استفسار عام يا شباب ... يا بنات ..... وش مشكلتكم [الأرشيف] - ملتقى طلاب وطالبات جامعة الملك فيصل,جامعة الدمام

فهد سعد البريك

2016- 5- 24, 03:08 PM

كل من رسب في مادة او معنى اصح ( حمل المادة ) قام يجمع الشباب والصبايا في المنتدى وبنرفع تظلم وبنعترض ... ماهو حل ... بعدين من راح يسمع لك انت وياه ... لا دكاتره ولا عميد كلا مشغول بهمه .. فالواحد يرضى يالي انكتب له ويشكر الله ....
مثل الاخوان حقين ميداني 3 ومشروع التخرج .... الدكتور حط لك واحد اثنين ثلاثة لازم تمشي عليها .. بس البعض مع الاسف سلم نفسه لمكتبة فجر الطالب ودفع هذاك المبلغ وجاء الطالب الي بعده ونفس الطريقة وطلع الربحان فجر ... لا مو حل هذا تعطي الامور هذه لهنود ما يعرفون الا الربح وبالاخير ترسب وتقول انا سويت واجتهدت لا هذا مو صحيح كل واحد يتحمل خطأ نفسه ... على العموم اتمنى لكم التوفيق

allu90

2016- 5- 24, 03:34 PM

مو شرط كلامك صحيح لازم يعرفون اذا عندهم نفس المشكله الدكاتره مو معصومين عن الغلط الترم اللي طاف سويت تدريب الميداني ٢ بنفسي ومع ذلك م انرصدت لي الدرجه ، ولما رفعت تظلم رصدوا لي الدرجه وبدل ال cخذيت فيها a اذا لهم حق لازم يرفعون تظلمات

فارس 15

2016- 5- 24, 05:35 PM

من حق الطالب رفع تظلم

حصه راشد

2016- 5- 24, 05:42 PM

تدريب 2 ماتنرصد الدرجه بسرعه حقتك بحث و تقرير الابعد كم يوم من نتيجه
العام صار لنا نفس موقف يعني مايحتاج ترفع تظلم مارفعت ولا شي وانرصدت
درجه ومافي حق بحلال يضيع مستحيل اذا شي فيه حلال الله يكون معك ويسهل
عليك

اقلام لاتمكث

2016- 5- 24, 06:19 PM

تعرف ليش يجمع الطلاب معه المتضررين؟!
ببساطة الجامعة تنظر للكم،، اذا لقت بالفعل كم متضرر وقتها تحس!!
واذا الجامعة تعطيك صفر وانت من حقك تنجح ،، من حقهم يجتمعون مع بعض ويشوفون وين المشكلة؟!
هذا ملتقى مايضرك ولايضر شخص اذا فتح موضوع وشاف نفسه مظلوم،،

الله لايحطك في يوم مكانهم،، حتى لاتحس بالقهر ،،
انا حاسه لشعورهم لان في يوم رصدت لي صفر وتم تعديل الدرجة لتدريب 2،،
بالتوفيق

انا الشمري

2016- 5- 24, 06:39 PM

من ابسط حقوقهم واللي له حق ياخذه

أبو يزن الأحمري

2016- 5- 24, 07:07 PM

المفروض على دكتور المقرر أو الدكتورة كتابة سبب النقص يعني اذا انتهت من الإطلاع على مشروع التخرج أو التدريب3 كتابة امامه الدرجة وسبب النقص .. اعرف شخص اخذ 100 بالتدريب3 ونفس التدريب اخذه شخص ثاني واخذ 85

15 درجه وش سبب نقصها ؟!

مــجــازفــــ

2016- 5- 24, 07:20 PM

تقييم التدريب ومشروع التخرج حسب مزاجية الدكتور ... على العموم نحن طلاب الانتساب بنعمة ما نحس بظلم الدكاترة كثر طلاب الانتظام .... ارفعوا تظلم وان شاءالله تعدل الدرجات

العامري1

2016- 5- 24, 07:38 PM

هذي امانه وهو بالمكان ذا مؤتمن علينا والحق حق ماينزعل منه واذا رضينا اعتبروها هزيمه وضعف الصراحه

Mohsen1

2016- 5- 24, 08:12 PM

الحمد لله على كل حال

نوراان

2016- 5- 24, 09:48 PM

اشوف ان من حق اي طالب مو مقتنع بالدرجه يرفع تظلم زي احنا بمشروع التخرج وخصوصا عند الدكتوره يسرا حاطه لنا نفس الدرجه 40و45انا عن نفسي متاكده بحثي يستاهل اكثر من الدرجه الي اعطتني بكثير عشان كذا رفعت تظلم المفروض يقولون وين الخطاء الي تم تنقيص الدرجه عليه عشان نعرف البحث مشيت نفس الخطوات ومرتب وشغل متعوب عليه واخرتها 45!!!!خير وربي ظلم

الاخصائيه بيان

2016- 5- 24, 10:24 PM

الاخ اللي كتب الموضوع مو حاس بالقهر ان تاركين بيتنا نتدرب ونجتهد ونكتب تقرير ونداوم وبالاخير صفر الدرجه الله فوق ع كل ظالم

منصور الشريم

2016- 5- 25, 12:07 AM

لا تقعد تهذري وتتفلسف..
فيه اخطاء الطلاب مالهم ذنب فيها

واحد نسبة الاقتابس عنده صفر بمشروع التخرج
واخذ بنتيجة الاختبار صفر!؟ والسبب جنب النتيجه (نسبة الاقتباس عاليه)

هنا بعد تبي تحمل الطالب خطأ الجامعه مثلا وتبيه يسكت ويحمل الماده بسبب خطأ من الجامعه؟؟

bandar77

2016- 5- 25, 12:49 AM

انا اخذت 90 في الميداني 3 عطيته الاخصائي الاجتماعي عندنا بالادارة وماقصر ماشاء الله عليه .. خلااص كل واحد يرضى بالنصيب ... نصيبك حيصيبك

وش الفرق بينك وبين اللي صلحه في مكتبه

أنت الاخصائي الاجتماعي عندكم في الاداره صلح التقرير حقك بدون ما تتعب وجاي تعطي دروس للناس اللي راحوا لمكتبة خدمات طالب ...!!

لو كانت درجتك ضعيفه كان شفناك فاتح موضوع تظلم

أبو سامي محمد

2016- 5- 25, 12:56 AM

اللي اخذ صفر بصراحة من حقه يرفع تظلم لآنه غير معقول صفر ولا مقبول ولن يكون هناك درجة أسمها صفر

مستحيل ما تنرصد حتى درجة مستحيل مستحيل ولو على المقدمة والاسم وعدد الورق بيعطونه درجات .

أنا تخرجت ولله الحمد لكن انصح الجميع أن يرفع اي شيء يشعر فيه ظلم أيش يمنعك مثلا من رفعها فقط شعورك بالتقصير . هذا أيام الاختبارات صحيح فيه تقصير ويلومون الاستاذ ولن ولم يستجيب احد .
لكن النتائج النهائية وجايب صفر قدم تظلم وربك يكتب لكم التوفيق .

علي النماش

2016- 5- 25, 01:34 AM

مشكلتي اني مسوية بنفسي البحث وتعبان عليه ومعطيني مصفر ، ومشكلتك تحسب الطلاب كلهم مثلك يروحون مكاتب .. بس طال عمرك

علي النماش

2016- 5- 25, 01:37 AM

آها ..اثاريك ماخذ 90 بمجهود غيرك وجاي تطالبنا نسكت عن حقنا ؟

soody

2016- 5- 25, 01:52 AM

لان ندرس عن بعد الدكتور مايدري من انت ولا حتى يحس بااجتهادك ولا بتعبك لانه مايعرفك ببساطه يسوايك مع شخص ماتعب ولا اجتهد ولاحتى الدكتور تعب نفسه وشاف البحث فيرصد على حسب مزاجه والدليل على ذلك ان جميع الطلاب متقاربه درجاتهم وحتى التظلم ماراح يرجع لك حقك دام ماوقف معك احد بس يبقى ربي شايف اجتهادي ونيتي وبيرجع لي حقي في الدنيا او في الاخره وكل من تظلم

فهد سعد البريك

2016- 5- 25, 08:03 AM

يا جماعة الخير ... ليه انتم ما تتقبلون الواقع .... لا تقولون مزاجية الدكتور .. قولوا اهمال فينا حنا الطلاب .. اغلبنا سلم مشروع التخرج للمكتبات ومحلات كتابات التقارير ... او اخذ تقارير سابقة .... انا اول واحد فيكم خليت دكتور يسوي لي مشروع التخرج .. لكن كنت واثق اني راح اعدي فيه لان من سبقني جاب الدرجة 96 90 ... وانا الان جبت 90 ...

فهد سعد البريك

2016- 5- 25, 08:07 AM

الاخ علي النماش
صحيح ماتعبت فيه ... بس فيه فرق تعطي دكتور يعمل لك مشروع التخرج مايخر الماي وفيه فرق تروح مكتبة لهندي باع مشروع التخرج لكثر من عشرين شخص ... للمعلومية من متى نسوي بحوث تخرج ولا نكتب تقارير محنا متعودين على مثل هذه الامور .. لكن انحدينا

فهد سعد البريك

2016- 5- 25, 08:09 AM

الاخصائيه بيان .... انا منصدم من كثرة المواضيع الي يقول ماخذ في مشروع التخرج صفر .... مستحيل ياخذ طالب صفر .. اكيد فيه شي سواه غلط الطالب علشان ياخذ صفر .... اكثر مشاريع التخرج تباع في المكتبات على عشرات الطلاب وفي الاخير الطالب هو المتضرر ... الموضوع فيه أن

مُزن *

2016- 5- 25, 08:24 AM

فهد سعد البريك

2016- 5- 25, 08:56 AM

مــــزن
ماني متناقض .... انا قلت الحقيقة الي اتوقع ما تزعل

jam3h

2016- 5- 25, 08:56 AM

ليتك سكت انت وموضوعك .. مسوي مشروع لا هو من مجهودك ولا من تعبك وماخذ درجة اتوقع مالك حق فيها وتجي تتفلسف على رووسنا ..وما اشره عليك دام ماحسيت بالجهد والتعب اللي تعبناه بذمة وضمير مسوين مشارعينا ومشتغلين عليها .. فاللي موكل مشروعه لغيره ياليت يخجل ويسكت ولا يجي يتفلسف وهو ماتعب لا بقليل ولا كثير .

سبحان لله

2016- 5- 25, 09:11 AM

ليتك سكت أفضل ومن حقهم يرفعون تظلم هم تعبو واجتهدو وفي نهاية درجه ماتجبر الخاطر ... انا مثلك سويت بحثي عند واحد وأخذت 95 بس ماراح اقول لهم لاترفعو تظلم وأرضو بالواقع الله يهديك بس شوية إحساس ^_^

ابو حمد 999

2016- 5- 25, 09:32 AM

انا سويت مشروعي بنفسي وتعبت فيه وقريت مراجع كثيره .. واخذت 68 !!

وانت واحد سواه لك .. واخذت 90 !!

والتدريب الميداني 3 اخذت اجازه من العمل

ورحت لمستشفى وتدريت وداومت عندهم دوام رسمي كل يوم .. واخذت 75 !!

وانت واحد سواه لك وانت جالس ولاتدري عن الصعوبات الي واجهتنا .. واخذت 90 !!

على العموم اسمك موجود واعترافاتك موجوده .. وبرفع تظلم عليك

عشان تحس بالقهر وتفتح موضوع تجمع بالمنتدى

سبحان لله

2016- 5- 25, 09:36 AM

هههههههههههههههههه حلوووووه تعوذو من إبليس ياعالم

فهد سعد البريك

2016- 5- 25, 10:05 AM

افعل ما تشاء

سبحان لله

2016- 5- 25, 10:19 AM

زين وانت عدلت كلامك بس والله عيب الي تقوله رجال وخريج الله يصلحك

حجرف

2016- 5- 25, 10:01 PM

للأسف بعض الاشخاص يحتاجون دوره في فن التعامل مع الأخرين :hhheeeart4:

فاقده غالي

2016- 5- 26, 05:31 AM

ههههههه وانت وش عليك منهم خلهم يتظلمون
ماتظلمو من جيبك ترى
انا وحده تعبت ع المشروع واخرتها84 ولابعد من نحاستهم منقصيني
في المشاركه وانا سويته بمجهودي لامصري ولافلبيني
وانت متكي وماخذ ممتاز وجاي تنصح :(177):
ليتك نايم ابرك لك :hahahahahah: