شكوى ضد الجامعة وعميدها

[الكريم الله]

ياشباب لازم نجتمع ونشتكي الجامعة وعميدها المعقد والمتعاونين معه سجلنا في الجامعة من خمس سنوات وكان نظام معروف اختبارات موضوعية ونحن كما تعلمون كبار في السن وعمل مرهق عسكري وضروف عائلية ومعيشة صعبة ومرابطين وبعد ماقطعنا شوط كبير من الساعات خسرنا من جيوبنا فلوس اولادنا احوج لها من الجامعة وتعب وضغط نفسي طمعا في تحسين ترقية في العمل يأتي لنا هذا العميد ويغير نظام بدون تفكير ومرعاة أعمارنا وضروفنا العائلية ويجعلها مقالي والله ياشباب ان بَعضُنَا يذاكر المحتوى كامل ويطلع لك اسئله من بين السطور والله تعبنا حصلت على 110 ساعات وأفكر انسحب والله تعقيد حقنا ضاع مع هذا العميد نريد لنا محامي ياخذ حقنا منه صرنا نصرف على الجامعة بدون فايدة أرجو التفاعل صدقوني اخر المطاف لان يتخرج الا القليل يريدون جيوبنا ماتبتعد عنهم الله لا يوفقة هذا العميد الحسود

[الحلم1]

مافية حل الا هاشتاق او برنامج داود الشريان

[الكريم الله]

مافية حل الا هاشتاق او برنامج داود الشريان

صحيح هذا احد الحلول ياليت اذا فيه احد يعرف كيف نوصل الى برنامج الشريان والله متضررين من هذا العميد الاحمق

[ع ـلي]

بالعاده الجامعه مايحطون الاختبار مقالي الا اذا كان عدد طلاب الماده قليل جداً

[الحلم1]

بس وش ذنب الطلاب خصوصا اللي عندهم ظروف انا تعبانة وخايفة اروح للمستشفى بعدين ينوموني وبكذا يضيع الترم علي وخايفة تتحول الاسئلة مقالي واتورط لان قسمنا تقفل با الله هذاقرار اطالب الجميع بانهم يحطون هاشتاق ويكلمون الشريان علشان يعدلون عن هالقرار اللي فية ظلم لنا

[الحلم1]

الكريم اكتب بقوقل عن برنامج الشريان ويطلع لك ارقام التواصل لان لو انا حطيته ممنوع بالملتقى وبيحذفون ردي

[الحلم1]

http://www.mbc.net/ar/programs/althamena/contact-us/articles/تعرف-على-وسائل-التواصل-والتفاعل-مع-برنامج-الثامنة.html

[الكريم الله]

بالعاده الجامعه مايحطون الاختبار مقالي الا اذا كان عدد طلاب الماده قليل جداً

يا اخي العزيز انا دخلت الجامعة على نظام معين ومعروف اختبار موضوعي وسهل على حسب قدرتنا وبعد تعب سنين وخسائر وعند المنعطف الاخير يطلع لي بنظام جديد معقد صارت الشغلة اعناد باقي كم مادة ويبون نجلس ندفع لهم ( مقالي ويصعبونها لأجل نجلس ) المشكلة حتى كلامهم صار مخادع في المحاضرات المباشرة يركز على نقاط ويحددها ولا وحدة تجي في الاختبار وأسئلتهم سبحان الله يطلعها لك من أضيق الأماكن حسبي الله عليهم ومن تعاطف او جامل معهم لمصالح خاصة (ويمكرون والله خير الماكرين )

[الكريم الله]

http://www.mbc.net/ar/programs/althamena/contact-us/articles/تعرف-على-وسائل-التواصل-والتفاعل-مع-برنامج-الثامنة.html

شكرًا لك اختي العزيزة

[نجم الليالي]

اي ماده اللي خلوها مقالي واي تخصص،لو سمحتوا؟

من جهازي D6633 بواسطة تطبيق ملتقى فيصل (http://r.tapatalk.com/byo?rid=92985)

[المحضر المثالي]

وش تخصصكم ياناس غريبة في اسئلة مقالية انفجعت

[الحلم1]

https://mobile.sabq.org صحيفة سبق

[نجم الليالي]

اشفيها سبق، يخص الجامعه يعني، مالقيت شي

من جهازي D6633 بواسطة تطبيق ملتقى فيصل (http://r.tapatalk.com/byo?rid=92985)

[الكريم الله]

وش تخصصكم ياناس غريبة في اسئلة مقالية انفجعت
تخصص جغرافيا . الأسبوع هذا اختبرت تاريخ جغرافيا وجغرافيا بشرية الله وكيلك انحن اجتهدنا فوق مانستطيع واخرتها اسئله بعيدة عن الأنظار مجتهدين في تعجزينا حسبي الله عليهم

[الحلم1]

انا حطيت سبق علشان تكتبوا موضوع عن هالمشكلة ويعملوا تحقيق صحفي

[فهد سعد البريك]

والله مافهمت شي مما ذكر ... الرجاء يا صاحب القصة ... تعطينا المشكلة من الجذور حتى نركز معاك ... كل الاعضاء اشوفهم يكتبون مقالي مقالي وشو مقالي

[نوف فارس]

انا تربيه خاصه من المستوى السادس كانت عندي خمس مواد مقاليه من اصل ٧ مواد مسجلتهم
كله كوم وكذب الدكتور سميحان الرشيدي كوم ثاني للسنه الثانيه على التوالي يكذب ويقول فالمحاضره المباشره الاسئله بتكون موضوعيه ويجيبها مقاليه العام سواها فينا وكذب والسنه هذي نفس الشي فالمحاضره المباشره الاولى ونتيجة التهجم والشكاوي اللي جت عليه قال مالكم حق تعرفون نوع الاسئله وموادي كلها بتكون مقاليه وفالمباشره الثانيه قال تغيرت نوعية الاسئله وحطيت اختباركم سبعين سؤال اختيار من متعدد مافيه ولااااسؤال مقالي واتفاجا بالاختبار مقااااالي كان اختباري السبت ،، اقسم بالله استهتار بعقول الطلاب وانفصام واضطراب في شخصية الدكتور الكذاب ومادته كانت التخاطب واضطراب النطق والكلام ماقول الا الله لايوفقه ولايسمح دربه

[BrOwN..SuGaR]

بالنسبة لي اشوف انه ظلم, يعني اذا كان عدد الطلاب اللي بيختبرون ماده, قليل تصير مقاليه.. !! :000:
اش المشكلة طيب لو خلوها موضوعيه , حالهم حال الباقي.. !!

[دانة المملكة]

بصراحة الظرووفنا المادية ما تسمح نجلس انعيد المادة مرة ومرتين علشان 5او 4 درجات
بصراحة نبي حل لهذا الموضوووع

[اكسر الخاطر]

انا تربيه خاصه مستوي ثامن وهذي خامس مره احمل ماده صعوبات التعلم النمائيه بسبب الاسئله المقاليه مو حرام مااتخرج على ماده وحده من سنتين

[الكريم الله]

انا تربيه خاصه من المستوى السادس كانت عندي خمس مواد مقاليه من اصل 7 مواد مسجلتهم
كله كوم وكذب الدكتور سميحان الرشيدي كوم ثاني للسنه الثانيه على التوالي يكذب ويقول فالمحاضره المباشره الاسئله بتكون موضوعيه ويجيبها مقاليه العام سواها فينا وكذب والسنه هذي نفس الشي فالمحاضره المباشره الاولى ونتيجة التهجم والشكاوي اللي جت عليه قال مالكم حق تعرفون نوع الاسئله وموادي كلها بتكون مقاليه وفالمباشره الثانيه قال تغيرت نوعية الاسئله وحطيت اختباركم سبعين سؤال اختيار من متعدد مافيه ولااااسؤال مقالي واتفاجا بالاختبار مقااااالي كان اختباري السبت ،، اقسم بالله استهتار بعقول الطلاب وانفصام واضطراب في شخصية الدكتور الكذاب ومادته كانت التخاطب واضطراب النطق والكلام ماقول الا الله لايوفقه ولايسمح دربه

يريدون يمصوووون جيبوكم لآخر قطرة لان يفرطو فيك تدري ليش لأنحن خلاص مانقدر نتركهم بعد كل السنين من التعب والخسارة لو ادري بصير كذا كن من اول سنه سحبت عليهم الله لا يسامحهم

[الكريم الله]

والله مافهمت شي مما ذكر ... الرجاء يا صاحب القصة ... تعطينا المشكلة من الجذور حتى نركز معاك ... كل الاعضاء اشوفهم يكتبون مقالي مقالي وشو مقالي

اخي العزيز اخر سنه لك تعرف ايش معنى مقالي (" ستبدي لك الأيام ما كنت جاهله .. ويأتيك بالأخبار من لم تزود")

[wewew]

بالنسبة لي اشوف انه ظلم, يعني اذا كان عدد الطلاب اللي بيختبرون ماده, قليل تصير مقاليه.. !! :000:
اش المشكلة طيب لو خلوها موضوعيه , حالهم حال الباقي.. !!

صحيح مفروض يكون فيه عدل وكلن وظروفه

[Abozayed]

السلام عليكم
من متى نظام المقالي ي اخوان لوسمحتو
فيه مستوى معين ولالجميع وهل الخبر اكيد ماهو مصدرك ي صاحب المعلومه

من جهازي SM-N9005 بواسطة تطبيق ملتقى فيصل (http://r.tapatalk.com/byo?rid=92985)

[الحلم1]

الاقسام اللي تقفلت دراسات وتاريخ وجغرافيا وتربية خاصة

[نوف فارس]

السلام عليكم
من متى نظام المقالي ي اخوان لوسمحتو
فيه مستوى معين ولالجميع وهل الخبر اكيد ماهو مصدرك ي صاحب المعلومه

من جهازي SM-N9005 بواسطة تطبيق ملتقى فيصل (http://r.tapatalk.com/byo?rid=92985)

صاحب الموضوع يقول جته اسئله مقاليه وانا شاركت وغيري شارك عن اللي جاهم من اسئلة وتقول ماهو مصدرك ياللعجب :5aga:

[Abozayed]

ويش العجب فيه
انا لي كم مستوى ماجاتني اسئله مقاليه
الله يسللمك على هونك

من جهازي SM-N9005 بواسطة تطبيق ملتقى فيصل (http://r.tapatalk.com/byo?rid=92985)

[لازم اسجل]

اكتب خطاب ووقعه مع الشباب الي تأثروا من هالموضوع ورح لوزارة التعليم العالي إدارة شؤون الجامعات قلهم بسوي استدعاء عل العميد .. وشرط يكون معك أقل شي 10 أشخاص عل شأن يرفعون طلبك .. بالتوفيق

من جهازي SM-N9005 بواسطة تطبيق ملتقى فيصل (http://r.tapatalk.com/byo?rid=92985)

[نوف فارس]

ويش العجب فيه
انا لي كم مستوى ماجاتني اسئله مقاليه
الله يسللمك على هونك

من جهازي SM-N9005 بواسطة تطبيق ملتقى فيصل (http://r.tapatalk.com/byo?rid=92985)

العجب انك تقول وين مصدرك وكنك تكذب صاحب الموضوع والمشاركين فالموضوع 😹
اذا ماجتك مومعناته انها ماجت لأحد :icon120:

[Abozayed]

ي اختي جزاك الله خير
طولتيها وهي قصيره واحد من الاخوان فهمني الموضوع وصلت المعلومه .انتهى بارك الله فيك ذاكري وشدي حيلك

من جهازي SM-N9005 بواسطة تطبيق ملتقى فيصل (http://r.tapatalk.com/byo?rid=92985)

[نوف فارس]

ي اختي جزاك الله خير
طولتيها وهي قصيره واحد من الاخوان فهمني الموضوع وصلت المعلومه .انتهى بارك الله فيك ذاكري وشدي حيلك

من جهازي sm-n9005 بواسطة تطبيق ملتقى فيصل (http://r.tapatalk.com/byo?rid=92985)

قول من البدايه انك موفاهم وش السالفه بدل التشكيك ، وحلو ان الواحد مايشارك ويبدي رايه الا يكون فاهم قبل يدرعم والله يوفق الجميع

[(نواف)]

الجامعات المتقدمة كلها الان اختيارات موضوعية اختصار للوقت

[اقرب اسم]

