ياخوان أدعولي رايح لهم

[احمد خليل]

انا اليوم الصباح الاثنين بكون في الجامعه عندي اعتراض انطلمت في مادتين وانا خريج بأمر الله أتوفق اليوم لأَنِّي بروح لدكاتره

[حسـام]

الله يوفقك ويسخرهم لك

[ريما..]

الله يوفقك ويسهل لك امورك يارب

[بحرالعشق]

الله يوفقكك ويعينك ويكتبلك الي فيه خير
بخصوص درجات مشروع التخرج والتدريب احس انظلمت فيها بس الحمد الله عديناها وتخرجنا والله يوفق اخواننا وخواتنا الي رسبوهم في ذى المواد وان شاء الله يعدونها بعد التضلمات الي رفعوهاا

[عبدالله احساس]

الله يوفقك ويسهل لك امورك يارب

[احمد خليل]

أبشركم انا نجحت في المشروع والتدريب بس عندي اعتراض على مادتين ثانيه ماعديتها وأبشركم جيتهم اليوم والله استقبلوني أحسن استقبال الله يجزاهم بالخير وبأمر الله ان الأمور تعدي على خير ولهم من كل الشكر مكتب الفريدان عامه سكرتارية ودكاتره وبأمر الله بكره تتيسر الأمور على كلاهم ياخوان الكلمه الطيبه صدقه حتى لو مانلقا الي نبيه بس بالامانة والله انهم عسل ومتجاوبين ودعواتكم لي بكره تنتهي الأمور قولو يارب تحياتي لك يالفريدان

[ســــلآف]

الحمد لله الله يوووووووفقك وتبشرنا بنجااااحك وتووووفيقك
فعلا الكلام الطيب والسياسه والحكمه والتروي بالكلام تجيب نتيجه كبيره
الله يسخرهم لك ويوووووفقك - والله اني ادعي لكم جميعااا بالتوفيق

[النايف4545]

بتوفيق دربك خضر :cool:

[منتسب 0509]

بالتوفيق الله يسر أمورك وتتخرج وحنا بعدك جميعا .

[nowaf2014]

الله يوفقك. كان مشوك فيها بلغني تكفى انا خريج باقي لي ماده واحده فقط ورفعت تظلم ومحد عطاني وجه.

[احمد خليل]

الحمد لله الله يوووووووفقك وتبشرنا بنجااااحك وتووووفيقك
فعلا الكلام الطيب والسياسه والحكمه والتروي بالكلام تجيب نتيجه كبيره
الله يسخرهم لك ويوووووفقك - والله اني ادعي لكم جميعااا بالتوفيق

والله ياسلاف جيت وهم طفشاني من بعض الأمور وقلبتها معهم سالفه وضحك وطلعت عن أمور الجامعه وعرفتهم على نفسي وقلت انا جيت لكم والراي بعد الله لكم الي تأمرون فيه على راسي والي تبونه هو يمشي والله انهم معد فكوني وعدوني بكره أجيهم وربكم يسر الأمور قلت لهم. حتى لو ما تعدوني يكفيني معرفتك وطيبكم في الاستقبال والله ياخوان الدكاتره الي درسونا عسل كلهم

[تصاعد]

الله يوفقك ويسهل امرك الف مليون مبروك مقدم

[عبدالرحمن ا]

الله يوفقك ويسهل امووووورك
بعرف وقت دوامهم في رمضان متى يداومون ؟
وجزاكم الله كل خيير

[foofaa]

الله يوفقك و ان شاء الله تبشرنا بنجاحك

[nowaf2014]

بشر اخوي احمد. جيتهم اليوم. انا والله محتار وماودي اضرب مشوار ١٠٠٠ كم عشان ماده وحده يمشوني فيها

[ابو نورا]

انا ان شاء الله النيه الخميس عندهم الي له حق لا يسكت عنه

[Naiyofe]

بالتوفيق للجميع

[nowaf2014]

انا ان شاء الله النيه الخميس عندهم الي له حق لا يسكت عنه

الله يسر دربك ويوفقك. بس ليه رايح كم عندك ماده :lllolll:

[مازن اليامي]

الله يوفقك وييسرها عليك

[abunwaf]

انتظر في شباب في المنتدى رايحين الجامعة شوف ايش يصير معهم واسأل الله التوفيق

[nowaf2014]

الله يعين عليهم.هالجامعه. ننتظر الشباب اللي راحوا للعماده يبلغونا ياليت

[احمد خليل]

