تجاربكم في التدريب بمستشفيات الدمام والخبر

[♧ ραяis]

السلام عليكم ورحمه الله




في احد تدددرب في مستشفى الملك فهد التخصصي بالدمام ؟


ابي تجاربكم لاهنتو

ابي اعرف كيف التدريب ؟ وهل هو بالعربي ولا انقلش وكذا ..


والي سبق ان تدرب باي مستشفي بالدمام او الخبر ياليت يعطيني تجربته والاسعار

وما افضل مستشفي ممكن اتدرب فيه سواء خاص او حكومي

عطوني تجاربكم ونصائحكم

الله يجزاكم خير

[♧ ραяis]

ياليت ترددون علي الله يعافيكم

ابي ترشحون لي مستشفيات لاهنتو

[Romantic22]

بالنسبه للتقديم على المستشفيات الحكومية يكون عن طريق صحة الشرقية تقدمين عليها والرسوم 1000 ريال الشهر الواحد
الخاص فيه مستشفيات بدون رسوم وتدريبها بيكون أقوى لأنها بتعاملك على انك موظفة تسوين كل شي طبعآ اكيد البعض مو الكل

[♧ ραяis]

عطيني امثله علي المستشفيات الخاصه الاهنتي
وهل بيكون تدريبها بالعربي ولا انقلش ؟

انا ابي بالعربي انقليزيني نص نص

[مازن اليامي]

متابع

[Romantic22]

المواساة بالدمام التدريب مجاني لكن بالانجليزي يخلونك تكتبين تقارير بالانجلش
أما الحكومي عربي أكيد ومابيكون صعب هو تدريب مافيه نجاح ورسوب أهم شيئ اجتياز اختبار الهيئه
بالنسبه لي كنت حابه أتدرب بالصحة النفسية الأمل بالدمام لكن مافي مجال عندهم الا شهر رمضان وأنا حاليآ راح انهي التدريب هذا آخر شهر
بالتوفيق للجميع أهم شيئ تحصلون مكان تدربون فيه لأن أعرف بنت تقول لفت على مستشفيات الدمام كلهم مافيه مجال

[مازن اليامي]

انا قدمت على تدريب في المستشفى المركزي بالدمام طبعا تدريب بأجر وانتظر الموافقه منهم

ونقطه مهمه
فيه مستشفيات تابعه للصحه مثل مستشفى الدمام المركزي وهذا لابد ان المتدرب يروح يودي اوراقه الى هيئة التخطيط والتدريب بعد مجمع ابن خلدون ويسوي لك طلب موافقه ويرسله الى المستشفيات التابعه للصحه

وفيه مستشفيات تابعه الى القطاع حقها مثل مستشفى قوى الامن هذا التدريب مجاني ولكن يتاخرون بالرد بالموافقه انا صارلي تقريبا شهرين ولاجت الموافقه
وفيه المستشفى التعليمي بالخبر التابع اتوقع الى جامعة الدمام وهذا تقديم الطلب من قسم الخدمه الاجتماعيه او قسم التدريب ولكن لابد ان يكون دوام التدريب كامل يعني خمسه ايام بالاسبوع ولابد ان تتفرغ لهم اذا كنت موظف وايضا مجاني
وفيه مستشفى الحرس الوطني نفس نظام مستشفى التعليمي بالخبر

وفيه مستشفى الدوسري بالخبر ورسوم التدريب 3000 ريال
ومستشفى سعد التخصصي رسوم التدريب 6000 ريال

واسف على الاطاله

[♧ ραяis]

طيب في خاصص بالعربي ؟
لان واضح الحكومي نمش بوززنا

والله يعطيكم العافيه ع الرود وعسي ربي يوفقكم ددنيا واخره

[♧ ραяis]

سؤالي الثاني هل لما اتدرب في مستشفي معروف يفرق عن مستشفي عادي
من ناحيه الوظائف
ولا اهم شي الاجتياز مو مهم المكان ؟



والحرس الوطني بالعربي ؟

[حجاب الوريك]

روحي لمستشفى الدوسري بالخبر تداومين بالاسبوع يومين من الساعه 12 الى 1 الظهر يعني بس ساعه
والامور طيبه

[♧ ραяis]

مرا قليل ،، انا فعلا حابه اتعلم وامارس المهنه
لكن بخليه اخر الاحتمالات

[جغمه ببسي]

للحين ماعرفت بالعربي المستشفيات الحكوميه ولا انقليزي ..؟؟

[Romantic22]

عربي

[noula]

سلام م عليكم كيفكم
موفقين انشاء الله
لو سمحتو ابي اسال شو احسن مستشفى للتدريب في مدينة الخبر
باييييز ردو عليا صار لي الحين ترمين. وانا متخرجة ومترددة كثير في هاد التدريب وفِي نفس الوقت ابغا أتدرب

[ام دينا]

السلام عليكم ورحمه الله




في احد تدددرب في مستشفى الملك فهد التخصصي بالدمام ؟


ابي تجاربكم لاهنتو

ابي اعرف كيف التدريب ؟ وهل هو بالعربي ولا انقلش وكذا ..


والي سبق ان تدرب باي مستشفي بالدمام او الخبر ياليت يعطيني تجربته والاسعار

وما افضل مستشفي ممكن اتدرب فيه سواء خاص او حكومي

عطوني تجاربكم ونصائحكم

الله يجزاكم خير



انا تدربت في مستشفى الدوسري دفعت مبلغ 3000 وتدربت

وكان التدريب عادي في بالعربي وفي بالنجليزي

وجدا متعونين الي فيه يقدرون انك موظفة كنت ادوم عندهم السبت بس ساعتين وطلع

[asm2a]

فيه احد تدرب في مستشفى الامل بالدمام ؟؟؟