لا تقول انه وداعك شي عادي

[مشعل باسكلاني]

سبحان الله هالدفعه وبشهادة الجميع افضل دفعات جامعة الملك فيصل
تعاون واخوه وتقارب كبير
والله اني اذا شفت واحد كاتب نودعكم يضيق الصدر
اتذكر اول مستوى وكيف كان الضغط
وكيف كانوا الشباب والبنات هنا يخففون عنا ويسهلون المواد
هاجر سلاف ابوفيصل الفارق وغيرهم وغيرهم وغيرهم وغيرهم
اقسم بمن رفع السماء بلا عمد ان الواحد يحس انكم عائلته ويصعب عليه يبعد
بنتخرج المستوى الجاي وبينكتب نهايه افضل دفعات الجامعة
باذن الله بنعديها كلنا وبتبقى ذكرى
بس ياليت الي على وجه تخرج لايكتب نودعكم
لان وداعك غالي
يمكن ماتدري هالشي او ماتعرفه بحكم انك تتعامل مع معرفات الكترونيه
بس جد وداعك صعب
حروفك الي كتبتها كانت مفتاح لتسهيل مادة او حفظ معلومه
ملاحظتك الي قلتها كانت سبب اني اركز على شي مهم
مداخلتك الي مريت عليها كانت الباب الي خلاني اعدي
من لايشكر الناس لايشكره الله
وصدقني كل هالي قدمته لي
هو الي يخلي فراقك على اصعب من فراق اخوي
الله يسهل امرك وييسر لك حياتك
بس لاتطري الوداع
وباذن الله اذا الله يسر بنحاول نضبط لنا منتدى اسمه دفعه ابن خلدون اقل شي يكون مثل البيت للي يحب يشارك
منتدى ثقافي رياضي مو تعليمي وكويزات وملخصات خخخخخخخخخخخخ
الله يرزقكم الدرجات العالية يارب
والله يوفقكم للسعادة بالدارين
اجزوا علشان لاجاء مستوى الحصاد مستوى ثمانيه تكون جاهز ياذيبان
والله يجعل فالكم النتائج الباهره يارب
والاحبه الي تخرجووا وودعونا
سيقى مكانكم قلوبنا قبل ان تكونوا بين اهلكم
الى الملتقى
والسلام عليكم ورحمه الله وبركاته:Cry111::Cry111::Cry111:

[نكهة القهوة*]

تدري والله بجد شايله هم مستوى ثامن لانه راح يكون اخر مستوى نجتمع فيه

تعودنا على بعض في ظروف صعبه وفي توتر الاختبارات لازم نسولف ونضحك ونذاكر ونشجع بعض وياما وياما كنت ادخل اقرأ حماسكم واخذ منه دفعه معنويه خصوصا باخر الايام

طيب بعد مانخلص ثامن وين نلتقي ؟؟ خلاص بيجون دفعه ثانيه وراح نتشتت :Cry111:

يمكن فيه ناس تقول اني ابالغ بس وربي بجد مابي نترك هالمكان :Cry111:

[الحلم12]

صدقت ونشاركك نفس المشاعر يا اخ مشعل والتوفيق لجميع الدفعه
ونشكر الجميع واولهم انت والاخت هاجر وسلاف وابو فيصل والفاروق
على الجهد في عمل الكوزات والتنبيه على المحاضرات والنقاط المهمه فيها
فلكم مني الشكر والتقدير لانكم "حبيتم للناس ما تحبون لانفسكم "
فشكراً ،،، والى القاء

[مشعل باسكلاني]

نكهة القهوه عادي نجدع وجيهنا عليهم ونشارك ونلخص بوساعه وجه
لا وننتقد الدكاتره معهم
بنضبط منتدى بحول الله تعالى مع نهاية الترم القادم اسمه الخلدونيون
وباذن الله بنعلن عنه بنهايه الترم الجاي بحول الله
ونكون فيه كلنا ونحط قسم خاص بالجامعة بعد
باذن الله بس نخلص مستوى ثامن يكون افتتاحه بعد النتائج
وربي يسعدكم جميعا ويحقق لكم الي تمنون

[مشعل باسكلاني]

الحلم بالنيابه عن الاخوه كلهم صدقني ماسوينا الا واجبنا وحنا بعد استفدنا من اخوه مروا ورحلوا
والشكر لله سبحانه
والي سويناه اذا في شي سويناه هو مذاكره بشكل جماعي
وصدقني والله العظيم انا اول ناس استفادوا منكم ومن ملاحظاتكم
ربي يوفقكم ونلتقي بالثامن باذن الله

[أم شذى#]

من جد كالعائله الواحده ويصعب علينا فراق دفعتنا المميزه على الخير نلتقي بأذن الله وجعل التوفيق والنجاح حليفكم

[محمد عبدالرحمن1]

الله يسعدك ويرضى عليك يامشعل
والله يجعل ماقمت به انت والإخوة والأخوات في هالمنتدى لمساعدتنا في ميزان أعمالكم
وجعلنا وإياك مانفقد غالي