تسجيل الدخول

مشاهدة النسخة كاملة : اسئلة اختبارات اخوكم خريج وهالماده شيبت بعينه.

xFhawhx
2016- 4- 27, 09:41 AM
السلام عليكم ورحمة الله وبركاتة اسعد الله صباحكم في كل خير يالغوالي ابشركم ان هذا اخر ترم لي واتخرج ولكن قعدت لي المحاسبة 1 + 2 ومابي احملهم سنه جديدة ، ف تكفون بسئل كم سؤال والي يعرف يجاوب الله لا يهينكم ، هل الدكتور يكرر اسئلة ؟ وهل يجيبها بنفس الارقام ، وبيجيب شي من المحاظرة المباشرة ؟ واذا فيه شي مهم سطروه تكفون 💕.
وفالكم النجاح يارب
xFhawhx
2016- 4- 27, 09:43 AM
وللعلم اتفقت مع مدرس يدرسني هالماده وللاسف جحفلني امس وسحب ��.
Hoor Hussain
2016- 4- 27, 10:36 AM
الدكتور جديد له ترم واحد،
و انطباع الدفعة اللي قبلنا عنه كان إيجابي،
و واحد منهم نصحنا نراجع اسئلة اختبر نفسك،
(شخصياً انصحك تذاكر الملخص كامل و تراجع العملي من قفزات الكنغر لطموح شايب، و اسئلة اختبر نفسك، و الواجبات، وبإذن الله بتتسهل علينا)
ادخل هذا الموضوع ماقصروا الاعضاء حطوا كل شي مهم.


http://www.ckfu.org/vb/t743440.html


*انا مثلك في المحاسبة2، لكن متفائلة خير بإذن الله*
سوسو 11 11
2016- 4- 27, 11:20 AM
وعليكم السلاماخوي المحاسبه مايحتاج لها مدرس انت جيب الاب توب قدامك مع المحتوى واوراق فاضيه وقلم واله حاسبه
وقفل باب الغرفه وقفل موبايلك ... وافتح المحاضرات المسجله ابداء مع شرح الاستاذ من اول محاضره وخطوه خطوه بتركيز بتلقاء نفسك فاهم الماده تماااااام من غير ماتخسر فلوس وتجيب مدرس للبيت
واذا مافهمت من شرح استاذ الجامعه في المحاضرات المسجله افتح اليوتيوب وتابع مع استاذ غيره


ركز علي اسألة السنوات الي راحت يكررونها كثير نفس النمط مع تغير الارقام فقط
واعيد اقولك اذا ماكتبت المسأل بيدك وكررت حلها ماراح تفهم ابدا


تمنياتي لك بالتوفيق والنجاح
سليمان النزهه
2016- 4- 27, 12:45 PM
السلام عليكم ورحمة الله وبركاتة اسعد الله صباحكم في كل خير يالغوالي ابشركم ان هذا اخر ترم لي واتخرج ولكن قعدت لي المحاسبة 1 + 2 ومابي احملهم سنه جديدة ، ف تكفون بسئل كم سؤال والي يعرف يجاوب الله لا يهينكم ، هل الدكتور يكرر اسئلة ؟ وهل يجيبها بنفس الارقام ، وبيجيب شي من المحاظرة المباشرة ؟ واذا فيه شي مهم سطروه تكفون 💕.
وفالكم النجاح يارب

أنا مثلك بالضبط اختبرت محاسبه 2 الترم اللي فات وطبعا الدكتور جديد ونموذجه هو اللي اختبرناة
وكنت اطبع محتوى المحاضرة وتابع معه والحمد لله افتكيت منها طبعاً من البداية الآن مايمديك
بأنصحك تاخذ نموذج الدكتور الترم اللي فات وتتعلم طريقة حل المسائل اكيد مايخرج عنها هذا اذا ماكرر
المهم فهم حل المسألة حتى لو تغيرت الارقام يبقى حل المسألة ثابت

وبالتوفيق أن شاء الله
Oxjen
2016- 4- 27, 12:53 PM
انا اشوف تذاكر من المحتوى والمسائل الحسابيه اللي تصعب عليك افتح المحاضره وتابع شرح الدكتور

ومارس الاسئلة كثير بخطك وحل اكثر من سؤال بكتابتك لا تعتمد الحل بعيونك

لان فالاختبار بتتوه من الاسئله ويقل التركيز

نصيحة مجرب والله يوفقكم وتعدون هالماده بالتفوق
gmx647
2016- 4- 27, 01:08 PM
تابع المحارفي ع اليوتيوب ,,,,, شرحه ممتاز جداً https://www.youtube.com/watch?v=BhPs6KC3TEc
هديل طارق
2016- 4- 27, 01:42 PM
عن نفسي بديت مع الحاضره والمحتوى الدكتور ماتفهم لشرحه كأنه يسولف مع نفسه

حملت قفزات الكنغر + اسأله اختبر نفسك + الواجبات و الاسئله اللي بالمحاضرات المباشره
+ فيه ملف للقوانين ومشت اموري للآن تمام الحمدالله .
ام شهد..
2016- 4- 27, 01:47 PM
المحاسبه 1 الدكتور اسئلة جميله جداً
وله نموذج حق الفصل الاول دوره في المستوى 1

محاسبة 2 ماله نموذج
بس متفائله خيرر ان اسئلته بتكون سهله ان شاء الله

اعطو الماده حقها من المذاكره وربي يسهلها ..

