وش نظام الرسوب في الجامعة ما اظن بنجح في اختبار التقنيه

[Umfofo]

مو قادره احفظ مادة تقنية المعلومات حشو معلومات موب طبيعي وكلشي داخل معنا مافيه ملخصات ولا ساعدنا بشيء

المهم لو رسبت في الماده كيف النظام متى اعيد اختبارها ولا احملها للسنه الجايه ولا كيف

حسبي الله ونعم الوكييييل

[لولا &]

توكلي على الله واعملي ب الاسباب انا ذاكرت على اسئله الاعوام والكويزات واحسه سهل والله يوفقنا جمعيا

[أبو عبدالله172]

قولي خير إن شاء الله تعالى الجميع يعدي بإذنه تعالى.

[The00End]

كل الكلام اللي قلتيه صحيح لكن براضو بدون تشاؤم يمكن الاسئله سهلة

شوفي اسئلة السنوات السابقة وحفظي الاسياسيات

وانشاالله خير

[أبو عبدالله172]

بس المسائل الحاسبية (البايت) في صعوبة التحويل الله يسهل.
أشوفه جاية بالاسئلة الماضية ، إذا أحد يعرف لها يشرح لنا مشكوراً.

[احلام انجليزي]

الوقت لسى باقي لاتتشائمي ابدا انا كنت متشائمه ويوم بديت اقراه بعمق احسني فهمت ولا تنسين انو كثير نجحو فيه انتي اعملي بالاسباب وخلي ثقتك بالله كبيره
" انا عند ظن عبدي بي "
اقريه لو قرايه عميقه
واقري الملخصات واقراي اسئلة السنوات اللي فاتت والاخوان ماقصروا بالكويزات
انا توي بديت اذاكر فعلي ولساتني بالمحاضره الخامسه

[احلام انجليزي]

بس المسائل الحاسبية (البايت) في صعوبة التحويل الله يسهل.
أشوفه جاية بالاسئلة الماضية ، إذا أحد يعرف لها يشرح لنا مشكوراً.

شوفو تجمع الترم اللي فات بالصفحات الاخيره فيه كلام مفيد
وحتى لو جا مسألة البايت كلها سوال واحد مو مرسبكم

[أنثاه]

ليش التشاااااااااااؤم يختي
توكلي ع الله و ربي بيسهلها

لو تقرأينها قراااااءه بتركيز زبعدها حلي الكويزات
وان شاء الله تنجحين

[Umfofo]

طيب كم سؤال أحله من خمسين سؤال عشان انجح مع درجات المشاركه

الماده طويله وانا زوجه وأم عندي التزامات ماعندي الوقت اني اقعد احفظ المهزله هذي

[صالحه عبدالله]

فعلا من توكل ع الله ماخاب هم بعد انا ذاكرت الكويزات واسئله العام الماضي سهل بس يبي له تركيز

[ساري55]

توكلي على الله وحاولي تاخذيها كتسليه مثل ماسويت حسيت شوي بديت اتقبلها احفظي اسئله الاعوام السابقه واقري الباقي كلنا امهات وعندنا مسؤليات وان شاء الله كل شي باجره

[هجوم999]

وافونا باﻷسئلة حقت اﻷعوام الماضية

[~قطرة ندى~]

بأذن الله تتسهل الله يعين وبس
اهم شي تضمنين عالورقه 22 سؤال صح مع 30 درجه حقت الاعمال الفصليه بتضمنين النجاح ان شاء الله او حاولي تجاوبين 25 سؤال صح بكذا محد قدك ان شاء الله ناجحه :rose:

[english1]

الله معنا بإذن الله أنا فيه أشياء كثيرة ما قدرة أحفظها ولكن ركزوا على المهم :
1- لربط شبكتين مختلفتين ؟
البوابة Gate Way.

2- تقوم بالحساب والقسمة والضرب؟
وحدة الحساب والمنطق.

3- تتصف بالصعوبة وتستخدم (1,0) مما يجعلها اللغة الأساسية لجهاز الحاسب؟
لغة الألة.

مميزات وعيوب البريد الألكتروني.
فيه اسالة مرة ممتازة الشباب ما قصروا حاطينها حلوها وحملوها وشوفوا وشو غلطكم وارجعوا حلوها مرة ثانية إذا أخذتوا 100 بإذن الله تكون درجتكم مرة عالية.
هذي من الحاضرات 3 السمعية

الله يوفقنا يارب:)

[ઈઉ M L A M 7 ઈઉ]

طيب كم سؤال أحله من خمسين سؤال عشان انجح مع درجات المشاركه

الماده طويله وانا زوجه وأم عندي التزامات ماعندي الوقت اني اقعد احفظ المهزله هذي

22 سؤال = 30 درجة
+ 30 الاعمال الفصلية
= 60 نجاح ع الحفه


(( وَقُل رَّبِّ زِدْنِي عِلْمًا ))

[bader_]

بالعكس هذي اسهل ماده بالمستوى الاول كلها معلومات عامه

[فهدابوسامي]

الله يسر امرنا وأمرك وان شاء الله ربك يفرجها

[The00End]

من صعوبة الاسئلة طريتي على بالي وانا اختبر

عندك روية فى الحياة اتوقع الاغلب جاب العيد