الي يبغى يكمل ماجستير يتفضل الطريقه

[badr12345]

السلام عليكم جميعا

للاسف اسمحولي فيكم ناس كثير كسالا ههههههه
الطريقه فيه جامعات كثيرة معتمدة فالخارج بريطانيا كندا ماليزيا،،،،،،،،،،، الخ
خشو على سفير الجامعات او الجامعات الموصى بها فالوزارة وراح تلقون مئات الجامعات معتمدة ومضمونه والتدريس انتظام
وللعلم الماستر رساله تحضرها وليس دراسه يوميا او واجبات او محاضرات
ارسلو للجامعات على الايميل الخاص بكل جامعه وراح يردون عليكم والماستر بسيط وراح تنقبلون والجامعات معتمدة من التعليم العالي
انا تواصلت مع كذا جامعه وافادوني والسعر من 26 الف ريال سعودي وطالع

صراحه ما ابغى اقلكم وش الجامعات تدرون ليش ابغاكم تتعبون وتدورون وتعتمدون على انفسكم

للعلم لازم اختبار توفل او ايلتس للقبول في اي جامعه داخليا او خارجيا واي سؤال انا حاضر
بس طلبي منكم انكم تبحثون وتشدون حيلكم الماستر مالهم منتدى زي البكالوريوس

صحصحو يا شباب ويا بنات لا تعتمدون على كلام شخص يقول صعبه او مكلفه او من هذا الكلام الي يبي يدرس بيقدر يدرس وحتى الدكتوراه

ارجو اني وصلت الفكره

دمتم بخير

بدر ولد نوره يسلم عليكم تحياتي 🤗

[هيرو20]

مثلا يقبلون جيد
على حسابي

[badr12345]

اكيد اهم شي عندك لغه عشان ما تتاخر سنه تدرس لغه

[عبدالله الشّلاحي]

كلام محفز لكن احبطني اختبار التيوفل لدرجة اعتذرت عن دورة في امريكا بسبب الأنجلش

بالنسبة للدراسة في الخارج جميله جداً لمن يستطيع الذهاب وغير مرتبط بعمل

العام الماضي ذهبت لأحد اقرباءي يدرس الدكتوراه في ماليزيا

وجدت شباب سعوديين بعائلاتهم يدرسون هناك بصراحة شعرت أن هناك أناس لديهم طموح يغامرون لدرجة أن بعضهم تخلى عن وظيفته من أجل دراسته

وأن شاءالله ربي يكتب لنا الخير جميعاً

[badr12345]

حتى الي على راس العمل يقدر لا تعذر بالعمل ههههه

كلها اسبوعين تحضر ويقولون لك روح بعد سنه ونص او سنتين تعال برسالتك

انا موظف ارامكو وعلى راس العمل وباذن الله اكمل الماستر وانا على راس العمل ( من بغى يدرس لا يتعذر باعذار يخليها عائق امامه)

اللغه ادرس في اي معهد لو ست اشهر واختبر الايلتس او التوفل وافلح مع الرجاجيل ههههه

والله انكم كلكم تقدرون تكملون واذكركم بس شدو حيلكم ابحثو اسالو راسلو الجامعات

لو اني فاضي سجلتكم كلكم وخليتكم تكملو ماستر وش الفرق بينكم وبين شخص تعرفونه كمل الماستر وانتو جالسين

كلنا عندنا عقول ونعرف الصح من الغلط ونقدر نكمل ونجيب الدكتوراه

بس ابليس ملعون يحبطكم وانتم تسمعون له ههههههه

افلحو يارجال لا يتفقون علينا الاجانب ويخذون المناصب والوظايف علينا في بلدنا

من الان اشتغلو على انفسكم ولا تنسوني من دعاكم

[fahadlicious]

انا أبغى اكمل بس الطريقة ..التوفل عندي

[fahadlicious]

المشكله اكثر الجامعات المعترف فيها عندنا تطلب ايلتس

[fahadlicious]

التوفل صار للاسف تقبل جامعات الامريكيه بس اللي في دول الخليج والعربيه .. وبعض جامعات تطلب جيمات بعد في بريطانيا وأمريكا والمصيبه فيه جامعات وانت في نص دراستك يسحبون الاعتراف منها

[badr12345]

لو على كيفي الغيت الايلتس والتوفل وش رايك اختبر عنك هههه

هذي شروطهم شد حيلك وافلح ( هذا من شروطهم لازم تسوي الي يبغون ) مهو على الكيف

ماستر مهي ثانوي

تعليقك صراحه يدل على انك شخص ،،،،، راجع حساباتك

[fahadlicious]

اتمنى التوضيح وشكراا

[fahadlicious]

الخوف من واحنا في نص الدراسه يسحبون الاعتراف وبعدها راحت فلوسك ياصابر تضطر تغير جامعة في ولايه ثانيه او مدينه او ترجع السعوديه خالي الوفاق

[fahadlicious]

لو على كيفي الغيت الايلتس والتوفل وش رايك اختبر عنك هههه

هذي شروطهم شد حيلك وافلح ( هذا من شروطهم لازم تسوي الي يبغون ) مهو على الكيف

ماستر مهي ثانوي

تعليقك صراحه يدل على انك شخص ،،،،، راجع حساباتك

اخوي بدر اني شخص ... ايش .. عندي توفل بس مافهمت كلامي ولاتدرعم بس قبل ماتفهم كلامي:5aga:

[badr12345]

اجل نصيحتي لك قفل المنتدى وكبر المخده
انت انسان تحبط نفسك بنفسك

اكيد الوزير عرف ان فهد يدرس وقال اسحبو الاعتراف من الجامعه الي يدرس فيها فهد

ياخي صراحه تمرضني افكارك

اتمنى تمسح ردودك لا تخرب على باقي الطلبه

[badr12345]

عندك توفل قدم على الجامعات وادرس وكمل دراستك وافلح
اي شي يطلبونه الجامعات نفذ طلبهم وكمل حالك حال اي طالب علم يتمنى يكمل دراسته

[fahadlicious]

خير ان شاء الله

[badr12345]

انت تخرجت ولا باقي مستوى خامس ؟
رجاء خاص اذا انت خريج اوك اذا انت باقي اترك المجال للخريجين

واسف اذا جرحت مشاعرك

[fahadlicious]

انا ما احبط احد واللي يبي يدرس ماعليه من كلام احد

[fahadlicious]

خريج هالترم وأتمنى اشوف حفل التخرج بالدمام

[fahadlicious]

معطيك مستوى زيرو مب الخامس ...

[badr12345]

بالتوفيق اخوي فهد
تحياتي

[fahadlicious]

شهرتك اللي اصلا احد معبر كلامنا

[fahadlicious]

وانت خريج ؟

[عبدالله الشّلاحي]

بدر نصيحتك جيدة

لكن تعاملك بالردود غير جيد

خل الواحد يقول الي في خاطرة سواء اقتنعت أم لم تقتنع والطلبة مخيرين غير مسيرين

اما انك تتمنى يمسح كلامه من أجل انك ترى من زاويتك انه محبط فلا اتفق معك

[بدر الذيابي]

كلام محفز لكن احبطني اختبار التيوفل لدرجة اعتذرت عن دورة في امريكا بسبب الأنجلش

بالنسبة للدراسة في الخارج جميله جداً لمن يستطيع الذهاب وغير مرتبط بعمل

العام الماضي ذهبت لأحد اقرباءي يدرس الدكتوراه في ماليزيا

وجدت شباب سعوديين بعائلاتهم يدرسون هناك بصراحة شعرت أن هناك أناس لديهم طموح يغامرون لدرجة أن بعضهم تخلى عن وظيفته من أجل دراسته

وأن شاءالله ربي يكتب لنا الخير جميعاً


السلام عليكم

بدر ولد نوره حمسنا

وانت يالشلاحي اعطيتنا امل

بسألك يالشلاحي

كيف تكلفة المعيشة في ماليزيا شهريا ما بين سكن ومصاريف للي بيروح بعائلته ؟

[badr12345]

ياخي قفل الموضوع
الشرهه على الي يرد عليك وبس

[عبدالله الشّلاحي]

السلام عليكم

بدر ولد نوره حمسنا

وانت يالشلاحي اعطيتنا امل

بسألك يالشلاحي

كيف تكلفة المعيشة في ماليزيا شهريا ما بين سكن ومصاريف للي بيروح بعائلته ؟

هلا اخوي بدر

طبعاً أنا قريبي درس في بريطانيا ماستر وكان يشتكي من المصاريف

الدكتوراة يدرسها في ماليزيا وهو ساكن في مجمع عليه حراسات وتعرف المجمعات تكون غاليه حيل ومع ذلك ايجاره شهري يعادل 1800 ريال

لكن عندما اجتمعت مع الشباب السعوديين هناك بصراحة شعرت أن المادة غير عائق عكس من يدرسون في انجلترا تحد حديثهم عن الغلا

لكن من سفرتي مصاريفها تقريباً نفس مصاريفك هنا بالسعودية مع نسبة اقل لاتذكر

[محمد آل عبود]

ياخي قفل الموضوع
الشرهه على الي يرد عليك وبس

كان ودي تطاعنون افضل عشان نستمتع بالإثارة والفنتازيا بعد ما استفدنا من الكلام الايجابي :41jg:

[badr12345]

قول الي في خاطرك كامل في رد واحد
وانا بقولك الطريقه الصح وانا ما اجبر احد يسمع كلامي لكن هل كلامي صحيح ام لا

ابغا كل خريج يعرف انه يقدر يكمل وانا ما احب اعذار ما تقبل
كلامي مضبوط اوك واذا تحبون اقفل الموضوع واحتفظ بنصيحتي انا حاضر من الان م راح ارد ولا اتكلم وبالتوفيق

[badr12345]

اخواني المعيشه فقط اسبوعين للماستر وترجع للسعوديه معك سنتين تحضر فيها الرساله وترجع لهم اسبوعين فقط

وانت على راس العمل فالسعوديه ما راح تجلس في الدوله الخارجيه اكثر من اسبوعين اتمنى تفهمون الي اقصده

[بدر الذيابي]

هلا اخوي بدر

طبعاً أنا قريبي درس في بريطانيا ماستر وكان يشتكي من المصاريف

الدكتوراة يدرسها في ماليزيا وهو ساكن في مجمع عليه حراسات وتعرف المجمعات تكون غاليه حيل ومع ذلك ايجاره شهري يعادل 1800 ريال

لكن عندما اجتمعت مع الشباب السعوديين هناك بصراحة شعرت أن المادة غير عائق عكس من يدرسون في انجلترا تحد حديثهم عن الغلا

لكن من سفرتي مصاريفها تقريباً نفس مصاريفك هنا بالسعودية مع نسبة اقل لاتذكر


شكر لك

ووفقك الله

والله يكتب اللي فيه الخير

[بدر الذيابي]

اخواني المعيشه فقط اسبوعين للماستر وترجع للسعوديه معك سنتين تحضر فيها الرساله وترجع لهم اسبوعين فقط

وانت على راس العمل فالسعوديه ما راح تجلس في الدوله الخارجيه اكثر من اسبوعين اتمنى تفهمون الي اقصده

فاهمين قصدك يا بدر الله يوفقك

لكن نبغا نستفيد ونأخذ وراعاتنا معنا يستفيدون

[بدر الذيابي]

يا اخ بدر

طيب ليه الجامعات السعودية تلزمنا بالحضور في الاسبوع يمكن يومين ؟

انا سمعت من اللي كملوا الماستر يقولون كذا

[badr12345]

السعوديه عند مثال جامعة اليمامه فالرياض فقط الماستر موارد بشريه ب ١٨٠ الف ريال وحضور يومين اسبوعيا لمدة سنتين

الخارج افضل ومعتمده واقوى من الي بالسعوديه
اعطيك مثال جامعه في ماليزيا معتمده فالتعليم العالي ماستر ب ٢٦ الف ريال تحضر اسبوعين فقط فالبدايه بعدين يقولون لك روح وحضر رسالتك بعد سنتين وتعال لمده اسبوعين وارجع للسعوديه وشهادتك تجيك بالبريد


ما انصحك في جامعات السعوديه ابدا غاليه جا جدا ١٨٠ الف بتزوج فيها وسياره اخر موديل ليش هالمبلغ ؟؟؟؟؟

اي سؤال انا حاضر

[وفــــاء]

بالنسبه لي بعد ماشفت شروط جامعتنا هنا
يطلبون البكالوريس انتظام
شلت الفكرة ، اتمنى حالياً بس الاقي تدريب عشان الخبرة
او وظيفة

الله يرزقنا

[badr12345]

بالنسبه لي بعد ماشفت شروط جامعتنا هنا
يطلبون البكالوريس انتظام
شلت الفكرة ، اتمنى حالياً بس الاقي تدريب عشان الخبرة
او وظيفة

الله يرزقنا


باذن الله تلاقين
اهم شي البحث والمراسله للشركات والتقديم عبر النت ولا تياس ابدا

ولكل مجتهد نصيب
اتعبي تلقين صدقيني

[بدر الذيابي]

السعوديه عند مثال جامعة اليمامه فالرياض فقط الماستر موارد بشريه ب ١٨٠ الف ريال وحضور يومين اسبوعيا لمدة سنتين

الخارج افضل ومعتمده واقوى من الي بالسعوديه
اعطيك مثال جامعه في ماليزيا معتمده فالتعليم العالي ماستر ب ٢٦ الف ريال تحضر اسبوعين فقط فالبدايه بعدين يقولون لك روح وحضر رسالتك بعد سنتين وتعال لمده اسبوعين وارجع للسعوديه وشهادتك تجيك بالبريد


ما انصحك في جامعات السعوديه ابدا غاليه جا جدا ١٨٠ الف بتزوج فيها وسياره اخر موديل ليش هالمبلغ ؟؟؟؟؟

اي سؤال انا حاضر

والله اذا على كذا شيء طيب

انا موظف حكومي وكنت افكر اني اطلب تقاعد مبكر واروح اكمل ماستر في ماليزيا ومعي عائلتي

عندي طموح كبير والشغلة شغلة مغامرة

[badr12345]

اخوي بدر خلك في دوامك لا تخسر وظيفتك ولا تتقاعد ابدا
كمل وانت في وظيفتك وباذن الله اذا خلصت قدم على الشركات والوظايف وان شاء الله لك مستقبل واذكرك

[وفــــاء]

باذن الله تلاقين
اهم شي البحث والمراسله للشركات والتقديم عبر النت ولا تياس ابدا

ولكل مجتهد نصيب
اتعبي تلقين صدقيني

ان شاءالله ومتفائله خير

بس انتظر النتايج :004::004:

[badr12345]

ان شاءالله ومتفائله خير

بس انتظر النتايج :004::004:



بالتوفيق ان شاء الله
والله اني اتمنى اساعد اي شي يحتاج المساعده فيما استطيع لوجه الله
والناس للناس والكل بالله سبحانه

[محمد المعاشي]

Bader 12345 بالله راسلني ع الخخاص

[badr12345]

bader 12345 بالله راسلني ع الخخاص



تمت مراسلتك على الخاص

[نجاحي222]

السعوديه عند مثال جامعة اليمامه فالرياض فقط الماستر موارد بشريه ب ١٨٠ الف ريال وحضور يومين اسبوعيا لمدة سنتين

الخارج افضل ومعتمده واقوى من الي بالسعوديه
اعطيك مثال جامعه في ماليزيا معتمده فالتعليم العالي ماستر ب ٢٦ الف ريال تحضر اسبوعين فقط فالبدايه بعدين يقولون لك روح وحضر رسالتك بعد سنتين وتعال لمده اسبوعين وارجع للسعوديه وشهادتك تجيك بالبريد


ما انصحك في جامعات السعوديه ابدا غاليه جا جدا ١٨٠ الف بتزوج فيها وسياره اخر موديل ليش هالمبلغ ؟؟؟؟؟

اي سؤال انا حاضر




الله يسعدك ثم يسعدك ثم يسعدك... سعاده تبكي من جمالها مثل ما أعطيتني امل في الحياة
كمل جميلك وعطنا تفاصيل هالمكان..... هنا تحطمت جدا جدا بسبب غلاء الماستر
ولاني انتساب ماراح أقبل حكومي لازم خاص والخاص غير أنها مكلفه أيضا يتطلب حضور وانا مو موجوده بأي مكان فيه ماستر يعني على الغلاء لازم إيجار
عطنا الاسم فقط ونقوم بمراسلتهم ونكمل الباقي واحتسبها لوجه الله.. المهم انها معتمده عندنا هنا
كل شي صار صعب فلو تدل اخوانك واخواتك على أول الطريق وابتغي بها وجه الله تعالى
الله يجزاك الجنه ويرحم والديك

[saaood12]

السلام عليكم ورحمة الله وبركاته
اتمنى توضح اسم الجامعه حتى نتمكن من مراسلتها

[badr12345]

الله يسعدك ثم يسعدك ثم يسعدك... سعاده تبكي من جمالها مثل ما أعطيتني امل في الحياة
كمل جميلك وعطنا تفاصيل هالمكان..... هنا تحطمت جدا جدا بسبب غلاء الماستر
ولاني انتساب ماراح أقبل حكومي لازم خاص والخاص غير أنها مكلفه أيضا يتطلب حضور وانا مو موجوده بأي مكان فيه ماستر يعني على الغلاء لازم إيجار
عطنا الاسم فقط ونقوم بمراسلتهم ونكمل الباقي واحتسبها لوجه الله.. المهم انها معتمده عندنا هنا
كل شي صار صعب فلو تدل اخوانك واخواتك على أول الطريق وابتغي بها وجه الله تعالى
الله يجزاك الجنه ويرحم والديك

امين امين يارب واياك
الجامعه الاول الجامعه الاسلاميه في ماليزيا معتمده في وزارة التعليم العالي وتاكدي بنفسك عشان تطمني مليون فالميه معتمده
الثانيه في بريطانيا اسمها south walves ولو خشيتي على موقع الوزارة راح تحصلينها معتمده

غيرها كثيرررررر جدا لو تبحثي في الجامعات الموصى بها فالوزارة راح تلاقين كم هائل من الجامعات وعليك مراسلتهم وباذن الله تكملي رسالتك وتفرحي بانجازك

[Tabareeg]

السلام عليكم ورحمة الله وبركاتة

اشكر الاخ بدر وجميع الاخوان على هذا التحفيز وبنسبة لحضرتنا وبحكم اني مقيم في ابها

فهناك كلية بن رشد وهي تحتوي على مسارين ماجستير ( مسار انجليزي ومسار عربي ) ولكن مشكلتها لازم حضور يومين في الاسبوع من 4 عصرآ الى 10 مساء وهي صعبة لمن هم خارج المنطقة

والكلية معتمدة من التعليم العالي وتكلفة الترم الواحد 25000 ريال ومدة الدراسة سنتين يعني 100,000 ريال

وحيث ان لدي في العمل مجموعة من الشباب يدرسون بها وبعضهم ماشاءالله تخرج العام الماضي وحسب أرائهم فأن الدراسة تحتاج الى قليل من الجهد

ونسأل الله لنا ولكم التوفيق

[Sweetlovly]

