المساعد الشخصي الرقمي

مشاهدة النسخة كاملة : اكمل باالجامعه او اعيد ثالث ثانوي ؟!

ترف العتيبي
2016- 9- 20, 05:31 AM
السلام عليكم اخواني وخواتي
انا طالبه مستجده بالجامعه قسم ادارة اعمال بس لسى ماارسلت ملفي !
ابي استشيركم انا متخرجه لي عشر سنوات من الثانوي ونسبتي بالثمانين بس صار عندي ظروف وانقطعت عن الجامعه
اقترحت علي احدى الصديقات بعد ماسجلت بالجامعه اني اعيد ثالث ثانوي فقط واجتهد عشان اقدر ادخل انتظام اي جامعه
والحين في حيره من امري
اكمل اوراقي واتوكل ع ربي مع اني مادري وش مصير شهادة التعليم عن بعد وانا ظروفي حيل صعبه محتاجه الوظيفه
او اعيد ثالث ثانوي واكمل بعدها الجامعه انتظام
قلت اسألكم بحكم خبرتكم اسأل الله ان يوفقكم ويرزقكم ولايضيع تعبكم وسنوات جهدكم :004:
Tott
2016- 9- 20, 06:04 AM
اول مرة اسمع باعادة الدراسة في الثانوية .!!

ارسلي اوراقك وكملي الدراسة مدام انقبلتي
بالتوفيق
واثقة بوعد ربي
2016- 9- 20, 07:17 AM
لا تضيعي الرفصه دامك انقبلتي
كلنا عندنا ظروف وربي يسهلها على الجميع.
مافي شي اسمه اعادة ثانوي بعد حصولك على الشهاده.
يمكن صديقتك تبغاك تتركي الجامعه بعد مانقلتي وتضيعك.
والله غيرك يتمنوا ينقبلوا عن بعد بعد مارفعوا النسب اتكلي على الله ...
أفا يا قلب
2016- 9- 20, 07:31 AM
مدامج مخلصه من زمان ثانويه ليه تبين تعيدين ثانويه ونسبتج عدله!!
وليه تبين تعيدين ثالث ثانويه وهم قابلينج بالجامعه!!
كملي اجرائتج وتوكلي على الله
نواف الجبرين
2016- 9- 20, 07:57 AM
توكلي على الله وكملي الجامعة وبعد كذا يمكنك تحولين انتظام :d5:
reaching higher
2016- 9- 20, 08:08 AM
عزيزتي .. حتى لو عدتي الثانوية .. ماتوقع بيدخلونك انتظام بسبب العمر ..

مادامك انقبلتي توكلي على الله و كملي .. فيه ناس كثير توظفوا بشهادة الانتساب لا تشيلين هم. قسمك يمشي مضبوط بالقطاع الحكومي و الخاص ..


توكلي على الله.
ترف العتيبي
2016- 9- 20, 08:11 AM
شكرا لكل من رد علي ربي يسعدكم ��
الاخ نواف مافي تحويل للانتظام من زمان اتلغى صح او فيه قرار جديد
ترف العتيبي
2016- 9- 20, 08:14 AM
عزيزتي .. حتى لو عدتي الثانوية .. ماتوقع بيدخلونك انتظام بسبب العمر ..

مادامك انقبلتي توكلي على الله و كملي .. فيه ناس كثير توظفوا بشهادة الانتساب لا تشيلين هم. قسمك يمشي مضبوط بالقطاع الحكومي و الخاص ..


توكلي على الله.

اذا قصدك بالثانوي اكيد ماراح انتظم ولو فكرت بمدرسه خاصه
انا لو اضمن بس الدبلوم التربوي بعد الانتساب مافيه مشكله
بس لادبلوم تربوي ولا ماستر متاح لنا :icon9:
nalmauili
2016- 9- 20, 08:19 AM
كملي مايمنع تدورين على وظيفة
ولله يسهل امرك
زياد المغيري
2016- 9- 20, 11:37 AM
انا من رأيي انك تدورين لك وظيفة وتتوظفين وتكملين دراستك انتساب وتجيبين معدل كويس وتكملين دراستك ماجستير ودكتوراه عسى الله يوفقك .. انا ماشي على هالخطة ونطلب من الله التوفيق
اخصائي اجتماعي1
2016- 9- 20, 11:49 AM
كيف تعيدين ثالث ثانوي من قالك اساسا انك تقدرين تعيدين الثانوي؟؟؟؟؟!!!!! الي اعرفه اذا تخرجت من الثانوي ماتقدر تعيده ممنوع مو زي الجامعه تقدر تدرس كذا بكالريوس وماجستير
nore11
2016- 9- 20, 03:01 PM
اول شي ماعمري سمعت بااعاده في ثالث ثانوي ثانيا انصحك تكملين اجراءات قبولك لان القبول صار صعب سواء انتظام او انتساب ثالثآ شي باامكانك تحاولين تتوظفين بشهادة الثانوي ومنها تكملين انتساب وبالنسبه للماستر تقدرين تكملين عادي زوجي خريج انتساب جامعة الامام اداره واقتصاد الان هو يدرس ماستر اقتصاد وفيه من اقاربي توظفو بشهادة الانتساب كملي طريقك ولاتخلين احد يحطمك والارزاق بيدالله ماراح احد يوقف في طريقها سواء جاتك شهادتك عن طريق انتساب او انتظام تمنياتي لك بالتوفيق واذا ماتبين تدخلين الجامعه ادرسي دبلوم سنتين وقدمي ع الوظائف والله يكتب لك الي فيه خير بااذن الله
reaching higher
2016- 9- 20, 03:03 PM
اذا قصدك بالثانوي اكيد ماراح انتظم ولو فكرت بمدرسه خاصه
انا لو اضمن بس الدبلوم التربوي بعد الانتساب مافيه مشكله
بس لادبلوم تربوي ولا ماستر متاح لنا :icon9:


اقصد انتظام بالجامعة .. لان الجامعة تطالع بالعمر.

الدبلوم التربوي افتحوه هالسنة .. و بأذن كل السنين القادمة لان حتى طلاب الانتظام يحتاجونه. و ماله شروط غير التفرغ و الرسوم.

اما الماسر تقدرين تكملين .. ببعض جامعات الحكومية او حتى بجامعات اهلية او حتى ابتعاث.
او حتى تلتحقين بوظيفه و تكملين على حسابهم الماستر ..


انتي خوذي الدنيا حبة حبة .. خلصي الجامعة اول و بعدين فكري بالماستر و الدبلوم التربوي ..
لا يكلف الله نفسا الا وسعها
دانـــه
2016- 9- 20, 11:12 PM
اول مره اسمع خريجه ثانوي تعيد الثانوي !
Afnan*
2016- 9- 21, 12:56 AM
اذا تخرجت اقدر اكمل بالدبلوم التربوي ولا غير متاح للي شهادته انتساب ؟