سؤال بخصوص التحليل الاحصائي هل يحتاج مدرس

[ssسلطانن]

السلا م عليكم
هل يحتاج التحليل الاحصائي مدرس ؟
هل مدرس الماده يكرره الاسئله
الف شكرا

[طلال 2255]

طبعا يحتاج مدرس
مايكرر لكن شف وش يركز فيه بالمحتوى
واتوقع الدكتور تغير وهذا اول ترم يدرس فما له اسئله سابقه
المادة بسيطه بس ذاكر لها من قبل الاختبارات بمدة وركز فبها

[آڵقُـ‘ـُحُـ‘ـُطُـ‘ـُآڹۑ]

انا اتعجب من العالم اللي تقول هل يحتاج مدرس...

اجل وش يسوي الدكتور في ال 14 محاضرة ( يزرع نخل )

[ssسلطانن]

انا اتعجب من العالم اللي تقول هل يحتاج مدرس...

اجل وش يسوي الدكتور في ال 14 محاضرة ( يزرع نخل )
جاوب على قد السؤال ولا الزم الصمت

[ssسلطانن]

طبعا يحتاج مدرس
مايكرر لكن شف وش يركز فيه بالمحتوى
واتوقع الدكتور تغير وهذا اول ترم يدرس فما له اسئله سابقه
المادة بسيطه بس ذاكر لها من قبل الاختبارات بمدة وركز فبها
احسنت بارك الله فيك
طيب سؤال لو تكرمت كم تتوقع لو اجزم واذاكر فيها كم المده يعني تكفي اسبوع اذاكرها مثلا؟

[الاا]

انصحك ماتحط مدرس لانك تضيع بين توصيل معلومه من دكتور ومن استاذا خاص انصحك تابع محاضرة اول بأول لانها مادة علميه وتحتاج الا حسابات المحتوى جدا حلو بس انك تابع مع دكتور
وراح تلاحظ اذا تابعت مع دكتور مادة جدا سهله اولا اسمع محاضرة بعدين حط لنفسك امثله واختبر نفسك فيها وفيه كويزات اختبر نفسك بعد كل محاضرة ونصحيتي لجميع الطلاب وطالبات قسمو الوقت عشان تسهل عليكم المذاكرة عندك الاسبوع خصص لكل اسبوع مادة من بدايه باليوم محاضرتين والله تسهل عليكم المذاكرة
اسال الله التوفيق لي ولكم جميعا يارب.

[استغفروه]

اذا م فهمت من شرح الاستاذ او الدكتور روح اليوتيوب ان شاء الله تلقى شرح يفيدك

[.3hd.]

لاتغلطون غلطتنا وتذاكرون بس المحاضره ال١٤
تابع مع الدكتور اول بأول محاضره محاضره
وان شاء الله تنجح بالماده لاذاكرت المحتوى زين
راح تنجح بدرجه مرضيه
بالتوفيق"

[بن عيده]

لو تابعت المحاضرات بتكون أنت المدرس ولا تحتاج مدرس

[Noon2016]

ممكن تحتاج ليش لا
الدكتور كان شرحه مش المطلوب للامانة استفدت انامن شرح بعض الطلبة وشرح الدكتور السابق لان المعلومه توصل احيانامن شخص دون اخر.
ونصيحة من أخت المذاكره تكون المحتوى كامل ولايمنع من الاطلاع على اسئلة السنيين وبالتوفيق


Sent from my iPhone using ملتقى فيصل (http://r.tapatalk.com/byo?rid=92985)

[azooz aw]

والله يا صاحبي ذاكر اول باول لن المقرر مررره صعب للامانه ومعقد والحاسبه الاله لازم تعرف كيف تستخدمها مو قصدي احبطك لني درستها مع الدكتور الجديد والله يوفقك

[ابونواف123]

انصحك خذ مدرس

[بدر الذيابي]

السلام عليكم

المواد العلمية اللي فيها قوانين حلوه وممتعة وسهلة المذاكرة اذا تابعت الشرح اول بأول وفهمت كل قانون وحليت علية اسئلة

لأنه ما يختلف شيء في الاختبار الا الارقام وطبق القانون

تو اختبرت المادة هذا الترم واخذت فيها 100 ولله الحمد

طريقتي في المذاكرة :

1- اتابع كل محاضرة للدكتور والملخص امامي وافهم كل نقطة يقولها واذا ما فهمت شيء اذهب لمحاضرات الدكتور فرحان واحاول اجد اللي ما فهمته واتابعه مع الدكتور فرحان

2- كل محاضرة في اخر المحاضرة استخرج القوانين الجديدة اللي اخذتها في المحاضرة

3- اثناء الترم من بدايته واول بأول مسوي جدول كل يوم اذاكر محاضرتين او ثلاث وكل محاضرة من مادة مختلفة ( على حسب وقت فراغك )

4- المحاضرة الرابعة عشر الاخيرة ( اللي يقولون فيها الطلبة انهم ما استفادوا منها شيء ) بالنسبة لي ثبتت لي الكثير من المعلومات وكيفية حل المسائل

5- بعض الطلبة ما يعرف يستخدم الالة : يعني اذا مثلا بيستخدم قانون مكون من بسط ومقام ومثلا البسط مكون جزأين والمقام مكون من جزأين يجب عليك ان تضع البسط بين قوسين والمقام بين قوسين حتى يطلع لك الحل صحيح , لان بعض الطلبة يعرف القانون ولكنه يخطيء في كيفية حسابه في الالة وما يتوصل للحل الصحيح

الله يوفق الجميع

[abo talal]

نصيحه تبي مدرس يشرح صح ويفهمك غصب ويدخل المعلومه براسك ارجع لمحاضرات الدكتور السابق احمد فرحان عن طريق يوتيوب افضلك وركز بالمحاضره 14 للدكتور الجديد

[شاهيندا]

الدكتور مجتهد جدا في ايصال المعلومة ويعيد ويكرر وكنت انا متوقعه انه حيجيب اسئله صعبه على قد شرحه اما قصة. ركزو على محاضرة معينه فاانا مااسمع ولا اثق بدا الكلام لازم الدراسه كامله للمنهج كلو لضمان علامة النجاح كااقل تقدير
ركز في شرح الدكتور و ان شاء الله ماتحتاج لمساعدات خارجية


Sent from my iPhone using ملتقى فيصل (http://r.tapatalk.com/byo?rid=92985)