي بلا حدود يعطي ليترجم معاني الكرم
والجود لينال الثواب من الرب الودود

دمتِ بود

[zoozi]

http://www.ckfu.org/vb/t701105.html




هذي المذاكرة اللي سويتها في المستوى الماضي:106::106::106:



وايش هالزين يانوف :d5:

ربي يسعد قلبك ويوفقك من جد مبددددعه:004:

[منآآر]

جزاك الله كل خير سلاف دايما سباقه لفعل الخير والمساعدة

[فراشة العلم]

الله يكتب اجرك على كل شي سويتيه
واالله لايحرمك الاجر

المشروع والتدريب اخذ كل وقتي حتى المذاكره لم ابدا فيها

[منتسبة الأحساء]

جزاكك الله خير الدنيا وجنة الفردوس بالاخره

جهودك واضحه ولا غبار عليها .. لا خلا ولاعدم ��

[سامية المعاني]

سلآف انتِ انسانة معطاءة بمعنى الكلمة
و مخلصة الله يبارك لك في كلمة كلمة تخطها يدك هنا:106:
و الإحصاء مأجلته من سوء حظي اني ما كنت معكم ي سلآف من أجل أستفيد منك بالذات
و الصناعي أخذته من زماان مع د/ محمود هلال و انا في المستوى الرابع

و فعلا الكثير يتمنن بأي معلومة أو فايدة او مشاركة او حتى تنبيـــــــــه !!!!!!!!

و شخصيا أعرف أناس معدلاتهم فوق 4.5 بكثيييير

و مع ذلك يأخذون و لا يعطووون أي شيء مهما صغر أو قل !!!!

و هذا فيه أنانية عالية ، و نحن هنا نحتاج الى التعاون و بذل الجهد من أجل الجميع

[ريهان]

جزاك الله خير وكثر من أمثالك فعلاً

ماتقصرين معنا لاخلا ولاعدم وفعلاً مع الأسف التقصير منا واضح ...

[عازف الكلمه]

كلامكم يثلج الصدر
فالتعاون في سبيل العلم ثمراته تتعدى الافق

[0 كاسب الطيب 0]

تأكدي يا سلاف أن تعبك هذا ما راح هدر اول شي من الاجر ان شاء الله أنه يكتب لك وثاني من ناحية جميع من في الملتقى ويقدرون تعبك وهم كثر وأنا أحدهم والله ندعي لك دائمن بظهر الغيب وأنا لو عندي اي معلومات مستحيل أقصر فيها لكم

[N O R Z]

فعلا انتي ماقصرتي معنا ماشاءالله عليك سباقه للخير والعطاء
لكن اعذروني انا هلترم مره مشغووووله لامحاضرات مباشره ادخل ولا يمدي اكتب شي :(
مقصره وياكم ياحبايبي , ادعولي ربي يسهل اموري ولكم بالمثل يارب

[ام رينة]

الله يحفظك ياسلاف وجزاك الله عنا كل خير ماقصرتي والله

[* طموحي كبير *]

صادقه و معك حق في زعلك و كلامك صحيح .. عني انا مقصره و الامر ليس بيدي لإن لدي دوامين غير الجامعه كلها دراسه و بخلاف ظروفي الخاصه حتى مذاكره ما خلصت و المحاضرات المباشره لم احضر اي محاضره نهائيا ولو كنت حضرت والله كنت راح اكتب ما بتأخذ الكتابه من وقتي كثير لكن للاسف لم احضر رغم اني كنت اتمنى و ماده الاحصاء الاجتماعي ما اخذتها لإن اخذت مبادئ الاحصاء اللي ما حضرت محاضراته ولا فتحت الماده حتى الان و بسبب ظروفي الخاصه كل اختبارات اضغط على نفسي لحد ما امرض عشان المعدل لإني اكون متاخره في الواجبات و التحميل و المذاكره .. ما احب اقول شي بس عشان اوضح موقفي و مشكوره ما قصرتي لا يكلف الله نفسا الا وسعها !!

