الدكتور الفريدان من يدعي الظلم هذا حله في الاعمال الفصلية

[سليمان النزهه]

شغل المكتبات لاتثقو فيهم

[علي أبو سعيد]

والله لكلمت الإخوة هنا و حذرتهم و بينت ذلك الأمر لأني أثناء كاتبتي للمناقشات وجدت ناس يكتبون السلام عليكم فقط دون المشاركة أتمنى تكون درس لهم .

[اخصائي اجتماعي1]

وفيه ناس يكتبون انا شايف مشاركاتهم بعيني
(بييييبللغرتتتتلبااتوبسنننننعابيقلااتتوبقهتبننخبيت ن)!!!!
مدري وش يحسون فيه طيب اقل شي انسخ والصق محد طالب منك تكتب بيدك

[foufousweethear]

شي محرج :139:

[أبوو مهند]

نهاية الكذب والإستهتار .. لا ويجيك رافع تظلم

[جنوبي في تبوك]

الله المستعان مساكين والله يمكن كانت تمشي لهم المستويات الماضيه وهالمره صار الفاس في الراس

[rami656]

شغل المكتبات لاتثقو فيهم

مع كل احترامي لك اخي العزيز .... مع هذه الأخطاء الشنيعة في الإملاء المفروض يتم خصم 10 درجات اخرى من درجة المشاركات

ارجو الانتباه لها مستقبلاُ عند مراسلة شخصية مهمه في الجامعة لكي لايؤخذ فكره عن الطلاب انهم لايستحقون هذه الوثيقه من الاساس

[اخصائي اجتماعي1]

الله المستعان مساكين والله يمكن كانت تمشي لهم المستويات الماضيه وهالمره صار الفاس في الراس

لا يالغالي الشهاده لله الفريدان كل ترم بعد ظهور النتائج يغرد عن هذا الموضوع ويضع صور من مشاركات الطلاب
وكثير نحن الطلبه حذرنا عن هذا الموضوع
ولكن الاخوان الطلبه والطالبات مطنشين لاحياة لمن تنادي ومصرين على الخطأ!!!!!!
اسأل الله التوفيق لنا ولكم

[جنوبي في تبوك]

كلامك صحيح بس يمكن بعض الناس اللي نقصت درجاتهم كانو يلعبون قبل في المشاركات وكانت تمشي معهم وغيرهم مامشت معهم

من جهازي SM-G935F بواسطة تطبيق ملتقى فيصل (http://r.tapatalk.com/byo?rid=92985)

[moonali]

:Cry111:طيب الي يكتبون كذيا بعذرهم ينقصونهم أنا اكتب المناقشات كتابه وحرام نقلوني 6درجات مقهوووووره

[moonali]

ينقصوني*

[دوسريه كفو]

:D

[هارون الرشيد]

يارجال محد درى عن احد تحل بنفسك يقولولك مكتبه تحل عن طريق مكتبه تأخذ درجة كاملة لو قال تنسخ وتلصق خصمنالهم يمكن
حتى درجات الاختبار فيها كلام لا يقول بس الطلاب اذا موظفينكم بكتابة الشهادة كتبوا الواحد اسمه الاحساء ومكان الميلاد محمد
لا يتم التعميم في طلاب تعبوا واجتهدوا

[فهد سعد البريك]

والله كل واحد ذنبه على جنبه .... الجامعة ماعليها لوم .... حذرت وقالت ياناس يا عالم ترا القص واللزق .. واستخدام اكثر من كمبيوتر ترا فيه رسوب ... وحذرت من المكتبات لكن لا حياة لمن تنادي .... ومثل ما قال الاخوة الكرام ... بعض المشاراكات مالها داعي يحط خربطة وكلام فاضي .. كانه يقول اعلى مافي خيلك اركبه يالدكتور ... الان طلعت النتائج وناس تخرجت وناس راحت المستوى الي بعده والاشكال هذه مكانك سر على ماهي عليه

[LI0N]

:cry111:طيب الي يكتبون كذيا بعذرهم ينقصونهم أنا اكتب المناقشات كتابه وحرام نقلوني 6درجات مقهوووووره

متأكدة حليتي كل المناقشات ؟ أرفعي تظلم

[طالب مشاغب]

ما ضيعونا إلا أصحاب هالمشاركات
ليت يفصلونهم وشطب نهائي من الجامعة بكبرها
عيب ..مشاركات تفشل ..
إساءة لشهاداتنا .. لدرجة يجي وزير حاقد والا مسؤول حاسد
ويقول شوفوا مخرجات الجامعة

يا أخي ..
انسخ والصق .. اشتغل من جهازك ..أعطي أخوك 500 ريال وهو يسويها لك ..

