المصري احمد فرحان رياضيات والهجهجوج يتعمدون رسوبنا والجامعه تبي ترسبنا من اجل الرسوم

[ahmed alkood]

من بعد الرياضيات الهجهجوج لخبط فينا بالاقتصاد انا بديت أشك ان الجامعه تتعمد رسوبنا من اجل زايده الأرباح من ظهورنا
حسبي الله ونعم الوكيل



أرسلت بواسطة iPhone بإستخدام Tapatalk

[خطوة بخطوة]

تو شطفت قسمكم يمدحون الهجوج ويقولون عايد الأسئلة
يارجال يرسبون عشرة وكل ترم يسجلون 1000 وش هالتفكير العقيم ماتبي تدفع وفر فلوسك ونام
ذاكر وحلل فلوسك وامورك في السمبتيك

[Dr. Ibrahim]

للأسف أخوي أنا توني طالع من احتبار الاقتصاد الجزئي وقسم بالله إن 70 - 80% نفس اختبار دفعة العز اللي فيها عبدالعزيز الصقار
من الظلم وصف الدكتور بهذا الظلم

اما الدكتور احمد فرحان نعم معاك حق أنا من الطلاب المميزين بالرياضيات وواجهتني مشاكل كثيرة وخاصة بعض المعادلات تم الفلسفة فيها مما أدى إلى انهيار المعلومات اللي كنا نحفظها ونفهمها

على العموم راجع حساباتك وتأكد إن الهجهوج ما ظلمنا ولا قسى علينا
فيه طالب شفته بعد الاختبار ما ذاكر وكان بيغيب بسبب جاه اصابه برجله وقال بأداوم على الله , وخرج وهو مبسوط قال حليت فوق 30 سؤال صح ومتأكد منه

[اخو احمد هوبا]

اتكلوا على الله واجتهدوا وبتنجحوا
انا ما احب نحط الفشل شماعة

[عبدالعزيز طلق]

عز الله ما قصر الدكتور جدا سهله الاسئله

[م.التميمي]

على اساس متعطلين على رسومك!! ترا الجامعة فيها الاف الطلاب شدو حيلكم شوي والمادة الي تستصعبها او سمعة دكتورها مو حلوة ادرسها بدري ولللا جيب مدرس توك في البداية وتقول كذا لا وصلت المستويات الاخيرة والمواد الصعبة وش بتقول!!

الله يوفق الجميع

[Nura*]

اذا انك تقصد حسن الهجهوج اللي يدرس اقتصاد جزئي وكلي درسني بالانتظام
والله انه حبيب واسئلته كويسة وشرحة حلو غريبه اول مره اسمع احد مايمدحه ، اما الدكتور الثاني مدري عنه

[سالم الشرقيه]

والدليل انا في المستوى 6 والرياضيات حاملها 4 مرات
+ انا اكره الماده يعني فوق مااحنى نذاكر وندرس صعبه

[ماجد ولد سعيد]

شرعاً: على المدعي إحضار البينة ..

[غرك زمآنك]

ي خوي حرام عليك اسئلة الهجهوج سهله جدا
اللي ما ذاكر يحلها

اما الرياضيات صعبه جدا واتوقع الاغلبيه حامل للماده ..

[وحدي أنا]

هذا ناس متذاكر ولا تعرف اسم الاختبار إلا بالقاعة ويجي يدعي
حرام عليكم جد واجتهد وخذاها بجدارة

[المدى البعيد 10]

مشكلة البعض داخل الجامعة "انتساب" يعتقد انه يقدر يحصل على البكالوريوس
عن طريق الاسئلة السهلة
البكالوريوس هو البكالوريوس سواء انتساب او انتظام
وشي طبيعي يكون فيه تفاوت بالاسئلة بين المواد
حتى يكون فيه تفريق بين الطالب المجتهد والطالب اللي مايذاكر الا يوم الامتحان
على كل حال جامعة فيصل بالذات اللي يجتهد ويشد شوي على نفسة
ممكن يتخرج بمعدل لايقل عن 4
لان الجامعة بالمجمل تعتبر سسسهل مقارنة بجامعة الامام
واللي عنده اصحاب او قرايب بجامعة الامام يسألهم ويشوف الجحيم اللي عايشين فيه هناك
احمد ربكم بس على اللي انتم فيه

[المدى البعيد 10]

والدليل انا في المستوى 6 والرياضيات حاملها 4 مرات
+ انا اكره الماده يعني فوق مااحنى نذاكر وندرس صعبه

طالما حامل المادة 4 مرات
فهذا اعتراف واضح وصريح ان المشكلة فيك وليست بالجامعة كما تدعون
:sm4:

[عبدالرحمن 88]

حرام عليك الهجهوج من افضل الاساتذة اللي مرو علينا بالجامعه من حيث الشرح و سهولة الاختبارات
والى اليوم اعدي له

لو انك قايل محمد الدوغان كان قلت معك حق

[وَردْ]

تخصص إدارة الأعمال الـ 4 مستويات الأولى تحتاج جهد و تركيز خصوصاً إنّ أغلب المواد حسابية ..

[كن واثق بالله]

احمدوا ربك انا دارس رياضيات 1 و2 قبل لا يلغونها عام 2013 وعدينها ولله الحمد

[م.التميمي]

احمدوا ربك انا دارس رياضيات 1 و2 قبل لا يلغونها عام 2013 وعدينها ولله الحمد


وانا زيك من دفعة 2010 ودرست رياضيات 1 و 2 واختبرت مواد مقالي بعد وهذول مو عاجبهم الدلع الي هم فيه