عطونا ترتيبكم لمواد هالترم من الاصعب للاسهل جزيتم خيرا

[ام التؤام1980]

السلام عليكم ورحمة الله

انا طالبة مستوى رابع اذا ربي احيانا على خير وجينا للترم الجاي مستوى خامس ابي تقيمولي مواد المستوى الخامس من الاصعب الى الاسهل الله يرضى عليكم

ويعطيكم الف عافيه

[مستر أبو خالد الشمري]

انتي لو منتظره لين نطلع من هالغمه ما زلنا في معمعة اختبار امس :) ركزي على معمعةة


الوكاد


انتبهي من السلوك التنظيمي

والاعمال الدوليه

النقود والبنوك


الباقي ماشي حاله

[ام التؤام1980]

يوه ماخلصتوا على بالي مثلي خالصه امس :rolleyes: وويالله خير البر عاجله;) قلت خل اسأل لاتاخذكم عني الاجازه :D ومتى مافضيتم ردوا علي ويعطيك الف عافيه موفقين

[وردة جورية]

طيب يليت توضح ليش ننتبه من هالمواد الثلاث !!

[فهد السويلمي]

بالنسبه لي كل مواد هالترم سهله سهله سهله فقط يبي لها تركيز ومذاكره والمسائل فيها قليل جداً يعني ٩٠٪‏ مواد نظري

فقط مادة ( الدوليه ) ما اخذتها مادري عنها اما باقي المواد سهله وجميعها a بأذن الله فقط شدوا حيلكم

بالتوفيق لكم

[همسة قلم 522]

انا كمان من مستوى رابع وحابه اعرف مستوى المواد من ناحية الصعوبة والسهولة

كمان ياريت تقولوا لنا عن اش تتكلم المواد

وكيف دكتور كل مادة

معليش حنتعبكم معانا يازملائي الافاضل :)

والله يوفقكم جميعا بال a بلس

[Hadi M]

السلام عليكم ،،،

أول شي الله يبارك لك في التوأم وينولك برهم ،،،

ثاني شي مواد الترم هذا سهله في حالة المتابعه أول بأول ،،،

إذا ما تتابع أول بأول فركزوا على إدارة العمليات بعدها الإدارة الدولية ،،، والباقي يعتبر سهل ،،،

بالتوفيق للجميع ،،،

[Hadi M]

بالنسبه لمواد إدارة الأعمال لو تلاحظون كلها تدور حول بعض ومترابطه وكل ما انتقلتوا لمستوى بتلاحظون الترابط اللهم بشكل أوسع ،،،

كإنطباع الدكتور محمد القحطاني الله يجزاه خير صعبها علينا حبتين خصوصاً في الإختبار ،،، لكن ما يعتبر معيار لأنه يمكن الخيار كان على المقرر اللي يدرسه ،،،

الملاحظ كل مستوى يجينا إختبار مطفي النور ،،، فيمكن المستوى هذا كان ع المقرر تبعه ،،،

بالتوفيق للجميع ،،،،

[الفراتي]

اسهل مستوى من بين كل المستويات
جميع المواد سهله جدا
بالتوفيق

[همسة قلم 522]

الله يبشركم بالخير

والسموحة ام التوائم اني اتقفلت بموضوعك بس كان ببالي اطرح موضوع يناقش نفس الفكرة :)

واشكركم على التوضيح الحمدلله بشرتوني توي مفحطة بمستوى رابع الين قلت ياكافي :d

[وردة جورية]

بالنسبه لمواد إدارة الأعمال لو تلاحظون كلها تدور حول بعض ومترابطه وكل ما انتقلتوا لمستوى بتلاحظون الترابط اللهم بشكل أوسع ،،،

كإنطباع الدكور محمد القحطاني الله يجزاه خير صعبها علينا حبتين خصوصاً في الإختبار ،،، لكن ما يعتبر معيار لأنه يمكن الخيار كان على المقرر اللي يدرسه ،،،

