تسجيل الدخول

مشاهدة النسخة كاملة : المستوى السادس نداااء لدفعة مستوى سادس

faris66wy
2016- 5- 8, 06:30 PM
السلام عليكم ورحمة الله
حياكم الله جميعاً وأعتذر عن أخذ بعض وقتكم

جميعكم في هذا الترم تفاجأ بالمقالي ولكن الحمدلله على كل حال

بما إني شفت أغلب الدفعة موجودة هاليومين وبعدها ماراح يكونو متواجدين
فقلت اطلعكم على مقترح وأتمنى تشاركوني فيه

مواد مستوى سابع عددها 9
ومواد مستوى ثامن عددها 7
(لأن المادة الثامنة بحث التخرج وماعليه اختبار)

فمن رأيي لو نأجل مادة من السابع للثامن (طبعاً تكون من المواد المشتركة اللي اختبارها موضوعي)

وبكذا إذا كانت اختباراتنا بالمستوى السابع مقالي( لاقدر الله ) نقدر نذاكر 8 مواد بدل من 9

ومستوى ثامن يصير عندنا ( 8 ) بدل (7)

هذا رأيي ومقترح أتمنى تفكرون فيه قبل ما تردون

شكراً لكم جميعاً
Mooda
2016- 5- 8, 06:52 PM
اقتراح جميل ..
اهم شي نكون مع بعض ونمشي سوا
ليش ما نروح لمستوى ثامن حنا وقروب مستوى سابع الحين علشان ما تكون اختباراتنا مقاليه ؟!
وعندي سؤال لكم
انتم جايز لكم شغل بعض الدكاترة معنا يجيبون 8 اسئله او 7 ويكبرون الدرجه على السؤال ويحرمونا من 10 اسئلة كامله تساعدنا بالدرجات
انا رفعت ملاحظات على اختبار مادتين الخليج في العصر الاسلامي والدولة السعودية بايقونة الملاحظات لذلك ارجوكم رجاءا حارا انكم تسوون مثلي وشكرا ..
feras262
2016- 5- 8, 06:54 PM
والله راي مب شين
لاكن الترم الجاي الي هو المستوى السابع ماعندنا مواد مشتركه الى ماده وحده فقط والباقي كله تخصص تاريخ
اما المستوى الثامن مافيه ولا ماده مشتركه للاسف
يعني لو صار مقالي لاقدر الله بيكون اصعب ترمين راح يمرن علينا
انا ودي اعرف الي العام كانو مكثريننا وين راحو ؟
Bright Future13
2016- 5- 8, 07:27 PM
وعليكم السلام ورحمة الله وبركاتة

اقتراح ودي يفيدنا فيه الأخوة من مستوى ثامن لأن اللي فهمته ان مستوى ثامن موادة صعبة اكثر من مواد مستوى سابع

حتى إني كنت افكر اخلي بحث التخرج الترم الجاي (السابع) عشان ماأتعب في مستوى ثامن

فإذا على مستوى مادة عامة ومشتركة تتأجل مااشوف فيها شي وياريت تفكرون بموضوع بحث التخرج نخلص منه الترم الجاي
The one'
2016- 5- 8, 07:40 PM
أهم شي التوافق إنتم عارفين العلاقات الدولية التحالفات أهم شي فيها التوافق
الناس ووووين وإنتم ووووين نخلص أول مادة العلاقات الدولية عقب
لكل حادث حديث :)
Mooda
2016- 5- 8, 07:41 PM
والله نفس اللي افكر فيه من جد وين راحو ؟؟؟
ايه والله يا ليت نسوي بحث التخرج ونرتاح منه
faris66wy
2016- 5- 8, 08:19 PM
شاكر ومقدر لكم اهتمامكم وتفاعلكم
والمقصد من طرح الموضوع بهذا الوقت
هو بسبب أن أغلب الأعضاء راح يكون آخر دوام لهم بالمنتدى يوم الثلاثاء

أما بالنسبة لبحث التخرج فلازم نأجل مادة من السابع لأن عددها 18 ساعة وهو العدد الأقصى المسموح به
لكن إذا تم تأجيل مادة ( ويفضل تكون مشتركة ) فأرجوا من الجميع الاتفاق على مادة معينة لتأجيلها

وأنا معكم بمادة البحث تكون الترم الجاي
abo reema
2016- 5- 9, 12:23 AM
خوش راي
ابو سلطااان
2016- 5- 9, 12:33 AM
اختبارات مستوى ثامن كلها مقالي انا مختبرها


لاني اجلت السابع , يعني الترم القادم راح اسجل مواد مستوى سابع ان شاء الله


انا من رأيي اننا نسجل مواد مستوى سابع , على فكره انا ومعي اكثر من شخص ( قفزنا مستوى سابع ) تقريبا 10 طلاب