السلام عليكم ورحمة الله وبركاته
اتمنى للجميع التوفيق والنجاح ولكن كم واقع خبرة
بخصوص الماستر لايوجد شي اسمه رساله فقط بدون مواد او واجبات او حظور محاضرات
الماستر المعتمد دوليا او بوزارة التعليم يتطلب الحظور انتظام ودراسة المواد الاجبارية والاختياريه بخطة التخصص
ثانيا بخصوص بكالوريوس الدراسة عن بعد او الانتساب يتطلب الدراسة قبل الدخول في برنامج الماجستير عدد من الساعات بحدود 33 ساعه انتظام مع طلبه البكالوريوس بنفس الجامعه ثم الدخول الى برنامج الماجستير
هذا مالدي والسلام عليكم

[طالب مشاغب]

بدر نصيحتك جيدة

لكن تعاملك بالردود غير جيد

خل الواحد يقول الي في خاطرة سواء اقتنعت أم لم تقتنع والطلبة مخيرين غير مسيرين

اما انك تتمنى يمسح كلامه من أجل انك ترى من زاويتك انه محبط فلا اتفق معك

أتفق معك 100%
أخوي بـدر .. الاندفـاع في الردود غير محبذ و منفر للآخرين ..
وأي طالب انتساب .. تلقائيا يملك حس الطموح والمبادرة
ولكن لكل شخص له ظروفه الخاصة
وكثرة النقاشات بين الأعضاء .. فيه إثراء للموضوع
واقتناص معلومات قيمة للآخرين

السعوديه عند مثال جامعة اليمامه فالرياض فقط الماستر موارد بشريه ب ١٨٠ الف ريال وحضور يومين اسبوعيا لمدة سنتين

الخارج افضل ومعتمده واقوى من الي بالسعوديه
اعطيك مثال جامعه في ماليزيا معتمده فالتعليم العالي ماستر ب ٢٦ الف ريال تحضر اسبوعين فقط فالبدايه بعدين يقولون لك روح وحضر رسالتك بعد سنتين وتعال لمده اسبوعين وارجع للسعوديه وشهادتك تجيك بالبريد


ما انصحك في جامعات السعوديه ابدا غاليه جا جدا ١٨٠ الف بتزوج فيها وسياره اخر موديل ليش هالمبلغ ؟؟؟؟؟

اي سؤال انا حاضر

مين قال لك الخارج أفضل وأقوى ومعتمدة ؟؟!!!
لا تلقي الكلام على عواهنه :sm4:

الماجستير وأنا أخوكـ

- تبي بـ 20 ألف ريال وتوصل حد بيتك مصدقة وبسجل أكاديمي نظامي ..
ترى أجيب لك وتراها شهادة حقيقية ..سواء من ماليزيا أو بريطانيا << انعرضت علي من معيد بماليزيا ورفضتها لوجه الله.
ونفسه المعيد معه شهادتين ماستر من بريطانيا وماليزيا وعمره 28 سنة << يعني شوف سهولتها بس ورانا آخرة.

- تـبي من جامعات عالمية وأرخص ولها وزنها في القطاع الخاص ؟ فيه بـ دبي والبحرين << لها وزنها بالقطاع الخاص فقط.

- تبي من جامعات سعودية ولها وزنها في القطاع الحكومي ؟ عندك جامعاتنا الأهلية ومعتمدة من وزارة التعليم.
ليش جامعاتنا غالية ؟ لأنها معتمدة من وزارة التعليم يعني تستفيد منها بالقطاع العام والخاص ..وأصلا دراستها قوية ..
فالشهادة لها ثقلها و وزنها العلمي.

- يعني كل شخص يحدد الهدف من الماستر ثم يقرر طريقة الدراسة.


أما ماجستير أبوأسبوعين .. هذي ماجستير تلفيق وما تسوى ريال ..
وتراها معروفة بالوسط الأكاديمي ما توكل عيش الا بالحرام .. إلا إذا تبيها بس فشخرة وهياط.


وبالمناسبة
ماجستير أم 180 ألف السعودية .. هذي تجيب لي وظيفة راتبها 40 ألف بالقطاع الخاص بالراحة
يعني أدفع 180 ألف ..لكن في ظرف 5 شهور تتعوض تكاليفها من راتبي ..!!! وفوقها تعمل بها لمدة 10 سنوات للتقاعد ..
يعني أول 5 شهور أنت استعدت مصاريفها ..
وباقي لك 9 سنين وأنت في العلالي ..هذا غير الترقيات والتنقلات وخلافـه ..

والسلام مسك الختام.

[طالب مشاغب]

امين امين يارب واياك
الجامعه الاول الجامعه الاسلاميه في ماليزيا معتمده في وزارة التعليم العالي وتاكدي بنفسك عشان تطمني مليون فالميه معتمده
الثانيه في بريطانيا اسمها south walves ولو خشيتي على موقع الوزارة راح تحصلينها معتمده

غيرها كثيرررررر جدا لو تبحثي في الجامعات الموصى بها فالوزارة راح تلاقين كم هائل من الجامعات وعليك مراسلتهم وباذن الله تكملي رسالتك وتفرحي بانجازك

معلوماتك مغلوطة وصححها .. مين قال لك معتمدة ؟!

- الجامعة الاسلامية : تفضل جواب وزارة التعليم عن الجامعة بالمرفقات + الوزارة لا تعترف بالتعليم عن بعد ولكن فقط تعترف ببكالوريوس الطب + جراحة الأسنان من هذه الجامعة وغيره لا.
- جامعة South Walves : الوزارة لا تعترف بالتعليم عن بعد + وتعترف فقط ببكالوريوس التخصصات الطبية والصحية وعلوم انسانية + ماستر في الصحية.

https://ru.moe.gov.sa/Search#/University/10223
https://ru.moe.gov.sa/#/University/8791

بالتوفيق يارب.

[نجاحي222]

ياخوان الأخ غرضه يساعد والله يجزاه الفردوس الأعلى من الجنة
إذا عجبكم كلامه أو مافي احد ملزم بكلام احد
واضح من موضوعه وكتابته انه يبي الخير ويدل عليه
ترى قدرات الناس تختلف ناس بتقدر تدفع ميه ومين وناس ماعندها وبالاخير
الله يوفقنا جميعا لما يحب ويرضى

[badr12345]

اخوي طالب مشاغب

انا عندي خالي دكتور حضر الماستر من بريطانيا وهو فالرياض فقط حضر لهم اسبوعين فالبدايه واسبوعين فالنهايه في تخصص ادارة الاعمال
وماشاء الله كل ادارة تناديه والى الان الله لا يضره متنقل بين دول الخليج بجدول معين للتدريس في كل من دبي والبحرين وعمان وعضو في جامعة الملك سعود ووووو

وازيدك من الشعر بيت الدكتوراه اخذها وهو فالرياض من جامعه بريطانيه وهو على راس عمله

انا ما اقول كلام بدون شي واقعي اشوفه لا

والامثله كثيرة جدا بهذا الخصوص معارف اقارب جدا وليس اصدقاء بل اقرب

التعليم في ماليزيا وsouth بريطانيا ليست عن بعد بل انتظام وتحضر اسبوعين كم مقررر ويعطونك مدة من سنه ونص الى سنتين تحضر رسالتك ومن ثم تحضر للجامعه اسبوعين اخرى فالنهايه وتسوي مقابله مع ٣ دكاتره وبعدها ترجع للسعوديه وخلال شهر الى شهر ونص وشهادتك عندك فالسعوديه بالبريد

كلامي هذا مو من راسي من واقع تجربه لخالي اخو امي ( اخو نوره) وحتى سالت كم شخص يدرسون فالخارج تقريبا ٣ اشخاص فقطططط وتمت الاجابه كما فالاعلى

على اي اساس اقول هالكلام وانا اجهل النظام ؟؟؟
ابو ١٨٠ الف خساره وبعدها الوطايف اصلا قليله نوعا ما والله الرازق سبحانه

بس لما تجيب شهادتك المعتمدة من بريطانيا راح يقدسونك كما نرى الان سعودين جايينك من كندا بكالوريوس نرى اهتمام الادارات بهم اضرب لك مثال

واحد عمره لم يتجاوز ال ٢٧ الان له اقل من سنه من انقبل في ارامكو بالبكالوريس من كندا عين على مرتبه عاليه وهي قريد ١١ سينير

ان لم يكن اك معرفه بارامكو ما راح تعرف ايش القريد هذا


اطلت عليكم ووفقنا الله واياكم وباذن الله اذكرك عندما انتهي من الماستر اذا الله احيانا واياكم

[badr12345]

على العموم انا ما اجبر احد على اتباع اي كلمة
من حب ان يتاكد يسال الاف البشر في كل مكان عبر مواقع التواصل والمراسلات

او يذهب الى الوزارة يتاكد بنفسه او يسال اساتذه الجامعات خريجي بريطانيا او يسال ادارات الشركات او الوظايف الحكوميه
او يسال عنده الف طريقه حتى يتاكد

وانا اعتذر ان حصل مني خطا واكرر اعتذاري واتمنى لي ولكم التوفيق
ان لم تستفيدو من الموضوع فاخبروني لارسل لمشرفي الموقع بحذفه




دمتم بخير

[طالب مشاغب]

واحد عمره لم يتجاوز ال ٢٧ الان له اقل من سنه من انقبل في ارامكو بالبكالوريس من كندا عين على مرتبه عاليه وهي قريد ١١ سينير

ان لم يكن اك معرفه بارامكو ما راح تعرف ايش القريد هذا

اصدقني القـول .. كم راتبه اللي قريده 11 ؟

[badr12345]

اصدقني القـول .. كم راتبه اللي قريده 11 ؟



والله لو ادري لاقولك بالهلله بعد
بس الاساسي اكثر من 10 الاف

لاحظ قلت اساسي فقط يعني بالبدلات كم واذا منطقة نائيه كم

بس انظر لهذا على مدى 10 سنوات يحصل على منصب ما حصل عليه واحد خدمته 30 سنه بالثانوي

[badr12345]

ممكن الوقم الي قلت انا قليل ما ادري عشان ماتقول اربع سنين وغربه واخرتها ١٠

وله مميزات من ارامكو غير عن الموظفين الثانين الي من قريد ٦ الى ١٠

واذا فيه من المتابعين احد يقدر يفيدك اكثر مني بهذا الشان

[طالب مشاغب]

والله لو ادري لاقولك بالهلله بعد
بس الاساسي اكثر من 10 الاف

لاحظ قلت اساسي فقط يعني بالبدلات كم واذا منطقة نائيه كم

بس انظر لهذا على مدى 10 سنوات يحصل على منصب ما حصل عليه واحد خدمته 30 سنه بالثانوي

صـادق وأنا اخوك بدون حلف ..
سألتك عن الراتب لأنه بصراحة مقياس بالغ الأهمية لكثير من الناس

ولد خالتـي دكتور و عميد عمادة (........) في جامعة (........)
وأنا Regional Manager في بنكـ (...........) وشهادتي دبلوم معهد الادارة العامة
وهل تصدقني لو قلت لك .. موظفة عندي راتبها يوازي راتب زميلك اللي قريده 11
فما بالك كم بيكون راتبـي ومنصبي..

فهل يعني ان شهادة الدبلوم أحسن من البكالوريوس ؟!
أم اذا أعرف فـلان او صار لفلان منصب .. معناته أني بصير مثله..

الجواب لا .. لأن هذي أرزاق .. كل واحد فينا بيأخذ رزقه اللي ربي كتبه له
بالاضافة .. نحن نبذل الأسباب في نيل الماجستير

وشوف راعين النياق .. بعضهم ما معه شهادات لكن معه ثروة مليونية
وبالمناسبة .. ترى فيه أعضاء مجلس شوربة وشهاداتهم مزورة :(269):

وكلامك ترى لا غبار عليه .. لأن فعلا بعض الشهادات لها مجال مفتوح في القطاع الخاص أو حتى أرامكو وسابك
لكن لن أغامر في نيل ماجستير ورقي .. لأن الحصيلة العلمية هي الكنز اللي أسعى له.

بالنسبة لي ..
أنا تهمني الشهادة + سمعة الدراسة ..
لأنه فيه فرق أصلا بين ماجستير من جامعة البترول وماجستير من جامعة مصر...
ماجستير جامعة البترول اللي حصل عليها رئيسي ..راتبه 150 ألف ريال فما فوق ..:wink:

هذي ماجستير ..وما دام بتعب عليها...الأفضل أتعب عليها مرة وحدة ..
وأجيب شهادة عليها الكلام..

واستفدت من نقاشكـ اني عرفت بعض المعلومات عن الجامعات المعتمدة ...:(204):

وهذا الشيء فعلا أفادني ..ويهمني جدا..

وتقبل فائق ودي

والسلام مسك الختام.

