مشكلتي هالترم [الأرشيف] - ملتقى طلاب وطالبات جامعة الملك فيصل,جامعة الدمام

المساعد الشخصي الرقمي

مشاهدة النسخة كاملة : مشكلتي هالترم

الحلم1

2016- 5- 13, 01:59 AM

رينيه ديكارت

2016- 5- 13, 02:10 AM

الحلم1

2016- 5- 13, 02:13 AM

انا ابدا من اول الترم واعيد وازيد بدون فايدة

ابووليدالرشيدي

2016- 5- 13, 02:23 AM

حسب مدرست في علم الاجتماع الذاكره عندك 16

خذلك اربع مواد كل ترم ونشاء الله تجيب معدل فوق 4

نصيحه لاتذاكر زياده انا اذا ذاكرت زياده
اذا جيت القاعه نسيت اكثر المعلومات
وتحياتي لك

الحلم1

2016- 5- 13, 02:31 AM

بس اذا اخذت ٤متى اتخرج انا هالترم اخذت٦ ونفس المشكلة

مي الرياض

2016- 5- 13, 02:35 AM

حاولي وانتِ تقرين محاضره محاضره تفهمين وش المكتوب مو تقرين او تحفظين وبس
وثبتي قرايتك بكويز عشان تتثبت المعلومات حتى لو غلطتي ب غلطه وحده ارجعي عيدي من جديد وهكذا ..
انا كنت مثلك اول ترمين وبالثالث هه كأني تحسنت ، ومن المستوى الرابع والحمدلله معدلي كل ماله يرتفع والسبب من بعد الله هالطريقه ..
بالتوفيق لك ..

رينيه ديكارت

2016- 5- 13, 02:38 AM

انا ابدا من اول الترم واعيد وازيد بدون فايدة

غير اسلوبك

لا تبدا من اول الترم

لاتقرا محاضرات

اقرا ماتستطيع فهمه فقط

بغض النظر عن المطلوب

ان كان المطلوب غير متاح لك فهمه، حاول تقراه بطريقة اخرى، مثل انك تذاكر الاختبارات السابقة فقط، او تلخص انت بنفسك المادة، او انك تضع اسئلة واجوبة من نفسك،

المهم انك نعرف لتفسك متى تستوعب المادة وهذا الشيء ضروري لك الان ومستقبلا

الحلم1

2016- 5- 13, 02:39 AM

جزاك الله خير اختي مي

الحلم1

2016- 5- 13, 02:40 AM

جزاكم الله خير جميعا

الحلم1

2016- 5- 13, 04:58 AM

انتظر تجاربكم

جنوبي في تبوك

2016- 5- 13, 06:34 AM

طيب قبل كل شيء تأكدي هل المذكره اللي معك نفس اللي يشرحها الدكتور
وهل هو نفس دكتور الماده الله يوفقك

خطوة بخطوة

2016- 5- 13, 07:05 AM

خطوة بخطوة

2016- 5- 13, 07:06 AM

قبل كل شي استودعي الله ما حفظتي واطلبيه وقت حاجتك

محمد الحمدان

2016- 5- 13, 09:49 AM

افضل شي للمذاكره انك تلخص كل درس في كشكول ويكون التلخيص حسب فهمك ويسهل عليك الحفظ وبتصير ماتحتاج تذاكر من المحتوى تذاكر من الملخص اللي سويت وراح تشوف الفرق

الحلم1

2016- 5- 13, 05:00 PM

جزاكم الله خير استفدت من تجاربكم

الحلم1

2016- 5- 14, 04:32 AM

يرفع للفائدة

دوسريه كفو

2016- 5- 14, 08:09 AM

الاشخاص يتنوعون بنوع الذاكرة الاقوى لهم

اشخاص ذاكرتهم القصيرة اقوى من الطوية، واشخاص بالعكس

حاول انك تفهم كيف ذاكرتك، وبالتالي تذاكر المنهج بحسبها

يعني اذا ذاكرتك طويلة فانت تحتاج وقت اطول للمذاكرة وبوقت كافي قبل الاختبارات تقريبا باسبوعين تبدا

اما ال1اكرة القصير (مثلي) فانا اذاكر يوم الاختبار فقط، وهذا ريحني كثير ولله الحمد

احساسي ان هذي رهبة الموقف والخوف من ان الاسئله تكون صعبه ،حاولت اطبق سالفة الذاكره هذي
بس والله ماينفع معي ذاكره طويله ولاقصيره لازم تختفي المعلومات عند الورقه ،فيه ناس يقولون كذا يذاكرون بس عند الورقه طارت المعلومات
الظاهر هذي عين من يشوفوني ماسكه الملزمه قالوا مصطفى يحسبوني اذاكر وانا من جنبها ،الزبده يبي لي ارش القاعه قرايه ،يعني حركات المنظولين:16.jpg:

الحلم1

2016- 5- 14, 09:33 PM

تتوقعين مشكلتي خوف ورهبة

ام رنوو

2016- 5- 14, 11:36 PM

خذي الاختبار ببساطه وادخلي القاعه وانتي واثقه من مذاكرتك واهم شي لاتراجعين مع احد ولا تسالين احد عن كيف الماده او شلون ذاكروا او او خلي ثقتك بنفسك قويه وان الي ذاكرتيه بيكفي وزياده وان الدكتور مايقدر يطلع برا الي انتي فهمتيه وبكذا بتكونين مرتاحه واهم شي لاتحاولين تقرين الاسئله بعدها تحلين لا اقري سوال بسواله يعني حلي الفقره 1 بعدين اقري 2 وبكذا ماتتشتتين والله يوفقك يارب

الحلم1

2016- 5- 15, 01:10 AM

والله مدري هي خوف ورهبة ولا قلة تركيز تعبت

تاج راسي امي

2016- 5- 15, 05:23 AM

انا ما احفظ افهم و رابط الجمل في بعض مثل تعاريف و

العلماء اسوي لهم حاجه و اربطهم ببعض اوسع خيالي شوي
لان كثر الحفظ ما ينفع خصوصاً معنا احنا ياعلم الاجتماع لان العلماء كثير و لهم اكثر من تعريف في كل مقررر صعب الحفظ افهمي و ذاكري الفجر ممتاز عن تجربه بعدين امسكي الاسئله و حليها بدون ما تقرين الاجابات و عندك كويزات تثبت المعلومات

رمآدد

2016- 5- 15, 08:31 AM

انا تخصصي انقلش

احاول اذاكر قبل الاختبارات بفترة لكل المواد لكن م تمسك معي المعلومة الا يوم اذاكر ليلة الاختبار لكل مادة

العلم ماله حدود

2016- 5- 17, 09:58 PM

طريقتي من بداية دراستي وعاجبتني

لاني اعتمد على الفهم اسمع المحاضرات والملزمة في يدي احدد واكتب لو في اضافة من الدكتور

ثم احل المناقشات يدوياً محاضرة محاضرة

كذا اكون اخذت فكره عن المقرر كامل وفهمته

و ليلة الاختبار اذاكر كمراجعة واحفظ مايحتاج لحفظ

والحمدلله معدلي جميل

Against Gravity

2016- 5- 17, 10:04 PM

كثرة المذاكرة والمراجعة هي اللي تشتتك وتطير المعلومات

ذاكري قبل الاختبارات بفترة معقوله
اقرأي بتركيز وافهمي فهم
لاتعتمدين على الحفظ

والحمدلله حنا اختيار من متعدد اللي فاهم فهم بيحل بسهوله لان الاجابة قدامه
واللي حافظ بيتشتت ويتلخبط بين الخيارات

عازف الكلمه

2016- 5- 17, 10:34 PM

انا ادرس قسم علم اجتماع احاول اجتهد واذاكر بس هالترم ملاحظة ان اللي اذاكره يطير وخصوصا لما ادخل القاعة واشوف الورقة اسئلة الاختبار كاني اول مره اقراها واجاوب اي شي وش الحل وربي ضايق صدري ما ابي انجح اي كلام ابي انجح بمعدل بس للاسف شكلي هالترم مخسوفة خسف هذا اذا ماحملت للعلم انا ابدا اذاكر من ثاني اسبوع من الدرسة واعيد وازيد

باين عليك انك شايله هم هالمستوى واعتقد انه سبب التشتت الي حاصل لك وزادتها رهبة الاختبارات
وبيني وبينك من ثاني اسبوع من الدراسه بدري مرررره ويمكن هو السبب
علماء الاجتماع كثير والمواد متشابهه الى حد ما وهذا يسبب تشتت اذا كانت المذاكره شوي من هنا وشوي من هنا

بالنسبه لي والمعتاد اذاكر قبل الاختبارات باسبوعين بعدين امسك مادة الاختبار اقراها مره ثانيه وقبل الاختبار بكم ساعه
امسك الاسئله الاعوام السابقه الي في الملزمه واقرأها (اقرأ فقط الاسئله والاجابه الصحيحه دون النظر للاجابات الخاطئه )
وربنا يسهل .

