بخصوص الساعات وتنزيل المواد ضروري الله يسعدكم

[bodoralqahtani]

السلام عليكم



الحمد لله حبيت ابشركم اني ناجحه هالترم بدون ولا ماده :sm5:

وافكر على المستوى الجاي انزل مواد اكثر من الموجوده بالخطة طمعا بالتخرج بااسرع وقت ممكن :139:


ابغى اعرف كم عدد الساعات المسموح تنزيلها بالترم وهل اقدر انزل مواد من ثالث مع ثاني يصير او لا :(


يعني ترم صيفي مافيه قلنا مو مشكله العوض بهالطريقه

[برنقي]

الحد الأقصى ١٨
اي نعم تنزل مواد لو من الثامن بس مافيها تعارض

نفسي انا منزل تسويق. والمعرفه وموارد بشريه بالثاني

[Naif123na]

والله خاطري اخلص بدري وكذا بس محتار بالمذاكره وهمها والتعارض ايش الحل . وش الفكره الي تنصحون فيها ؟ اقدر انزل ماده او ٢ وتكون سهله وماشيل همها واتحسف ولا اعدي المواد الي علي بالاول من جد بالي موشوش بالموضوع هذا

[Mask901]

بالنسبه لي بمشي على الخطه الموضوعه

عشان ماتتعارض مواد مع بعض

ولا اوهق روحي بمواد تكون صعبه بترم واحدواجيب العيد

بالعربي ماحب الحووسه

وبالصبر والجد والاجتهاد ان شاء الله نتخرج

[des_FaHoD]

انا اشوف ان الترم الجاي فيه سبع مواد
وبصراحة احسها كثيرة
انصحك على الاقل المستوى الثاني تمشي على الخطه

انا يمكن اجل ماده وحده بس
انجليزي او اقتصاد كلي
لان اختباراتهم بتكون ورى بعض
وانا ابي يكون اقل شي يوم واحد بين كل ماده وماده

فيه ناس يقولون اذا حاب تزود
خذ فقه السيرة من المستوى الخامس
يقولون تساعد على رفع المعدل
بس المشكلة انها بتكون في نفس يوم اختبار مادة الاخلاق الإسلامية

[bodoralqahtani]

يعطيكم العافيه

[تيفاني 22]

الحين مو الخطه حق المستوى الثاني ب ١٨ ساعه طيب كيف نضيف مادة ؟

[Mask901]

الحين مو الخطه حق المستوى الثاني ب 18 ساعه طيب كيف نضيف مادة ؟


تضيفين مواد وتأجلين مواد لأترام ثانيه

[abo talal]

امشو على الخطه نصيحه لا تخترعون والله تتوهقون مستقبلا..

والافضل تاخذ لك 3 مواد صعبه و 3 مواد بسيطه اذا بتغير

[Ms.Solo]

نصيحتي لكم امشوا على الخطة مثل ماهي .. كثير ناس ضلت تاجل وتخربط وتنزل وترفع وبالاخير توهقوا

اذا كان ولا بد فرتبوا جداولكم بحيث انه بين كل مادة ومادة يوم اختبار والمادة المستبدلة تكون من المستوى اللي يليه مباشرة

مثلا تبون تاجلون من ثاني خذوا من المستوى الثالث وهكذا

الكلام اللي اقولة لعدة أسباب
1- المواد مترابطة ومتتابعه في المحتوى وهذا بيسهل عليكم المذاكرة بشكل ما تتخيلونه لدرجة راح يجي وقت تختمون المقرر في اقل من 4 ايام
2- كثير ناس ما تعرف ايش سجلت وايش خلصت او تحمل مقررات لا سمح الله وما تنزلها التيرم التالي ع طول
ويجي تيرم التخرج تكون نست انهم ما اخذوا هالمواد ويسجلون
وبعدها يكتشفون انهم مو خريجين ويتبقى لهم تيرم بسبب مادة او اثنين

لاحد يقول لا بنتابع بايقونة التخرج وبنعرف موادنا
والله في ناس الى هذا التيرم تخرجوا ما تعرف من الخدمات الطلابية الا ايقونة النتايج والمالية ههههه

فلذلك نصيحة اخت حابة لكم الخير .. ( اتبعوا الخطة )

بالتوفيق

[Bsomx]

المشكلة الخطه الجايه اختباراتها قريبه من بعض وودي احذف ماده او مادتيين عشان الضغط

[des_FaHoD]

الاقتصاد الكلي و الانجليزي هالمادتين هم اللي ورى بعض اختباراتهم
اجل مادة منهم
انا افكر اجل وحده منهم بس للحين ماقررت

[مخلب الذئب]

طيب كيف عرفتوا ان الانجليزي والاقتصاد الكلي اختباراتها ورى بعض ؟
يعني وين ألقى جدول الترم الجاي ؟

[Hussain AR]

طيب كيف عرفتوا ان الانجليزي والاقتصاد الكلي اختباراتها ورى بعض ؟
يعني وين ألقى جدول الترم الجاي ؟


تفضل .. على الرابط ..

http://www.ckfu.org/vb/t729741.html

ترتيب أيام الاختبارات ثابتة في الجدول لجميع الأترام القادمة ..
الاختلاف في التاريخ فقط (تابع التقويم الزمني لكل ترم) ..

[مخلب الذئب]

تفضل .. على الرابط ..

http://www.ckfu.org/vb/t729741.html

ترتيب أيام الاختبارات ثابتة في الجدول لجميع الأترام القادمة ..
الاختلاف في التاريخ فقط (تابع التقويم الزمني لكل ترم) ..


يعطيك العافيه ..

[bodoralqahtani]

طيب ممكن تجاوبو ابغى اعرف كم ساعه الترم الجاي حسب الخطه ودي انزل ماده زياده يكفي او لا :(

[mood1234]

امشو ع الخطه افضل والاستزاده من المستوى الثالث افضل وبالتوفيق ،،

[يارب توفيقك999]

انا اشوف مواد المستوى الثاني كثيره والافضل عدم اللخبطه
اذا تحب تنزل ساعات اضافيه اتوقع مستوى ثالث فيه فرصه لان مواده اقل..انا افكر اشيل ماده للمستوى الثالث ويكون ست مواد لكل مستوا
لان بيكون فيه مادتين ورا بعض افكر ااجل وحده منهم وم راح تاخرني بالمستويات

[الزهراني66]

@