بعد القبول النهائي وتسديد الرسوم ماالخطوات القادمة ؟

[احمد محمد احمد]

السلام عليكم اخوك في الله متخرج من الثانوية من 15 سنة , والان قبلت في جامعة فيصل انتساب , متردد

في تسديد الرسوم هالشهر او الشهر القادم , لان لدي التزامات ما ودي ااخرها ولو دفعتها لن استطيع دفع

الرسوم هالشهر , المهم الان ما هي الخطوات اللي لازم اسويها بعد القبول ودفع الرسوم , اخوكم في الله

ما عنده خبرة في الدراسة الجامعية ابدا , لا المقررات ولا الساعات , ارجو منكم افادتي لكل ما لديكم من معلومات

ونصائح

[اطياف محمد]

السلام عليكم انا رحت أسدد وطلع انه راح علي التسديد كان بتاريخ ١/٢٣ افيدوني جزاكم الله خير وهل فيه تسديد للرسوم قبل الاختبار ؟؟

[مي الرياض]

الاربعاء
1438/02/09 - 2016/11/09
نهاية فترة سداد الرسوم الدراسية للطلبة القدامى ومنع الدخول على الأنظمة لمن لم يقم بتسديد الرسوم

بخصوص التسديد عادي لو تأجله إلى بعد الأختبارات ،
لكن بحكم ان توك مسجل ولا تعرف بإنظمة الجامعه سدد الحين وادخل حمل محاضراتك والمناقشات عن طريق الخدمات الطلابيه + النظام الأفتراضي راح تشوف موادك وكل ماده تندرج تحتها المحاضرات المسجله * المباشره + المناقشات + الواجبات..
بالتوفيق ..

السلام عليكم انا رحت أسدد وطلع انه راح علي التسديد كان بتاريخ ١/٢٣ افيدوني جزاكم الله خير وهل فيه تسديد للرسوم قبل الاختبار ؟؟

عادي تقدرين تسددين بأي وقت بس احتمال بعد التاريخ المُعلن يقفل النظام وانتِ ماسويتي شي ..
بالتوفيق ..

[احمد محمد احمد]

يعني لو ما اسدد الحين بيروح علي التسجيل ؟

[مي الرياض]

لا ماراح يروح عليك شي ،
لكن احتمال النظام يقفل بعد تاريخ ٩-٢ ومجرد ماتسدد بيفتح لك على طول ..

[احمد محمد احمد]

لا ماراح يروح عليك شي ،
لكن احتمال النظام يقفل بعد تاريخ ٩-٢ ومجرد ماتسدد بيفتح لك على طول ..

اجل بادفع الرسوم بكرة باذن الله ماني ناقص يتقفل لي شي ,


لكن ما احد فادني عن المقررات والساعات وكيف تم تحديد الرسوم ب 2500 وانا توني ما اخترت الساعات ؟

[مي الرياض]

من قالك ان الرسوم بـ 2500 ؟
ادخل عالخدمات الطلابيه + خدمات الشؤون الماليه + الاستعلام عن وضع الطالب المالي وراح يطلع لك المبلغ ..
لكن اذا انت اداره ومستوى اول , ب هالحاله الجامعه تنزلك مواد هالمستوى تلقائي ،
وتكون 5 مواد كل ماده 3 ساعات والساعه ب 165 ،
3 ساعات × 5 مقررات = 15 ساعة
15 ساعة × 165 ريال + 10 ريال رسوم الرسائل النصيه = 2.485 ريال ..
بالتوفيق ..

[احمد محمد احمد]

من قالك ان الرسوم بـ 2500 ؟
ادخل عالخدمات الطلابيه + خدمات الشؤون الماليه + الاستعلام عن وضع الطالب المالي وراح يطلع لك المبلغ ..
لكن اذا انت اداره ومستوى اول , ب هالحاله الجامعه تنزلك مواد هالمستوى تلقائي ،
وتكون 5 مواد كل ماده 3 ساعات والساعه ب 165 ،
3 ساعات × 5 مقررات = 15 ساعة
15 ساعة × 165 ريال + 10 ريال رسوم الرسائل النصيه = 2.485 ريال ..
بالتوفيق ..

