الاثبات الشخصي..ارجوا الدخول

[ضياء طه]

اختبار النحو امس كان مأساة ومافي تركيز نهائيا:icon9:
معنا بجامعة الملك فيصل
بنات نسوا الاثبات
وحرموهم من دخول الامتحان:hhheeeart4:
كانت مأساة حقيقة كنا نمتحن ونسمع صياحهم صرنا نصيح في القاعة
مأساة حقيقية:Cry111:
قالوا لهم مافي دخول القاعة ارجعوا بيوتكم وجيبوا الاثباتات.
المشكله احنا بنات من وين بنجيب السيارة اذا السيارة مشت :agolakser:وعلى ماترجع السيارة ونروح البيت ونرجع خلص وقت الامتحان:mh12:
بنات رجاء لا احد ينسى اثباته تأكدوا انه بالشنطه مليون مره
والله يوفقكم:064:

[Noorsoso]

مساكين الله يعوضهم

والله انا محد سالني عن اثباتي

[Little space]

حسبي الله ونعم الوكيل عليهم
اللهم لاتسلط علينا من لايخافك فينا

[نبض الحروف~]

حسبي الله ونعم الوكيل فيهم
مو لها الدرجة تشديد خلاص سامحوهم هالمرة
والله مساكين
انا المركز اللي فيه نادراً نادراً يطلبون الإثبات
على حسب المراقبة واذا وحده نستها عادي مايسوون من الحبة قبه
الله يعوضهم ان شاءالله

[ضياء طه]

وحده ضلت تشرح ظرفها انها توها منفصلة عن زوجها وماعندها اي اثباتات
بس مافادها

[nawaf6455]

لاحول ولاقوة الا بالله ياعالم تساهلو خلاص

[alhazena]

اي والله انا من اللي رجعوهم حسبي الله ونعم الوكيل لي ثلاث سنين اختبر بنسخه من اثباتي ونسخه من جدولي والحين قالت لي رجعي جيبي الأصل

تخيلوا عندي اثبات بس يبون الأصل كيف يعني بزوره؟؟؟؟
واتصل ع ولي امري يجيبه وانا واقفه بالشارعه ارتجف وكل شوي عيني ع الجوال لين جابها وانا ركض لين وصلت القاعه وصرت من الصفوف الأخيره يعني الحمد لله أنا لحقت

وصدق في بنات صاحوا وظلوا عند الباب لين انتهى الاختبار بس حراااااام عليهم والله حرااااام

مذاكرين وقاطعين مسافه فينحرمون من الاختبار عشان اثبات ع الأقل خلوهم يختبرون ع مايجيب ولي الأمر الاثبات

[37assan]

طيب انا غبت عن اختبار المعاني والبراقمتيك وعندي عذر وين ارفعه ولمين ومتى ؟ :confused:

[ضياء طه]

المفروض الجامعة تعمل لنا بطاقات شخصية وتكتب غيها انه احنا طلاب انتساب
عادي يعني وش بيخسرون
واذا على التغليف ندفع فلوس التغليف
هذا احنا ندفع ثمن الدراسه فما فرقت معنا 10ريال

[ام يزيد 11]

يوم الخميس قالو لنا انه جايهم تعميم

انهم مايدخلون احد للاختبار الا الي معها اثبات

والي مامعها راح تنحرم من الاختبار الين تجيب الاثبات

وانهم ماراح يكتفون بالتعهد ..

[نجلاء ام باسل]

حسبي الله عليهم مفروض فيه اجراء للي تنسى اثباتها يكون في المركز موظفة ومعها جهاز وطابعه واي طالبه تنسى اثباتها تطلعه لها وتطبعه وصلى الله وبارك

[seemachan]

هالمرة سألونا عن الاصل قبل م كانوا يسألون بس قلت قد مرة ضيعته ومو مستعدة اضيعه من جديد ع اساس بيعوضونا لو ضاع.كل مرة قرار جديد هالترم طالبونا بنزع العبايات

[alhazena]

ايوا انا مااجيب الأصل اخاف يضيع لأني قد مره ضاع علي
وبعدين ترى هم رجعوا اللي جايبه اثبات مطبوع وطالبونا بالأصل

وفي بعضهم قالوا ان المراقبات مايسألون عن الأثبات كيف يعني قاعه وقاعه ؟؟

[Beed]

راسلين الجامعه مسسج ينبهون

[دحوووم27]

المفروض الجامعة تعمل لنا بطاقات شخصية وتكتب غيها انه احنا طلاب انتساب
عادي يعني وش بيخسرون
واذا على التغليف ندفع فلوس التغليف
هذا احنا ندفع ثمن الدراسه فما فرقت معنا 10ريال



كلام سليم وجميل ياليت والله يتطبق

والله يعوضهم خير

[memo__om]

حسبي الله عليهم مفروض فيه اجراء للي تنسى اثباتها يكون في المركز موظفة ومعها جهاز وطابعه واي طالبه تنسى اثباتها تطلعه لها وتطبعه وصلى الله وبارك

.....
في احدى المدااارس الي كنت اختبر فيها سابقاأ كانوا يطبعون للطلابات اثاباتاتهم الي تنساه
وفعلا مثل ما ذكرت بيد انو الجامعة ارسلت تنبه
البارح ما دخلت القاعه لين طابقت المراقبة بياناتي الي في الاثبات في الاوراق الي عندها

[اسوم242]

كذا كانت معنا وحده بالقاعه بنص الامتحان كان يشيكون ع الاثبات المهم هي طلع مامعها حطت ع اسمها اكس كبير قالت اذا ماجبتي اثبات بعد ماتخلصين الامتحان اعتبرك ماامتحنتي يعني كذا كويس ع الاقل اللي يجي ياخذها يجيب معه الاثبات

[اسوم242]

انتو تقصدون بالاثبات الورقه الللي من الجامعه ولا بطاقة الهويه لان احنا بمدرستنا بس ياخذون بطاقة الاحوال فقط

[Fofo21]

حسبي الله عليهم
المفروض خلوهم يمتحنون
أجل مذاكرات على الفاضي
حنا مدرستنا جدا متساهلين
أهم شيء إثباتك على الطاولة
بعض المراقبات تطلب الإثبات وتدقق
وبعضهن أبد ماتطل عليه

واللي تجيب معها شهادة تعريف يكفيهاا

حتى العبايات عادي إللي تتحجب وإللي تنزل عبايتها

[محمد العبيدي]

ليش تتحسبون


الجامعه حذرت اكثر من مره ان الي ما يجيب الاثبات ما يدخل الاختبار

الي يتاخر اكثر من نصف الوقت او نصف ساعه ما يدش الاختبار

[محمد العبيدي]

اخر شي طرشولي امس مسج يشحذوني اجيب الاثبات

[ام حاتم427]

لازم تحضرون الاثبات معكم والجدول تطبعونه مختوم من موقع الجامعه..

لاتقولون مركزنا مايطلب ..لا تحطون انفسكم في الموقف هذا..


نزل تعميم بحرمان اي طالب مايجيبها معه ..


وجات رساله على الجوالات بهالشي ..


الي انحرمت من الاختبار تجيب عذر وينزلون لها الماده الفصل القادم..


وهذا موضوع الجارح


http://www.ckfu.org/vb/t748689.html

[ضياء طه]

الاثبات الشخصي هو الجواز او الاقامة او بطاقة الشخصية
ورقة الجامعة هذي تعريف وليس اثبات...
مع العلم انهم بالجامعة يبصمون اصابيعنا على الورق ..
هذا اعظم اثبات..
والله موعاجبني موضوع ه البصمة..
يعني امراض وفيروسات وكورونا وكل وحده تحط صبعها في ه الختم لاحول الله....
وبعدين نمسح ب اصابيعنا في الامتحان الوجه كله....عدوى اكيده......

[KHALED20]

النظام طيب وش يثبت لهم انك نفس الطالبه او الطالب

[مهمه جداً]

طيب انا غبت عن اختبار المعاني والبراقمتيك وعندي عذر وين ارفعه ولمين ومتى ؟ :confused:

باقي مافتحو الايقونه

بس شوفيها موجوده بقسم خدمات شؤون الاختبارات
تقديم الاعذار للمتغيبين عن الاختبارات

[blossom]

لاحول ولا قوة الا بالله
الله يعوضهم خير
انا الخميس ما جبت اثبات وقعوني على تعهد
ولما جبت اثباتي الاحد قطعوا التعهد وخلاص

[سليمان العمري]

والله الشباب مايبلشون خصوصاً ان معه سياره و إثبات البطاقة و الرخصة
حتى لو مامعه سياره يدق على أحد الشباب وتنحل
المشكلة بالبنات الله يعينهن خصوصاً اللي منفصله عن زوجها و مامعها اثبات والله مشكلة
والا اللي تعبان أحد عيالها و تذاكر وتسهر .. أمر مو سهل أبداً أبداً

الله يعظم أجركم
ويكتب لكم الدرجات العليا ويسخّر لكم الدكاتره والأسئلة

[الانسة لوليتا]

غريبه كم لي سنه أختبر محد سألني عن الإثبات .. السالفه فيها إن
أكيد واحد أختبر بدال الشخص اللي مفروض يختبر وسووها سالفه
وماراح فيها الا البنات اللي أنحرموا ياحرام حزنت عليهم :(

[al-3asefa]

لا حول ولا قوة الا بالله
والله احنا ي الشباب مايدورون لأثباتاتنا الشخصية


لو ما اطلع البطاقة واعطيه ولا ماكان سائلنـي


الله يعينكم ويعوضكم بكل خير

[ريم علي ناصر]

ا

[H,FQ]

انا اقولكم السبب والله اعلم

صار في مركزنا انو يوم الخميس ثالث يوم بالاختبارات سلمت احدى الطالبات ورقة الاجابه بدون رقم جامعي بدون رقم هويه دورو عليها تكمل بياناتها ما لقوها وعلطول مديرة المركز كلمت المشرف ، الله اعلم ايش قالها

نزلو عندنا قالولنا الي ما عندها اثباتها الاصل ما تدخل الاختبار و من هذاك اليوم مبهذلينا بالاثبات لازم اصل ولا تقبل صوره وامس بعد مرسلين رساله الجامعه


المفروض مسويين لنا بطايق

[رونقة]

المفروض ورقة التعريف الي من الخدمات تكفي إثبات ،، الهوية المفروض يتساهلون فيها

[طاب الخاطر]

مركزنا ما يطلبون الاثبات،، انت فلان اقول ايه

[game]

الحريم متسلطات إلا من رحم ربي : )
أذكر شاب نسى اثباته بالسيارة قالوا اختبر وبعد ماتخلص تجيبه وإلا مانوقع استلام ورقتك وفعلا جابه وانحل الموضوع

يقول صلى الله عليه وسلم: يسروا ولاتعسروا