الملاحظ كل مستوى يجينا إختبار مطفي النور ،،، فيمكن المستوى هذا كان ع المقرر تبعه ،،،

بالتوفيق للجميع ،،،،


طيب دكتور محمد يدرس شنوو ؟؟

[Hadi M]

الدكتور محمد يدرس إدارة أعمال دولية ،،،

[dosre]

السلام عليكم

اختي الله يعطيك العافيه

قبل كل شي

أولاً :
احب اطمنك ان مستوى خامس اسهل من الاترام الماضيه بكثير

وراح تشوفين الفرق بإذن الله

ثانياً :

من وجهة نظري ليست المشكله في المواد
بل المشكله في دكاتره المواد

بوجه عام دكاتره مستوى خامس حسب الاختبارات الي مرينا فيها هالترم

يعتبرون كويسيين

ثالثاً :

من ناحية اصعب ماده كمعلومات

وليست بالصعوبه بمعنا صعوبه

ولاكن من ناحية الاصعب

1- واجهت صعوبه من ناحية صيغة الاسئلة كغموض وفيها شوي لفه

( ادارة الاعمال الدوليه )

الباقي كلها بفضل الله ثم بفضل الدكاتره المتعاونين
الله يجزاهم خير

سهلو كل المواد واسئلتهم كانت غير متوقعه من ناحية السهوله

والمستوى الخامس بشكل عام يغلب عليه الجانب النظري اكثر من العلمي


لذلك اعيد واقولك اختي هالترم اسهل من الاترام الماضيه


والله يوفقكم

[ناره]

ياريت يكون في مشاركات اكثر
تحمسنا نسمع ارائكم ونستفيد
لكم جزيل الشكر لحسن التعاون

[ساره السندي]

طيب يليت توضح ليش ننتبه من هالمواد الثلاث !!

ورده انا معك في الرابع بس اخذت مقرر السلوك التنظيمي بدل الموارد البشريه
اسئله دكتور السلوك دقيقه مثلا عندك خطوات وتعداد يقولك المرحله الرابعه في هالتعداد وشهي! يعني لازم حفظ بالترتيب
ويشقلب الاسئله
بس الحمد لله هالترم اختباره كان سهل اسهل من اللي قبل

[مستر أبو خالد الشمري]

طيب يليت توضح ليش ننتبه من هالمواد الثلاث !!

وردة وانا ابوك السالفه مايبيلها فتوى او روحه للقاضي :biggrin:

انتبهو يعني شدو حيلكم


اشياء كثيره تتشابه واحيانا الدكتور يشقلب السؤال يبرمه برم يخلي الاجابه سؤال:mh12:


تحصلي اللي مذاكر اسئله الاعوام السابقه حافظ مكان الاجابه .. هنا يتلخبط اذا تغيرت عليه


فهمتي التوضيح يالدافورة :16.jpg:

[حميد جرمان]

يسعد مساكم احب اطمن من يسأل عن هالترم اقصد الخامس انا اشوفه اسهل من مستوى رابع المواد ماهي صعبه بصفه عامه تمنياتي للجميع بالتوفيق

[غُسمَة]

يمدحون هالمستوى ياجماعه لان اغلبه نظري
يعني بمفهونا ياحقين رابع تقل مادة التسويق
والبحث .. من متى والحفظ اسهل من الفهم

.. يالله جعل التوفيق حليفكم وحليفنا :"

[فنونة]

الله يعين النظري شي كئيب جدا :(

[نوفييي]

اتوقع مافي شي بيكون مثل اداره ماليه ١ و٢ وخصوصاً مثل قندوز

[abo-faris]

السلام عليكم انا اشوف مستوى خامس مواده من متوسط الى سهله واغلبه نظري والعملي قليل جدا
طبعا ماقصروا جميع الاخوان والاخوات هم سبب من اسباب سهولة المستوى بعد الله والله يجزاهم خير

[مسماار]