يعني ممكن توصل 3000 ريال ,

طيب كيف ادخل على الخدمات الطلابية كيف اسجل ؟

[احمد محمد احمد]

ما قدرت ادخل على الخدمات الطلابية , وطلبت استرجاع كلمة مرور وادخلت الرقم الاكاديمي تطلع لي رسالة خطأ

[مي الرياض]

هذا شرح طريقة استخراج الرقم السري ،

https://www.youtube.com/watch?v=u0R08DE5mxo

وهنا الصفحه اللي تستخرج الرقم منها ،

https://www.kfu.edu.sa/ar/pages/newupdate.aspx


جرب الحين شوف ..

[احمد محمد احمد]

لايكون ماني مسجل في الموقع ؟

تطلع لي رسالة الرقم خطأ حاولت يمكن 30 مرة نفس الرسالة

[مي الرياض]

انت عندك الرقم الاكاديمي حق الجامعه ؟
تلقاه من ضمن الرسايل النصيه اللي بجوالك ،
وموجود بعد بورقة البريد ..

[احمد محمد احمد]

انت عندك الرقم الاكاديمي حق الجامعه ؟
تلقاه من ضمن الرسايل النصيه اللي بجوالك ،
وموجود بعد بورقة البريد ..

ايه عندي اللي بدايته 21

[مي الرياض]

ايه عندي اللي بدايته 21

حلو طيب طلعت الرقم السري ؟
طبق الشرح اللي بالصفحه الاولى اذا ضبط معك ادخل الصفحه هذي عن طريق الرقم الاكاديمي والرقم السري اللي طلعته ..

https://del2.kfu.edu.sa/vls/Login.aspx

[احمد محمد احمد]

حلو طيب طلعت الرقم السري ؟
طبق الشرح اللي بالصفحه الاولى اذا ضبط معك ادخل الصفحه هذي عن طريق الرقم الاكاديمي والرقم السري اللي طلعته ..

https://del2.kfu.edu.sa/vls/login.aspx

ماطلع لي الرقم السري

, حاولت احط الرقم الاكاديمي عشان استرجاع الرقم السري يقولي الرقم غلط , يعني ما قبل الرقم الاكاديمي

اصلا

[مي الرياض]

هات رقمك الاكاديمي وجوالك بجرب من عندي

[احمد محمد احمد]

ما قدرت ارسل رسالة على الخاص لازم المشاركات تتجاوز 50

[مي الرياض]

زين اجل مالك الا تروح لمكتبه ،
قولهم هذا رقمي الاكاديمي وابيكم تطلعون رقمي السري ،
واذا طلعوه تقدر تدخل عن طريقه للخدمات الطلابيه وتشوف كم الرسوم ،
بالتوفيق ..

[loler]

وفقك الله مي الرياض ..
علي طولة بالك ووسع صدرك ...
كل هذا تجاوب ومحاولات عديده للمساعدة ..
ماقول الا الله لايحرمك الأجر ويكثر من امثالك ..
وبالنسبة للأخ احمد .. شوفلك احد من اقاربك او اصدقائك يفهم للأمور هذه عشان تستفيد فيما بعد في دراستك ..
الله يوفقك ويسهلك امرك .. ونصيحة لك خذها مني كأخ لك تركت الدراسة بنفس مدتك وبمنتصف الطريق صادفتني امور كثيره بالدراسة وفكرت تركها والتنازل عن هذا الحلم الجميل .. ولله الحمد مضت السنين وخلصنا .
بالتوفيق للجميع

[مي الرياض]

امين يارب وياك ،
شكرًا لك ..

[Wafa Qh]

بالتوفيق للجميع

[احمد محمد احمد]

زين اجل مالك الا تروح لمكتبه ،
قولهم هذا رقمي الاكاديمي وابيكم تطلعون رقمي السري ،
واذا طلعوه تقدر تدخل عن طريقه للخدمات الطلابيه وتشوف كم الرسوم ،
بالتوفيق ..

اي مكتبة ؟

[مي الرياض]

عادي اي مكتبه ماتضر ،
المهم يعرفون وسبق تعاملو مع طلاب ..

[احمد محمد احمد]

الوقت يروح علي وانا احاول مع هالموقع

[مي الرياض]

تواصل مع احد من المشرفين خاص يطلع لك الرقم السري ..

