تخصصي طب طوارئ وأريد التحويل

[Hoping]

السلام عليكم
اخواني ابي مشورتكم ومساعدتكم
أنا إنسان مجتهد وطموحي طب ولاكن قدر الله ودخلت كلية الغد برغم أن نتايج الثانوية والتحصيلي والقدرات ممتازة
وبعد التحضيري ماكان عندي غير التخصصات المطروحة في الكلية ودخلت الطوارئ من غير نفس لانه كان التخصص الأفضل بين التخصصات وللآن أنا غير مقتنع برغم أني مخلص المستوى الثالث والرابع و كل ما سالت احد قالي تخصصك فاشل وزيك زي التمريض وممكن يكون الممرض أحسن منك في مجال عمله
أنا الحين اسأل هل في إمكانية تحويل تخصص يعني مثلا لو ابي صيدله في كليه اخرى هل راح يقبلوني وأكمل معاهم وماهي الكليات التي راح تقبلني خاص او حكومي لأَنِّي مقبول على المنحه ووضعي ماشي ومعدلي التراكمي 4.80 ممتاز
أرجوكم الي عندي أدنى فكره يفيدني والله يجزاه اللف خير

[مجرم غلاء]

تخصصك . كويس . وجميل . ومجالة واسسسع ؟؟

مين قال لك غير الكلام هذا

وانت ماشاء الله عليك . امورك . ومعدلك . ماشية

لية . تحول وتضيع عليك الي خلصتة وانت طالع مستوى خامس باقي لك سنتين وتخلص

ماهوب منطق تدرس من جديد عشان احد قال لك تخصصك موب كويس

ولوكان منت بمقتنع ب التخصص لية تدخلة من البداية وتضيع عمرك

نصصيحة . مني كمل

< مجرررد راي

وبنسبة اذا كان تبي تحول شوف جامعة الملك سعود ب الرياض هم عندهم الصيدلة وراح يقبلونك بس مدري اذا راح يعادلون لك بعض المواد او تبدا من جديد

/
^_^

[][ MOHAMMED ][]

-


وعليكم السلام :rose:
بقولك شيء الناس وش استفدنا منهم :119: بس يحطمُونك وتخصصك وشكلك
وفعلك وسواياك ووو مهما سويت ماتعجبهُم عشان كذا خلك مثلي *طز بالناس*
أذكر أشخاص كانوا يحاولون يحطموني بس فيه خطوط حمراء محد يتعداها أبداً :sm4:
ألحين اللي قالك تخصصك فاشل على أي أساس حكم ؟ وهو وش شهادته !! :Looking_anim:
ناس غريبة فعلاً , نتكلم عن حقائق التخصص مرغوووب وأي تخصص صحي بشكل عام
وللمعلومية تقدر تكمل طب لما تخلص , إنت فكّر وقررّ ولازم تفكر بشيء إنت ترغب فيه
أنا دخلت هندسة قبل وتركتها لأني ماحصّلت نفسي فيها ومعليش قول للشخص اللي
قال تخصصك فاشل إنت الفاشل :biggrin: بعضهم حاط رجل على رجل ويقررّ ماعرفناك
يالترتيب العالمي ياموسوعة غينيس ياجائزة نوبل :5: بالتوفيق أخوي :(128):

[Hoping]

الله يجزاكم خير يا شباب آليوم طلعت خطة التوظيف للهلال الأحمر ومطلعين ١٥ رقم للأخصائي طب طوارئ (بكالريوس ) وتقريبا ٨٠٠ رقم للفني (الدبلوم )
كيف التقسيم هذا بالله هذا جزاتي كاخصائي طب طوارئ ١٥ رقم بس هذا أكيد حقين الواسطه
طيب الحين انا كأخصائي طب طوارئ وش طبيعية وظيفتي في وزارة الصحه وين اشتغل ياليت ياخوان الي عنده اجابه لسوألي لا يبخل علي

[Red Velvet]

اخوي ليش طب طوارئ موعاجبك أنا حطيته رغبه

[nawaf albdrani]

اخوي كلام الناس ما يودي و لا يجيب و من قالك انك زي الممرض كله كلام فاضي انا الان في الامتياز نزلت تدريب في الهلال الاحمر و في المستشفى . اخصائي طب طوارى يختلف شغله من مكان الى مكان طبعا في الهلال الاحمر لو توظفت فيه بتكون زيك زي الطبيب تصرف تعطي ادوية و انت تقرر الحاله خطيرة او لا و انت تكون الرئيس و تقرر نقلها او لا . اما في المستشفى يختلف تكون في بين الممرض و الدكتور بس لو الدكتور مو فيه انت تكون مكان الدكتور ابس الافضل لو انت تبي مستشفى روح مستشفى الحرس و العسكري لانه تعطيك مجال انك تكمل طب بخصوص الرواتب في الهلال الاحمر جدا ممتاز