استفسار عن الشهاده

[بسكوت]

السلام عليكم
هل التربوي مهم بالنسبى للانتساب عن بعد
ولا التدريبات الميداني تعتبر كافيه
وبخصوص المعدل انا حسبته ببرنامج وطلع اكثر من الى الجامعه حاسبته هل اقدر اطلب منهم اعادة حساب المعدل العام

[فاقده غالي]

التربوي اذا تبين تصيرين معلمه بس غيره لا
اما المعدل دام كتبوه الجامعه فخلاص اتوقع هم الصح الا اذاا انتي متاكده كلميهم

[بسكوت]

انا شاكه بقوه ان في غلط بس موب متأكده لان من الترم الى راح يطلع المعدل مو نفس ما تحسبه الجامعه انا احسبه ببرنامج قبل تحديث السجل,
انا ابغا اخصائيه (بأذن الله) التربوي ضروري للمرشده بعد؟

[بسكوت]

واذا ضروري تربوي وين ممكن احصل جامعه تدرسه وكيف دراسته اصلا

[ابوغرام2]

للأسف التربوي قفلوه بركات الوزير الجديد

[بسكوت]

تقفل
طيب وان طلبوه وش الحل؟

[مــجــازفــــ]

اخصائية اجتماعية لا تحتاجين للتربوي .. التربوي فقط لوظيفة معلم فقط .. وبخصوص وظيفة اخصائي اجتماعي لازم تدريب 3 شهور في مستشفى وبعدها اختبار لهيئة التخصصات وبعدها تحصلين على رخصة اخصائي ... مع اني سمعت من اخصائي اجتماعي اجتماعي في مستشفى يقول ان جاهم تعميم بعدم توظيف طلاب الانتساب ولكن الامل بالله كبير

[بسكوت]

انا اقصد مرشده طلابيه بمدرسه ما يقبلون؟
او حتى المدارس بيمنعون طلاب الانتساب عن بعد طيب وين اودي الشهاده ابروزها و اعلقها هههههههههههههه
على كذا التوصيات يقبلونها ولا الوزير منع قبولنا حتى ماجستير

[مــجــازفــــ]

اصلا وزارة التعليم من ضمن قراراتها الفاشلة انها لا توظف مرشد طلابي متخصص ولكن وظيفة مرشد طلابي يترشح لها معلم غير متخصص ولكن حاصل على دبلوم ارشاد طلابي يعني يكون مدرس لغة عربية او دين او رياضيات او او وياخذ دبلوم ارشاد ويصبح مرشد طلابي ... خلاصة الكلام مافيه احد يتعين مرشد طلابي على طول

[ابن السلطان]

انا اقصد مرشده طلابيه بمدرسه ما يقبلون؟
او حتى المدارس بيمنعون طلاب الانتساب عن بعد طيب وين اودي الشهاده ابروزها و اعلقها هههههههههههههه
على كذا التوصيات يقبلونها ولا الوزير منع قبولنا حتى ماجستير

السالفة تعقيد
وربح للجامعات مبالغ ضخمة من جيوب الطلاب

يفترض بما انه فيه اختبار كفايات هو الفيصل في قبول الوظيفة
سواء انتساب او انتظام

لكن للاسف تهميش مقصود لطلاب الانتساب
مين المستفيد ؟؟؟؟؟؟؟؟؟

اللي يستفيد من الشهادة الموظفين اللي على رأس العمل تعديل سلم رواتبهم بعد الخصول على الشهادة