سؤال يهمكم لمادة إدارة المعرفة

[ABU_RATEEL]

السلام عليكم

حبيت أعطيكم إنطباعي لأني عديت مادة إدارة المعرفة الترم الماضي (بصعوبه )

مادة نظريه تعتمد على الفهم والحفظ
في مجملها ماده أقرب ما يقال أنها ماده سهله نسبياً
ولكن حتى لا يتكرر موضوع مادة النظم راح أوضح لكم لكم نقاط مهمة.

أول نقطة وأهم نقطة وهي الأساس
ياحبايبي إذا كان دكتور المادة /
د. محمد الجيزاوي ؟؟؟؟!!!!

الحرص ثم الحرص على المذاكرة والإستيعاب بشكل كبير جداً
ولا تعتمدون على كلامه في المحاضرة المباشرة نهائياَ بأن الأسئلة مباشرة لو كان ذلك بتعهد خطي منه.


ابي أوصف أسلوب الدكتور بإختصار
- الدكتور يحب يختبر ذكاء الطلاب وحصيلتهم اللغوية وليس درجة تحصيلهم من المادة العلمي المتخصص .
- في قاعة الإختبار يفضل من الجامعة أن ترسل دكتور في اللغة العربي لشرح المعاني والكلمات
وذلك بسبب اللإتواء في تراكيب الجمل
( الدكتور كان عنده حلم يكون دكتور في اللغة العربية ماتحقق حلمه حب يطبقه في الإختبارات )
- الدكتور وإن حصل وكرر الأسئلة لا يكرر الأجوبة.
-الدكتور وإن كرر الإجوبة إنتبهوا للسؤال ممكن (يكون سؤال ملتوي ) فتكون الإجابة السابقة خاطئة .

هذا ما أحببت أن أنبهكم حوله
مع تمنياتي لكم بأعلى الدرجات والتوفيق في الدنيا والآخر

اللهم لا تجعل الدنيا أكبر همنا ولا مبلغ علمنا
اللهم لك الحمد حتى ترضى ولك الحمد إذا رضيت ولك الحمد بعد الرضى

[الرجل الابيض]

دكتور الماده ليس الدوغان

[XPERIA]

بالفعــل ..

معظم أعضاء هيئــة التدريــــس .. للأســف !!
يفتقدون إلى الأبداع في البلاغـه و التلاؤم و التضميـن و الإيجـازز ! .. إيصال المعنى
بل كما تشاهدون الأخطاء الشنيعة وهم يبحثون عن التجانس و الأستعارة
وذلك للتمويه والتشتيت ع الطلبه
كان الله في عوننا ...

[ZahRa.a]

فعلا لاحظت من اسلوبه في الاسئلة السابقة انه دكتور موهين رغم سماحة شرحه


حتى لاحظت ان يجيب اسئلة مو موجودة في المحتوى اسئلة من عنده
يبي يشوفنا فاهمين والا


الله يستر

[nawaf88]

الله يعيننا على هالجامعه وهالدكاتره اللي كل ترم يصير وضعهم من جرف لدحديره :cheese::biggrin:

[joorya moon]

بس مادري ليش احساسي يقول ان الامتحان هالمره بيكون سهل ..

واللي صار امس لن يتكرر ..

[انا حمني]

الله يسهل الامور ونتخرج على خير

[خوآطر ~]

الله يعين ... على قد ما كنت احاول اكون متفائله ..
بس مآش ..

الله يعطيك العافيه ..

[أجـــود]

انا ارى ان نركز عالمحتوى ومن ثم اسئله الاعوام وجميع اسئلته اراها تدور حول الحمى

مو زي راعي النظم الله يسامحه شطح لنا شطحه

[ابوفهد11]

الله يعين .. احس الدكاتره مع دفعتنا يبرزون قدراتهم .. احد قال ان مصطفى معنا

[ابوصلوحي]

جزاك الله خير

[سمايا ..]

يكفي انه حاط7 نماذج وكل نموذج يختلف عن الثاني طيح الله حظ اللي مانيب قايله وش ذا الدكاتره استغفر الله احد قالهم احنا فاضيين لهم يطبقون علينا ذكائهم واختباراتهم درجاتنا يرحم والديكم كفايه لعب فيها والله اننا نذاكر ونستهلك جهد ووقت وفوقها ماده خلاص ارحمونا

[منتسب سابك]

انا ارى ان نركز عالمحتوى ومن ثم اسئله الاعوام وجميع اسئلته اراها تدور حول الحمى

مو زي راعي النظم الله يسامحه شطح لنا شطحه

هذا الكلام المحتوى اولاً ثم الاسئله السابقة لتاكيد المراجعه

[ادارة اعمال2]

بارك الله فيك ابو رتيل..ومشكور على توضيحك واهتمامك

[سيكو2]

بس جامعة فيصل الوسخة ولا اغلب الجامعات مثل جامعة سعود وعبدالعزيز والامام كل الطلاب يمدحون الاختبارات

[حمود الدعجاني]

ياويلنا ويلاه .. حنا نلقاها من الشريف والا الجيزاوي حنا يالله نسولف وهذا يقولك يحب البلاغه ،
أتحرى العيد أكثر من طفل :Cry111:

[ابوسعود 9]

الله يجزاك الف خير ويوفقنا وياك يارب

[الحارثي1]

الدفعة كلها مصطفى عشان كذا جالسين لنا على الحبةاو الظاهر انه اكبر دفعة في ادارة اعمال يبون يتفنون فينا ويحطون سمعة للتخصص ادارة اعمال انه صعب

[سليمان النزهه]

والدفعات اللي بعدنا شوفو كلهم يمدحو الدكاترة الا دفعتنا احسهم ناوينا

[إيما.]

الله يعين ونعديها يارب

[الريم e]

( الدكتور كان عنده حلم يكون دكتور في اللغة العربية ماتحقق حلمه حب يطبقه في الإختبارات )

الله يسعدك ضحكتني والله:hahahahahah:

شكراً لمعلوماتك عن الدكتور اللي بتساعدنا وتنبهنا لطريقة المذاكرة

بس ماننسى التوكل على الله دائماً وأبداً والتفائل في كل أمور حياتكم

الله يقول : انا عند حسن ظن عبدي بي

وماخاب من قال يارب

موفقيـــــــــــن :106:

[محمد صالح1]

والله مو دوافير احنا نبي ننجح ونتخرج وبس مانبي معدل ودجات ..

[ابو عباس]

بس مادري ليش احساسي يقول ان الامتحان هالمره بيكون سهل ..

واللي صار امس لن يتكرر ..



أعتقد بنسبة 99%
راح يتكرر في المواد المتبقية
ما عدا التوريد

[ياسر بن ناصر]

الله يجزاك خير

[آلبدر]

انا ماني فاهم شيبون بصراحه
يبوننا نغش
ترا عادي لكن والله الواحد يستحي
حنا ناس دوامات وفينا منهو بقطاع خاص الاجازه عليه بالحسره
وفينا منهو مرابط
وفينا الامهات اللي تقابل عيالها والا بيتها ودراستها
انا اشتغل شغلتين ما ارجع البيت الا الساعه 10 ونص بالليل
يالله الواحد يشوف اهله والا يقابل ملازمه
المفترض يتساهلون معنا شوي لا يرخي الحبل للاخر لكن لا يعجزها علينا
والله الواحد صار يحس بالاذلال بهالجامعه
الله يوفقنا ويسهلها علينا ويجيب العواقب سليمه

وفقكم الله لما يحبه ويرضاه

[511طالب شايب]

والله اني محبط
وشكلي بسكر الملزمه وبطلع اتمشى بالكورنيش وبكره تجي زي ماتجي شختك بختك
والشرهه على اللي يدرس جامعة مره ثانيه

