ما عندي استطاعة لسداد الرسوم هذا الترم وش الدبره

[محمد آل مسفر]

السلام عليكم ورحمة الله و بركاته
سجلت مقررات هذا الترم على امل اني استطيع سدادها بعد تيسير الله
لكن للأسف يا اخوان ما يسر الله لي الظروف التي تساعدني على سدادها
المهم دخلت الخدمات الطلابية ابغا اعتذر عن هذا الترم فصدمت انه يتوجب علي سداد الرسوم في كلا الحالتين سواء اعتذرت ام لم اعتذر عن الدراسة

ياليت توجهون اخوكم يا كرام

[مـ غ ـترب فـيـ عـذابـكـ]

عليكم السلام

اما انك تضبط وضعك وتسدد

او انك تكمل الين تتقفل عليك الخدمات الطلابية وتختبر وبعدها تسدد

بس قلق من كم ناحيه اول شي الاعمال الفصليه والدرجات + مكان الاختبار والحوسه

الله يسهل عليك

[محمد آل مسفر]

يعني اقدر ادخل الاختبارات و انا ما سددت الرسوم معقوول ؟

[fatima abdullah]

ايوه تقدر بس في هذه الحاله راح تخسر 30 درجه اللي هي درجات المشاركه
وبتصير فرصه الرسوب كبيره لان النجاح ع 60 ودرجه الاختبار 70 درجه .
الأفضل تحاول تسدد حتى لو قبل الاختبارات باسبوع

[مي الرياض]

شوف بـ هالحاله مالك الا تبدا تحمل محاضراتك من الحين وتحل الواجبات الموجوده ،
يمكن يتمدد فترة السداد الى نهاية الشهر ويمديهم نزلو باقي المحاضرات وتخلصها كلها بسرعه ،
بخصوص مراكز الاختبار اذا تقفلت الانظمه بدون ماتحدد فـ يعتبر اختبارك بأخر مركز اختبرت فيه ،
والسداد من هنا لين قبل الاختبارات بأسبوع يمديك جمعت حقه وسددت وكملت اللي ماخلصته :16.jpg:..
بالتوفيق ..

[العنود000]

الله يفرجها علينا وعليك يارب

[احمدين]

اذا مددو فترة الرسوم لى مابعد نزول المحاضرات والمناقشات كاملة وحليت وحملتها يمديك ماتسدد الا بالترم الجاي اذا جيت تسجل المواد

هذي الطريقة سواها احد الزملاء الترم الي راح

[فهد سعد البريك]

ياخي الله يكون في عونك .... في كلتا الحالتين راح تسدد ... الشي الاخر تقدر تدخل الاختبار .. بس وش الفايدة اذا قفلوا عليك الخدمات وانت ماحليت المشاركات والواجبات .. وراحت عليك الدرجات .. الاعتماد الكبير على اعمال السنة تساعد بنسبة 50 % في نجاح الطالب ... شوف لك حل تسلف من هنا ولا من هنا دبر عمرك شوف لك صديق عمر خوي

[يآرب التوفيق]

السلام عليكم ورحمة الله و بركاته
سجلت مقررات هذا الترم على امل اني استطيع سدادها بعد تيسير الله
لكن للأسف يا اخوان ما يسر الله لي الظروف التي تساعدني على سدادها
المهم دخلت الخدمات الطلابية ابغا اعتذر عن هذا الترم فصدمت انه يتوجب علي سداد الرسوم في كلا الحالتين سواء اعتذرت ام لم اعتذر عن الدراسة

ياليت توجهون اخوكم يا كرام


وعليكم السلام حاول تسدد مددوا المده اذا ماقدرت حاول تحل مناقشاتك اول بأول والمحاضرات وشغلك كله ان شاء الله مايقفلون النظام الا بعد اخر محاضره تنزل ان شاء الله معاك وقت و مركز الاختبار اذا ماحددته بداية الترم راح يحطونك بآخر مركز اختبرت فيه وفي رابط خارجي تقدر قبل الاختبارات بيوم تحط رقمك الجامعي ويطلع لك وين نزل اسمك فيه . بالتوفيق ..

[skon aljro7]

الله يوفقك .. اتفق مع الزملاء ..

[nonalanizy]

الله يفرجها عليك يارب

[Reem 07]

سارع بحل المناقشات والواجبات قبل يقفلون النظام لانهم مددوا فتره السداد وان شاء الله تفرج عليك والعام كان معنا وحده ماسددت واختبرت بس ماخلوها تشوف النتيجه الا بعد السداد

[محمد آل مسفر]

الله يرفع قدركم جميعاً اخوان و اخوات على حرصكم و توجيهاتكم و ابشركم ان الامور تمشي تمام و عسى الله يوفقنا و اياكم

[حمد الفيصل]

راسلهم في خانه الأسئلة المتكرره واختر للجهة المختصه مثلا المالية واكتب سؤالك وهم يجاوبونك بعد كم يوم واتمنى افدتك

[سعد ال سعددد]

هلابك اخوي انا قبل سنه حصل معي زيك بما انك نزلت المقررات لازم تسدد لاني نزلت المقررات ولاسددت وكملت بعدها بس حرموني السنه الجديده لازم اسدد وانا ماخشيت الاختبار ولاسويت اي. شئ
والزموني ادفع سته الاف ريال للقديم والجديد حرام اذا تقدر تسدد احسن مايدبلونها عليك

[Loli ahmed]

وعليكم السلام ورحمة الله وبركاته
تقدر تدخل الاختبار بدون ما تسدد الترم... لكن نصيحة خلص أمورك محاضرات وواجبات ومناقشات اول بأول لأن احتمال يغلقونها عليك فترة من الفترات
وحمل المحاضرات عشان إذا بتذاكرها من الخدمات

وبالتوفيق

[Loli ahmed]

ايوه تقدر بس في هذه الحاله راح تخسر 30 درجه اللي هي درجات المشاركه
وبتصير فرصه الرسوب كبيره لان النجاح ع 60 ودرجه الاختبار 70 درجه .
الأفضل تحاول تسدد حتى لو قبل الاختبارات باسبوع

ما راح يخسر درجات المشاركة عشانه ما سدد
دامه حل الواجبات وكتب المناقشات وحمل المحاضرات مسجلة ومباشرة.. جميعها
بإذن الله ما تروح ال30 درجة

بالتوفيق جميعا.:106: