نبذه عن الدكاتره ..#دفعه_اللي ( للحين م قررنا )

[نهج الصحابيات]

السلام عليكم و الرحمه ..
طبعا حنا خلصنا وان شاء النتايج تبشر بالخير ونعدي وقريبا راح نترك هالمستوى ونعدي للثاني جميعاا ان شاء الله .
لم دخلنا هالمستوى لقينا ملخصات ولقينا اسئله وشروحات كلها كانت للدفعه اللي قبلنا دفعه_العز .
للذلك فتحت هالموضوع بحط فيه نبذه عن الدكاتره للطلاب اللي بعدنا ب اسم دفعتنا .
ونترك لنا بصمه في هالمستوى ..






الدكتور : خالد عبدالتواب :
يعتمد على شرحه جدا بوضع الاسئله ولا يعتمد على اسئله الأعوام الا بنسبه قلييييله جدا حتى تنجحون احضروا المحاضرات وسجلوا كل شي يقولونه لان فعلا اسئلته دقيقه جدا .

الدكتور : أحمد فرحان
بعض الأمثله اللي قالها بالمباشرات جابها لا تعتمدون على مراجعه المحاضره 14 وتاكلونها مثلناا :oao: الاسئله كانت معقددده بشكل ( م اخوفكم لكن انبه )


الدكتور : صالح
اسئلته جميلله جدا مكرر اسئله الاعوام وكانت واضحه جداا بعكس صعوبه المنهج

الدكتور : عبدالله الجعفري
ايضاا كانت اسئلته جميله وواضحه واسئله الواجب كانت موجوده بالاختبار ولكن كزوا شوي على الماده

الدكتور : الهجهوج
لا استطيع التعليق بين هذا وبين هذا اسئله الاعوام مكرره بنسبه بسيطه وغير كذا شرحه ماله علاقه بالاسئله ابددددددددا انصح بالكتاب المقرر لان الكل يقول جاب الاسئله منه

..
نصيحه عامه لا تعتمدون على حل الغير حاولوا تتأكدون من الملخصات ابحثوا عن الافضل
وحاولوا تأخذون الكتب المقرره وتعتمدونه للمذاكره يكون افضل .

[naif_860]

تلخيص وافي و كافي

يعطيك العافية

:d5:

[Mask901]

دفعتنا اسمها

# دفعه_ ادارة الأحلام


والله اسم رايق


:d5::d5:

[تيفاني 22]

الرياضيات لو مذاكرين المنهج كامل جبتوها بس اعتمدتو على ١٤ فجبتو العيد
انا اشوف الاسئله كلها تمام بس الوقت ابد ماساعدنا ...

[نهج الصحابيات]

الرياضيات لو مذاكرين المنهج كامل جبتوها بس اعتمدتو على ١٤ فجبتو العيد
انا اشوف الاسئله كلها تمام بس الوقت ابد ماساعدنا ...



انا أتكلم عن العموم .. خصوصا ان الدكتور قال هالشي ونوه انه الاسئله بتكون على نفس نمط محاضره 14 وحبيت اعطي تنبيه بهالخصوص وكل المواد كان ضروري حضور المحاضرات مو بس الرياضيات .

[النصر عشقي]

تلخيص واقعي .. يعطيك العافية

[خآين ولآكن !]

رآح آحطها مفضلة وآرفعهآ في الترم الجديد عشآن ينتبهون لهآ : #

يعطيكك العآفيةة ،

[ibrahem911]

بادرة جميلة منك
لكن أعتقد والعلم عند الله إن معاد فيه أحد بيجي بعدنا آخر دفعة دفعتنا :mh12:
هالكلام اسمعة وقت التسجيل يوم اسجل :Looking_anim:

[حُـلم..~]

جميل ..

لاكن للأمانه اسئله فرحان مو هو يصعبها

الماده دسمه وكثيره تحتاج مراجعه طول الترم ..

والبقيه الله يسهل عليهم ماقصروا معنا ..

ولازم تذاكر الملخص كله وأسئلة الأعوام السابقه تحفظها كويس

وتعدون ب أذن الله. .

لك ياجميله:106:

[des_FaHoD]

انا بتكلم من وجهة نظري ومن خلال تجربتي


خالد عبدالتواب - مبادئ قانون
للامانة المادة مو صعبة ابد ابد
بس تحتاح تركيز بسيط
لان المادة جدا المنطق يلعب دور اساسي فيها
يعني بالمنطق تاخذ القانون
والدكتور في البداية ما كنت منسجم مع اسلوبه
لكن شوي شوي بديت افهمه
الدكتور جدا متوسع في الشرح ويوصل المعلومة بشكل جميل


اسامه محمد - محاسبة1
نصيحة نصيحة اللي حاب يفهم هالمادة
يتابع شرح الدكتور عبدالعزيز المحارفي ( دكتور المادة السابق ) شروحاته موجوده باليوتيوب
يوصل المعلومة بشكل جدا مميز عكس الدكتور اسامه محمد ( ماغير يصارخ فالمحاضرة )
لكن اسئلته في الاختبار متوسطة كانت
وبشكل عام اذا فهمت الداين والمدين في هالمقرر فا امورك في السليم


الرياضيات1 ( أحمد فرحان )
للامانة وبكل صدق ورغم صعوبة الاسئلة اللي جابها الدكتور في الامتحان
الا انه يبقى من افضل الناس اللي ممكن تفهمك رياضيات حتى لو كنت شخص دارس ( أدبي )
شرحه جميل ومرتب وسلسل
لكن المشكلة انه بالاختبار جاب اسئلة مو صعبة حرفيا لكن كانت تحتاج وقت اكثر للحل ( ساعتين ما كانت تكفي )
وبشكل عام المادة تحتاح متابعة اول باول وش طبيعي


مبادئ الادارة / عبدالله الجعفري
الدكتور بصراحة شرحهه مجرد قراءة
والمادة تحتاج حفظ وفيها معلومات كثيرة
يعني موضوع انك تذاكر باخر لليلة ماينفع ابد



اقتصاد جزئي / حسن الهجهوج
للاسف هذا الدكتور يفكر ان الطلاب (خُبراء اقتصاديين ) وجايين يبون يضيعون وقت او يبون بس يسوون ابديت لمعلوماتهم
جد بخيل في الشرح وتوصيل المعلومة
مو ماخذ بعين الاعتبار ان اغلب الطلاب انتساب ويمكن الاغلبية مقدرت استيعابهم تختلف عن استيعاب طلاب الانتظام
يعطيك نص المعلومة ويقولك ارجع للكتاب
اسئلته في الاختبار هذا كانت سهلة للاغلبية لانها جاب مكس بين اسئلة 1435هـ و 1436هـ والاغلبية ركز عليها
لكن اللي زي حالاتي ذاكر من المحاضرات للاسف كانت صعبة




بشكل عام بنسبة لي الدراسة في هالسمستر كانت في استطاعتي بنسبة 70% تقريبا
بحكم ان القبول جانا متاخر
يعني الخمس مقررات اللي المفروض ادرسها في 4 شهور.. درستها انا في شهر ونص تقريبا
فا هالنسبة اشوفها جيده جدا مقارنة زي ماقلت مع الوقت


اللي حاب يدرس ويسجل يتوكل على الله وماراح يندم
اذا صعب عليه شي
الشباب هنا ماراح يقصرون
الملخصات منتشره في المنتدى هنا
والاخوان جدا جدا متعاونين
بس يحتاح منك انك تفضي نفسك كل يوم ساعة للمذاكرة
وامورك تمام باذان الله


اعتذر على الاطالة..

[مها23]

ماقصرت كفيت ووفيت
وقلت كل شي بخاطري
أنا بصراحه ذاكرت كل ماده قبل الاختبار
لو أني مذاكره من قبل كان جبت امتياز
ماقهرتني غير الرياضيات ذاكرته بذمه بس الوقت صدمني
والقانون الداين والمدين غثوني ولخبطوني
والادارة الحمدلله ماغير يقراء وبس كان نفسي يشرح زي أحمد فرحان والهجهوج ع الاقل
والاقتصاد فهمته زيين زيين واطلعت على اسئلة الاعوام السابقة بس ماركزت ويصدمني بأسئلته
واتلخبط فالمنفعه الحديه طارت من راسي

عموما أن شاء الله نعدي وبجداره :d5:
ونركز على الجاي ونرتب أنفسنا من بدري

والله يوفق الجميع
وما أنسى أشكر كل من ساعدنا :d5:

[سنة رابعة]

اهم شي تختارون اسم للدفعة عشان نعرفنا:d

[ابومحمدعبدالله]

السلام عليكم ورحمة الله وبركاته اتمنى لي ولزملائي ومن ياتون بعدنا بالتوفيق بعد تجربتي بالترم هذا لاحظت لابد من متابعة المحاضرات اول باول وتدوين الاشياء المهمه بوقتها والبحث عن ملخص جيد واسئلة الاعوام السابقه طبعا بعد ماتشاهد المحاضرات وتفهمها ترجع للاسئله والكويزات وان شاءالله بترتاح اذا جاءت الاختبارات اهم شئ تحاول تفهم مع الدكتور والاعضاء بالمنتدى ماشاءالله عليهم ماقصروا عن نفسي استفدت كثير منهم واود انا اشكرهم من قلبي وبالاخص جوانا وام شهد وجنوبية وافتخر يعطيكم العافيه

[ابومحمدعبدالله]

وراي نسمي دفعتنا دفعة مبتدئ2016

[عبدالعزيز طلق]

صراحه وصف دقيق

طيب متى نروح هناك ادارة اعمال 2 :d

[أجـــود]

عندي اقتراح بسيط اكتبوا اسم الماده عند كل دكتور

وشكرا

[moosa070]

يا قلــــــــــــبي

[hh00]

يعطيكم الف عافيه ..

بسأل عن نظام الدراسه الانتساب يعني بعد المستوى الثاني تجي اجازة الصيف هل اقدر ادرس فيها المستوى الثالث يعني زي الصيفي ولا ماينفع كل سنه بالمستوى حقها ولا حسب العدد اذا كثير يسمحون ولا كيف..عشان حابين نخلص بسرعه بس

[دروبكـ يالسهر]

الأخوه الأعزاء

أسأل الله لكم التوفيق والنجاح .

ونصيحتي من تجربة :

1 - الإعتماد على ملخص واحد شامل لجميع المحاضرات .
2 - بالنسبة للمحاضرات ومشاهدتها عديمة الفائدة
بإستثناء المواد التي تحتاج فهم وتركيز ،
مثل ( الرياضيات / المحاسبة / الإقتصاد ) أما البقية فتحتاجون العودة للمحاضرات لفهم مسأله معينة فقط .
3 - قبل البدء في مذاكرة المقرر لا بد من قرائة أسألة الإختبارات للأعوام الماضية ( حتى تستوعب الطريقة التي يركز عليها الدكتور ) بعضهم أسألتة مباشرة والأخر من بين الأسطر .
4 - حمل المحاضرات وأكتب المناقشات وحل الواجبات أولاً بأول حتى لا تتراكم عليك .
5 - لا تلتفت للمحبطين ، فلا يوجد شي صعب مع المذاكرة والتركيز .


أمنياتي للجميع بالتوفيق ،،،

[الرويس١]

الأخوه الأعزاء

أسأل الله لكم التوفيق والنجاح .

ونصيحتي من تجربة :

1 - الإعتماد على ملخص واحد شامل لجميع المحاضرات .
2 - بالنسبة للمحاضرات ومشاهدتها عديمة الفائدة
بإستثناء المواد التي تحتاج فهم وتركيز ،
مثل ( الرياضيات / المحاسبة / الإقتصاد ) أما البقية فتحتاجون العودة للمحاضرات لفهم مسأله معينة فقط .
3 - قبل البدء في مذاكرة المقرر لا بد من قرائة أسألة الإختبارات للأعوام الماضية ( حتى تستوعب الطريقة التي يركز عليها الدكتور ) بعضهم أسألتة مباشرة والأخر من بين الأسطر .
4 - حمل المحاضرات وأكتب المناقشات وحل الواجبات أولاً بأول حتى لا تتراكم عليك .
5 - لا تلتفت للمحبطين ، فلا يوجد شي صعب مع المذاكرة والتركيز .


أمنياتي للجميع بالتوفيق ،،،

شكرا
وجزاك الله خير
لكن اخوي من وين ناخذ الاسئله الاعوام الي فاتت من وين

وشكرا

[شرقيه وبس]

شكرا
وجزاك الله خير
لكن اخوي من وين ناخذ الاسئله الاعوام الي فاتت من وين

وشكرا

من هنا تاخذها من المنتدى
اذا نزلو ورش للمواد يضيفوها بعض الطلبه للورش او ابحث عنها بالارشيف

اهم شي لاتعتمد عل الاسئله اللهم اطلع عليها عشان تعرف طريقه الدكتور وبعض الدكاتره يغيرون طريقتهم بالاسئله
مثل الترم الماضي كان عندنا ماده فيها 6 الى 7 نماذج اسئله سابقه طريقته بالاسئله واضحه وتفاجأنا باختبارها كنه مو هو كاتب الاسئله
فالاعتماد الكلي عل المحتوى والاطلاع عل الاسئله السابقه .
وبالتوفيق

[أبو عبدالله]

الله يعطيك العافيه

جميل جداً ان كل دفعة تشتغل على نفسها وتصحح بعض الامور وتنتبه لكثير من الامور ..

بالتوفيق لكم