أما تعطي مكتبة 500 ريال وهو أصلا يا يمني أو مصري << بدون عنصرية
ويعطيها أهله ويشتغلونها بالبيت .. ما يبون إلا 200 طالب وهاتك على الرأس الواحد 500 ريال
والمجموع 100 ألف ريال ياخذها بـ 3 أيام ..ما غير ينسخ ويلصق ..
واذا تم الرسوب .. ما عليه منك ..
انفضحت بوسط جامعتك ..وانخسف معدلك.. وفلوسك طارت عليك ..
ثم يقولون وين النظام ؟!!؟

أعرف طالبة هي وأخوها بالرياض يحولون لمصري ساكن بمصر كل ترم
3000 ريال ..ليش ؟؟
لأنه يشتغل بذمة وضمير..!!!!

الله يصلح الحال بس.

[motap]

كيف يشتغل بذمه وضمير الله لايحدنا لا علي مكتبه ولا غيرها لها الدرجه الشغله بسيطه ماتحمل المور هاذي انا معك في مشروع التخرج يحتاج مساعده فقط اما مصري وفي مصر وحوله 3000الله ايخلف عليه وعلي اخته معه


Sent from my iPhone using ملتقى فيصل (http://r.tapatalk.com/byo?rid=92985)

[مـاعندي سـالفة]

مره وحده في ترم كان 2013
اعتمد على برنامج نسخ ولصق
وخويي عن طريق شخص في مكتبه
وكلنا نقصتنا درجات كثيره
هو رسب في كم ماده وانا تاثرت موادي
ونجح ب سي ودي

ومن بعدها اعتمدت اكتبها بنفسي
والى ان تخرجت 30 درجة ولله الحمد

شهادة لله

[مـاعندي سـالفة]

ما ضيعونا إلا أصحاب هالمشاركات
ليت يفصلونهم وشطب نهائي من الجامعة بكبرها
عيب ..مشاركات تفشل ..
إساءة لشهاداتنا .. لدرجة يجي وزير حاقد والا مسؤول حاسد
ويقول شوفوا مخرجات الجامعة

يا أخي ..
انسخ والصق .. اشتغل من جهازك ..أعطي أخوك 500 ريال وهو يسويها لك ..

أما تعطي مكتبة 500 ريال وهو أصلا يا يمني أو مصري << بدون عنصرية
ويعطيها أهله ويشتغلونها بالبيت .. ما يبون إلا 200 طالب وهاتك على الرأس الواحد 500 ريال
والمجموع 100 ألف ريال ياخذها بـ 3 أيام ..ما غير ينسخ ويلصق ..
واذا تم الرسوب .. ما عليه منك ..
انفضحت بوسط جامعتك ..وانخسف معدلك.. وفلوسك طارت عليك ..
ثم يقولون وين النظام ؟!!؟

أعرف طالبة هي وأخوها بالرياض يحولون لمصري ساكن بمصر كل ترم
3000 ريال ..ليش ؟؟
لأنه يشتغل بذمة وضمير..!!!!

الله يصلح الحال بس.

بيض الله وجهك

[وفــــاء]

شفت التغريده وقههههرني

يعني فوق هالحل رافع تظلم !!!!
حتى ماكلف على نفسه يحول الكيبورد

وان كان معطيها احد يحل له فهو يستاهل

[وفــــاء]

هذا لو عندي عطيته صفر ..

انا الحمدلله من اول ترم الى ترم التخرج احلها بنفسي وكتابة بدون نسخ ولصق
تخرجت وانا حتى مااعرف كيف تنسخون : )
وكل اعمالي الفصليه كاااامله ❤️❤️❤️

[nuha ash]

ما أدري ايش هالطلاب اللي مو مستعدين يكتبون كلمتين
واللي يتذمروا ويرفعوا مليون تظلم لو الدكتور ماكرر الاسئلة
داخلين جامعة ولا جايين تشتروا شهادة !
اشتروا شهادة وخلاص هذا دراسة مو توزيع درجات عشانك دافع فلوس !!!

[شهـد سليمـان]

الحين الناس هذي مايدرون ان اي درجه يأخذونها وبعدين يتوظفون ويستلمون رواتب تكون حرااام :139:

[سليمان النزهه]

نصيحة بحلكم خلكم عاى آي بي واحد لاتغيروة حتى النسخ واللصق مستحيل مئات الألوف من الطلاب المشكلة ضرب الكيبورد من موظفي المكتبات عشان يخلص مثل ماورط زميلنا هذي شغل المكتبات والمستعجل

ياخوي أنسخ ولاتكتب njhvchjgchvcgvcgc مثل كذا

[جنوبي الجنوبي]

كلٍ ذنبه على جنبه
.
.
لو الطالب يجلس ساعه باليوم إن شاء الله حتى بمقهى
.
مايكلفه ولا 100 ريال ويتأكد من مشاركاته وأموره
.
أعطي مكتبه 500 ليه .. أقل شيء أضيف عليها 400 ريال وآخذ لي جهاز كمبيوتر
.
أتعلم وكذلك أتطمن على متابعة الدراسه
.
لكن بشر عقولهم مقفله والإتكاليه ضيعتهم
.
الله يصلح الحال ويكفينا ضياعهم لا ينكبونا بهالجامعه

[مـاعندي سـالفة]

كلٍ ذنبه على جنبه
.
.
لو الطالب يجلس ساعه باليوم إن شاء الله حتى بمقهى
.
مايكلفه ولا 100 ريال ويتأكد من مشاركاته وأموره
.
أعطي مكتبه 500 ليه .. أقل شيء أضيف عليها 400 ريال وآخذ لي جهاز كمبيوتر
.
أتعلم وكذلك أتطمن على متابعة الدراسه
.
لكن بشر عقولهم مقفله والإتكاليه ضيعتهم
.
الله يصلح الحال ويكفينا ضياعهم لا ينكبونا بهالجامعه

والله ساعه كثير
سطر واحد يكفي لحل المناقشات

[جنوبي الجنوبي]

والله ساعه كثير
سطر واحد يكفي لحل المناقشات

أقصد للمناقشات والواجبات والمحاضرات
.
.
كحد أعلى .. لكن كيف تقنع هالحبايب

[.Bnotah]

الحمدلله احل كل شي بنفسي واسجل لنفسي واحضر لنفسي ليش اعطي غيري مستقبلي وعلى فكره معلوماتك الشخصيه كلها بحسابك كيف تأمن لشخص غريب عليها !!


(سر النجاح ولذته في تحدي الصعاب)

[semmmma]

في كثير ناس ماعندهم برنامج النسخ واللصق عشان كذا يتكاسلون الله يهديهم ويعوضونها بالمرات الجايه


والله وحده من صديقاتي منقصينها كثير وهي حلفت انها تحل وتكتب المناقشات وكل شي ولكن الله المستعان

[منتسب لغة]

عن نفسي حليت المشاركات كتابه وليس نسخ ولصق والواجبات والمحاضرات وفي الاخير معطيني ٢٦ في اغلب المواد
حسبنا الله


Sent from my iPhone using ملتقى فيصل (http://r.tapatalk.com/byo?rid=92985)

[britney]

لما انقص درجه او درجتين اكون فعلا ناسيه شيء بالغلط

لما اطبع الجدول وامشي خطوه خطوه اجيب فل مارك

اشك انو في لخبطه في حساب درجات الاعمال الفصليه

['KHALID']

للاسف هذا استهتار في التعلم والمفروض الجامعه تفصل الطلاب

ياخي اللي مايقدر يجتهد ويدرس ويبحث ويحل واجباته ليش داخل جامعه !!

واللي ياخذ شهاده من غير تعب ابشره ماراح يشوف رزق من وراها

وانتبه لقول الرسول صل الله عليه وسلم ( من غشنا فليس منا )

كيف تبون الله يرزقكم والشهاده ماخذينها من غير تعب ولا اجتهاد !!

يا اخواني و يا اخواتي الى متى وانتم تستهترون بكل شي ينفعكم بحياتكم !!

