وش العمل برايكم في اللي صار ؟

[c'est moi]

السلام عليكم ورحمة الله وبركاته

كيفكم ان شاء الله بخير

حبايبي بداية احب اشكر الجميع ع تفاعلهم وماقصرتو

والدكتور حسن ماقصر بالاسئلة

والحمدلله كنت متخوف من الماده كثير وكنت ااجل دراستها لين خلاص وصلت انها بتعارض في المستوى الثامن واضطريت اخذها هالترم لكن عدت ع خير

لكن المهم واللي فتحت الموضوع بخصوصه انو فيه سؤال اجابته الصحيحه متكرره ع فقرتين أ و ب


والسؤال كان رقم 35 في نموذج e ونصه ( اذا فاقت الصادرات السلعيةالواردات السلعيةعندها يمكن القول أن هناك

‌أ. هناك فائضا في الميزان التجاري

‌ب. هناك فائضا في الميزان التجاري

‌ج. هناك عجز في الميزان التجاري

‌د. هناك عجزا في الميزان الرأسمالي


من مبدأ التعاون نبي نجمع اكبر قدر من الشباب لأجل نعترض عليه لان :
اولا مو معروف اي الاجابه بتكون صحيحه في التصحيح التلقائي
ثانياً درجة السؤال ممكن تفيد اكثر من شخص في انه يعدي الماده ..

فياليت اللي عنده صيغة تظلم لأجل نعتدمها لايقصر

وشكراً


" تحديث "

اغلب الأخوه يقولون انها كانت جاري وتجاري

والصحيح طبعا هو التجاري

ف اكيد كثير منكم قرو الاجابه انها تجاري للفقرتين

ف اللي حاب يرفع ملاحظته من الايقونه ويساعد الاغلب اللي شافوها تجاري لا يقصر
خصوصا انو بكل الحالات ماراح تتأثر درجته اذا كانت صحيحه
بقدر ماساهم بصوته

وشكرا للجميع


" تم رفع الملاحظه والسبب الاجابة الصحيحه مظلٍله "

[عادل العضياني]

اول خيار الميزان الجاري
ثاني خيار الميزان التجاري
اتوقع كانت كذا

[hessah588]

‌أ. هناك فائضا في الميزان الجاري

‌ب. هناك فائضا في الميزان التجاري
.
اذكر انها كانت كذا وحده تجاري ووحده جاري

[العوفي1]

الاول جاري والثاني تجاري في الاختيارات

[Mr.Lonly]

شكرا لك
وانا كذلك اخرتها والحين اخذتها مع مواد مستوى سابع
صحيح وهذا خطاء في الاختبار انا برفع من خلال الايقونة
السؤال رقمة ٤٠ بنودج d
ودرجة السؤال مهمة لانها ممكن هي اللي تفرق بين الحصول على a او b+

[ميمآ العريني]

الخيار الاول الجاري والثاني التجاري والاختيار الصحيح ب كان من ضمن اسئلة الواجب العام السابق اذا ماخاب ظني

[محمد صالح1]

صح نبي صيغه اعتراض الله لايهينكم مو عارفه كيف لكم كل الشكر..

[Msbror]

لا وحده كانت الجاري والثاني التجاري

[آڵقُـ‘ـُحُـ‘ـُطُـ‘ـُآڹۑ]

طيب والاجابه الصحيحه وشهي

[c'est moi]

متأكدين ي اخواني ؟

انا شفتها تجاري كلها
حتى اللي شدني اكثر ان واحد طلب المراقب وقال له كل الاجابتين صح وش اسوي قال ارفع تظلم من الايقونه

[AMMALALI]

متاكدين الاولى كانت جاري وجدااا واضحه بصراحة

[العوفي1]

انا متأكد الخيار الاول جاري
والخيار الثاني تجاري وهي الاجابه الصحيحه

[AMMALALI]

ماركزت يمكن اخوي بالقراءه لانها متقاربه

[خالـد بن محمد]

الخيار الاول الجاري والثاني التجاري

صحيح . الخيار الاول الجاري والثاني التجاري

[pearl909]

اي الجاري والتجاري :biggrin:

[.Bnotah]

وش اعتراضه لاتفضحون الرجال هو عشان يسهلها الاولى كانت الجاري بدوت التا

[ابوخالد ابراهيم]

وحدة جاري وحدة تجاري

[Swan14]

وحده كانت جاري والثانيه تجاري
ايش الجواب الصح لخبطت بينهم

[ميمآ العريني]

عاد تخيلوا صدق ترفعون تظلم والمسكين جايب الاسئلة نصخ لصق والله بياكلونها الدفعات الجايه بيحمدون ربي وقتها اذا جابوا e بالماده ��

[خادم امهـ]

بس الجواب اتوقع يكون فقره (ج) عجز في الميزان التجاري ��

[c'est moi]

اجل صارت المشكله اني ماقريتها صح

عموما اللي حاب يكتب ملاحظته عن طريق الايقونه بيكون ساعد اغلب الطلاب اللي قروها تجاري للفقرتين

وبكل الحالتين ماراح يخسر الدرجه

وشكرا لتفاعلكم

[mjafy]

المشكله الي حط هناك عجز في الميزان التجاري الي هي الاجابه ج بحسب حل الاسالة للنماذج السابقة والله نكبونا الشباب الله يهديهم اذا كانت الاجابه مثل مايقول خوينا

[الحلم الصامت]

لا كان وحدة جاري والثانيه تجاري
الاختلاف حرف واحد واتوقع انه قاصد علشان الى مايركز

[sadeem_33]

الله مايستدعي ترفعون تظلم
ماقصر ابد معنا .. وهذا الشئ بتدققون .. تحمستو كثير
درجات دنيا الله يصلحكم

[abuamer]

السلام عليكم ورحمة الله وبركاته

أ_ الجاري

ب_ التجاري

[Alyateemi]

طيب الاجابه الصحيحه وش طلعت :d

[Desperado]

على حسب حل النماذج السابقة كان الجواب :

( عجز في الميزان التجاري ) !

-


الله يهدي اللي ( حلها خطأ ) ووهقنا ! :no:

[أم راكانa]

التجاري والجاري
الجواب التجاري

[Droma]

حرام الظلم ورفع التظلم
واضحه وصررريحه الاجابة
جاري
تجاري

ماقصر مررره معنا اسئلته مافيها اي لف ودوارن

[hessah588]

الاجابه طبعا فائض بالميزان التجاري ، لان الصادرات اكبر من الواردات ، يعني ابيع اكثر مما اشتري

[ammar5188]

انا عن نفسي درست الملخص ونسيت اراجع الاسئلة حقت السنين اللي فاتت وجبت العيد الله يستر بس فعلا اللي يبي يذاكر اشوف يبدا باسألة السنين اللي فاتت ويلاحظ طريقة الاسئلة ثم يبدا يذاكر محاظرة محاظرة وكل دقة بتعليمة ان شاء الله

[كرستينا 24]

انا للاسف حليتها خطأ دخلت الامتحان وانا بموت من التوتر وكله من خوفي من الأسئلة وبطني صار يقلب علي و راسي يفتر ولا قدرت اركز في الأسئلة بالرغم من سهولتها لكني للاسف خوفي تغلب علي برغم ان الله الشاهد علي اني تعبت كثير في المذاكرة:mh12::Cry111:

[ABU BADER11]

كمان فيه خطأ في إحدى الإجابات

الدكتور كاتب

- النفاق الحكومي .................... !!!!!


يقصد الإنفاق .

[ابوعبدالاله الش]

رفعت تظلم على فقرة جاري وتجاري قلت خطاء في الاختيارات

[مشعل آل ناجي]

نعم ياخادم امه الجواب لا الاول ولا الثاني الجواب حسب ما قريت بالاسئلة بالرغم اني حاطه وفيني شوية قهر وعلى مضاضه بس وثقت بكل الاسئلة والا بديهيا يكون الجواب ب لكن حسب ماشفت بالاسئلة والله يستر بس تروا الجواب الاول الجاري والثاني التجاري فلا تقدح ومراح يردون عليك ياشنبببب

[dosha2015]

الجواب عجز في الميزان التجاري

[dosha2015]

اسئلته مره سهلة الله يجزاه الف خير