[العوفي1]

ما تدخل الموقع لين تسدد الرسوم اذا كان هذا اول ترم لك

[احمد محمد احمد]

ما تدخل الموقع لين تسدد الرسوم اذا كان هذا اول ترم لك

اجل كذا ,

هم محددين مبلغ 2500 للترم , طيب لو اخذت ساعات اكثر كيف ادفع الفرق ؟

[ايمان 2]

لسلام عليكم
ارجو المساعده جزاكم الله الف خير
ماهي طريقة تسديد الرسوم للفصل الدراسي الثاني
رحت اليوم الصراف اريد اسدد بس ماعرفت شلون ؟
ونا لحد اليوم الخميس 10 صفر ونا ماسددت هل يروح على القبول لاني ماسددت انا خايفه كثير
وهل تتم التسديد باي صراف ولا صراف محدد ؟
ارجو توضيح لمن قام بعملية التسديد
انتظر ردكم باسرع وقت الله يعطيكم العافيه

[مي الرياض]

اجل كذا ,

هم محددين مبلغ 2500 للترم , طيب لو اخذت ساعات اكثر كيف ادفع الفرق ؟


بالنسبة لرسوم يتم احتسابها :

بضرب مبلغ ثابت في عدد الساعات

اللي راح تدرسها بالترم + 10 ريال رسوم الرسائل النصية..

فسعر الساعة هو 165 ريال ..

بالنسبة للمستوى أول في كلية الآداب وكلية الإدارة :

بيكون المبلغ ثابت وهو 2485 ريال

( 165 ريال * 15 ساعة + 10 ريال رسوم = 2485 ريال )

– – – – – –– – – ♦♦

بالنسبة للمستوى الثاني وما بعده في كلية الآداب وبكلية الإدارة

بيتم حسابها على عدد الساعات ..


مثلاً سجلتوا 12 ساعة بيكون المبلغ

( 165 ريال * 12 ساعة + 10 ريال رسوم = 1990 ريال
….
مثلاً سجلتوا 18 ساعة بيكون المبلغ

( 165 ريال * 18 ساعة + 10 ريال رسوم = 2980 ريال
……..
مثلاً سجلتوا 16 ساعة بيكون المبلغ

( 165 ريال * 16 ساعة + 10 ريال رسوم = 2650 ريال



***

ايمان 2

هذي الطريقه بس عادي تقدرين تسددين بداية الترم الثاني ..

خطوات تسديد الرسوم من خلال جهاز الصراف الألي (https://www.kfu.edu.sa/ar/Deans/E-Learning/Documents/instructions_pdf/sadad_instructions_Via_ATM.pdf)

خطوات تسديد الرسوم من خلال الانترنت المصرفي ( أون لاين ) (https://www.kfu.edu.sa/ar/Deans/E-Learning/Documents/instructions_pdf/sadad_instructions_internet.pdf)

[احمد محمد احمد]

الى الان لم اسدد الرسوم , هل هنا وقت نهائي لتسديد الرسوم ؟

[Rose2013]

السلام عليكم
اخي اول سمستر المواد اللي تدرسها تنزل لك اجبارية انت ماتتحكم بـ عدد الساعات والمواد والمبلغ موضح لك في مسجات الجامعة اللي توصل لك على رقم جوالك
تقدر تسددها عبر الصراف بإدخال كود سداد او اون لاين
بالنسبة لمدة التسديد مثل ماقالوا الأعضاء جزاهم الله خير لتفادي إغلاق النظام حاول تسدد بدري عشان تتبع الخارطة الأكاديمية لدرجات حلك للوجبات والمناقشات ومشاهدة المحاضرات ولاتفوتك الدرجات
ولأختيار مركز الاختبار
تصفح المواضيع الرئيسيّة
فيها حل للمناقشات والوجبات لاتحلها غلط لان لك ثلاث محاولات وتنرصد درجة الحل
ولا في صعوبه ان شاءالله

[احمد محمد احمد]

السلام عليكم
اخي اول سمستر المواد اللي تدرسها تنزل لك اجبارية انت ماتتحكم بـ عدد الساعات والمواد والمبلغ موضح لك في مسجات الجامعة اللي توصل لك على رقم جوالك
تقدر تسددها عبر الصراف بإدخال كود سداد او اون لاين
بالنسبة لمدة التسديد مثل ماقالوا الأعضاء جزاهم الله خير لتفادي إغلاق النظام حاول تسدد بدري عشان تتبع الخارطة الأكاديمية لدرجات حلك للوجبات والمناقشات ومشاهدة المحاضرات ولاتفوتك الدرجات
ولأختيار مركز الاختبار
تصفح المواضيع الرئيسيّة
فيها حل للمناقشات والوجبات لاتحلها غلط لان لك ثلاث محاولات وتنرصد درجة الحل
ولا في صعوبه ان شاءالله

جزاك الله خير حاولت من صراف ساب لكن كنت مستعجل ووراي زحمة ماعرفت من وين ادخل على سداد الرسوم

[مي الرياض]

هنا الطريقه :

خطوات تسديد الرسوم من خلال جهاز الصراف الألي (https://www.kfu.edu.sa/ar/Deans/E-Learning/Documents/instructions_pdf/sadad_instructions_Via_ATM.pdf)

خطوات تسديد الرسوم من خلال الانترنت المصرفي ( أون لاين ) (https://www.kfu.edu.sa/ar/Deans/E-Learning/Documents/instructions_pdf/sadad_instructions_internet.pdf)

[احمد محمد احمد]

مالي الا اسجل في ساب نت وادفع الرسوم عن طريقه

[احمد محمد احمد]

سجلت في البنك ونسيت جواب السؤال السري هههه

كم اكرهك يابنك ساب

[احمد محمد احمد]

قم رقم المفوتر لجامعة الملك فيصل

[احمد محمد احمد]

ادخلت رقم المفوتر , جاني الرقم الاكاديمي وادخلته

بعدها خانة الاسم الرمزي ؟

وش احط فيها ؟

[احمد محمد احمد]

حطيت اسمي مكان الاسم الرمزي (صحيح ) ؟

[احمد محمد احمد]

وش الاسم الرمزي لجامعة الملك فيصل ؟

[احمد محمد احمد]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[احمد محمد احمد]

وش اكتب في خانة الاسم الرمزي ؟

[مهاوي 1403]

بالتوفيق يارب ...

[احمد محمد احمد]

تم سداد الرسوم والحمدلله ,

تعبت معها , صراحة ما احب استخدم المواقع الالكترونية للبنوك لانها معقدة اكثر من الذهاب للبنك ننفسه , كنت طوال عمري حسابي في الفرنسي , هالبنك احترمه كثيرا لاغم اني من 9 سنوات تركت

البنك , لكنه من 10 سنوات اكثر سابق كل البنوك سهولة في التعامل وامان عالي بدون هالتعقيدات , باقي البنوك الكبيرة معقدة عندي حسابات في الاهلي وساب حاليا صراحة شي متعب ,

[احمد محمد احمد]

المهم حاليا كيف ادخل في الموقع حق الجامعة واسجل فيه بعد تسديد الرسوم ؟

[مي الرياض]

هذا شرح طريقة استخراج الرقم السري ،

https://www.youtube.com/watch?v=u0R08DE5mxo

وهنا الصفحه اللي تستخرج الرقم منها ،

https://www.kfu.edu.sa/ar/pages/newupdate.aspx

[احمد محمد احمد]

مي الرياض

شكرا

[احمد محمد احمد]

هذا شرح طريقة استخراج الرقم السري ،

https://www.youtube.com/watch?v=u0r08de5mxo

وهنا الصفحه اللي تستخرج الرقم منها ،

https://www.kfu.edu.sa/ar/pages/newupdate.aspx


لي اسبوع تقريبا من يوم سددت الرسوم , والى الان كل ما ادخل موقع الجامعة واطلب استرجاع الرقم السري وادخل الرقم الاكاديمي يقولي اسم المستخدم خطأ ؟

[مي الرياض]

جرب تفتح الصفحه من متصفح ثاني ،
او روح لأقرب مكتبه وقولهم يطلعون لك الرقم السري ..

[احمد محمد احمد]

كذا ادخل اي مكتبة ؟

مافي مكان محدد ؟

حاس انه في شي خطأ , الحين ادخل على بوابة القبول الالكتروني عادي , لكن موقع الجامعة ما اقدر ؟

اخاف اني ما سجلت اصلا في الموقع:biggrin:

بحثت عن التسجيل ما حصلت ؟ طيب وشلون سجلت في الموقع اصلا ؟

[مي الرياض]

كذا ادخل اي مكتبة ؟

مافي مكان محدد ؟

حاس انه في شي خطأ , الحين ادخل على بوابة القبول الالكتروني عادي , لكن موقع الجامعة ما اقدر ؟

اخاف اني ما سجلت اصلا في الموقع:biggrin:

