علامة استفهام ؟

[نكهة القهوة*]

معليش عارفه راح تقولون ليش مارحتي تسألين بالموضوع المثبت :139:

بس لاني مستعجله واحتاج اجابه ع السريع ويمكن غيري يشوف الموضوع ويستفيد


المهم ..


الحين خلصت الجزء النظري والاستبيان وسويت الرسومات الاحصائية

بس احس اني استعجلت وارسلت الاستبيان بدون مااشاور احد :bawling:



الاستبيان ضروري يحتوي على نوع الجنس ؟؟ العمر ؟؟ المدينه ؟؟ << البيانات الأولية ماحطيتها بالاستبيان

و الخيارات كانت فقط ( نعم / لا ) << هل تكفي ولا لازم احط خيار ( احياناً / لا اعلم )

طيب وش اللي احطه بالبحث هذيك الدائرة اللي فيها نسبة الاجابات ولا العواميد << يارب تفهمون قصدي :mh12:


وبعدين انا حطيت 31 سؤال .. والدكتوره تقول كل شكل بياني تكتبين تحته تعليق !!!!


يعني كذا بحثي راح يتعدى 40 صفحه بالراااااحه مو منطقي احس فيه شئ غلللللط




..

في مرحلة ( عرض وتحليل الدراسة الميدانيه )

لازم يكون البحث مقسم على 3 محاور ؟؟ واتكلم عن نتايج كل محور ؟؟

ولا اشرح بشكل عام نقطه نقطه ..؟


......


بالنسبه للمراجع كنت ادخل المواقع اقرا واغير بالمعلومه واكتبها بالبحث

يعني اسرق وامشي ماحفظت المواقع :017:

والحين الدكتوره تقول اذكريها

عادي أألف مواقع ثانيه وش رايكم هههههههههههههههههههه


....

[ذكريات الرحيل]

1- مهم يحوي بيانات أولية كالعمر ونوع المبحوث والمؤهل العلمي مثلاً المدينة إذا كان استبيان عام.
2- كان المفروض تحطي مقياس ثلاثي نعم - أحيانا- لا .
3- هذا شيء يرجع لك تختاري المخطط اللي يناسبك بس الرسم الدائري موضح فيه النسب وواضح أشوفه أفضل.
4- تقصد كل رسم بياني ( الدائري ) تضعي التعليق تحته وحصلت إجابة لا على ما نسبته 50% مثلاً
كما حصلت نعم على 25% مثلاً وهكذا..الخ.
5- المفروض إن استبيانك كان على شكل محاور يعني تقسمي الـ 31 سؤال على 3 أو 4 أو 5 محاور
الآن أنتي مضطرة تشرحي كل سؤال على حدة.
6- مو شرط تحطي الملاحق آخر شيء إذا بحثك وصل 40 صفحة من غيرها.
7- كان المفروض سويتي مفضلة للصفحات اللي اخذتي منها لازم يكون فيه مراجع لو 6 على الأقل.

[نكهة القهوة*]

حطمتني !!!

طيب خلصت الاستبيان وارسلته وش الحل مع البيانات الاوليه ..؟ ومع المقياس ؟؟

لاتقول عيدي الاستبيان لانه شئ مررررهق

[نكهة القهوة*]

1- مهم يحوي بيانات أولية كالعمر ونوع المبحوث والمؤهل العلمي مثلاً المدينة إذا كان استبيان عام.
2- كان المفروض تحطي مقياس ثلاثي نعم - أحيانا- لا .
3- هذا شيء يرجع لك تختاري المخطط اللي يناسبك بس الرسم الدائري موضح فيه النسب وواضح أشوفه أفضل.

حتى مخطط الاعمده موضح فيه النسب وانت قلت لي اختاري اي مخطط فيهم

4- تقصد كل رسم بياني ( الدائري ) تضعي التعليق تحته وحصلت إجابة لا على ما نسبته 50% مثلاً
كما حصلت نعم على 25% مثلاً وهكذا..الخ.

ايه فاهمه قصدها بس محتاره يعني الصفحه كم مفروض احط فيها مخطط واعلق على النسب ..؟؟


5- المفروض إن استبيانك كان على شكل محاور يعني تقسمي الـ 31 سؤال على 3 أو 4 أو 5 محاور
الآن أنتي مضطرة تشرحي كل سؤال على حدة.

لا اقدر احط كل مجموعة اسئلة بمحور يعني مو صعبه وراح اسويها


6- مو شرط تحطي الملاحق آخر شيء إذا بحثك وصل 40 صفحة من غيرها.

7- كان المفروض سويتي مفضلة للصفحات اللي اخذتي منها لازم يكون فيه مراجع لو 6 على الأقل.

كذا مضطره اشوف السجل وابحث من جديد يعني كمان ايام اضافيه للبحث طفشت منه سهل ممتنع :017:





بالنهايه شكلي راح اعتذر عن مادة الاحصاء مااتوقع اقدر اخلصها خصوصا للحين مابديت في كم ماده :007:


توقعت المشروع سهل وحطيت له 10 ايام والحين خلصت شهر وماخلصته :icon9:

[اعزفك نبض]

أنا بحثي تعدى 40 صار 45 بس ماراح احذف شي لأن ممكن بعدين يطالبونك حتى بالملحقات

[نكهة القهوة*]

طيب مايصير اسوي استبيان ثاني للبيانات الاوليه وارسله لنفس الاشخاص ..؟

موقفه شغلي الحين خايفه اكمل ويكون شغلي غلط

[ســــلآف]

غاليتي لو اخذتي احدى النماذج وطلقتي عليها
كان ما اخذ منك اكثر من اسبوع

البحث ما يتعدى ٤٠ صفحه حسب التعليمات

[نكهة القهوة*]

والله اخذت مشروعك وطبقت عليه بس موضوعي مختلف عن موضوعك ومع كذا مشيت تمام

بس الجزء العملي لخبطني شوي

[نكهة القهوة*]

عدت الاستبيان من جديد ..

حطيت المقياس ثلاثي .. وحطيت البيانات الأولية .. وقسمته على 3 محاور حسب أهدافي :(204):

..

طيب المتوسط الحسابي ضروري ..؟


بحثت في الملتقى كان فيه موضوع للاخ فهد يشرح الطريقه على رابط بس للاسف الرابط ماصار فعال


...


وجداول التكرار كيف اطلعها ؟؟؟

دورت في قوقل درايف اي خيار يفيد التكرار .. ماطلع لي عدد التكرار يمكن ماعرفت !


اتمنى المساعده لو تكرمتوا ...:106:

[نكهة القهوة*]

يااااااااارب لك الحمد توني كلمت الدكتوره قالت مايحتاج لاجداول تكراريه ولا متوسط حسابي :mh001:

الاشكال البيانية كفايه

من جد هممم وانزاح :d5:

[موظف جامعى]

ماودي خاوفك لكن راجعيه مرة ومرتين ةثلاث واذا ماعرفتي شفي احد يراجعه اي خطاء راح تاخذين صفر

[نكهة القهوة*]

ماودي خاوفك لكن راجعيه مرة ومرتين ةثلاث واذا ماعرفتي شفي احد يراجعه اي خطاء راح تاخذين صفر

اي خطأ راح اخذ صفر ؟؟؟؟

وشدعوه برتكب اخطاء طبية :(284):

انا اتواصل مع الدكتوره واسالها عن كل الخطوات وهي اللي توجهني

بس الله يستر لايصحح البحث احد ثاني واتوهق لاني ماشيه على كلامها بالضبط

[فزقلبى]

موفقة ياختي

[HAN0]

الله يسعدك ي نكهة القهوه انا عند الدكتوره ام العز وكان عندي نفس استفساراتك بس اختصرتي علي الطريق الله يجزاك خير

اضفت الدائره النسبيه للبيانات وكنت حالسه احوس ابحط الجدول التكراري بس كويس شفت كلامك

[نكهة القهوة*]

الله يسعدك ي نكهة القهوه انا عند الدكتوره ام العز وكان عندي نفس استفساراتك بس اختصرتي علي الطريق الله يجزاك خير

اضفت الدائره النسبيه للبيانات وكنت حالسه احوس ابحط الجدول التكراري بس كويس شفت كلامك


ويسعدك يارب ويفرحنا جميعاً بعد هالتعب :004: