طريقة تسجيل المققرات , أرقام crn , موعد تسجيل المقررات لكل دفعة , جدول الإختبارات , بعض النصائح

[juoooan]

فصل دراسي جديد مليئ بالإجتهاد :icon19:


من هذا الترم رح يكون تسجيل المواد عليكم و ليس من قبل الجامعه ,

اولا: التسجيل رح يكون عبر نظآم البنر , رابط مباشر له من هنـآ
(https://banner.kfu.edu.sa:7710/PROD_ar/twbkwbis.P_GenMenu?name=homepage)

ثانيا : كل دفعه لها وقت للتسجيل موضح ذلك من التقويم الدراسي
كيف أعرف أنا من أي دفعه ؟
من الرقم الجامعي اول ثلاث ارقام من اليسار منها رح أعرف انا أي دفعه
مثلا: 213156785
213 = عباره عن دفعه 2013
آنتم ارقامكم تبدأ بـ 217 يعني دفعة 2017

هنا مواعيد التجسيل لكل دفعة :
يوجد فترتين للتسجيل , الفترة الاولى مدتها يوم : الفترة تبدأ من الساعه السادسة مساء و تنتهي عند السادسة مساء باليوم الثاني
الفترة الثانية متاحة لجميع الدفعات : ايضا تبدأ من الساعه السادسة مساء و تنتهي مساء السادسة للتاريخ المحدد

http://www.ckfu.org/pic4u/uploads/ckfu1484158116071.png


آكيد فيه طلاب تسأل كيف آسجل المواد , و النتائج مابعد طلعت , ومابعرف اذا انا راسب ناجح !
بإذن الله الجميع ناجح
مثل ما لاحظتم يوجد فترتان لتسجيل المقررات تقدر تسجل المواد و بعد ظهور النتائج تقدر تعدل ع الجدول




ثالثا : المواد الخآصة بمقررات المستوى الثاني , هي :

إقتصاد كلي / مبدائ المحاسبة 2 / إنجلش / الأخلاق الإسلآمية / العقيدة و المذاهب / الصحة و اللياقة / تقنية معلومات 1

بالنسبة لمقرر رياضيات 2 : المقرر خاص ب الطلاب القدامى الذين يبدأ رقمه الجامعي ب
210 / 211 / 212

المواد الثقيلة نوعا ما , إلا اذا استعد لها الطلاب مبكرا رح يلاقي سهولة و يحس انها ممتعه
إقتصاد كلي
محاسبة 2
إنجلش ( يعتمد ع مستوى الطالب و إلمامه ب اللغه )
بقية المواد هي مواد عامة و ممتعه



أرقام CRN نجدها هنا , ارقام CRN للطلاب تختلف عن الطالبات لذا عند اخذ الارقام انتبهوا لهذه النقطه

من هنا آرقآم CRN (https://www.kfu.edu.sa/ar/Deans/e-learning/Pages/courses_tables_page.aspx)

دليل إرشادي لطريقة التسجيل من موقع الجامعه
هنـــــــــــــــآ (https://www.kfu.edu.sa/ar/Deans/E-Learning/Pages/using_guide.aspx)


[ تنبيهات مهمه ]

1- عند عدم تأمكنك مت إدخال الرقم المرجعي فتأكد إن الرقم خاطئ و يجب التأكد من صحته
2- حال ظهور لك رسالة خطأ [ الرقم المرجعي غير موجود ] عليك الرجوع لجدول تسجيل المقررات لمعرفة رقم CRN الجديد
الجامعة غالبا تقوم بفتح شعب جديدة برقم مرجعي جديد عند امتلاء الشعب
3- إدخال أرقام CRN يكون باللغة الإنجليزية
4- تأكد من تسجيلك الرقم المرجعي الخآص بك , المطابق لجنسك الطلاب او للطالبات عند التسجيل برقم CRN للجنس الآخر رح يظهر لكم [ غير متاح للفرع ]
5- لا يوجد تأكيد تسجيل , فقط أدخل الارقام المرجعية ثم تنفيذ التغييرات
6- للتأكد من تسجيل المقررات بالشكل الصحيح يمكنك الرجوع للسجل الآكاديمي حيث تظهر هناك

[juoooan]

نقطه مهمه

ممكن البعض حاب يغير عن خطة الجامعه , انه يقلل عدد مواد هالمستوى وياخذها بمستوى آخر او ياخذ مواد من مستويات آخرى خاصة الي بغير بخطة الجامعة بشكل كبير
نصيحة قبل تجي تغير بالخطة و تسجل مواد , ارسم لك خطة دراسي من مستوى ثآني لين مستوى ثآمن
ورتب جدول الإختبارات للخطة الي آنت راسمها لنفسك


عسب تتفادون الآخطاء الي وقعوا فيها أغلب زملائكم , الي غيروا بخطة الجامعه :
كثير تفاجئوا ايام الإختبارات لما ينزل لهم الجدول ب الخدمات الطلابية
-إن أيام الإختبارات ورى بعض
- مادة تحتاج مذاكرة و وقت و صار لها مجال يوم فقط
- إختبارين في نفس اليوم واحد فترة عصر / و احد فترة المغرب
- او يكون الطالب خريج يتفاجأ إن عنده تعارض في أحد المواد [ التعارض يعني تختبر مادتين بنفس الفترة ]


لذلك أنصح أي أحد حاب يغير بخطه الجامعه يرسم له خطه منظمه بالرجوع لجدول الإختبارات الرئيسي للجامعه
نظم الجدول من المستوى الحالي حتى المستوى الثامن

وبكذا يسهل عليكم معرفة وقت الإختبارات , و تعرف شنو المواد الي آنهيتموها و المواد المتبقية لكم ,


هنآ جدول الإختبارات الرسمي : بالمرفقات
منه تهيئوا نفسكم للإختبارات من الآن , ومنها للي حاب يغير بخطه الجامعه , و ايضا للي بقدموا معادلة لمواد و حابين ياخذوا مواد بدالها




هنا التقويم الدراسي , (https://www.kfu.edu.sa/ar/Deans/E-Learning/Pages/Interactive_Calender.aspx)
به إجابة لجميع الأسئلة التي تبدأ بمتى !
متى السداد !
متى تحديد مركز الإختبار !
متى موعد الإختبارات !
متى الإعتذار / التأجيل
موعد معادلة المقررات !

[juoooan]

همسة لمن أراد النجاح بتفوق :



من أراد أن يصنع لنهاية العام الدراسي معنى، فعليه أن يجتهد فيه، وألا يضيع وقته في غير ما كان لأجله، وأن يمنحه حقه الكامل،
وأن يدرس ويصنع لنفسه مستقبلاً يليق به، فمهما كانت العطلة جميلة، ومهما نعمنا بها بالراحة والمتعة، فلن تكون جميلةً
إلا إن أتت بعد تعبٍ وجد، فلا شيء في هذه الحياة يأتينا بسهولة،
ولا شيء يتحقق بروعة وفخامة، إلا إن كان قد سبقه تعب في الجد، مكللاً بالعمل الدؤوب، والنية الصادقة، والإخلاص في الدراسة.

[juoooan]

تم نقل الموضوع من قسم المسودة (https://vb.ckfu.org/forumdisplay.php?f=320).

الرد آلي للعلم

[ابراهيم الموهبي]

شكرًا جزيلا ، شرح كافي ووافي ����

[أبواحمد]

شراح وافي
بارك الله فيك
وجزاك الله خير

[Wafa Qh]

طيب اذا ما ابي اغير المواد أبي أخليها نفس خطة الجامعة اخلي المواد بدون تغيير والا كيف؟
أو لازم أحط ال can لجميع المواد حتى لو ما غيرت المواد ؟؟
والرياضيات 2 متى آخذة ؟؟
وبالنسبة للأعوام السابقة وعندهم خبرة هل اخليها نفس المواد ما اغيرها والا افضل اغير لأني جديدة ولا اعرف شي ؟؟؟

[رب أغفرلي]

شكراً لك :icon19:

[juoooan]

طيب اذا ما ابي اغير المواد أبي أخليها نفس خطة الجامعة اخلي المواد بدون تغيير والا كيف؟
أو لازم أحط ال can لجميع المواد حتى لو ما غيرت المواد ؟؟
والرياضيات 2 متى آخذة ؟؟
وبالنسبة للأعوام السابقة وعندهم خبرة هل اخليها نفس المواد ما اغيرها والا افضل اغير لأني جديدة ولا اعرف شي ؟؟؟

مساء الخير ..

مافيه اي مشكله لو ماغيرتي ..
وقت التسجيل تاخذي ارقام crn الخاصة بمستوى 2 و تسجليها ..
كتبت فوق ان رياضيات 2 ملغية من الطلبة الجدد يعني مرح تاخذيها باي مستوى


انا مشيت بخطه الجامعه لين مستوى 4 و بعدها غيرت لان اخر 4 مستويات فيه اختبارات ورى بعض ..

وفيه طلاب التزموا بخطه الجامعه لين التخرج
لكن لابد تجتهد ع نفسك ب المذاكرة خاصة بالمواد الي ورى بعض اختباراتها

[Wafa Qh]

انا عندي 7 مواد بمستوى ثاني اقدر احذف مادة واخليها 6
طيب اذا حذفتها متى راح ادرسها ؟؟؟
أقدر أحطها بمستوى ثالث او اقدر اخليها بمستوى ثامن مثلا ؟؟
وايش اسهل مادة في 2 عشان احذفها واحطها بثالث ما ابي مستوى ثالث ازيد عليه مادة صعبة
واذا حذفتها كيف اعرف يوم اختبارها اخاف يصير مع مادة ثانية او رى مادة على طول

[AminahSV]

انا عندي 7 مواد بمستوى ثاني اقدر احذف مادة واخليها 6
طيب اذا حذفتها متى راح ادرسها ؟؟؟
أقدر أحطها بمستوى ثالث او اقدر اخليها بمستوى ثامن مثلا ؟؟
وايش اسهل مادة في 2 عشان احذفها واحطها بثالث ما ابي مستوى ثالث ازيد عليه مادة صعبة
واذا حذفتها كيف اعرف يوم اختبارها اخاف يصير مع مادة ثانية او رى مادة على طول


تقدرين تحذفين وتقدرين تاخذينها ب أي مستوى تبين حتى لو كان فيه صيفي
بس انفع لك تاخذينهم كلهم ..
لان مثلا لما تكونين بمستوى ثامن بترجعين ل مادة تافه ب مستوى 2 تاخذينها ؟!

قالت جوان ب المستويات الاخيره الاختبارات تكون ورى بعض
فـ عيدي النظر فـ المواد

[عقوبة]

جزاك الله خير الله ينور طريقك ،،

[Unique~]

باآرك الله فيك
,
بمشي على خطة الجامعة مثل مانصحتى
بدون زيادة ولا نقصان
والله يوفق الجميع

[Wafa Qh]

تقدرين تحذفين وتقدرين تاخذينها ب أي مستوى تبين حتى لو كان فيه صيفي
بس انفع لك تاخذينهم كلهم ..
لان مثلا لما تكونين بمستوى ثامن بترجعين ل مادة تافه ب مستوى 2 تاخذينها ؟!

قالت جوان ب المستويات الاخيره الاختبارات تكون ورى بعض
فـ عيدي النظر فـ المواد

لان انا عندي الانجليزي ماله يوم اذاكر فيه
يعني امتحن اقتصاد كلي اليوم اللي بعده على طول انجليزي كيف بذاكره مافيه وقت
عشان كذا هل اقدر احذف الانجليزي وامتحنه بمستوى ثالث؟؟
بس ما ادري بأي يوم يحطونه لي بمستوى ثالث اخاف نفسه بعد يكون ورى امتحان على طول واكون كأني ماسويت شي

[Allosh2016]

جزاك الله الف خير

[جواهر حكيم]

لما دخلت على الفيديو التوضيحي كان حاط عشان ادخل على نظام البانر لازم اكتب الرقم السري للبريد الاكتروني حقي هل هو البريد العادي اللي أنا استخدمه الجي ميل ولا استخدم بريد ثاني مافهت ارجو التوضيح


من جهازي iPad بواسطة تطبيق ملتقى فيصل (http://r.tapatalk.com/byo?rid=92985)

[basellk]

عسى الله يحقق لك كل امانيك يا كاتب الموضوع

[AminahSV]

لان انا عندي الانجليزي ماله يوم اذاكر فيه
يعني امتحن اقتصاد كلي اليوم اللي بعده على طول انجليزي كيف بذاكره مافيه وقت
عشان كذا هل اقدر احذف الانجليزي وامتحنه بمستوى ثالث؟؟
بس ما ادري بأي يوم يحطونه لي بمستوى ثالث اخاف نفسه بعد يكون ورى امتحان على طول واكون كأني ماسويت شي

ذاكري الانجليزي بـ ببداية الترم
الحين اخذتي فكره عن المواد بالاختبارات كيف تكون الأسئلة
يمديك تراه الانجليزي حفظ وشوي ممارسة :icon120:

الله يوفقك :icon1:

[coco O]

كل المواد ممكن تنزل صيفي ؟

[سليمان سالم]

انا محتار بين العقيدة او المحاسبة
سمعت انهم مواد معقده وصعبه ؟؟:mh12:

[juoooan]

لما دخلت على الفيديو التوضيحي كان حاط عشان ادخل على نظام البانر لازم اكتب الرقم السري للبريد الاكتروني حقي هل هو البريد العادي اللي أنا استخدمه الجي ميل ولا استخدم بريد ثاني مافهت ارجو التوضيح


من جهازي ipad بواسطة تطبيق ملتقى فيصل (http://r.tapatalk.com/byo?rid=92985)


صباح الخير غالتي


الدخول لانظمه الجماعه دائما يكون بالرقم الجامعي و الرقم السري الي نستخدمه للدخول للخدمات و البلاك و الافتراضي

[juoooan]

انا محتار بين العقيدة او المحاسبة
سمعت انهم مواد معقده وصعبه ؟؟:mh12:


كلام حطه ببالك : مافيه شيء يصعب اذا الواحد توكل ع الله و استعد للمادة بشكل جيد قبل الاختبار
اما من يعتمد فقط ع نماذج الاعوام و يرمي خطئه ع من صحح النموذج و آن به كم سؤال أخطأ بحله
او ع الدكتور انه غير صياغته للاسئلة و جاب اسئلة جديدة
اكيد بكون عنده المنهج صعب

عكس من يبدا بدري , و يفهم المسائل من البداية , مايأجل فهمه للمسائل نهاية الترم و بعدها يضل يبحث ع من يشرح له

نقطة آخيرة : حتى لو أجلت المادة مصيرك تاخذها :16.jpg:
يعني لا مهرب منها كانت صعبه او سهله



كل المواد ممكن تنزل صيفي ؟


للاسف الصيفي لم يفتح الا مرة واحدة فقط ,
ولو فتحوه يفتحون للمواد العامه فقط

[jojo1438]

الله يجزيكم الجنه

[جامعة الاداب]

وين القى جدول اختبارات للسنوات الجايه

[Hussain AR]

وين القى جدول اختبارات للسنوات الجايه


الجدول ثابت لا يتغير ..
تفضل ..

[البقاء لله]

سبحان الله وبحمده

[حسن ابو هاشم]

ساعدووووني بلييز
رقمي الجامعي يبدا 213

فتحت تسجيل المقرارات ودخلت على نظام البانر بعدها على دخول النظام
وبعدها على الدخول للانظمه الامنه

وحطيت الرقم الجامعي
وكلمة المرور
بس بعدها يجيني وكانه الموقع مشغول

[الـعُ ـتيبيّ ']

شكراً لك عزيزتي .. والله يوفقك ويوفق الجميع

[juoooan]

ساعدووووني بلييز
رقمي الجامعي يبدا 213

فتحت تسجيل المقرارات ودخلت على نظام البانر بعدها على دخول النظام
وبعدها على الدخول للانظمه الامنه

وحطيت الرقم الجامعي
وكلمة المرور
بس بعدها يجيني وكانه الموقع مشغول

صباح الخير

ربما هناك ضغط ع الموقع
لا تقلقل هناك اكثر من فترة للتسجيل
ارجع للخطه لمعرفة الفترات المتاحه

[faten.ba]

افكر اخذ ال 7 مواد في مستوى ثاني
تنصحوني او لا؟

[faten.ba]

وكم تكون الرسوم ل 7 مواد؟؟

[Tott]

وكم تكون الرسوم ل 7 مواد؟؟

الافضل تمشي ع الخطة عشان ما تنضغطي باخر الاترام
الرسوم مو بعدد المواد . بعدد الساعات
يعني اذا سجلتي 18 ساعة تضربيها في 165 والناتج تزودي عليه 10 ريال قيمة الرسائل

[Sultan ahmed]

أحترنا نمشي على الخطة ولا نغير فيها :000:

لو غيرنا احتمال يجيك تعارض لو ماغيرنا بتجيك اختبارات في ايام ورا بعض :bawling:

زي مو صاير معنا اللحين في الاقتصاد والانجليزي

عموما لازم نشوف الجدول ونسوي خطة كامله من المستوى الثاني الى الثامن
ولكن عندي سؤال نصحني احد الاخوة بعدم دراسة كامل المواد السهله في المستويات الاولى
وتاجيلها الى المستويات المتقدمه لانه راح تصعب علينا المواد والهدف من الحركه هذي
رفع المعدل !! هل الكلام هذا صحيح ؟:agolakser:

[Wafa Qh]

سؤال الحين تسجيل المقررات كل سنة اسجل واغير واحذف واضيف ؟؟؟
يعني اسجل مقررات ثاني واذا جاء ثالث اسجل مقرراتي وهكذا
والا بس احددها بمستوى ثاني وتمشي معي إلى ثامن ؟؟

[Mahmoud1985]

خطأ http 400

ليس هذا بسببك، إنه الرابط (يبدو أنه مقطوع)

هذا المسج يطلعلي في نظام البنر وش الحل

[sweet-44]

أحترنا نمشي على الخطة ولا نغير فيها :000:

لو غيرنا احتمال يجيك تعارض لو ماغيرنا بتجيك اختبارات في ايام ورا بعض :bawling:

زي مو صاير معنا اللحين في الاقتصاد والانجليزي

عموما لازم نشوف الجدول ونسوي خطة كامله من المستوى الثاني الى الثامن
ولكن عندي سؤال نصحني احد الاخوة بعدم دراسة كامل المواد السهله في المستويات الاولى
وتاجيلها الى المستويات المتقدمه لانه راح تصعب علينا المواد والهدف من الحركه هذي
رفع المعدل !! هل الكلام هذا صحيح ؟:agolakser:

طيب مو كأن الانجليزي مو موجود في الجدول بالنسبه للمستويات الجايه :(107):

[الرويس١]

السلام عليكم

كيف الحال

اخواني اخواتي
انا ابي اريح م اضغط نفسي بالدراسه كم سنه القدر الدرس بالجامعه بعدين لازم لازم التخرج يعني فيها
سنين محدده
طيب اذا وقفت فصل يحسب علي من السنين ام لا
كم اقل ساعات اقدر اخذ

وشكرا

[مشاعل محمد فالح]

السلام عليكم
لوسمحتوا ابي اعرف لو جيت مستوى 8 وماخلصت جميع المواد
اقدر اخذها ولاخلاص ؟؟؟؟؟؟؟؟؟؟؟؟؟؟؟؟اتمنى فهمتوا سؤالي !!

[Tott]

سؤال الحين تسجيل المقررات كل سنة اسجل واغير واحذف واضيف ؟؟؟
يعني اسجل مقررات ثاني واذا جاء ثالث اسجل مقرراتي وهكذا
والا بس احددها بمستوى ثاني وتمشي معي إلى ثامن ؟؟

كل فصل انتي تسجلي مقرراتك

[Tott]

السلام عليكم

كيف الحال

اخواني اخواتي
انا ابي اريح م اضغط نفسي بالدراسه كم سنه القدر الدرس بالجامعه بعدين لازم لازم التخرج يعني فيها
سنين محدده
طيب اذا وقفت فصل يحسب علي من السنين ام لا
كم اقل ساعات اقدر اخذ

وشكرا

تقدر تدرس بدل 4 سنوات 6
واقل عدد للساعات 12 ساعة

[Tott]

السلام عليكم
لوسمحتوا ابي اعرف لو جيت مستوى 8 وماخلصت جميع المواد
اقدر اخذها ولاخلاص ؟؟؟؟؟؟؟؟؟؟؟؟؟؟؟؟اتمنى فهمتوا سؤالي !!

اكيد تاخذيها ولا ماتتخرجي
تقدري تزيدي فصل تاسع وعاشر

[Tott]

معلومات عامة عن التسجيل

اللي مو حاب يلتزم بالخطة يقدر يغير او يضيف مواد من اي مستوى
ويأجل مواد
بس الاهم تشوفوا جدول الاختبارات لانه ثابت
وترتبوا لكم جدولكم اذا غيرتوا

عن نفسي انصح بالالتزام بخطة الجامعة مع اضافة مثلا مادة من مستويات اخرى اذا فيه مجال
بحيث يكون اقصى حد 18 ساعة وهو المسموح

انا مشيت ع الخطة والحمد لله مرتاحة الان باقي لي هذا الفصل
مع اضافة مادة اذا كانت الخطة اقل من 18 ساعة

بالتوفيق للجميع

[Quzik]

محتاج الدعم يشوفوا مشكلتي
فيه رسالة (خطأ .. )



شكرا جوان للرد .. الله يعطيك العافيه

[بوغا]

لو سمحتو انا سجلت المقررات بس ماظهرت لي بالسجل الاكاديمي؟؟؟

لو سمحتوا عطوني خبر

[Tott]

لو سمحتو انا سجلت المقررات بس ماظهرت لي بالسجل الاكاديمي؟؟؟

لو سمحتوا عطوني خبر

تطلع في السجل الاكاديمي اللي في البانر فقط

[محمد راشد الحما]

كيف/متى اعرف انه تسجيلي تاكد. وشكرا عالمجهود.

[jojo1438]

مشكورا
جزاك الله خير

[fahad hamad]

السلام عليكم ورحمة وبركاته...

حاولت الدخول على نظام البانر لتسجيل مواد المستوى الثاني وطلع هالرساله:

معلومات الدخول غير صالحة. برجاء أعادة المحاولة.

مع اني متأكد انها صحيحه !!

وش الحل؟

[juoooan]

السلام عليكم ورحمة وبركاته...

حاولت الدخول على نظام البانر لتسجيل مواد المستوى الثاني وطلع هالرساله:

معلومات الدخول غير صالحة. برجاء أعادة المحاولة.

مع اني متأكد انها صحيحه !!

وش الحل؟

وعليكم السلام ورحمه الله و بركاته

تأكد من صحة كلمة المرور , لان النظام حساس من جهتها

وإذا ضل رافض , ارسل لي البيانات عبر الخاص اجرب

[juoooan]

طريقة التأكد من تسجيل المواد بشكل صحيح

[تركي السلطان]

السلام عليكم ورحمة الله ،،

لو سمحتوا أنا رسبت في مادة المحاسبة 1 , وسويت جدولي للترم الثاني نفس خطة الجامعة وصارت 18 ساعة
السؤال : متى أدرس مادة المحاسبة1 ؟

[noura1393]

انا رسبت بالاداره اقدر اضيفها مع مواد الترم الثاني

[Areej15]

السلام عليكم دخلت ع البانر مايفتح معي ؟؟؟ هل انتهى تسجيل المواد ولاكيف

[juoooan]

السلام عليكم ورحمة الله ،،

لو سمحتوا أنا رسبت في مادة المحاسبة 1 , وسويت جدولي للترم الثاني نفس خطة الجامعة وصارت 18 ساعة
السؤال : متى أدرس مادة المحاسبة1 ؟

انا رسبت بالاداره اقدر اضيفها مع مواد الترم الثاني




وعليم السلام روحمه الله و بركاته

عملت تنبيه للغالية فاطمه , إن شاء الله رح تفيدكم بترتيب الجدول بخصوص المواد الي حملتوها

[juoooan]

السلام عليكم دخلت ع البانر مايفتح معي ؟؟؟ هل انتهى تسجيل المواد ولاكيف


وعليكم السلام رحمه الله بركاته
لازال التسجيل مستمر
ممكن من الضغط , او تأكدي من كتابة البيانات بالشكل الصحيح

[Fatima999]

السلام عليكم ورحمة الله ،،

لو سمحتوا أنا رسبت في مادة المحاسبة 1 , وسويت جدولي للترم الثاني نفس خطة الجامعة وصارت 18 ساعة
السؤال : متى أدرس مادة المحاسبة1 ؟

وعليكم السلام ورحمة الله
بما انك اخذت محاسبة 1 بالمستوى الثاني
اجل محاسبة 2 الى المستوى الثالث
حتى تركز عليها
ولاتنسى عندك اقتصاد وراها

[Fatima999]

انا رسبت بالاداره اقدر اضيفها مع مواد الترم الثاني


انصحك تاخذيها بخامس
كل المستويات اللي قبل خامس مقرراتهم دسمة
وطبعا هي ماراح يكون بينها وبين المقررات يوم فاضي
بخامس افضل
المقررات اللي هناك اخف

[Fatima999]

السلام عليكم دخلت ع البانر مايفتح معي ؟؟؟ هل انتهى تسجيل المواد ولاكيف

دخلي المنطقة الامنة
تسجيل الدخول
تسجيل الطالب
تسجيل وحذف واضافة

[سليمان سالم]

السلام عليكم ياجماعه الخير
انا متاكد من دخول البيانات

لاكن يقولي خطا مثل ماهو موضح بالصوره المرفقه
ايش الحل ...؟

[Fatima999]

السلام عليكم ياجماعه الخير
انا متاكد من دخول البيانات

لاكن يقولي خطا مثل ماهو موضح بالصوره المرفقه
ايش الحل ...؟

متأكد من الارقام انها للطلاب مو طالبات ؟

[الرويس١]

السلام عليكم

كيف الحال

اخواني و اخواتي
الحين اذا وقفت سنه من الدراسه تحسب علي
يعني هل يصير كذا لازم اخلص الجامعة في خمس سنوات
وشكرا

[Fatima999]

السلام عليكم

كيف الحال

اخواني و اخواتي
الحين اذا وقفت سنه من الدراسه تحسب علي
يعني هل يصير كذا لازم اخلص الجامعة في خمس سنوات
وشكرا

عادي تخلصها بخمس او ست
الشرط هذا لمرتبة الشرف فقط

[السر الكبير1]

بالتوفيق

[بنت الرائد]

