ابي افهم خطوهـ خطوهـ للمشروع

[Saja n]

بسم الله الرحمن الرحيم
السلام عليكم ورحمة الله وبركاته



اولا: الله يوفقكم لفعل الخيـــر ..:004:
ثانيا : احنا في حوسة المشروع التخرج :icon9:
اتمنى احد يفهمني او يساعدني خطوهـ خطوهـ:verycute:

انا دخلت الموضوع المثبت في اشياء فهمتها واشياء مافهمتها
ياريت احد يفهمني :106:

ابي اعرف لو اقترح موضوع معين الموضوع ذا يكون موضوع عام اي شي
او الموضوع يخص الدراسه اللي درستها يعني <<العنوان عام ولا شي يخص الدراسه
:(107):
وسؤال لو بتكلم عن موضوع اتكلم واعبر عنه بأسلوبي بكتابتي ولا لا اخذ الكلام من مقتبس كتاب معين ؟؟

ابي ع الاقل صورهـ وحده تفهمني كيف طريقة ارسال النموذج الاول او الخطوهـ الاولى:sm1:

وكم باقي بالضبط ع اخر يوم يتم تسليم المشروع هل لي وقت طويل ؟:icon19:

عادي يكون مشروعي عبارة عن قصه ؟او اتكلم عن قصه :(269):

شكرا لكم :004:

[Doremi]

وعليكم السلام ورحمة الله

فيه موضوعين مثبته مب واحد، الي مب في الأول بتحصلينه بالثاني..
عموما ً برجع أجاوب على استفساراتك بس يا قلبي الله يخليك استفسارك الجاي اطرحيه في الموضوع المثبت الخاص بالاستفسارات.. ترتيب القسم مهم علشاننا كلنا ، البحث عن المواضيع من بين الاستفسارات شيء متعب والكل عنده استفسارات مثلك ويشوف أن لها أولوليه، بس التعاون مطلوب..


ابي اعرف لو اقترح موضوع معين الموضوع ذا يكون موضوع عام اي شي
او الموضوع يخص الدراسه اللي درستها يعني <<العنوان عام ولا شي يخص الدراسه

مب شرط يكون شيء درسناه، المهم يكون في مجالات تخصصنا:
- أدب
- ترجمه
- لغويات

وما يكون عام، لازم تخلينه مخصص.. عندك هالمثال لموضوع عام وكيف نخصصه:
- اكتساب اللغه الانجليزية <-- عام
- اكتساب اللغة الانجليزية لطلاب المرحلة المتوسطه <-- برضو عام
- المشكلة الفلانيه في اكتساب اللغة لدى طالبات المدرسة المتوسطة الفلانية في المدينه الفلانية <-- مخصص


وسؤال لو بتكلم عن موضوع اتكلم واعبر عنه بأسلوبي بكتابتي ولا لا اخذ الكلام من مقتبس كتاب معين ؟؟
لا ممنوع تسوين كذا، على طول رسوب..
بحثنا نكتبه باسلوبنا ورأينا ومناقشتنا للفكره من منظورنا لها.
نستخدم خلال البحث اقتباسات من كتب أو مقالات، لكن فقط اقتباسين إلى 4 اقتباسات، ونكتب عند كل واحد منها اسم الكاتب وسنة الانتاج <-- واضحه في المواضيع المثبته..

ابي ع الاقل صورهـ وحده تفهمني كيف طريقة ارسال النموذج الاول او الخطوهـ الاولى
شلون صوره طريقة الارسال؟
مو عارفه طريقة الارسال عن طريق الايميل قصدك؟ ولا تبين نماذج سابقه للخطوة الأولى؟
فهميني قصدك علشان أصور لك الطريقه الي تبينها

وكم باقي بالضبط ع اخر يوم يتم تسليم المشروع هل لي وقت طويل ؟
بقي 12 يوم وينتهى موعد التسليم


عادي يكون مشروعي عبارة عن قصه ؟او اتكلم عن قصه
ما ينفع تكتبين قصه أو تتكلمين عنها فقط، لازم يكون عندك فكره تثبتينها..
لأن بحثنا مجرد خطة بحث، مافيه مكان تكتبين رأيك أو تسولفين براحتك، كلها يقول لك اذكري نبذه وخلاصه وانتهينا.


---


العفو..
استفساراتك الجايه في الموضوع المثبت، لا تحسبيني بطنشك لو كتبتي هناك..
أول ما أشوف اسمك برد عليك على طول :106: