المساعد الشخصي الرقمي

مشاهدة النسخة كاملة : هدية تخرج اقتراحاتكم

اخصائي اجتماعي1
2016- 5- 28, 08:56 PM
السلام عليكم
الحمدلله اخوي الصغير تخرج من كلية الطب :d5:ومحتار مدري ويش اهديه
ابي اقتراحاتكم بخصوص هدايا التخرج:rose:
مـ غ ـترب فـيـ عـذابـكـ
2016- 5- 28, 09:04 PM
عليكم السلام

تذكرت سفر يغير جو مع الفندق :)
الدووودي
2016- 5- 28, 09:06 PM
ماشاءالله

دايم الهديه على حسب الميزانية
اخصائي اجتماعي1
2016- 5- 28, 09:09 PM
ماشاءالله

دايم الهديه على حسب الميزانية

الميزانيه طيبه الحمدلله بس مو لدرجة فيلا او سياره:16.jpg:
اقترحي علي
اخصائي اجتماعي1
2016- 5- 28, 09:10 PM
عليكم السلام

تذكرت سفر يغير جو مع الفندق :)
تايلند طيبه او امستردام:(269):
des_FaHoD
2016- 5- 28, 09:26 PM
ماشاء الله تبارك الرحمن الله يوفقه

المشكلة لو قلتلك ايباد ولا ايفون ولا اي جهاز
ما عاد تعتبر هدية بهاليومين

لكن زي ماقالو الاخوان تذكرت سفر مع الفندق ومبلغ بيده
او شف هو وش يحب وبدون مايدري وجيبه له
game
2016- 5- 28, 09:33 PM
جوال حديث
مسرح منزلي
تلفزيون سمارت من شركة معروفة
لاتهدي عطر ولاساعة ولامحافظ ولا اقلام ملينا ههههه
مـ غ ـترب فـيـ عـذابـكـ
2016- 5- 28, 09:41 PM
لاتهدي عطر ولاساعة ولامحافظ ولا اقلام ملينا ههههه




:(204):
عبدالله الحربي0
2016- 5- 28, 10:13 PM
اكسنت نص فل:(204):
Jooory123
2016- 5- 28, 10:17 PM
مبلغ مالي جامد داخل هديه بسيطه مثل كرتون فلك :dهديه ومقلب

بس تاكد انه هو يفتح ماهو الصغار وتروح فلوسك خساره
иαšeя αłωαđαич
2016- 5- 28, 10:26 PM
لابتوب ماك بوك برو :004: :mh318:
شرقيه وبس
2016- 5- 28, 10:44 PM
اذا سفر حلووو صراحه وتغير جوو ووناسه اهم شي دوله امنه
من اوربا مثلا النمسا (زيلامسي )جميييله او كندا فيها مدن جميله بس بعيييده او ماليزيا اقل تكلفه لكن تايلند مانصح فيها ابدا كثير مدن غير امنه فيها ونسمع قصص تخوف ^.^

او مثلا شغله يحبها ووده فيها من زمان او لابتوب او تلفزيون شي ممتاز
شوف اللي يناسبك حسب الميزانيه
اممم الشباب الواحد يحتار بالهدايا مو زي البنات خيارات لهم اكثر
والله ييسرلك يارب
مـ غ ـترب فـيـ عـذابـكـ
2016- 5- 28, 11:26 PM
تايلند طيبه او امستردام:(269):

المغرب اجمل واضمن :(269)::004:
مي الرياض
2016- 5- 28, 11:55 PM
الرجال ماينبسط بهديه كثر ماكان مبلغ وقدره في زرف :16.jpg:..
وترا الالفين ماتفرح ، زيد الچيله :icon120:
Against Gravity
2016- 5- 29, 12:20 AM
ألف مبروك نجاحه
والله الرجال صعب ماتدري وش تهدي لهم

أشوف البنات وضعنا غير
جوال أو تابلت وتطير الوحده من الفرحة
Against Gravity
2016- 5- 29, 12:26 AM
الأخوان اللي يقولون سفر

مافيه أحسن من السفر للمدينة أو مكة
أجر وراحة نفسية ،
وتنبسط كم يوم في فندق مقابل للحرم أو قريب منه كل صلواتك في الحرم والصلاة تعدل مائة ألف صلاة
تنسى همومك كلها والله.


والله إني اتعجب من بعض الرجال اللي عندهم القدرة على السفر ومع ذلك يفضلون بلاد ودول مافيها أي شئ غير الخساير والذنوب!
خالدعبدالعزيز
2016- 5- 29, 01:12 AM
السلام عليكم

انا اشوف انك تحطله مبلغ في حسابه .

وهو بيستفيد منها اكثر .
ســــلآف
2016- 5- 29, 08:24 AM
سفره الى مكه المدينه او اي مكان يحبه واحلى فندق مقابل الحرم
بعد النجاح والتعب الشخص يحب الراحه والهدوءءء

واذا انه ما يحب السفر
اتفق انت واخوانك وخواتك تسوون له حفله
وكل واحد منكم يعطيه مبلغ معين وجمعوهااا بظرف وعطوه
وهو براحته يسافر يتزوج يشتري بيت سياره ......

والله يوووووفقك ويكتب لك الرزق ويعوض عليك مقدماااا
إقرأ
2016- 5- 29, 01:25 PM
فيه عند حلوياات جهينه فكره حلووه ..يسووي لك اطاار بصووره. اخوك عباره عن شكوليت .. يضبط صورته وهو خريج وتبقى له
ويكون معها مبلغ مادي
محمد المضياني
2016- 5- 29, 04:55 PM
فيه مدينه حلوه في تركيا اسمها انطاليا يقولون الجو فيها حلو وطبيعه ورخيصه انصحك تروح لها

انت واخوك
تاج راسي امي
2016- 6- 9, 08:13 AM
جيب له ظرف و حط له المبلغ مع باقة ورد و خله يتصرف بالمبلغ براحته
هارون الرشيد
2016- 6- 9, 01:24 PM
جبله جثة يتمرن عليها ويتسلى بوقت الفراغ
7amood
2016- 6- 9, 01:31 PM
عطه نص كاش ووالنص الباقي هدية دبر عمرك عاد ولا مثل ماقالولك اكسنت نص فل
ريم 2012
2016- 6- 9, 02:54 PM
فليسات وهو يتصرف فيها لان ماتعرف وش خاطره فيه

وحلو لو سفره مفاجاه بدون ماتقول له لها طعم اكثر واكثر

ومبروك النجاح والله يوفقنا جميعا
المدى البعيد 10
2016- 6- 9, 05:50 PM
كاتب موضوع تبي تعلمنا ان اخوك متخرج من كلية الطب
Mark Twain
2016- 6- 9, 06:03 PM
ليلتين بجانب الحرم المكي
طموح شايب
2016- 6- 9, 08:15 PM
اخطب له واعطه المهر
عريبღღ
2016- 6- 13, 01:54 AM
مبرووك لأخوك التخرج وإن شاء الله ينتفع بعلمه

أي هديه حسب ميزانيتك لكن السفر مانصحك به
إلا للحرمين تآخذ أجر وثواب