mhmoud hzazi

2016- 5- 17, 10:38 PM

ماقصرو الاعضاء تجاربهم مفيدة بس الكلام سهل والتطبيق صعب
5 خطوات انا اطبقها واتمنى تفيدكم جميعا
1/متابعة الشرح في المحاضرة المسجلة والملزمة معك والتأكد من مطابقة المحتوى والتركيز ع الامور المهمه اللي ركز عليها الدكتور وتاكد بدون شرح للمعلومة ما رح تفهم وتضيع مع الوقت

2/حل المشاركات بنفسك والبحث عن حل مختلف مو نسخ ولسق ولو من مواقع اخرى واضافة شي جديد

3/ محاولة حضور اي من المحاضرات المباشرة لسؤال عن اي شي يستصعب عليك

4/مو شرط بالواجب تجيب الدرجة الكاملة على الاجابة عندك اكثر من محاولة اول محاولة خلها ارتجالية وعتمد على فهمك لو جبتها صح كان بها ما قدرت المحاولة الباقية ابحث

5/ حاول تنهي المشاركات والواجبات والمحاضرات قبل موعد الاختبارات ب شهر تقريبا عشان يتسنى لك تراجع المواد قبل الاختبار وصدقني راح تحس المعلومات سهله التذكر
عندك شهر عدد موادك مثلا 6 يعني تقريبا لكل مادة 5 ايام مراجعة المنهج + الاطلاع على اسئلة الاعوام الماضية وتكون المواد تصاعديا يعني تبدا بالمادة اللي باخر الجدول
لين اول مادة بجدول اختبارك. وفي هذه المراجعة حاول انك تعمل لك ملخص بنفسك اسماء العلماء تواريخ انجازاتهم تساعدك تمر عليها قبل دخولك للاختبار بدال تجلس تلف بالملزمة تكون من 2-4 صفحات لكل مادة
وبكذا تكون مستعد ومتطلع
تابعت المحاضرات وفهمت الشرح+ مراجعه قبل الاختبار+ مراجعة ايام الاختبارات
بكذا انت مستعد باذن الله

بن عيده

2016- 5- 18, 01:13 AM

الحل إنك تركزين على أسئلة الأعوام الماضية وحلها بما إن المذاكرة ما تجيب نتيجة معك
الأمر الآخر وهو شيء مهم عشان المعلومة ترسخ إنك تكتبين وأنتي تذاكرين في الغالب الجملة أو التعريف اللي تكتبينه ماراح تنسينه

بس مادام تخصصك علم اجتماع ركزي على اسئلة الأعوام الماضية

الحظ العنيد

2016- 5- 18, 02:43 AM

الله يسهل عليك واتوقع اللي فيك هو خوف ورهبه فقط لاحظتك من اول مستوى درسناه انك قلقانه مررره وتوقعتي الرسوب مانسيتك
شيلي الخوف والرهبه منك انا مااذاكر الا قبل الاختبار بفتره بسيطه وبعضها والله بيوم الاختبار والحمدلله لاتخلي الخوف والرهبه حاجز كوني اقوى منه مو كل اللي نجحو وتخرجو افضل منك حتى انتي عندك قدرات وقادره تنجحي وتتخرجي بـ أفضل معدل ان شاءالله

الحلم1

2016- 5- 31, 03:28 AM

جزاكم الله خير جميعا

اقلام لاتمكث

2016- 5- 31, 11:37 AM

اذا تعتمدي على حفظ بطريقة الذاكرة الصماء( صم المحاضرة من غير فهم) ماراح تستفيدي،،
الفهم اهم من الحفظ،، مثال في مادة النظريات الاجتماعية لدكتور فهد الخريف اللي مايفهم ماراح يقدر يذاكر المنهج بسلاسه وارتياح،،
مجرد تقنعي نفسك ان المقرر فهم وتفهمي راح يسهل عليك الموضوع فوق ماتتصوري،،
انا ممكن 5 اسئله او اكثر في الاختبار حليتها حسب فهمي ،،
وتستخدمي للعلماء بالذات طريقة الربط من واقع حياتك،،
مثلا العالم ابن خلدون عندنا مول بهذا الاسم استخدم الربط في امور في حياتي انا ،،
ومن ناحية المقررات بشكل عام انا نادراً اذاكر قبل الاختبارات بوقت،، ممكن مستويين وماكانت من افضل المستويات،،
بعكس اذا ذاكرت قبل الاختبار بيوم أول ليلة الاختبار الدرجات مرتفعة،،
ويعتمد على المقرر،، بالنسبة لأسئلة الاعوام الماضية احدد لها وقت،،
مثلا المحتوى اذاكر لغاية الساعه 9 الصباح خلاص ينتهي دور المحتوى امسك اسئلة الاختبارات وابدأ اراجع وتثبت معلوماتي ،،

او انك تمسكين اسئله الاعوام السابقه وخاصة اذا كانت ل4 فصول او 5 مستويات،، تمسكين سؤال سؤال ،، كل سؤال تكتبي كل شيء في المحتوى يتكلم فيه ،، هذي الطريقة نفعتني في بعض المقررات وماكنت اخذ اقل من ممتاز،،

يعتمد عليك ،، الله يوفقك

ام بياسل

2016- 5- 31, 03:13 PM

مو شرط كثرت المذاكره تجسيب نتيجه ممتازه في بداية دراستي الاترام الاولى ولاني كنت تاركه دراسه من زمان. كنت اذاكر قبله بشهر وكان معدلي نازل وكان كل شئ يطير بسرعه بس عرفت المشكله المذاكره طريقتها غلط وصرت اربط اي شء يخص السؤال والجواب باي شئ قريب منه علشان اتذكره وصرت اذاكر نفس اليوم بس والحمدلله تعدل معدلي وجبت درجات ممتازه حاولي تغيري طريقت مذاكرتك وبالتوفيق يارب

ابن السلطان

2016- 5- 31, 04:40 PM

قصتي مع دراستي الجامعية
اول سنة تقريباً كنت مثلك ودرجاتي ما كانت على المطلوب جبت معدل تراكمي 4 وفوقها اشوي
غيرت طريقة المذاكرة
قبل فترة الاختبارات بشهر ونص تقريباً اقوم بأخذ نماذج الاختبارات لاربع سمسترات على الاقل
اعمل جدول للمذاكرة قبل لاختبارات كل مادة اقل شي ثلاثة ايام خمس محاضرات في اليوم الواحد
اخذ ملزمة كل مادة مع نماذج الاختبارات واحط كل سؤال موجود في نماذج الاسئلة في المحاضرة اللي جاء فيها السؤال
وبكذا اعرف طريقة الدكتور في وضع الاسئلة وتركيزة على النقاط الهامة في الملزمة
بتكرار بعض الاسئلة وتغير صيغتها الا ان الاجابة واحدة
بعد ما انتهي من جميع المواد بكذا اصبح لدي معرفة سريعة بالمادة وتكون اسهل من ناحية المذاكرة لاني اذاكر المحاضرة واسئلة الاختبارات موجودة في المحاضرة
بعد ما انتهي من مذاكرة المادة ادخل على الكويزات الموجودة في المنتدى واشوف مدى حفظي للمادة

وقبل الاختبارات اراجع المادة مع التركيز على حل كويزات الاختبارات السابقة لانها الحصيلة النهائية للمادة

من سنة ثاني جامعة الى تخرجي وانا نفس الطريقة
ولله الحمد والمنه تخرجت بمرتبة الشرف الأولى

وفق الله الجميع

الحلم1

2016- 7- 16, 07:20 AM

جزاكم الله خير

الحلم1

2017- 1- 2, 12:38 AM

شكل هالترم معناتي زادت تخيلوا اشوف الورقة كاني اول مرة اقرا اسئلة شي طبيعي او لا

мouтʀғ

2017- 1- 2, 12:55 AM

الحلم 1

انا زيك بالتمام اذاكر من اول الترم
الترم الاول وأشد بس للاسف أضيع اذا شفت ورقة الاختبار
بس في شي مميز راح تلاحظ الترم الثاني بيكون احسن لك من الترم الأول الذاكره تكون أقوى وأفضل عطا من الترم الأول
الأشياء المهمه زي أسئلة الدكتور ذاكريها قبل النوم
والله يوفقك

الحلم1

2017- 1- 2, 12:59 AM

طيب ليش الترم الثاني افضل بنظرك علشان طول الاجازة مثلا

мouтʀғ

2017- 1- 2, 03:23 AM

طول الاجازه قبل الترم الأول هذا سبب رئيسي وتداخلها معا إجازة عيد الأضحى وهكذا
الترم الثاني بالكثير اجازة أسبوعين وتبدأ الدراسه
اي شخص من الطبيعي يكون ساخن لأن توه مخلص الترم الأول
ويكون بالكثير مهيأ نفسيا
وأنا واحد من الي يتهيأ نفسيا الترم الثاني لذلك اطلع أفضل ما عندي الترم الأول
والترم الثاني ��مشاء الله عالي العال

الحلم1

2017- 1- 2, 03:27 AM

جزاك الله خير