أيقونة إخلاء الطرف مفتوحة

[~الولهان~]

السلام عليكم ورحمة الله وبركاته

تم فتح أيقونة إخلاء الطرف للجميع

وألف مبروك لكل الخريجين وبالأخص دفعتي دفعة المتهورين

:d5::d5: تحياتي للجميع :d5::d5:

[ابو عبدالله18]

الحمد لله تم اخلاء الطرف والله لا يهينك

[حدودي السماء]

يعطيك العافية

[wejdan kanani]

يعطيك العافية

[اريج محمد]

انا ابي اروح لهم واستلمها وضغطت بالاغلط ع ارسال وطبعت الورقه حق الاستلام شخصيا مدري اخاف اني خربت كل شي يوم ضغطت ارسال هل فيها مشكله ولا عادي طبعا ماعبيت البيانات حق ارامكس لاني ابي اروح لهم :eek:

[نيولفر]

اخلاء طرف ضغطت متابعه وارسال وتم

رحت ارامكس طلع انها الخدمه بس لخريجين الفصل الاول ؟؟؟؟ احد مثلي

[الآبهرF]

اخلاء طرف ضغطت متابعه وارسال وتم

رحت ارامكس طلع انها الخدمه بس لخريجين الفصل الاول ؟؟؟؟ احد مثلي

انا نفسك ة_ة

ماني عارف كيف الطريقه

عملت ارسال ورحت لارامكس ما طلع لي شيء ":)

[إبن شاطر]

بخصوص اللي طلع له بخدمه أرامكس النص التالي

عزيزي الطالب هذه الخدمة فقط للطلبة الخريجين الفصل الاول 1436/1437 يمكنك الحضور مباشرة وااستلام وثيقتك


يرجى الانتظار الى يوم الاحد أقصى شي وراح تتفعل لكم ان شالله


تحياتي

[arwa22]

الحمد لله تم اخلاء الطرف والله لا يهينك

هل يلزمني بالتوقيع في إخلاء الطرف أو ليس ضروري التوقيع و أقوم بالمتابعة فقط

[miss-kfo]

ممكن احد يشرح لي كيف يعني اخلاء طرف
وكيف استلمها من ارامكس
انا اخترت اني استلمها عن طريق ارامكس
طيب شلون اطبع الورقه هذي واوقع عليها والا شلون مافهمت؟!

[arwa22]

اخلاء طرف ضغطت متابعه وارسال وتم

رحت ارامكس طلع انها الخدمه بس لخريجين الفصل الاول ؟؟؟؟ احد مثلي

هل يلزمني التوقيع في إخلاء الطرف أو أقوم بالمتابعة
الله يسعدك

[~الولهان~]

هل يلزمني بالتوقيع في إخلاء الطرف أو ليس ضروري التوقيع و أقوم بالمتابعة فقط

الأخت أروى

إذا ترغبي بإستلام وثيقتك من الجامعة يلزمك طباعة إخلاء الطرف والتوقيع عليها
وإذا ترغبي بإستلامها عن طريق أرامكس لا تحتاجين لتوقيع الإخلاء لكن لازم تكملي بيانات أرامكس إذا فعلو الأيقونة

تحياتي لك

[~الولهان~]

ممكن احد يشرح لي كيف يعني اخلاء طرف
وكيف استلمها من ارامكس
انا اخترت اني استلمها عن طريق ارامكس
طيب شلون اطبع الورقه هذي واوقع عليها والا شلون مافهمت؟!

miss-kfo

إذا أخترتي خدمة أرامكس ما يحتاج تطبعي الإخلاء ولا توقعي لكن أنتظري بكره يمكن يفعلو أيقونة أرامكس وعبي بيانات عنوانك بالكامل وتوصل لك على العنوان الي سجلتيه

تحياتي لك

[~الولهان~]

انا ابي اروح لهم واستلمها وضغطت بالاغلط ع ارسال وطبعت الورقه حق الاستلام شخصيا مدري اخاف اني خربت كل شي يوم ضغطت ارسال هل فيها مشكله ولا عادي طبعا ماعبيت البيانات حق ارامكس لاني ابي اروح لهم :eek:

أختي أريج

ارجعي مرة ثانية لأيقونة إخلاء الطرف وأطلبي إستلامها من الجامعة وأطبعي إخلاء الطرف
لان للحين مافعلو أيقونة أرامكس
وإن شاءالله مافيها مشكلة ولا تخافي ولا تشيلي هم وفالك التوفيق

تحياتي لك

[albarqawi]

كيف اوقع على اخلاء الطرف اطبعها ووقع عليها ثم ارسلها bdf

[اريج محمد]

أختي أريج

ارجعي مرة ثانية لأيقونة إخلاء الطرف وأطلبي إستلامها من الجامعة وأطبعي إخلاء الطرف
لان للحين مافعلو أيقونة أرامكس
وإن شاءالله مافيها مشكلة ولا تخافي ولا تشيلي هم وفالك التوفيق

تحياتي لك
مشكووووووووووووور يعطيك الله العافيه:sm18:

[صخب إنسآن]

انا مثلكم طلبتها عن طريق ارامكس ويقولي لخريجين الفصل الاول !

يمكن ننتظر شوي ويفتحونها .. الله يصبرنا عليهم :(

[smile-550]

الحمد لله تم اخلاء الطرف والله لا يهينك

طيب سويت خدمة ارامكس ولا :sm12:

[shouroq]

السلام عليكم

انا عندي استفسار اذا ممكن احد يفيدني
انا ابي استلم شهادتي عن طريق ارمكس يوم اخترت انه يكون الاستلام من خلال ارمكس طلع لي انه هذا الخيار خاص لدفعه 1436و1437 وانا منهم وش الحل مابي اروح انا :(

[~الولهان~]

طيب سويت خدمة ارامكس ولا :sm12:

أخوي smile

للحين ما فعلو خدمة أرامكس أتوقع يوم الأحد بتتفعل أنا مثلك أنتظر يفعلوها وأدخل بيانتي

تحياتي لك

[~الولهان~]

السلام عليكم

انا عندي استفسار اذا ممكن احد يفيدني
انا ابي استلم شهادتي عن طريق ارمكس يوم اخترت انه يكون الاستلام من خلال ارمكس طلع لي انه هذا الخيار خاص لدفعه 1436و1437 وانا منهم وش الحل مابي اروح انا :(

أختي شروق

في خدمة أرامكس إلي طلع لك الخدمة فقط لخريجي الفصل الأول لعام 1436و 1437
لكن خريجي الترم الثاني للحين ما فعلو الخدمة إن شاءالله على يوم الأحد إذا ما خاب ظني تتفعل

تحياتي لك

[~الولهان~]

كيف اوقع على اخلاء الطرف اطبعها ووقع عليها ثم ارسلها bdf

أخوي البرقاوي

ما تطبع إخلاء الطرف وتوقعه الا إذا انت تبي تستلم الوثيقة بنفسك من الجامعه لكن لو تبي الوثيقة عن طريق أرامكس ما يحتاج تطبع الإخلاء

تحياتي لك

[shouroq]

أختي شروق

في خدمة أرامكس إلي طلع لك الخدمة فقط لخريجي الفصل الأول لعام 1436و 1437
لكن خريجي الترم الثاني للحين ما فعلو الخدمة إن شاءالله على يوم الأحد إذا ما خاب ظني تتفعل

تحياتي لك

طمنتني الله يوفقك ويسعدك

شكرا

[~الولهان~]

طمنتني الله يوفقك ويسعدك

شكرا

الله يوفق الجميع

[abo noora]

ما قصرت يا اخوي الولهان

[~الولهان~]

ما قصرت يا اخوي الولهان

يعطيك العافيه يا أبو نوره وهذا واجبنا

تحياتي لك

[ابو فيصل الرياض]

وشلون يا شباب بس اضغط متابعة بدون ان اعبي شي

[ابو فيصل الرياض]

تكفون احد يشرح لنا بالتفصيل الطريقة من البداية للنهاية بليز

لأني محتار هل اعبي شيء او لا علما باني ابيها عن طريق ارمكس

[خفيف الدم]

تم التواصل مع الدكتور/ عبدالله الفريدان عن طريق التويتر وسألته عن هذه الموضوع وأجاب:
تم إعلان ذلك مسبقاً وهو أن خدمة إخلاء الطرف هي الأولى بتاريخ 11 رمضان وبتاريخ 18 رمضان ستكون خدمة أرامكس جاهزة للإستخدام.
وعند الرجوع إلى الخبر تبين فعلاً أنه تم ذكر هذه النقطة.

وشكراً.

[miss-kfo]

miss-kfo

إذا أخترتي خدمة أرامكس ما يحتاج تطبعي الإخلاء ولا توقعي لكن أنتظري بكره يمكن يفعلو أيقونة أرامكس وعبي بيانات عنوانك بالكامل وتوصل لك على العنوان الي سجلتيه

تحياتي لك

الف شكر لك اخوي يعطيك العافيه

[~الولهان~]

تكفون احد يشرح لنا بالتفصيل الطريقة من البداية للنهاية بليز

لأني محتار هل اعبي شيء او لا علما باني ابيها عن طريق ارمكس

أخوي ابو فيصل

إذا تبي الوثيقة عن طريق أرامكس فالأيقونة راح تفتح يوم 23/6/2016 وأول ما تفتح معاك
أتبع الخطوات وهي أكتب الدولة والمدينة والحي وإسم الشارع ورقم المنزل وأهم شي أكتب رقم الإتصال عشان يتواصلو معاك

اتمنى إن وضحتها لك

تحياتي لك