رفع تظلم لمادة المدخل الى اللغويات

[H_D]

السلام عليكم

اللي شايفين ان الاختبار كان صعب

والمنهج طويل
وضغط اختبارات

وفي الاخير من بيييين السطور

يرفع تظلم لان من جد ظلم تعبنا وسهرنا والماده 3 ساعات بتاثر على معدلنا

[amziad]

مع التظلم

[wewew]

عطونا الصيغه

[rasha101]

انا برفع بس ابي صيغه

[rasila]

التظلمات مامنها فايده لا بتودي والا بتجيب اصلا
مااشوف الي تظلموا استفادوا شي
بالعكس الدكتور بيزيد استلعن اكثرمن اول ومااهمه احد
لانه الجامعه ماعندهم رادع فعلي اذا الفريدان بكبره مايعرف يشرح واسئلته بعيده كل البعد عن الشرح والمحتوى تلومون الباقيين ليه
عني ماابغا ارفع لو حملتها ماهي اخر الدنيا بحاول مره واثنين الين انجح فيها
رغم اني ويعلم الله اني اعطيت هالماده وقت اكثر من غيرها ومن بداية الترم وانا ضاغطه نفسي واذاكر رغم قلة الوقت
هذا بس للي يقولون اننا نراكم المواد وماانذاكر الا اخر الوقت الي قاعد بيته مو مثل الي متوظف ووراها مسئوليات ثانيه
شغل سبع ساعات ولهد مع زوار ومشاكل مالها حل وشفتت مرات الواحد يداوم وهو مانام اصلا ادري قصة حياتي وكلام ماله داعي بس عشان الي يرمي اللوم علينا ويتهمنا بالتكاسل

[kfur001]

التظلم ينفع
يوصل صوتك للمسؤول
والشوشره والشكاوي تسبب توتر للمنسوبين حتى يفتحوا التحقيق بالمادة

[اصيل 55]

وانا اعطيتها وقت كثيييير بس الحمدلله على كل حال

[RarRar]

انا اسستغرب من اللي يقولون سهله ولا ترفعون تظلم؟!
صراحه ما ادري وش اقول
بس باختصار : اللي عندها بيت واطفال والا موظفه غير عن اللي جالسه ماعندها شغل ولا مشغله صراحه تفرق كثير

[راجيه عفو ربها]

ياريت نرفع تظلم مررره يجيب المرض اخذت الورقه قسم بالله جلست مصدومه ولا عرفت احل شي مره حرام تعبنا يروح ع الفاضي

[جميله القحطاني1]

انا رفعت تظلم غير شامل للمحتوى والاسئله من بين السطور وماكان فيه وقت كافي

[H_D]

ليه ماتفرق وليه هم اساسا حاطين ايقونة تظلم

انا من المستوى الثامن وهذي الماده مانزلتها رفعنا شكوى على حليمه قبل سنتين الدفعععه كااااامله رفعت شكوى والحين حليمه كل اختبارته تفتتتح النفس ومن جد تغير مليووون في الميه

[skon aljro7]

-

مايحتاج تظظلم ماني رافععه ~
ويعلم الله اني شهور وشهور وانا اذاكر بذي الماده وماكنت متوقعه اني اطلع مضايقه لهالدرجه
بس الحمدلله اولا واخير,ولاتقولون فاضيه ماعندها شي كلنا عدنا مسؤؤوليات
الغلط مو من الدكتور والاسألة ماكانت من بين السطور بشكل نرفع فيه تظلم
كانت متنوعة الصعوبة .. المشكلة بس انو الدكتور ماكان متعاون معانا ماحذف شي ماحدد لنا اشياء نركز عليها
ونزل محاضره 14 توقعت تكون الأسألة منها لكن ماكانت منها

الزبدة اوب رافعه

[يحيى العطاء]

انا معكم لابد من رفع تظلم .. الاسئله وطريقتها ماتتلائم مع منهج هالماده الدسمه اللي حتى لو عربي مابنعرف نحل من بين السطور واغلبها مجرد اضافات مو معلومات اساسيه .. مثل ماقلتوا لاتظنوا مافيه فايده الا راح ننتصر عليه .اقلها توقعنا مشابهه للاعوام الماضيه مو تختلف 180 درجه عنها كان اختبار تاريخ او علم اجتماع مو لغويات مافيها الاسؤالين تقريبا عن الحروف .. الكل لازم يحتج يكفي ظلم وخداع ..الاغلبيه عندهم وظايفهم ومشاغلهم الخاصه لازم يستعشروا فينا ..مو ندرس بدول اجنبيه مايراعوا فينا ندرس لغة عن بعد وبدون ممارسه ولاحتى طريقه مميزة لاكتساب الفائده من هالدراسه مجرد نسخ ولصق
لااحد يتردد الكل يعترض والان مو تاجلوا

[يحيى العطاء]

للعلم بس انا اختي مبتعثه بامريكا وتخصصها صعوبات التعلم والنطق انصدمت من الماده ومحتواها تقول هي دارستها بس مو هالشكل الصعب .. وكانت ترتكز ع نطق الحروف اكثر من هالدش اللي ماله داعي ومامنه فايده ..اذا كلغة اجنبيه ويمارسوها وانصدموا من منهجنا
كيف حنا شنقول وانتساب بعد مافي اي وسيله مميزة لدراسة هاللغة

[Larin]

لا والله بشرتوننا عن المادة ذي

[rasila]

للعلم بس انا اختي مبتعثه بامريكا وتخصصها صعوبات التعلم والنطق انصدمت من الماده ومحتواها تقول هي دارستها بس مو هالشكل الصعب .. وكانت ترتكز ع نطق الحروف اكثر من هالدش اللي ماله داعي ومامنه فايده ..اذا كلغة اجنبيه ويمارسوها وانصدموا من منهجنا
كيف حنا شنقول وانتساب بعد مافي اي وسيله مميزة لدراسة هاللغة

مصير هالماده ودشها لمزبلة الذاكره بسبب كثر الكلام الي على غير سنع
خير الكلام ماقل ودل لو معطينا المهم كان احنا حفظنها وفهمناه وطبقناه المستويات الجايه
حتى لو عدينا الماده ماراح نذكر شي من زحمة المعلومات وهنا ماوصلت لنا الفائده المرجوه من دراسة المنهج



المهم كم واحد بيتظلم يرفع يده عشان نرفع معاكم :16.jpg:
اخاف الباقين بس يكون تظلمهم كلام ونتورط احنا :119:

[حدائق لبنان]

مصير هالماده ودشها لمزبلة الذاكره بسبب كثر الكلام الي على غير سنع
خير الكلام ماقل ودل لو معطينا المهم كان احنا حفظنها وفهمناه وطبقناه المستويات الجايه
حتى لو عدينا الماده ماراح نذكر شي من زحمة المعلومات وهنا ماوصلت لنا الفائده المرجوه من دراسة المنهج



المهم كم واحد بيتظلم يرفع يده عشان نرفع معاكم :16.jpg:
اخاف الباقين بس يكون تظلمهم كلام ونتورط احنا :119:

وانتي صادقه الان الحقيقه ما عندنا الاساسيات المطلوبه بالشكل المفروض يصير
مع انها هذا الماده مهمه جدا