كثير اشوف محبطين منها ومصعبينها ..
سهلوها تتسهل ..
السنيوره 2015
2016- 4- 27, 01:59 PM
وعليكم السلام أخوي

بالنسبه للمحاسبه 1 اقدر افيدك فيها محاسبه 2 لسى مااختبرتها يارب وفقنا فيها وفي جميع المقررات


الدكتور أسامه جدا رائع وفوق الوصف مايطلع عن المحتوى واضح وصريح بااسئلته


انت بس ركز معه بالمحاضره والمحتوي وطبق الحلول دام اخر ترم اعزل نفسك شويات واجتهد ترا والله ماهي صعبه واستعين بالله قبل كل شي


المستوى الماضي ماتطرق للمصطلحات ابداً واذا يكرر الاسئله لسى جديد تتضح الرويه بعد هالمستوى



وان شاءالله تتخرج وبتفوق وانتم السابقون ونحن اللاحقون
xFhawhx
2016- 4- 27, 03:18 PM
الله يجزاكم خير ولايحرمكم الاجر وان شاء الله تتخرجون باعلى الدرجات ، م ننحرم من الاخوه الاخرين
ودق
2016- 4- 27, 09:09 PM
ماكو نموذج للاسئله الترم اللي راح ؟؟؟؟؟
admntk
2016- 4- 28, 01:24 AM
وين احصل اختبر نفسك ؟
آڵقُـ‘ـُحُـ‘ـُطُـ‘ـُآڹۑ
2016- 4- 28, 03:55 AM
اقسم بجلال الله اني المستوى الاول ما ذاكرت المحاسبة ولا فتحتها الا قبل الاختبار بيوم او يومين ولعلمك تخصصي ادبي ورب البيت استصعبتها خلقه وجلست مع نفسي جلسة الاسد قلت انت تقدر تجيبها وقعدت افتح المحاظرة الاولى والثانية طبعا فديو وحطيت كل اربع محاظرات بريك ساعه وقسما بالله انها الماده الوحيده اللي اخذت فيها 88من 100 والباقي جيد فبقلك حط براسك انك تفهم وقفل جوالك وشغل مخك ورح تعرف والكويزات كذالك بعد ما تخلص تختبر نفسك
مُتأمل
2016- 4- 28, 07:02 AM
الله يوفقكم جميع ، ويسهل عليكم

\


المادة يبي لها شغل + التركيز
Reemi_3sal
2016- 4- 28, 07:28 AM
نفس حالتك تخرج وهالماده معقدتني
رد: اخوكم خريج وهالماده شيبت بعينه.

ومثل الأخت هديل
بديت مع المحاضرات والمحتوى الدكتور ماتفهم لشرحه كأنه يسولف مع نفسه

حملت قفزات الكنغر ممتازه جدا وبتدعي له من قلب + اسأله اختبر نفسك + الواجبات و الاسئله اللي بالمحاضرات المباشره والجزء النظري الكويزات للعلم ان كثير جزء نظري دارج بالاختبار
ومشت اموري للآن تمام الحمدالله .
Droma
2016- 4- 28, 07:41 AM
الحين لو ذاكرت قفزه الكنغر ذي اللي تقولون :icon120:
شامله ؟؟؟؟؟
معاد ارجع للمحتوى
مخي مضيع عجزت استوعب
ابي المختصر واركز فيه
معاد فيه وقت
:mh12:
Hoor Hussain
2016- 4- 28, 09:01 AM
الحين لو ذاكرت قفزه الكنغر ذي اللي تقولون :icon120:
شامله ؟؟؟؟؟
معاد ارجع للمحتوى
مخي مضيع عجزت استوعب
ابي المختصر واركز فيه
معاد فيه وقت

قفزات الكنغر شرح للمسائل العملية، بحيث تعرفي الجواب من السؤال نفسه.
.
افتحيه و صدقيني ما بتندمي.


فالنا التوفيق بإذن الله
~
Hoor Hussain
2016- 4- 28, 09:02 AM
وين احصل اختبر نفسك ؟
هذا رابط تجمع المحاسبة،


http://www.ckfu.org/vb/t743440.html

فالنا التوفيق بإذن الله
~