بحثت عن التسجيل ما حصلت ؟ طيب وشلون سجلت في الموقع اصلا ؟

اي عادي ادخل اي مكتبه وقلهم هذا رقمي الجامعي ودبروني « :16.jpg:
بعدين مافيه شي اسمه تسجيل ، فيه شي اسمه رقم جامعي ورقم سري انت تطلعه ..
الحين لما قبلوك الجامعه ماجتك رساله ع الجوال حاطين رقم بدايته 216 ؟
ونفس هالرقم بتلقاه بورقة البريد لما ارسلت اوراقك يكونون كاتبينه لك ،،
هالرقم يقاله ( رقم جامعي * رقم اكاديمي ) ماتقدر تدخل انظمة الجامعه الا فيه وعن طريق هالرقم تطلع رقمك السري ..
وهذي الطريقه حاول تطلع رقمك السري عشان تحمل المحاضرات مابقى عالاختبارات الا اسابيع وتقفل الانظمه ..

هذا شرح طريقة استخراج الرقم السري ،

https://www.youtube.com/watch?v=u0r08de5mxo

وهنا الصفحه اللي تستخرج الرقم منها ،

https://www.kfu.edu.sa/ar/pages/newupdate.aspx


اذا ماقدرت او ماعرفت علمني وش يطلع معك بالضبط ..

[احمد محمد احمد]

عندي الرقم الجامعي واذا ادخلته تلع لي رسالة خطأ الرقم غير صحيح

[احمد محمد احمد]

بعدين الرقم الجامعي بدايته 217

[مي الرياض]

اي صح هو ٢١٧
دخلته وين عشان يطلع لك خطأ ؟

[احمد محمد احمد]

اي صح هو ٢١٧
دخلته وين عشان يطلع لك خطأ ؟

دخلت على استرجاع الرقم السري

[مي الرياض]

والله مدري شقولك ..
حاول تروح لمكتبه او لواحد يعرف بخدمات الموقع يطلع لك الرقم السري ..
لاتقعد اكثر من كذا الوقت راح وانت تحاول ..

[احمد محمد احمد]

والله مدري شقولك ..
حاول تروح لمكتبه او لواحد يعرف بخدمات الموقع يطلع لك الرقم السري ..
لاتقعد اكثر من كذا الوقت راح وانت تحاول ..

متى اخر وقت قبل بدء الدراسة ؟

[مي الرياض]

متى اخر وقت قبل بدء الدراسة ؟

المحاضرات جميعها نزلت ،
واخر يوم للرصد الدرجات ب 21-3 ،
الاختبارات في يوم 28-3 ..

[احمد محمد احمد]

المحاضرات جميعها نزلت ،
واخر يوم للرصد الدرجات ب 21-3 ،
الاختبارات في يوم 28-3 ..

افا تأخرت كثير اجل

[السبيعي 217]

يمكن انت مقبول بالفصل الثاني لان المقبولين بالفصل الثاني جاهم تسديد وايضا كل ما حارلوا فتح الموقع يقول اسم المستخدم خطا ..تأكد يالطيب


من جهازي iPhone بواسطة تطبيق ملتقى فيصل (http://r.tapatalk.com/byo?rid=92985)

[احمد محمد احمد]

يمكن انت مقبول بالفصل الثاني لان المقبولين بالفصل الثاني جاهم تسديد وايضا كل ما حارلوا فتح الموقع يقول اسم المستخدم خطا ..تأكد يالطيب


من جهازي iphone بواسطة تطبيق ملتقى فيصل (http://r.tapatalk.com/byo?rid=92985)

فعلا انا مقبول في الفصل الثاني , لكن اتوقع انه قرب الفصل الثاني , متى اقدر ادخل على النظام ؟

[السبيعي 217]

اصبر اجل مثلنا لاننا مقبولين بالفصل الثاني ولم تفعل


من جهازي iPhone بواسطة تطبيق ملتقى فيصل (http://r.tapatalk.com/byo?rid=92985)

[السبيعي 217]

ان كنت ترغب بالدخول بقروب خاص بالطلاب للفصل الثاني اداره وموجود فيه الطلاب الخاصين بالدفعه فحياك الله


من جهازي iPhone بواسطة تطبيق ملتقى فيصل (http://r.tapatalk.com/byo?rid=92985)

[احمد محمد احمد]

ان كنت ترغب بالدخول بقروب خاص بالطلاب للفصل الثاني اداره وموجود فيه الطلاب الخاصين بالدفعه فحياك الله


من جهازي iphone بواسطة تطبيق ملتقى فيصل (http://r.tapatalk.com/byo?rid=92985)

يشرفني الانضمام :106: