تخرجت !!! ولقيت 3 مواد من مستوى 2 و 3 وش الحل

[ابو شادن الرياض]

السلام عليكم ورحمة الله وبركاته
اخواني واخواتي الف مبروك التخرج ، اخر يوم اختبار وانا مبسوط فتحت الخدمات الطلابية وسبحان الله دخلت على ايقونة الخطة ولقيت باقي لي 3 مواد ( نحو 2 واسس خدمة اجتماعية وقواعد البيانات) كانت عندي ظروف صحية هذيك الايام ونستني هالمواد والله من القهر ماقدرت انوم 😡😡😡 وش الحل ؟؟؟؟ ما اقدر اختبرهم قبل الترم الجاي ؟؟؟؟ وش الدبرة ؟؟؟

[الحظ العنيد]

عليكم السلام
للاسف مالك الا تسجلها الترم الجاي وتدرسها
قدر الله وماشاء فعل

[abunwaf]

عليكم السلام ورحمة الله.
يمكن خيرة لك الثلاث مواد هذي يبغي لها تركيز وتفرغ يمكن الان تجيب فيها درجات افضل وترفع لك المعدل

[طيف نجد]

الله يكون بعونك ويمكن خيره

[ســــلآف]

طيب انت ما استكملت بيانات التخرج
كيف خريج بدون ما تسوي البيانات
لو عبيتها كان عرفت وقتها انك لست خريج وان باقي لك مواد


معوض خير والترم الجاي على الابواب
كلها ٤ شهور وتتخرج

[حمزه عريشي]

عوافي خذ فيها ترم الله يصبركك خيره لاتتحطم واضل مابقى شي كلها كم شهر وتخلص

[ابو شادن الرياض]

الله يعطيكم العافية ، والله اني فرحان بدعمكم لي بالكلمات الطيبة ، والحمد لله خيرة من الله سبحانه وتعالي

اجلو الحفل للترم الجاي : :Cry111::Cry111:

انا ابحتفل مرتين معكم هذا الترم ، والجاي مع عيالي اللي جايين من المستوى السابع

بالتوفيق والف مبروك وان شاء الله تتوفقون في حياتكم العملية والاسرية وتتحقق امنياتكم :d5::d5:

[ابو شادن الرياض]

عليكم السلام ورحمة الله.
يمكن خيرة لك الثلاث مواد هذي يبغي لها تركيز وتفرغ يمكن الان تجيب فيها درجات افضل وترفع لك المعدل

صحيح اهم شي المعدل ... الان 3.78 وان شاء الله اقدر ارفعه

شكراً وجزاك الله الف خير

[ميوما]

الله يوفقك وان شاءالله خيره :love080::love080:

[الوان14]

ان شاء الله تقدر ترفعه ... انا مثلك باقي لي مادة اسس الخدمة الاجتماعية من السمستر 3 وقفل التسجيل وتواصلت عن طريق تويتر وعلى ايميلة ولا ضافوها ... ولازم اضيفها من نفس الجامعه والحمدلله كتبت طلب خطي وحطيت اسم المادة ورقم crn وضافوها

[لغة النصر]

سهالات