شوفوا السعوديين يقسمون لنوعين اللي يقول هذي الماده صعبه ما بذاكرها واللي يقول سهله ما يحتاج اذاكرها ويجيبون العيد ذاكروا وبترفعون معدلكم واذا اخذتوها عباطه يمكن تعدون ع الحفه ويمكن ترسبون وسلامتكم

[وقتي]

انا اخذت من هالمستوى ثلاث مواد
اداره الكترونيه
اداره دوليه
نقود وبنوك
الكترونيه الاصعب اذا حب الاستاذ يستلعن بس الاستاذ جاب اسئله سهله
وفيه اربع محاضرات جديدة يحبها قلبك محدثه ولا عليها كوزات كل محاضره عن محاضرتين
الاستاذ ماجاب منها الا سؤال واحد وغلطت فيه
بعدها الدوليه وبعدها نقود وبنوك ,,
النقود وبنوك اذا ماقريت اسألت الأعوام
الماضيه ماراح يمشي حالك ...

[اموني الحبوبه]

عطونا المواد وكل ماده مين دكتورها ويكتمل جمال الموضوع

[شيخ الدواسر]

انتبهوا من الاعمال الدولية اشوي يعني ركزوا عليها وشدوا الحيل باقي المواد روعة وسهله فالكم التخرج بالتوفيق للجميع

[شيخ الدواسر]

عطونا المواد وكل ماده مين دكتورها ويكتمل جمال الموضوع

المستوى الخامس زي ماقلت لك اموره طيبه وفالك التوفيق ركزوا اشوي بالمذاكره في الاعمال الدوليه والباقي زين اذا ذاكرتوا وشديتوا حيلكم

[ام التؤام1980]

ياملا الجنه لكم جميعا ويعطيكم الف عافيه على الردود كفيتوا ووفيتوا وفالكم الa فعلا مستوى رابع مستوى نار واصعب مستوى مر علي ان شاءالله المستوى الجاي يصير حلو علينا انا اخذت من مستوى خامس ادارة عمليات صراحة اسهل اختبار مر علي بهالمستوى وعلى قولة وحدة من الخوات دامنا عدينا مالية ١ و٢ فحنا بخير الله يوفقكم جميعا وتبشرونا بنجاحكم

[سمينا]

مواد المستوا حلوووه رونظريه مادتين فيها مسائل بسيطه نقود وبنوك والعمليات بس والباقيه سهله مع المذاكره والتركيز

[cavalryman]

صباحكم خير
ولا عليكم امر
بدنا اسماء الدكاترة مستوى خامس ، وبوركتم

[محمد.9]

مقارنة بالمستويات الماضيه هو الاسهل لكن المواد فيها حقها من الصعوبه.
الصعوبه في مواد المستوى الخامس هي الحشو في بعضها ومنها ادارة الاعمال الدولية
لكن مجملاً ابد ما تقارن بالمستويات السابقه لا من ناحية تصنيف المواد (نظريه 95%)
ولا من ناحية صعوبة المنهج.

السلوك التتظيمي للامانه كنت اشوف تعليقات الطلاب الترم الماضي, جتني حالة اكتئاب
وقلت شلون بنعديها اذا هم ما شاء الله حسب كلامهم مذاكرين قبل الاختبارات باسابيع!!!

لكن للامانه هي من اسهل الاختبارات ومتفائل ان شاء الله بالسلوك وباقي المواد.

النقود والبنوك.. فيه ملخص لأحد الشباب بدون مبالغه اعتمدت عليه و مراجعه اسئلة الاترام الماضيه
واشوفه شمل كل شي ما شاء الله عليه ملخص لا يعلى عليه.

الاعمال الالكترونية... نص ونص ... اللي يقرا اسمها ويجلس يتذكر تقنية المعلومات, لا ياحبيبي صحصح

الاعمال الدولية ... جيده الحمدلله, لكن النظريات كانت متعبه بكثرتها وتشعبات الماده ككل.