[shhs]

موضوع مهم
دفعه لدراسة ماجستير

ويفضل الي تخرج يدور وظيفه ويخلي ماجستير بعد الوظيفه
اغلب وظايف البنات مايوظفونهم الا بشهادة بكالوريوس للاسف لان الماستر فيها راتب اعلى

:(

[طالب مشاغب]

موضوع مهم
دفعه لدراسة ماجستير

ويفضل الي تخرج يدور وظيفه ويخلي ماجستير بعد الوظيفه
اغلب وظايف البنات مايوظفونهم الا بشهادة بكالوريوس للاسف لان الماستر فيها راتب اعلى

:(

:d5:

هذا الكلام الواقعي
التوظيف بشهادة الثانوي أو الدبلوم أو البكالوريوس
أما الماجستير والدكتوراه ،، فهي مؤهلات مساندة قوية

لذلك مشورتي التمسك بالوظيفة ثم إكمال الماجستير عليها
وبكذا ،، تجمع بين الخبرة والشهادة

ما أميل أبدا للكلام الحالم أو المبالغات أو المقارنات مع الغير
اشتغل لنفسك واترك الآخرين عنك

وبالتوفيق للجميع يارب

[امل باوزير]

الجامعات هنا جدا غاليه برا ارخص بكثير
مثل مصر وماليزيا واندونسياجامعات قويه
ومعترف فيها وارخص من كذا اعرف كثير راحو ودروسو وماكلفتهم كثير
والانجليزي حاليا جدا مهم سواء درست داخليا او خارجيا
مهم نتعلمه اذا حطينا براسنا بس لو قلنا مانبي وصعب
بنتكسل بإذن الله بعد التخرج الجميع يخطط للدورات الانجليزيه
عشان تقوي شهادتكم اعرف وحده معاها توفل وشهادات معهد
قدمت على وظيفة بنك واللي معاها كانت جامعيه بس من غير دورات ولا شئ
اللي معاها معهد صارت رئيستها ماشاء الله اللغه مهمه مهمه جدا ي جماعه
حاولو فيها عن نفسي افكر بإذن الله اكمل بالدورات اذا ربي كتبلي
والله يوفق الجميع يارب :004::004:

[أسامة القلادي]

السلام عليكم ورحمة الله

اخواني الماستر لا يعترف به اذا لم تسكن بالدولة الي فيه الجامعة مدة الدراسة كاملة يستثي منها خروجك من الدولة وقت الاجازة والعودة عند بداء الدراسة والكلام هذا متاكد منه

طبعا الجامعة الخليجة غير مطلوب الاقامة داخلها

[badr12345]

السلام عليكم ورحمة الله

اخواني الماستر لا يعترف به اذا لم تسكن بالدولة الي فيه الجامعة مدة الدراسة كاملة يستثي منها خروجك من الدولة وقت الاجازة والعودة عند بداء الدراسة والكلام هذا متاكد منه

طبعا الجامعة الخليجة غير مطلوب الاقامة داخلها



غير صحيح واذا تملك المعلومه هذي ياليت تنزل لنا صورة القرار او الشرط
لا يعترف بالمقررات التي تدرس عن بعد

ارجو اذا فقط تسمع باقاويل غير مثبته بأدله مكتوبه ارجو تركها

وشكرا

[وقتي]

شكرا لك من شارك بوجهة نظره في الموضوع وكما نعرف بأن النقاش قد يكون هدف في حد ذاته لأثراء الموضوع وفتح آفاق جديده للحوار البناء انا اشوف أن الدراسه برى معترف فيها بنسبه اكبر داخل وخارج السعوديه لكن الحصيله العلميه شي مهم ' اروح اسبوعين وارجع احضر الرساله ورجع لهم اسبوعين واخذ الشهاده ' وين المخزون العلمي هنا وماهي المعرفه التي املكها والتي ستميزني عن غيري ! وماذا اضفت ع شهادت البكالوريس الي حصلت عليها ' يعني لو الجامعه الي تمنحك الشهاده تكتفي بحضور اول اسبوعين واخر اسبوعين وتكون الدارسه عن بعد حتى اخر اسبوعين قبل التخرج انا معك بشرط ان يكتب في الشهاده طالب منتظم ' كذا ع قولتهم ضربت عصفوين بحجر واحد حصلت ع العلم الذي اريده وبشهاده قويه وسكت وزارة التعليم العالي بكلمة انتظاااااام .

[الرس]

دراسه الماستر انقلش ؟

[Sadimm0c]

السعوديه عند مثال جامعة اليمامه فالرياض فقط الماستر موارد بشريه ب ١٨٠ الف ريال وحضور يومين اسبوعيا لمدة سنتين

الخارج افضل ومعتمده واقوى من الي بالسعوديه
اعطيك مثال جامعه في ماليزيا معتمده فالتعليم العالي ماستر ب ٢٦ الف ريال تحضر اسبوعين فقط فالبدايه بعدين يقولون لك روح وحضر رسالتك بعد سنتين وتعال لمده اسبوعين وارجع للسعوديه وشهادتك تجيك بالبريد


ما انصحك في جامعات السعوديه ابدا غاليه جا جدا ١٨٠ الف بتزوج فيها وسياره اخر موديل ليش هالمبلغ ؟؟؟؟؟

اي سؤال انا حاضر

,وش اسم الجامعة لو سمحت

[badr12345]

شكرا لك من شارك بوجهة نظره في الموضوع وكما نعرف بأن النقاش قد يكون هدف في حد ذاته لأثراء الموضوع وفتح آفاق جديده للحوار البناء انا اشوف أن الدراسه برى معترف فيها بنسبه اكبر داخل وخارج السعوديه لكن الحصيله العلميه شي مهم ' اروح اسبوعين وارجع احضر الرساله ورجع لهم اسبوعين واخذ الشهاده ' وين المخزون العلمي هنا وماهي المعرفه التي املكها والتي ستميزني عن غيري ! وماذا اضفت ع شهادت البكالوريس الي حصلت عليها ' يعني لو الجامعه الي تمنحك الشهاده تكتفي بحضور اول اسبوعين واخر اسبوعين وتكون الدارسه عن بعد حتى اخر اسبوعين قبل التخرج انا معك بشرط ان يكتب في الشهاده طالب منتظم ' كذا ع قولتهم ضربت عصفوين بحجر واحد حصلت ع العلم الذي اريده وبشهاده قويه وسكت وزارة التعليم العالي بكلمة انتظاااااام .



اخوي للمعلوميه الشهاده تكتب انتظام وليس عند بعد ، وبشكل عام الماجستير رساله وليست دراسه كما بالبكالوريوس كلها كم مقرر تحضره اجباري والباقي اختياري
تسمع فلان يحضر الماستر وليس يدرس اتمنى وضحت الفكره

[أوتار الخيال]

الماجستير خارج السعودية نوعان
الاول (full time) يعني انتظام ويلزم حضور وفيه محاضرات وبالاخير فيه مشروع بحث (Thesis) او desirtation)b)
الثاني (part time) ويلزم حضور محاضرات ولكن اونلاين ولايلزم الحضور المباشر وتحضر الاختبارات في فرع الجامعة وايضاً فيه مشروع بحث

[أجـــود]

الجامعات هنا جدا غاليه برا ارخص بكثير
مثل مصر وماليزيا واندونسياجامعات قويه
ومعترف فيها وارخص من كذا اعرف كثير راحو ودروسو وماكلفتهم كثير
والانجليزي حاليا جدا مهم سواء درست داخليا او خارجيا
مهم نتعلمه اذا حطينا براسنا بس لو قلنا مانبي وصعب
بنتكسل بإذن الله بعد التخرج الجميع يخطط للدورات الانجليزيه
عشان تقوي شهادتكم اعرف وحده معاها توفل وشهادات معهد
قدمت على وظيفة بنك واللي معاها كانت جامعيه بس من غير دورات ولا شئ
اللي معاها معهد صارت رئيستها ماشاء الله اللغه مهمه مهمه جدا ي جماعه
حاولو فيها عن نفسي افكر بإذن الله اكمل بالدورات اذا ربي كتبلي
والله يوفق الجميع يارب :004::004:

+1

هذا الكلام

بعد البكالوريوس

نقوي الانجلش اولا

[iMo7mad]

غير صحيح واذا تملك المعلومه هذي ياليت تنزل لنا صورة القرار او الشرط
لا يعترف بالمقررات التي تدرس عن بعد

ارجو اذا فقط تسمع باقاويل غير مثبته بأدله مكتوبه ارجو تركها

وشكرا

اخ بدر
اولا" اشكر لك المبادرة بالموضوع..
لكن للأسف ، ما استفدت من موضوعك أي شيء وذلك لأن ردودك كانت مستفزهـ لكل اللي شاركوا و قرؤوا الموضوع..
اسلوب ليس اسلوب حوار وطالع من شخص فعلا يريد الفايدة للكل..
لكن يمكن هذه شخصيتك كذا فما ألومك .. عموما جزاك الله على قد نيتك

ياخوان الأخ غرضه يساعد والله يجزاه الفردوس الأعلى من الجنة
إذا عجبكم كلامه أو مافي احد ملزم بكلام احد
واضح من موضوعه وكتابته انه يبي الخير ويدل عليه
ترى قدرات الناس تختلف ناس بتقدر تدفع ميه ومين وناس ماعندها وبالاخير
الله يوفقنا جميعا لما يحب ويرضى

اخ نجاحي
محد ملزم بكلام أي احد.. لكن مو معناته محد يشارك برأيه او يصحح معلومة ذكرت بالموضوع خصوصا لكون كل المعلومات اللي ذكرها الاخ غير مثبته بمصادر موثوقه..
طول الوقت يقولك روح ابحث بالنت او روح اسأل الوزاره او او ....!

----


على العموم، انا مو من النوع اللي يحب يناقش كثير بالمنتديات وعدد مشاركاتي يمكن يدل على ذلك.. لكن الصراحه بعض الردود كانت مستفزه شوي وحبيت اطيب الخاطر شوي عني وعن كل اللي قرؤوا الموضوع..

اللي يبي يفيد الخريجين فعلا" .. يوجههم الى الطريق الصحيح بالمصادر والمعلومات الاكيدهـ..
مو كلام من فلان وعلان ولا قريبي ولا خويي.. هذا كلام ماينفع احد ولا في احد عاقل بيسافر ويدفع مبلغ وقدره بناءا" على فلان قال ..


بالختام اسال الله لي ولكم التوفيق والنجاح.. وبارك لنفسي ولكم التخرج :love080:


اخوكم محمد الخالدي.. خريج بمرتبة الشرف الثانيه :106:..

[azooz aw]

انت يا صاحب الموضوع مسوي لغز لنا انا ببحث عن الجامعه بس اعطيني فكره عن اللي سويته وانت كاتب في عنوان الموضوع الي يبغى يكمل ماجستير يتفضل الطريقه ابي اعرف وين الطريقه اللي تقول عنها بس جالس تنصح اتمنى التوضيح

[بو عبد المحسن]

يا عزيزي انا معك بكل شي وانت مشكور وعلى عيني وعلى راسي راح اوضح لكم خلفية بسيطة عن بريطانيا بحكم ان اخوي درس هناك بس ما كمل وكان يدرس بكلوريوس

تم ابتعاثة من قبل الكلية التقنية بالاحساء وخير بين الابتعاث الى الصين او بريطانيا وطبعا البعثة جاته بناء على معدلة العالي بالكلية التقنية

طبعا هناك اول ما راح على جامعة بورسموث ببريطانيا الخطوة الاولى درسوه يا طويل العمر انجليزي مكثف وحصل على شهادة معتمده وهذي الشهادة معتمدة دوليا طبعا يعني يقدر يقدم فيها حتى على وظايف بشركات اجنبية
طبعا بعد ايقاف الابتعاث لفترة ورجوعه من بريطانيا قدم هنا على التحلية في الجبيل وكانت فيه مفاضلة بين اكثر من 300 شخص ونصيبة كانت الانجليزي سلاح فعال في المفاضلة ويوم قرو من بريطانيا على طول سوو له مقابلة والحمد لله

الان يدرس في التحلية بدون ما يكمل جامعة طبعا كان مساره الوظيفي عن طريق الكلية التقنية انه بيكون معلم بالكلية التقنية لكن اختار دام طول موضوع الابتعاث انه يختار التحلية وطبعا التحلية بالجبيل معروفة ان فيها ابتعاث يعني ان شاء الله ما راح يفوته اكمال دراسته دام انه حاط هالشي براسه .

اما عني فانا كنت ادرس بالمعهد انجليزي وبالجامعة وكان عندي اصرار اعدل مساري الوظيفي خصوصا ان الراتب على قده والحمد لله فكنت ارجع البيت وابدل او احيان ارجع من الدوام على المعهد الآن انا بالمستوى التاسع باقيلي

مستوى واحد والمعهد بيني وبينك ما خدمني كثير غير بالاختبارات الي راح اجتازها يعني اذا ما فيه ممارسة مستحيل تمشي وانا بحكم طبيعة عملي عندي خلفية بسيطة من الاحتكاك بالاجانب وللمعلومية اغلب المعاهد مثل بيرلتز

وول ستريت والفرابي طبعا بالاحساء تدرس منهج new head way plus والكتب عبارة عن خمس كتب بعضهم يقسمة الكتاب الى عشر مستويات يعني كل كتاب نص والبعض اكثر على حسب المعهد هذي خلفية بسيطة للي يبي

يدري وطبعا عندي احد الاخوان كان يبي يقدم على الدكتوراه ولم يقبل بسبب الانجليزي وبعد وصوله معنا الى المستوى الثامن قبل ولله الحمد وهذا الكلام ان شاء الله يكون حافز لكم وذكرته للفائدة علما بانكم لو بتحثو بالنت راح

تلاقون الكتب والسيديهات يعني اتعبو شوي .

لذلك نصيحتي قبل ما تفكرون بالابتعاث والماستر تطقطقون لكم على معهد وتشدون حيلكم بالمسلسلات الاجنبية حتى لو كانت مترجمة كبداية وبعدها تنطلقون .

هذا كل شي عندي وشكرا بالاول والاخير الى كل شخص شارك بالموضوع ويا خوي خل عندك روح رياضيه ترا الكلام اخذ وعطا وفائدة بالاول والاخير للجميع ولو احد ما عجبه كلامي صدقني ما راح ازعل لانه صح بناء على ما عنده وانا

صح بناء على ما عندي

ولكم مني صادق الدعاء

[badr12345]

انا اعتذر عن الردود والمشاركه فيها هذا الموضوع نهائيا ، وهذا خطأ مني اكرر اعتذاري
وسيتم حذف الموضوع واغلاقه ومن يفعل خيرا يلقى عكسه ،

في امان الله

[badr12345]

اخ بدر
اولا" اشكر لك المبادرة بالموضوع..
لكن للأسف ، ما استفدت من موضوعك أي شيء وذلك لأن ردودك كانت مستفزهـ لكل اللي شاركوا و قرؤوا الموضوع..
اسلوب ليس اسلوب حوار وطالع من شخص فعلا يريد الفايدة للكل..
لكن يمكن هذه شخصيتك كذا فما ألومك .. عموما جزاك الله على قد نيتك



اخ نجاحي
محد ملزم بكلام أي احد.. لكن مو معناته محد يشارك برأيه او يصحح معلومة ذكرت بالموضوع خصوصا لكون كل المعلومات اللي ذكرها الاخ غير مثبته بمصادر موثوقه..
طول الوقت يقولك روح ابحث بالنت او روح اسأل الوزاره او او ....!

----


على العموم، انا مو من النوع اللي يحب يناقش كثير بالمنتديات وعدد مشاركاتي يمكن يدل على ذلك.. لكن الصراحه بعض الردود كانت مستفزه شوي وحبيت اطيب الخاطر شوي عني وعن كل اللي قرؤوا الموضوع..

اللي يبي يفيد الخريجين فعلا" .. يوجههم الى الطريق الصحيح بالمصادر والمعلومات الاكيدهـ..
مو كلام من فلان وعلان ولا قريبي ولا خويي.. هذا كلام ماينفع احد ولا في احد عاقل بيسافر ويدفع مبلغ وقدره بناءا" على فلان قال ..


بالختام اسال الله لي ولكم التوفيق والنجاح.. وبارك لنفسي ولكم التخرج :love080:


اخوكم محمد الخالدي.. خريج بمرتبة الشرف الثانيه :106:..






الله يعطيك على نيتك انت تستفز وانت جاهل بهالامور اتوقع انك باقي مستوى ثاني او ثالث
وانا ما اجيب كلام من عندي ومصادري موثوقه بس شرهتك على الي ماقرى وجاي يتخبط بالكلام

[عبدالله الشّلاحي]

الله يعطيك على نيتك انت تستفز وانت جاهل بهالامور اتوقع انك باقي مستوى ثاني او ثالث
وانا ما اجيب كلام من عندي ومصادري موثوقه بس شرهتك على الي ماقرى وجاي يتخبط بالكلام

بدر المسالة مو فرد عضلات بالكلمات

انت أخذ الجانب الإيجابي من الموضوع

هذا الأختلاف بالرأي جعل للموضوع رونق جميل واراء تحترم

كل واحد يطرح وجهة نظره دون انتقاص بوجهة نظر الآخرين

[badr12345]

بدر المسالة مو فرد عضلات بالكلمات

انت أخذ الجانب الإيجابي من الموضوع

هذا الأختلاف بالرأي جعل للموضوع رونق جميل واراء تحترم

كل واحد يطرح وجهة نظره دون انتقاص بوجهة نظر الآخرين



على العموم ارسلت للمشرف يغلق الموضوع والافضل ان احتفظ بما لدي واصمت
سلااااااااام

[511]

بختصر موضوع لكم ان وزارة التعليم العالي ماتعتمد شهادة غير من جامعة موصي بها من الوزارة

[iMo7mad]

الله يعطيك على نيتك انت تستفز وانت جاهل بهالامور اتوقع انك باقي مستوى ثاني او ثالث
وانا ما اجيب كلام من عندي ومصادري موثوقه بس شرهتك على الي ماقرى وجاي يتخبط بالكلام

والله الصراحه ردك مضحك مبكي..
الله يهديك ويكملك بعقلك ،لا تعليق..


وانا اتفق معاك بشيء واحد فقط. وهو ان يغلق الموضوع وان يقوم شخص اخر بالغ
بلافاده بشكل افضل و "اسلوب ارقى" ..

[sau]

هل يوجد تكميل ماجستير فالسعوديه او فالخليج افيدوني ابغا اكمل دراسه

[Mohd Ibrahim]

السلام عليكم
اخوي بدر .. انت نورتنا الله ينور عليك دنيا واخرة


انا ابي اتواصل معك خاص ضرورري
بس مو عارف شلون ؟


Sent from my iPhone using ملتقى فيصل (http://r.tapatalk.com/byo?rid=92985)

[badr12345]

السلام عليكم
اخوي بدر .. انت نورتنا الله ينور عليك دنيا واخرة


انا ابي اتواصل معك خاص ضرورري
بس مو عارف شلون ؟


sent from my iphone using ملتقى فيصل (http://r.tapatalk.com/byo?rid=92985)




ابشر بي طال عمرك وحاضر في خدمتك
وخل الي يتكلمون ويحبطون الناس وهم يجهلون الشي هذا ماتحصل الا بربره على قل سنع

تمت مراسلتك ع الخاص

[Mohd Ibrahim]

بدر لا هنت
ارسل لي رقمك خاص
انا مااقدر ارسل على خاص .


Sent from my iPhone using ملتقى فيصل (http://r.tapatalk.com/byo?rid=92985)

[badr12345]

بدر لا هنت
ارسل لي رقمك خاص
انا مااقدر ارسل على خاص .


Sent from my iPhone using ملتقى فيصل (http://r.tapatalk.com/byo?rid=92985)

ابشر