الزبدة رايي وبكيفكم اننا نسسسسسسسسسسسسسسسسسسسسسسجل مستوى سابع
faris66wy
2016- 5- 9, 01:49 AM
حياك الله يابو سلطان بدفعتنا

احنا سلمك الله بناخذ مستوى سابع وبنأجل مادة النظام الإجتماعي في الإسلام( لأنها مادة مشتركة )

وبنفس الوقت بننزل مادة بحث التخرج

وهذا طبعاً حسب الإتفاق المبدئي بين طلاب وطالبات دفعتنا

وأتمنى من اللي موافق على هذا الكلام يسجل دخوله بكلمة موافق أو غير موافق (مع ذكر السبب أو الاقتراح )

وربنا يكتب اللي فيه الخير للجميع
جغرافي1
2016- 5- 9, 01:50 AM
اخواني في قسم التاريخ

للاسف التوجه الان للاقسام التي تم اقفالها ..... اختبار مقالي

الترم هذا اختبرت ٥ مواد مقاليه ...... اكتوينا فيها

بدون مبالغه مافي الا اختبار واحد من المقالي كان زين

والباقي الله يستر

عدد الطلاب ما عاد يفرق ... قالها لنا احد الدكاتره انتم فوق ال ١٠٠ لكن العماده حددت ان الاختبار مقالي

و بالتوفيق لكم و لنا
faris66wy
2016- 5- 9, 02:00 AM
التاريخ والجغرافيا عينين في رأس
ونرحب بمرورك بموضوعنا

والعمادة خربتها بالنهاية الله يعين بس
لكن حسبنا الله ونعم الوكيل
ابو سلطااان
2016- 5- 9, 02:15 AM
موافق باذن الله تسجيل مواد المستوى السابع الترم القادم بإذن الله
The one'
2016- 5- 9, 02:44 AM
موافق أسجل بإذن الله مواد سابع بدون حذف ولا مادة وإذا تبون مادة التخرج
ضيفوها براحتكم
فـــــاهـــــم
2016- 5- 9, 02:50 AM
في المحاظره المباشره لاحد الدكاتره قال ان التوجيه بالمقالي من العماده بسبب قلة عددكم

طبعا انا اتكلم عن التاريخيين
Mooda
2016- 5- 9, 03:55 AM
موافقه وعلى بركة الله
feras262
2016- 5- 9, 06:20 AM
وانا ايضا باذن الله بسجل مواد مستوى سابع
عاد سواء اجلت الماده المشتركه او لا
لانه مراح ياثر باذن الله
ومشروع التخرج ايضا
مدام ماله اختبار
يعني ماراح يفرق اخذنا او اجلنها
واتمنى الي بيسجل مواد سابع يكتب انه موافق
ياخي اكتب كلمه سابع بس حتى لاتسلم ولا شي :d
حنان شمراني
2016- 5- 9, 11:24 AM
الله يوفقنا يا اخوان وانا معكم بالسابع ان شاء الله بس قولو لي بتاخذون مشروع التخرج مع المستوى7 والا بتاجلون المادة المشتركه للترم الجاي فهمونا
faris66wy
2016- 5- 11, 01:05 AM
السلام عليكم
صباح الورد للجميع
حاب أجدد طرح الموضوع ونشوف الأغلبيّة

بالنسبة مشروع التخرج مافيه اختبار

لكن المشكلة هل النظام يسمح تنزل أكثر من ١٨ ساعة؟'
لأن المواد بمستوى سابع عددها ١٨ ساعة

وبكذا اذا النظام مايسمح اكثر من ١٨ ساعة فلازم نأجل مادة

ويفضل تكون مادة مشتركة

ولاتنسون ان عندنا بالسابع ٩ مواااااد
والثامن بيكون ٧ فقط

فلو نخليها ٨ بالسابع
و ٨ بالثامن ،.
وناخذ بحث التخرج بالسابع لأن ماعليه اختبار نهائي
و بكذا طبعاً يمديك تذاكر خوفاً من المقالي ( وانتو شفتو اللي صار هالمستوى )

شاكر ومقدر تفاعلكم وربي لايحرمكم الأجر
The one'
2016- 5- 11, 03:38 AM
متفقين نسجل مستوى سابع والمادة العامة
نخليها أو نبدلها ببحث التخرج فالموضوع نفس الشي
كل واحد وضروفة المهم باقي المواد مع بعض
Bright Future13
2016- 5- 13, 11:18 AM
موافق
معكم إن شاء الله بتأجيل المادة المشتركة ونآخذ بحث التخرج الترم السابع بإذن الله

ياريت فارس تتأكد في حال التأجيل، من أن مادة النظام الإجتماعي في الإسلام ماراح تتضارب مع مادة تخصص وقت الإختبار
فووق
2016- 5- 13, 01:25 PM
.

.

الله يوفقكم ويسدد خُطاكم ويجعل الجامعة تخلي نظام الظلم وعدم المساواه بين طلبتها

وترجع الاختبارات موضوعي
.
faris66wy
2016- 5- 13, 02:20 PM
شاكر لكم تفاعلكم
بالنسبة لمادة النظام الاجتماعي في الاسلام( مادة مشتركة من المستوى 7) اختبارها يوم الثلاثاء الفترة الأولى

وراح يكون هناك مادة بنفس اليوم أيضاً مادة تاريخ الأمريكيتين من( المستوى الثامن )لكن ( الفترة الثانية )

يعني مادتين بنفس اليوم ولكن وحدة بالفترة الأولى ووحدة بالفترة الثانية
وهذا بالنسبة لهذا الترم
وأتوقع إن الجامعة ماتغير في المواعيد ومستحيل تحط مادتين بنفس الفترة، خصوصاً اذا كان العدد أكثر من واحد.

والأخت فوق وفقها الله ذكرت فيه موضوع آخر أن المستوى السابع يعتبر أصعب مستوى مر عليها مع إن الاختبارات كانت موضوعية

ولذلك انا بإذن الله بنزل مادة البحث وبأجل المادة المشتركة( لأن المادة المشتركة لها كويزات كثييير في الأقسام الأخرى وهذا بيكون شي مساعد بعد توفيق الله تعالى )

وفقكم الله جميعاً ورعاكم

وشاكر لأختنا المبدعة فوق شرف مرورها ومشاركتنا
abo reema
2016- 5- 14, 10:56 PM
اخذت النظام الاجتماعي في الاسلام مشتركه بكل الاقسام اختبرتها اخر ماده الثلاثاء الفتره الاولى . والاسئله نس كل عام تتكرر وماده من اسهل مايكون
غريب الليل
2016- 5- 14, 11:21 PM
موافق باذن الله تسجيل مواد المستوى السابع الترم القادم بإذن الله
ابو سلطااان
2016- 5- 15, 11:01 AM
موافق باذن الله تسجيل مواد المستوى السابع الترم القادم بإذن الله

وانا معك بإذن الله يا اخ غريب :106:
faris66wy
2016- 5- 16, 09:36 AM
تنبيه مهم يا شباب

بالنسبة لكلية الآداب
يسمح لطلاب وطالبات المستوى السابع والثامن
تنزيل عدد 22 ساعة بشرط

أن يكون قد اجتاز بنجاح عدد (86) ساعة دراسية

وحسب الخطة الدراسية فإننا قد أنهينا عدد 82 ساعة ( حتى المستوى الخامس ) ويتبقى معرفة نتائج المستوى السادس ليصبح المجموع (98) ساعة وبذلك يسمح لنا بتسجيل عدد 22 ساعة
---------------
سؤالي لكم ( هل راح تأجلون المادة المشتركة ) طبعاً إذا سمح لك النظام تنزل 22 ساعة
بالنسبة لي اذا سمح النظام بذلك فراح أمشي على الخطة الدراسية وأنزل مواد سابع وأضيف لها البحث

وإذا ماسمح النظام فبأجّل المادة المشتركة للثامن

الله يعين ويسهل ( حاسنا حووس هالمقالي )
وفقكم الله جميعاً

ملاحظة سريعة( المادة المشتركة دائماً إختبارها يوم الثلاثاء) يعني آخر يوم بالاختبارات وبيكون عليها كويزات ومراجعة كثير وبتكون موضوعية بإذن الله لأنها مشتركة بين أقسام كلية الآداب لذلك راح أنزلها مع مادة البحث.
Bright Future13
2016- 8- 1, 06:36 PM
السلام عليكم ورحمة الله وبركاتة

وأسعد الله أيامكم بكل خير وإن شاء الله أنكم بأحسن حال

تحياتي لجميع الأخوات والإخوة الكرام بالمنتدى وكل عام وأنتم بخير



بسم الله نبدأ

اليوم بدأ التسجيل لدفعتنا مستوى سابع في نظام البانر

تمكنت من تسجيل 18 ساعة فقط حسب النظام وفي الفترة الثانية سأكمل الباقي بإذن الله


كما أشار الإخوة أتفقنا أن نأخذ مواد مستوى سابع مع مشروع التخرج من مستوى ثامن
هذا الرابط المرجعي لأرقام ال CRN

https://www.kfu.edu.sa/ar/Deans/e-learning/Pages/courses_tables_page.aspx
faris66wy
2016- 8- 7, 09:53 AM
السلام عليكم ورحمة الله وبركاته
حياكم الله جميعاً
وعودة حميدة لأجواء الدراسة

أنا سجلت 18 ساعة فقط ( المسموح ) من مواد المستوى السابع ماعدا المادة المشتركة( النظام الاجتماعي )