الحين احترت بس بصراحة خليت الانجلش للمستوى الخامس وحطيت بداله اساسيات البحث العلمي

لاني ماافهمفي الانجليزي شيء واخاف يكون المستوى الخامس دسم ومع الغثيث الانجليزي

نصيحتكم

[غ ــــلآ]

اقدر اغير الدكاتره ؟ الديرشيوي والسميح مو اوك ابي اغيرهم

[Areej15]

السلام عليكم الحين هذا طريقه التسجيل حق الترم الثاني ؟؟؟؟ طيب فاتني ولاباقي؟؟؟؟

[Fatima999]

السلام عليكم الحين هذا طريقه التسجيل حق الترم الثاني ؟؟؟؟ طيب فاتني ولاباقي؟؟؟؟

باقي

[Fatima999]

اقدر اغير الدكاتره ؟ الديرشيوي والسميح مو اوك ابي اغيرهم

الدكاترة العمادة تغيرهم فقط

[Fatima999]

الحين احترت بس بصراحة خليت الانجلش للمستوى الخامس وحطيت بداله اساسيات البحث العلمي

لاني ماافهمفي الانجليزي شيء واخاف يكون المستوى الخامس دسم ومع الغثيث الانجليزي

نصيحتكم

الانجليش نفسه اللي بثانوي افعال واسماء وهيك

[Areej15]

لو سمحتي وشو الرقم المرجعي؟؟؟ انا اكتب الرقم الجامعي والسري ومايفتح ؟؟

[Fatima999]

لو سمحتي وشو الرقم المرجعي؟؟؟ انا اكتب الرقم الجامعي والسري ومايفتح ؟؟

الرقم المرجعي هو الخاص بالمقرر
كل مقرر له رقم مرجعي خاص فيه
يتسجل بالبانر
الرقم الجامعي والسري لدخول البانر والانظمة

[Areej15]

طيب ماعرفت له سويت زي اللي قلتي بس ماضبط ممكن توضحين لي الله يعافيك

[Areej15]

لمن ادخل ع البانر يطلع لي اسم المستخدم وكلمه السر اكتب الرقم الجامعي والرقم السري بس مايفتح

[Fatima999]

لمن ادخل ع البانر يطلع لي اسم المستخدم وكلمه السر اكتب الرقم الجامعي والرقم السري بس مايفتح

الدليل الارشادي لعملية تسجيل المقررات على البانر


https://www.kfu.edu.sa/ar/Deans/E-Learning/Pages/using_guide.aspx


رابط مباشر للبانر


https://banner.kfu.edu.sa:7710/PROD_ar/twbkwbis.P_GenMenu?name=homepage

[Areej15]

الله يعطيك العافيه ازعجتك سوت زي الفديوا قال الرمز غير صالح وانا متأكده انه صح

[Fatima999]

الله يعطيك العافيه ازعجتك سوت زي الفديوا قال الرمز غير صالح وانا متأكده انه صح

كيف متأكدة انه صح؟
ممكن يطلع غلط
وانتي تفكريه صح
او عدد الساعات اكثر من اللي يحق لك
تاكدي من الارقام انها للطالبات

[عبدالعزيز 760]

انا دخلت المواد ورمز crn
واخترت تنفيذ الطلب
ورحت للسجل لقيت مواد المستوى الاول موجوده


واخترت جدول الطالب الدراسي طلعت لي المواد الجديده اللي دخلتها

طريقتي صح ؟؟

[رغد المدينة]

انا سجلت المقررات من كم يوم ! ابغى اتاكد انها تسجلت تمام شلون ؟؟؟

[Fatima999]

انا سجلت المقررات من كم يوم ! ابغى اتاكد انها تسجلت تمام شلون ؟؟؟

البانر
تسجيل الطالب
التسجيل الحالي

[Fatima999]

انا دخلت المواد ورمز crn
واخترت تنفيذ الطلب
ورحت للسجل لقيت مواد المستوى الاول موجوده


واخترت جدول الطالب الدراسي طلعت لي المواد الجديده اللي دخلتها

طريقتي صح ؟؟

السجل الاكاديمي ماتحدث
اذا تبي تشوف مقرراتك روح البانر
تسجيل الطالب
التسجيل الحالي

[خطاك ياصاحبى]

الله يعطيك العافيه ازعجتك سوت زي الفديوا قال الرمز غير صالح وانا متأكده انه صح

تاكدي من تغيير لغه الكتابه

[Areej15]

متأكده بس لحد الان يقول غير صالح وش الساااالفه؟؟؟ احد يفيدني

[Fatima999]

متأكده بس لحد الان يقول غير صالح وش الساااالفه؟؟؟ احد يفيدني

اذا تحبي اجرب رسلي معلوماتك خاص

[Areej15]

كيف متأكدة انه صح؟
ممكن يطلع غلط
وانتي تفكريه صح
او عدد الساعات اكثر من اللي يحق لك
تاكدي من الارقام انها للطالبات

طيب كيف اعرف عدد الساعات انها مب متاحه ؟؟ وش اسوي طيب :mh12:

[Fatima999]

طيب كيف اعرف عدد الساعات انها مب متاحه ؟؟ وش اسوي طيب :mh12:

اذا زايدة مقررات ع الخطة
يسمح لك فقط 18 ساعه
بعض المقررات 3 ساعات وبعضها 2
اتاكدي منها

[soud alasmari]

افيدوني الحين لازم بنفس التواريخ ولا عادي ادخل الحين واعدددل في الجدول ؟؟؟؟؟


ردووو ضروري

لانه طالع لي الفصل الدراسي 1437 :mad:

[Fatima999]

افيدوني الحين لازم بنفس التواريخ ولا عادي ادخل الحين واعدددل في الجدول ؟؟؟؟؟


ردووو ضروري

لانه طالع لي الفصل الدراسي 1437 :mad:

طول مالبانر مفتوح عادي تعدل مو مشكلة

[شيخه القربي]

السلام عليكم ورحمة الله وبركاته سؤااااال

لم احضر اختبار الرياضيات ومحاسبه لظروف وفاه والدي وقدمت عّذر وتم قبوله السؤال متى اسوي الجدول وهل تنزل المواد المتعذره مع المواد في جدول الجامعه يعني يصير عندي 10 مواد

[juoooan]

السلام عليكم ورحمة الله وبركاته سؤااااال

لم احضر اختبار الرياضيات ومحاسبه لظروف وفاه والدي وقدمت عّذر وتم قبوله السؤال متى اسوي الجدول وهل تنزل المواد المتعذره مع المواد في جدول الجامعه يعني يصير عندي 10 مواد


وعليكم السلام ورحمه الله و بركاته

اولا: عظم الله اجرك و احسن عزائك ,و ربي يرحم و يغفر لوالدك
المواد رح تنزل لك تلقائي هالفصل ورح تسجلها لك الجامعه
يعني لا تسجليها , و تركي مجال لها , اقصى حد مسموح لك 18 ساعه
و ساعات المواد الي تغيبيتي عنها عددها 6 ساعات
سجلي 12 ساعه عسب يكون فيه مجال لها لما تسجلها الجامعه

[Khlieff38]

هل تم اغلاق نظام البانر ؟ أم لازال متاح تسجيل المقررات ؟
لانه كل مادخلت صفحة البانر يطلع لي انه الصفحه غير موجودة

[Fatima999]

هل تم اغلاق نظام البانر ؟ أم لازال متاح تسجيل المقررات ؟
لانه كل مادخلت صفحة البانر يطلع لي انه الصفحه غير موجودة

مفتوح البانر
لكنك تدخل من الخدمات الطلابيه
معطل البانر هناك
موجود بالصفحة الرئيسية للعمادة
تفضل رابط مباشر

https://banner.kfu.edu.sa:7710/PROD_ar/twbkwbis.P_GenMenu?name=homepage

[محيسن 999]

السلام عليكم

هل فيه تسجيل ولا

انا فاتني تسجيل

وش الحل

جزاك الله خير

[Fatima999]

السلام عليكم

هل فيه تسجيل ولا

انا فاتني تسجيل

وش الحل

جزاك الله خير

وعليكم السلام
راح يفتحونه 8 / 5 الاحد للحذف والاضافه
واحتمال كبير يتمدد

[ذوق المشاعر]

شكراااااا

[حبيب بوميثم]

مرحبا شباب انا من مستوى اول نجحت والله الحمد في 3 مواد ورسبت في 2 القانون - والادارة -- والان انتقلت الى مستوى ثاني وابي فزعتكم في طريقة تسجيل المقررات وش اسجل وش اخذ من مواد الترم الثاني وش تنصحوني اخذ مواد الرسوب مع مواد جديدة نبي مساعدتكم يامشرفين

[om maha]

السلام عليكم
اخواني الأعضاء كيف بيكون الاختبار الصيفي اختياري ولا مقالي بليييز الي يعرف يفيدنا وشكرا

[ام معاذ12]

كنت مأجله ترمين ورا بعض وجيت اسجل مقرراتي لقيت التسجيل انتهى ايش اسوي

[jinan-17]

جزاك الله خير