مشكلة اخلاقية !!!!

[اسورة]

السلام عليكم ورحمة الله ،،


جاية اشكي لكم مشكلتي وبحاجة لمساعدتكم وانا الحين بقى سمستر واتخرج ..
انا اول سنة في الكلية الاداب .. سويت مشكلة اخلاقية تعتبر في الامن والسلامة .. وكتبوني تعهد وكتبته بايدي وخلوني اكتب اسمي وابصم
بس مو بكليتي اللي هي الاداب لا بالجامعة .. واخذو بطاقاتي ومدري وش سوو بالكمبيوتر ورجعولي بطاقاتي
وقالو لي روحي ولا تجين وشهادة حسن سيرة وسلوك مابتاخذينها لما تتخرجي .. وكانو يضحكون !
مافهمت ايش صاير
وطلعت من الجامعة عادي وكملت الدراسه الحين وعلى وجه تخرج السمستر الجاي
الحين ايش اسوي ؟؟؟!
صدق مابيعطوني شهادة حسن سيرة وسلوك ؟
راسلتهم على الايميل كذا مره بس محد يرد علي !
تعرفون احد ماعطوه شهادة حسن سيرة ؟
انا استغربت انهم مافصلوني او شي زي كذا الحمدلله طبعاً
وعطيتهم رقم اهلي وماكلموهم !
ايش اسوي ساعدوني

[فتآت مسك]

التعهد مايأثر إن شاء الله
انا كتبت تعهد ماأثر علي

أتوقع الي يكتب ٣ تعهدات يعطونه انذار والوثيقة تستلمينها بدون شهادة حسن سيرة وسلوك

لا تحاتين الأمن كل يكبرون المشكلة وبس يبون يتصيدون البنات ويسببون لهم مشاكل عذبونا عشنا برعب بسببهم

[اسورة]

يعني مايعطون شهادة حسن سيرة وسلوك ؟؟
اعرف وحدة تو متخرجة وعطوها ��
انا خايفه منهم اخاف ان دراستي تروح ببلاش !
اللي عطوها من دفعة ٢٠١٠ هي توها متخرجةةة

[غصون الازهار]

حسن سيره وسلوك مطلوبه في كل مكان
وبالذات عن التقديم للماجستير وقت المطابقه

[غصون الازهار]

اذااخطيتي اعتذري لهم
وان شاء الله يعطوك حسن سيره وسلوك

[فتآت مسك]

اي صح فيه تأكدت

بس مايأثر إن شاء الله لاني كنت كاتبه تعهد وعطوني أياها

[اسورة]

كيف اقدر اعتذر ؟
هالشي صار قبل اربع سنين من الحين ..
ارسلت كذا مره ايميل للادارة محد يرد علي
انا خايفة شهادتي بدون سيرة وسلوك شالفايدك ماقدر اقدم ع وظيفة
انا خلوني ابصم واكتب وش سويت مب بس توقيع 😢

[زهرانيه]

خلي ولي أمرك يروح للجامعه ويستفسر منهم ترى كلية الاداب مامنهم فايده وثيقة التخرج ماتأخذينها الا بشهادة حسن السيره والسلوك

[اسورة]

المشكلة محد من اهلي يعرف بالسالفة وماقدر اقول لهم
انا عطيتهم رقم الوالد لما صارت السالفة بس هم مادقو عليه !!
وش اقدر اسوي تتوقعون كانو يخوفوني لما قالو مابيعطوني شهادة حسن سيرة وسلوك ؟!

[-كبرياء-]

اول شيء التعهد اعتقد ثلاث مرات تكتبينه بعدين يفكرون بشهادة حسن السيره والسلوك ،،
المهم لا تشياين هم ما اعتقد ما راح يعطوونك شهادتك وتوكلي ع الله ،،

المهم اذا خاييفه مره روحي للي كتبوك التعهد واستفسري منهم

[nayefgg]

اختي كل شي في وقته مناسب انتي لاتفتحي علي نفسك باب انتي بغني عنه
وقت تسليم الشهادة اذا ماعطوكي طالبي في حسن سيره وسلوك
علما انه الامن احتمال كبير ماضافوها في ملفك
بتوفيق

[ابو غيداء]

يابنت الحلال محد درى عنك


لا تحفرين عن نفسك




اطلبي شهادة حسن سيره وسلوك بتجيك وامورك طيبه

[رزانا]

مو لازم يا جميلة تنبهيهم انك مسويه حاجه
الشهادة تستلميها من مكان غالبا عمادة القبول والتسجيل
و حسن السيرة والسلوك تروحي تطلبيها اعتقد من شؤون الطلاب
و أهم شيء لو روحتي تطلبيها مو تنبهيهم و تقولي أنا كتبت تعهد وما أدري ايش أصحك
أصلا ً لو كانت مقيدة عندهم في الكمبيوتر راح ينتبهوا من نفسهم أما لو كانت بس في الورق أنتي كدا بتفتحي باب على نفسك لأنو مو معقولة يروحوا يدورا في الورق قبل حق ما أدري كم سنة


بالتوفيق والله يعينك ويعمي عنك بصرهم وبصيرتهم

[الطالب الموهوب]

يابنت الحلال محد حولك ولا تفتحي هلم الموضوع ولا شي ابد وبتستلميها حالك حال غيرك