ياشباب لازم نجتمع ونشتكي الجامعة وعميدها المعقد والمتعاونين معه سجلنا في الجامعة من خمس سنوات وكان نظام معروف اختبارات موضوعية ونحن كما تعلمون كبار في السن وعمل مرهق عسكري وضروف عائلية ومعيشة صعبة ومرابطين وبعد ماقطعنا شوط كبير من الساعات خسرنا من جيوبنا فلوس اولادنا احوج لها من الجامعة وتعب وضغط نفسي طمعا في تحسين ترقية في العمل يأتي لنا هذا العميد ويغير نظام بدون تفكير ومرعاة أعمارنا وضروفنا العائلية ويجعلها مقالي والله ياشباب ان بَعضُنَا يذاكر المحتوى كامل ويطلع لك اسئله من بين السطور والله تعبنا حصلت على 110 ساعات وأفكر انسحب والله تعقيد حقنا ضاع مع هذا العميد نريد لنا محامي ياخذ حقنا منه صرنا نصرف على الجامعة بدون فايدة أرجو التفاعل صدقوني اخر المطاف لان يتخرج الا القليل يريدون جيوبنا ماتبتعد عنهم الله لا يوفقة هذا العميد الحسود

حسبي الله عليه قسم بالله انها عكس الاسئله وعكس كل شي
انا مستوى خامس اذا قريت الملخص حليت بغض النظر عن الاسئله
هذا قبل
هالحين يجيب لك السؤال من الهامشه تحت ولا من بين الاسطر
ولا حتى مكتوب ف الملخص يجيب سؤال من سؤال
الله لايوفقهم كان مقصدهم تكرهينا
حنا ندرس بفلوس ماهو بلاش

[اقرب اسم]

لازم نشووووووف حل

[عجمي الرياض]

يا ساتر

من جهازي MHA-L29 بواسطة تطبيق ملتقى فيصل (http://r.tapatalk.com/byo?rid=92985)

[أبو فيصل1212]

صحيح هذا احد الحلول ياليت اذا فيه احد يعرف كيف نوصل الى برنامج الشريان والله متضررين من هذا العميد الاحمق

ذا رقم الواتس حق برنامج الشريان حط موضوعك فيه وباذن الله يفيدونك 053 699 6677

[الكريم الله]

ذا رقم الواتس حق برنامج الشريان حط موضوعك فيه وباذن الله يفيدونك 053 699 6677

أشكرك بقوة

[الحلم1]

لاتنسى صحيفة سبق وها شتاق بتويتر

[جغرافي1]

الشكوى لله

لكن هذا ما يمنع ان الواحد يكافح من اجل تجاوز الصعاب

من مستوى ثالث الى الترم الاخير والمقالي في ازدياد

ولا يوجد عقد او شرط معهم ان الاختبارات لازم تكون موضوعية .... خلونا واقعيين

بعد بكرا عندي اختبار ( نصوص جغرافية باللغة الانجليزية ٢ ) ولازلت شاك انه مقالي الله يستر بس

اسأل الله لي ولكم التوفيق

[اقرب اسم]

نبى هشتاق قوووي

[joole]

والله العظيم حرررام احنا دافعين فيه فلوس المفروض ينجحون مو يستقعدون لنا ع درجه درجتين انقهرت حملت المحاسبه نقصني درجه بس ع النجاح والله لا يسامحه

[عجمي الرياض]

طيب ما رفعتي تظلم اعاده تصحيح ورقه الامتحان،،،،،،، هاذي سالفه صارت من أحد الأصدقاء ناقصه اربع درجات رفع تظلم اعاده تصحيح ورقه الامتحان حمدالله نجح من الماده.........

من جهازي MHA-L29 بواسطة تطبيق ملتقى فيصل (http://r.tapatalk.com/byo?rid=92985)

[الرائد رائد]

لسلام عليكم
وش السالفه ياخوان
هل من الترم الجاي مقالي ماعاد فيه اختيارات


Sent from my iPhone using ملتقى فيصل (http://r.tapatalk.com/byo?rid=92985)

[استاذ جامعي]

ليش لا كلنا يداا بيد

#طلاب_جامعه_الملك فيصل_الي اين_؟؟؟

[الحلم1]

الله يعافيك اللي حط الهاشتاق

[الحلم1]

ممكن رابط الهاشتاق

[حسن القرني1401]

انا تخصصي دراسات اسلامية ومستوى السابع ومثل ما تعرفون قسم الدراسات قفل واذا لا سمح الله حملت مادة هذا المستوى او اللي بعده بيكون الاختبار مقالي الله ييسرها لي ولكم وسائر المسلمين