شكرًا لك من كل قلبي الدكتور عبدالله الفريدان على حسن الاستقبال وكانت الجلسه معك انت والدكتور مصلح العضايلة جلسه لن أنساها لكم وشكرا لكم يا من كُنتُم عند حسن الظن

[nowaf2014]

الله يوفقك اخوي احمد. يعني اروح لهم. عندي ماده واحده فقط

[سامية المعاني]

شكرًا لك من كل قلبي الدكتور عبدالله الفريدان على حسن الاستقبال وكانت الجلسه معك انت والدكتور مصلح العضايلة جلسه لن أنساها لكم وشكرا لكم يا من كُنتُم عند حسن الظن

الف الف مبرووووووووووووك التخرج :rose:

ما يضيع حق وراه مطالب :d5:

[nowaf2014]

احمد تكفى رد علي. تراي محتار والله ماده واحده حرمتني من التخرج ودي اروح لهم بس ابي علم اكيد هل يمشوني فيها ولا ??

[احمد خليل]

شكرًا يا جامعة فيصل

[احمد خليل]

شكرًا لك من اعماق قلبي يادكتور الفريدان وَيَا دكتور مصلح لن أنسا لكم موقفكم

[احمد خليل]

نواف بكون معاك صادق اذ واثق من نفسك راح لهم وإذ منت واثق مدري اش أقول لك والله عندهم نظام مايعطيك الى حقك هم طيبين لكن اهم شي انت الغلط وين عندك

[احمد خليل]

شكرًا اختي ساميه تبارك الله ماشاءالله مكتب الفريدان اقسم بالله ولا وزير بس يستاهل يوم قابلته إنسان ثاني امانه يستاهل المنصب الي جاء فيه من جد وجد واتوقع مع الأيام يكون مدير الجامعه يكفيني شرف أني اتعرفت عليه شخصيا قسم بالله قال اي شي تبغاه من الجامعه تعال مكتبي لان أسلوبي دايم في الحياه طيب قال نادر طلاب مثلك شكرًا لك يا دكتور شهادته وسام شرف

[احمد خليل]

نواف مادتك ايش

[abunwaf]

من كلامىك باين ان ما عندك سالفه قاعد تمدح في نفسك بس شكلك ما رحت لهم ولا شفت الفريدان ولاشئ قم بس قم

[nowaf2014]

انا ماعندي الا ماده الانجليزي كتابه فقط. والباقي ناجح فيها حتى مشروع التخرج والتدريب 3. ورفعت تظلم لدرجه اختبار غير مرصوده وماتغير شيء. وشكلي بروح لهم خلاص. اخر محاوله. هي ماده واحده

[سلطانوو]

الظاهر ماقابل الفريدان الا انت يااحمد والله ماشفنا لااستقبال زين ولا دخلنا علي الفريدان وقالو عندك شي اكتبه ورقي ودكتور مشروع التخرج الشرقاوي كنك مقابلن وزير نفسيه خايسه بس الظاهر الي يمدحون الجامعه معهم واسطه ولا ماشفتا من وجيههم خير مع اني درجاتيa+ماعدا المشروع الزفت الي ظلمنا فيه انا والكثيرر والي يعدلولهم بالواااااسطه بس

[مـ غ ـترب فـيـ عـذابـكـ]

طلعت فوازير رمضان ؛)

[احمد خليل]

صدقتي يا سلطانو انه عسل العميد جيتهم ١١وجلست عند السكرتير حقه الخضيري الين جاء وأبشرك العلوم كلها زينه ربي لك الحمد

[احمد خليل]

ابو نواف روح تبي تقابله والله زي السلام عليكم بس اكثر وقته اجتماعات بس لا تستعجل تقابله بس اي مشكله عندك عند الدكتور مصلح العضايلة

[احمد خليل]

دوامهم من 10الى 3

[nowaf2014]

احمد بشر نجحك الفريدان ولا وش السالفه وراك ما تبي تعلم. عادي حنا زملاء. وانا عندي ماده واحده ورايح لهم بكره ان شاءالله

[احمد خليل]

والله يانواف اذ مشكلتك في درجات المشاركه ومتأكد منها بأمر الله تمشي

[nowaf2014]

والله اني جيتهم ومالقيت الفريدان والسكرتير نفسه في خمشه كل ما ساله يقول مدري مدري. وكتبت ورقه بخط يدي للفريدان وشخصت الحاله وحتى المشرف العضايله ماهو مداوم مادري وش سالفتهم. مشيت ١٠٩٩ كم. رايح وجاي والحمدلله على كل حال.

[abunwaf]

ما عليك ربي يعوضك خير على الاقل حاولت وان شاء الله تلاقي نتيجة تعبك