وأخذت بحث التخرج

وفترة التسجيل الثانية بحاول آنزل مادة النظام الاجتماعي في الإسلام ( إذا تم السماح بزيادة عدد الساعات 22 ساعة)

والله يوفقكم جميعاً
abo reema
2016- 8- 7, 12:01 PM
موفقين ان شاء الله
نزلت 8 مواد من مستوى سابع ماعدا مادة النظام الاجتماعي لاتي اخذتها الترم اللي فات اخذت مكانها تاريخ الامريكيتين من المستوى الثامن وبحث التخرج بخليه للترم الجاي ان شاء الله
faris66wy
2016- 8- 9, 10:39 AM
السلام عليكم

تم تسجيل عدد 20 ساعة ولله الحمد

وبكذا جميع مواد المستوى السابع + بحث التخرج تم تسجيلها.

وفقكم الله جميعاً
faris66wy
2016- 8- 9, 10:42 AM
موفقين ان شاء الله
نزلت 8 مواد من مستوى سابع ماعدا مادة النظام الاجتماعي لاتي اخذتها الترم اللي فات اخذت مكانها تاريخ الامريكيتين من المستوى الثامن وبحث التخرج بخليه للترم الجاي ان شاء الله



بالتوفيق ياحبيبنا
ولكن انتبه لايكون فيه تعارض ( يعني مادتين بيوم واحد، أو تكون مادتين بنفس الفترة ) وتقدر تتأكد من جداول الدفعات السابقة.

الله يعين الجميع، وماباقي الا هالسنة ونتخرج بتفوق جميعنا بإذن الله
Bright Future13
2016- 8- 9, 05:00 PM
السلام عليكم

تم تسجيل عدد 20 ساعة ولله الحمد

وبكذا جميع مواد المستوى السابع + بحث التخرج تم تسجيلها.

وفقكم الله جميعاً

الحمدلله وأنا كذلك سجلت مواد مستوى سابع مع بحث التخرج
الله ييسر لنا جميعآ
Bright Future13
2016- 8- 9, 05:05 PM
موفقين ان شاء الله
نزلت 8 مواد من مستوى سابع ماعدا مادة النظام الاجتماعي لاتي اخذتها الترم اللي فات اخذت مكانها تاريخ الامريكيتين من المستوى الثامن وبحث التخرج بخليه للترم الجاي ان شاء الله

بالتوفيق ابوريما
كان ودنا أننا جميعآ في بحث التخرج لكن الله يكتب لك الخير وبالتوفيق بتاريخ الأمريكيتين. ومايحتاج اوصيك ثبت لنا الأسئلة والنقاط المهمة.
والله ييسرلك
abo reema
2016- 8- 9, 11:24 PM
الحمدلله فارس ضبطت الجدول بدون تعارضات ابشرك

برايت ان شاء الله بركز على مادة الامريكيتين وبحتفظ بالنقاط المهمه والاسئله


شدوا حيلكم بالبحث
العراّب
2016- 8- 21, 12:44 AM
انا عندي مادة من المستوى السابع
ان شاء الله يكون العدد جيد وناخذها موضوعي بأذن الله
abo reema
2016- 8- 21, 04:34 PM
اي مادة اخذت؟؟
العراّب
2016- 8- 27, 10:11 AM
الدولة العباسية2
faris66wy
2016- 8- 28, 02:21 PM
السلام عليكم

بالنسبة لمادة البحث

تم وضعي مع المشرف ( عبدالرحيم يوسف آل الشيخ مبارك )

الله يوفق الجميع ويجعل لمشرفين متعاونين وكريمين بالدرجات
aalomari
2016- 8- 30, 08:37 AM
اخوي فارس كيف تم وضعك في البحث مع الدكتور وحتى الان لم تتغير ايقونة البلاك بورد.. انا مسجل بحث تخرج ولكن لم اعرف حتى الان مع اي دكتور ؟؟
ياريت تفيدنا
faris66wy
2016- 8- 30, 10:17 AM
اخوي فارس كيف تم وضعك في البحث مع الدكتور وحتى الان لم تتغير ايقونة البلاك بورد.. انا مسجل بحث تخرج ولكن لم اعرف حتى الان مع اي دكتور ؟؟
ياريت تفيدنا

عن طريق الدخول على نظام البانر
-ثم الدخول للمنطقة الآمنة
-ثم تسجيل اسم المستخدم ( الرقم الجامعي ) والرقم السري
-ثم الضغط على خانة الطالب
-ثم خانة التسجيل
-ثم اختيار ( جدول الطالب الدراسي )

أتمنى تكون الخطوات واضحة، ولكن لاأعلم هل سيتم تغير المشرف أم لا.

والله الموفق
سارينا1
2017- 6- 22, 05:11 PM
الله يوفقكم