[رعدالسحاب]

السلام عليكم
اقولكم طريقتي في المذكره لاعلب المواد افتح الملخص واسئله المحاضره مع بعض اطلع على الاسئله الخاصه بالمحاضره واقراء الملخص وانا فاتح الاسئله واي معلومه احصلها في الملخص ولا جاء عليها سوال اعلق عليها في نفس صفحه الاسئله وهكذا وبعد ما اخلص اذاكر الاسئله والتعليقات الى انا كاتبها وهذي طريقه جربته وممتازه تعطيك تصور دقيق عن الى ما جاء بالاسئله السابقه وتركز عليه لانه ممكن الاستاذ يجيبه ودمتم سالمين على راي ام جهاد

[511طالب شايب]

والله يا اخوي (رعد السحاب ) فهم كلامك اصعب من فهم الماده
ترانا متنحين
الله المستعان بس
الله يعدي هالترم على خير

[رعدالسحاب]

اقره ثانيه وادعو الله ان يوفقك وجميع الاخوان تسهل ان شاء الله الدكتور اخت معه ماده تعاقد وتفاوض وكانت اسئلته مباشره وواضحه ومكرره من السنوات السابقه

[آلبدر]

والله يا رعد مثل ما قال الاخ طالب شرحك يبيله شرح
والله لك جزيل الشكر على التجاوب معنا وتحسسنا بسهولة المواد
ولكن قسم بالله العظيم اختبرت ماده يوم السبت ادارة اعمال دوليه
والويكند خصصته للدراسه بالبيت
اسمع المحاضرات واحل الكويزات
مرتين اسمع المحاضرات واكتب معه
والكويزات يمكن ثلاث الى اربع مرات اعيد عليها
وبالاخير دخلت اختبار لماده ماعمري درستها بسبب الاستاذ الله لا يوفقه
والان قاعد اقرا اسئلة الاستاذ لمادة ادارة المعرفة
اسئلته متشابهه ولكن التواء بصيغة السؤال وكذلك الاجابه
ولكن نعشم فيه الخير وان شاء الله يكون اختبار سهل

[ميار العنزي]

الله يستر خسفو معدلنا:12::12::12::12::12:

[Decent Hafrawi]

الله يعين .. احس الدكاتره مع دفعتنا يبرزون قدراتهم .. احد قال ان مصطفى معنا

الدفعة الماسية هم مصطفى وانا منهم ،،، امر بغيت شي من مصطفى الفردي ؟؟

[أبو عبدالله]

وين مانطقها عوجى ..:biggrin:

استغلال الوقت المتبقي , واعطاء النفس الراحة اللازمة
فالسهر ( قلة النوم ) يقلل التركيز ويصيب الشخص بالتشتيت الذهني

[حمود الدعجاني]

وين مانطقها عوجى ..:biggrin:

استغلال الوقت المتبقي , واعطاء النفس الراحة اللازمة
فالسهر ( قلة النوم ) يقلل التركيز ويصيب الشخص بالتشتيت الذهني



وشلون ننام وحنا مقروصين من النظم المتكاملة ،، سمّها يمشي بعروقنا للحين . ورفيقنا الي بكره ماندري وش هو من لحيه ...

يالله انا في رجاك :bawling:

[AlQassem]

https://i.ytimg.com/vi/jpdLwjcx-U4/hqdefault.jpg


:hahahahahah:

موفقين ان شاء الله

[MTN7A~]

كلامكم يجيب الاحباااااااط والهم ليتني مادخلت : (
تفائلو بالخير تجدوه مال امه داعي التشائم
انا طريقتي بالمذاكره اذاكر محاضره واروح كويز للمحاضره نفسها وهكذا والمعلومه تثبت

[yasser332]

الماده تلحسس المخ والدكتور اكثرر