[علياء2013]

كلامك عين الصواب
سلاف والله احنا مقدرين تعبكم ومجهوداتكم
لكن اعذروني هالترم
عندي ظروف وضغوط ما يعلم بها الا الله
وكنت أتمنى اقدم لكم و أساعدكم
والله أستحي أجي أخذ واستفيد بدون ما أشارك وأقدم شيء
والمباشرات والله ما أدخلها .. ولو دخلت ماقصرت
لكن هامستوى اعذروني
والله يسهلها ويسعدك ولا يحرمك الاجر انت ومن شارك وقدم

[ĸLσz]

كلامس عين العقل يا سُلآف

وانا ملاحظ انه في كثير (يهمه ياخذ ويستفيد ولا يهمه يعطي ويفيد) !!

وانا عندي مادة الاجتماع الصناعي هالترم لاكن بكل امانه ماقدرت احضر المباشرات

ولو حضرتها اكيد ماراح ابخل لأحد بمعلومه حتى لو كانت صغيره مثل ماكنت اسوي الترم الماضي

اتمنى التعاون من الكل لأنه بالاخير الفائده للجميع

كل الشكر لك سُلآف على هالفته الجميله منك اللي تدل على حرصك و روحك الراقيه (:rose:)

[أم شادي]

يارب يسعدك ويسعد كل واحد ساعدنا لو بحرف واحد
ويسعده في الدارين
مشغولين ب المشروع والتدريب
أتوقع كذا
هذا سبب
وأنا أولهم مابعد خلصتهم
يارب تسهل للجميع

[foofaa]

الله يعطيك العافيه ياسلاف ماقصرتي حبيبتي ربي يعطيك على قد تعبك ومجهودك

انا والله لو ماعندي التزامات بيت وزوج وعيال كان ماقصرت معكم

ودي اساهم ولو بالقليل االصراحه اخجل من نفسي استفيد وما افيد بس

ما باليد حيله للان مافتحت ولا ماده راحت الايام كلها ع المشروع ربي يكون بالعون

بس لاتزعلي ياسلاف وربي يجعل ماسويتيه وبذلتيه في ميزان حسناتك

[طالب جامعي.]

الله يعطيك العافية سلاف

عتبك بمحله وكل كلامك صحيح

والله انا مشروع التخرج والتدريب الميداني 3 ماخذ وقتي كله لدرجة اني رفعت المشروع واتضح ان فيه أخطاء وحاولت اعدل عليه لكن مايقبل :mad:


وأتمنى ان الزملاء مايقصرون ويعطوننا أي معلومات تفيدنا ذكروها الدكاترة في المحاضرات المباشرة

والله لايضيع تعبك سلاف انتي والكوكبة المميزة اللي دايما واقفين معنا

همسة

احمدي ربك على ميزة العطاء اللي فيك , العطاء شي لايقدر بثمن لكي منا كل الدعوات الصادقة سلاف

[عروبه العرب]

ياهلا بكم جميع وكلامك صحيح احنا اول كنا نبي مساعده والحمدلله ماقصرتو معنا
وفيه الحين ناس تبي مساعده ومعلومه وان شاءاالله مانقصر معهم ومعكم

الله يوفقنا جميع يارب ويسهل امورنا يارب

[Mahosh]

والله فعلاً سلاف سلاف سلاف وكثير مااتكلم فيك وادعيلك والله العظيم انا مشغوله مشروع التخرج ماخذ وقتي والى الان ماخلصته ولا فحصته غير الاحصاء الي مو فاهمته وغير البيت والبزران حتى المباشره والله مااحضرها فقط احملها صوت واسمعها ليلة الاختبار علشان اشوف وش فيه مافيه وقت لي ولنفسي فكيف لكم اعذروني ولا مااراح اقصر