ادارة العمليات.. المحتوى بالنظرة الاولى يذكرك بمواد سابقه, لكن الاختبار كان مقبول جداً, وهي اشوفه الاصعب بينهم.

فقه السيرة ... اللي قرا مسبقاً كتاب الرحيق المختوم او احد الكتب المتعلقة بسيرة الرسول صلى الله عليه وسلم بيقرا الماده وكأنها مراجعه.


وبكذا مرينا على المواد كلها.
وفقنا الله واياكم.

[cavalryman]

مين دكاترة مستوى خامس ؟

[نسيم المحبه]

متغييرين مع بداية كل سمستر يتم تحديدهم

[ودق]

انا مستوى 8 وباقي لي مادة إدارة الاعمال الالكترونية
دكتورها احمد الشعيبي ..؟ كيف أسئلة الدكتور كانت ؟

[محمد.9]

انا مستوى 8 وباقي لي مادة إدارة الاعمال الالكترونية
دكتورها احمد الشعيبي ..؟ كيف أسئلة الدكتور كانت ؟

مقبولة لكن الماده تشعباتها كثيره, يعني يقدر يخترع كل ترم لو يبي 50 سؤال جديد

[cavalryman]

متغييرين مع بداية كل سمستر يتم تحديدهم

اخي العزيز نحن سألنا من دكاترت المستوى خامس !!!؟

ولم نسألك هل سوف يتم تغير الدكاترة بداية كل ترم !!!!!؟

بالصراحة شي عجيب!!!!!!!!!!؟؟؟
:41jg:

[استنائية]

إدارة العمليات انا اشوفها سهلة وتابعة للأساليب الكمية .. الصراحة ماعطيتها حقها بالدراسة ومع ذلك جبت فيها b+
ملاحظة : ناس تقول هالترم أبسط من الأترام السابقة لأنها نظرية .. ترى فيه ناس مو حول النظري وأنا منهم .. المواد العلمية اعتبرها ابسط بكتير من المواد النظرية ..
ترى انا مستوى رابع ماعندي معلومة إلا عن إدارة العمليات لأني أخذتها مع مواد المستوى الرابع .. الله يوفق الجميع وأن شاء الله نحاول نشد حيلنا بالمذاكرة الترم الجاي .. بالتوفيق للجميع

[حلمي الجامعة]

السلام عليكم
طيب الا ماخذ مالية2 الترام الفايت
بسبب حمل مالية1 التي عديتها بفضل الله
هل تنصحوني اجلها مالية2 الى اترام اخف او اخذها

[اميره بغروري]

شنو طبعكم عن اداراه دوليه متخوفه منها

[ام جواد1400]

السلام عليكم
طيب الا ماخذ مالية2 الترام الفايت
بسبب حمل مالية1 التي عديتها بفضل الله
هل تنصحوني اجلها مالية2 الى اترام اخف او اخذها

لو بتمشي على الخطه مانصحك تاخذ ماليه 2الحين اجلها الى مستوى سادس لان وقتها بيكون زين
عموما ماده جدا جميله تحتاج لاجتهاد زياده شوي ولاتسمع كلام من يقول تعجيزيه التعجيز للاسف كان ماليه 1وانصحك تاخذها مع الرايع دكتور قندوز اسئله جدا صريحه وواضحه دون اي لعب
وبالتوفيق يارب

[حلمي الجامعة]

لو بتمشي على الخطه مانصحك تاخذ ماليه 2الحين اجلها الى مستوى سادس لان وقتها بيكون زين
عموما ماده جدا جميله تحتاج لاجتهاد زياده شوي ولاتسمع كلام من يقول تعجيزيه التعجيز للاسف كان ماليه 1وانصحك تاخذها مع الرايع دكتور قندوز اسئله جدا صريحه وواضحه دون اي لعب
وبالتوفيق يارب

اشكرك وجزاك الله خير وبإذن الله اخذ بنصحك