تعلمو واجتهدو بقدر المستطاع اصنع لذاتك الاحتراف بالتخصص تخرج وانت تملك المعرفه التامه بالتخصص اللي تتعلمه

وخلي نيتك بالدراسه صادقه مع الله اخلص في واجباتك كن صادق مع الله ومع نفسك وصدقوني راح تلاقون الرزق من جميع الاتجاهات

وبالنسبه للدكاتره ماراح يظلمون لانهم يتبعون انظمة وقوانين الجامعه وكلمة ( ظالم ) مو سهله عند الله سبحانه وحتى لو ظلمك بالفعل لا تخاف فقط قم بالدعاء وانظر قول الله تعالى

﴿وَلَا تَحْسَبَنَّ اللَّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ (42). سورة ابراهيم

وكل مظلوم في الدنيا وقام بالدعاء الى الله قال الله تعالى له (وعزتي وجلالي لأنصرنَّكِ لو بعد حين)

اكتفي بهذي الابيات الجميله

لا تظلمنَّ إذا ما كنت مقتدراً ............... فَالظُلْمُ مَرْتَعُهُ يُفْضِي إلى النَّدَمِ

تنامُ عَيْنُكَ والمَظْلومُ مُنَتَبِهٌ ............... يدعو عليك وعين الله لم تنم

وبالاخير اقول : نسأل الله تعالى ان يجنبنا الظلم وأن يكفينا شر الظالمين أنه ولي ذلك والقادر عليه

ســـــــــــــــــــــــــلام

[مـاعندي سـالفة]

عن نفسي حليت المشاركات كتابه وليس نسخ ولصق والواجبات والمحاضرات وفي الاخير معطيني ٢٦ في اغلب المواد
حسبنا الله


sent from my iphone using ملتقى فيصل (http://r.tapatalk.com/byo?rid=92985)


اذا متاكد ارفع تظلم
وراح يعطونك السبب

او يعطونك حقك

[عطر النسيان]

الحمد الله رب العالمين اعتمد على حل كل المناقشات بنفسي من اول ما دخلت الجامعه والله الحمد
ودرجات المشاركه كامله الحمدالله بكل المواد
صح رفعت تظلم على الماده ادب الاطفال لاني حملت الماده بسبب درجه الاختبار
ان شاء الله ربي يكتب الي فيه الخير يارب

[ام عمر2]

المصيبه المبالغ كبيره الي يدفعونها لتجار حل المناقشات وحده قالت لي دافعه ٨٠٠٠ لوحده تحل المناقشات والواجبات لاربع مواد
ولانها ماعرفت ترفع التدريب الميداني قالت باعطيك ٣٠٠٠[emoji57][emoji57] قولت لها انت من جدك تدفعين المبلغ هذا علشان بس رفع قالت اذا قليل بادفع اكثر وقالت والله انا كلمت كم واحده وكلمنا الي في المكتبه يرفعها اغلبهم قالو يرفعونه ب ٣٠٠٠ وب٥٠٠٠ . يعني الشغله ماخذينها تجاره وبمبالغ كبيره [emoji857][emoji857]
قولت لها انا بارفعه لك ولا تدفعين لي شي الناس لبعضها


Sent from my iPhone using ملتقى فيصل (http://r.tapatalk.com/byo?rid=92985)

[دوسريه كفو]

المصيبه المبالغ كبيره الي يدفعونها لتجار حل المناقشات وحده قالت لي دافعه ٨٠٠٠ لوحده تحل المناقشات والواجبات لاربع مواد
ولانها ماعرفت ترفع التدريب الميداني قالت باعطيك ٣٠٠٠[emoji57][emoji57] قولت لها انت من جدك تدفعين المبلغ هذا علشان بس رفع قالت اذا قليل بادفع اكثر وقالت والله انا كلمت كم واحده وكلمنا الي في المكتبه يرفعها اغلبهم قالو يرفعونه ب ٣٠٠٠ وب٥٠٠٠ . يعني الشغله ماخذينها تجاره وبمبالغ كبيره [emoji857][emoji857]
قولت لها انا بارفعه لك ولا تدفعين لي شي الناس لبعضها


Sent from my iPhone using ملتقى فيصل (http://r.tapatalk.com/byo?rid=92985)


وجع :mad:
موب صاحين والله