للى حاب اوصل صوته للجامعه

[علمتني الحياه]

سلام عليكم

صباح الخير

اليوم إن شاءالله رايح للجامعه وعشان يكون معروف للجميع متى الوقت تحديدا اليوم الاربعاء 25-01-2017 صباحا انا طالع من الرياض لهم بخصوص التدريب الميداني انا خريج إن شاءالله ونجحت بكل المواد ماعدا التدريب الميداني 3 ورايح اشوف وش نقدر نوصل له بحل مع هالموضوع اي شخص يبي شي يتواصل معي هنا راح اكون عندهم إن شاءالله على الساعه عشر تقريبا احببت التنويه لرغبتي بان تكون هذا الخطوة مفيدة لي وللجميع لان لكم حق علينا كأخوة واحبب :love080:

[فيصل2011]

الله يسعدك ويوفقك حاول توصلهم فكره ان التدريب الميداني دراسه حاله ومن الطبيعي يكون فيه توافق فالتقرير بين الطلاب
بغض النظر عن اللي اقتبس واللي ما اقتبس مع ان فيه ناس كثير نسخو نفس التدريب وكل واحد اخذ درجه تختلف عن الثاني
المساله مساله تقدير اوضاع اغلبنا خريج هالترم من باب تقدير جهودنا ومعدلاتنا العاليه ينظرون للتقييم من جديد لو ع الاقل ناخذ درجه النجاح بس مايجبرنا ع ترم كامل عشان ماده
والله يقدم لك اللي فيه الخير ويكتب لنا ولك الخيره في مافيه صالح لنا ولك

[زمرده الجنوب]

هلا اخوي تكفى اخووووي اسالك بالله العلي العظيم ماتنسى موضوعي انا متفووقه من دخلت الجامعه ومعطيني صفر بدون سبب يذكر في الملاحظات ومعي التدريب طيب ليش صفر بدون سبب وايش الاجراء اللي لازم اعمله ومعي رقم المدرسه اللي سويت فيها التدريب لو يبون يتواصلون معها😢😢😢😢😢😢😢😢حرام والله لاليلي ليل ولانهاري نهار مو معقوله ابدا مابي فيها الا 30 مع اعمال السنه عشاان بس اعديها 😭😭😭تكفى اخوي لاتنسى نبي فرح ابائنا وامهاتنا😔😔😔😔ولك دعوه في ظهر الغيب

[فيصل2011]

لا حول ولا قوه الا بالله
والله انه شي يقهر صراحه مجهود طالب ترم كامل يضيعه تقيم دكتور فيه ثواني
اقل شي قبل تقيم الشخص خصوصا اذا انه بترسبه او جاب درجه ماتاهله للنجاح
يرجع لسجله الاكاديمي وتنشاف درجاته ومعدلاته منكن حصل معه ضرف في هالماده ويلتمس له العذر


معوضه خير ي زمرده ااجنوب
وعسى ان تكرهو شي وهو خير لكم
الواحد مايدري الخيره وين
لكن نقول لعل وعسى انهم يردون على التظلمات وينصفونا
بالتوفيق للجميع

[Tooofy23]

[size="5"]اي تكفى اخوي شوف موضوع التدريب الميداني وربي شي يقهر كل موادي تفوق الا هو صفر عشان نسبة اقتباس وربي شي يقهر على الاقل يعطونا درجة التقرير ٣٥وربي راضيه بالمقبول فيه بس اتخرج مقهوووووووره فرحتي ماتمت
وي ايت تطمنا اذا طلعت منهم

[ســــلآف]

الله يوفقك ويسهل امرك وتبشرنا بما يسرك ويسر الجميع
دعواتي لك بالتوووووووووووفيق وتوصل بالسلامه
الله يجزيك الجنه ولا يحرمك الأجر ما قصرت

[ابو فوز]

سلام عليكم

صباح الخير

اليوم إن شاءالله رايح للجامعه وعشان يكون معروف للجميع متى الوقت تحديدا اليوم الاربعاء 25-01-2017 صباحا انا طالع من الرياض لهم بخصوص التدريب الميداني انا خريج إن شاءالله ونجحت بكل المواد ماعدا التدريب الميداني 3 ورايح اشوف وش نقدر نوصل له بحل مع هالموضوع اي شخص يبي شي يتواصل معي هنا راح اكون عندهم إن شاءالله على الساعه عشر تقريبا احببت التنويه لرغبتي بان تكون هذا الخطوة مفيدة لي وللجميع لان لكم حق علينا كأخوة واحبب :love080:




الله يجزاك خيير ويسعدك ويرزقك ووالديك وغاليك في الدنيا والاخره


انت سفيرنا يالغالي...

وافنا بالمستجدات والله يسهل لك كل عسييير.

[bander eissa]

السلام عليكم ورحمة الله وبركاته
اخواني اخواتي الاعزاء انا من المتضررين في مشروع التخرج علما انه تم رصد درجة الاختبار ( صفر ) والملاحظه الاقتباس عالي
تم مقابلة مدرس المادة ومناقشته بهذا المووضوع طلع المششكله انه ليس اقتباس مثل ماذكر بل هو تشابهه يعني واحد رافع مثل مشروعي فانتبهوا ياخوان

[أبو يزن الأحمري]

اللي اعرفه ان التدريب ما فيه قياس لنسبة الاقتباس لأنه زيرة مدرسة ودراسة حالة وش علاقتها بالاقتباس ؟

[شموع 22]

عساااااك ع القوة. ..الله يفرج همك ويسر أمرك. ..وربي إنه شي يقهر اذا نتيجة كلها امتياز. .وف الأخير رسوب ف مادة ماتسوى. .((وفقك الله دنيا وآخره. ..)) ياااارب تتغير للكل. ..توكلنا ع الله

[أم نادر]

الله ييسر لك وتوصل بالسلامه
وان شاء الله روحتك تجيب نتيجة ووصل صوتنا لهم ع الأقل درجة النجاح والله قهر

[نور البرق]

الله يجزاك خير يارب
ان شاء الله نعدى الماده على خير ..

[طبعي وأنا أدرى]

ياليت الله يسعدك تنقل لهم أصواتنا والله أخذت بمشروع التخرج 10 مع إن مشروعي مستوفي الشروط
الله يسهل الأمور إن شاء الله وينظرون في مشكلتنا

[ابو فوز]

اخوي علمتني الحياااه

وينك بشرررنا

[فهد 1983]

الله يسهل امرك وان شاء الله يعدلون درجتك وتفرح بالتخرج

[نور البرق]

ننتظر الرد .. يارب خير

[مو أحد]

من طول الغيبه جاب الغنايم^_^

[اخصائي اجتماعي1]

والله شي غريب التدريب الميداني!!!!
انا سويته وانا جالس بالبيت و الحاله خياليه من راسي واعطيته واحد من الشباب ختمه وجابه لي ورفعته وجبت فيه درجه حلوه:biggrin:

[ســــلآف]

ان شاء الله المانع من الرد خير

[نوال المانع]

ياليت ينزل لنا وش صار

[نوال المانع]

انا راسبه بالمشروع وتقديرى ممتاز وحرمنى المشروع عند يسرا من مرتبة الشرف والله ان فيه قهر

[zooz73]

يارب تلقى خير


Sent from my iPhone using ملتقى فيصل (http://r.tapatalk.com/byo?rid=92985)

[علمتني الحياه]

سلام عليكم

صباح الخير

اعتذر على التاخير بالرد

راح اسرد ما حصل في زيارتي على شكل نقاط لكي تكون الصورة واضحه للجميع وعلى جميع استفسارتكم ... علماً اني نقلت صوت الطلاب بخصوص مادة التدريب الميداني ويعلم الله تعالى لو الملتقى سمح لي بوضع وسيلة تواصل تسمح للجميع التواصل معي كان لبيت رغبات من طلب صورة من شهادة او ورقة تهمه وممكن احصل عليها بشكل قانوني له

بسم الله نبدء ...

1- عند الوصول وجدت عدد من الطلاب من عدة مناطق ممن يشكون من مشكلة المشروع والتدريب الميداني
2- للامانه وكلمة حق تقال كان استقبال كلا من الدكتور عبدالله الفريدان الدكتور مصلح الاستاذ احمد الشعيبي والاستاذ عبدالعزيز في قمة الادب والاحترام واحتواء الطلاب بشكل مرضي كما شعرته واتكلم عن نفسي بشكل عام
3- الواضح وما فهمته بخصوص التدريب الميداني انه هناك عدد كبير قام بالاقتباس او الحصول على التقرير بشكل نسخه من طرف اخر سواء بعلمه او دون علمه عن طريق مكتبة او خدمات طالب الخ... المهم ان نسبة التقليد والاقتباس عاليه جدا
4- الواضح ان الجامعة قامت بالنظر بشكل فعلي لموضوع الاقتباس في مشاريع التخرج والتدريب الميداني لذلك وصلوا لما هم عليه من قناعه بشكل يدل على انه هناك نسبه عاليه لما ذكر اعلاه
5- قمت بطرح تظلم واستياء عدد كبير من الطلاب والطالبات عن مشروع التخرج و التدريب الميداني فكان الرد انه تم مراجعة هذا الموضوع بشكل فعلي ودقيق من قبل الجامعه
6- بخصوص موضوعي لمن سال وله الشكر الحمدلله انتهى على خير وعلى ان اقوم بدراسة المادة الترم القادم إن شاءالله تعالى وهي المتبقيه لي
7- أسال الله العلي القدير التوفيق لي ولكم وسامحوني ان كان جا مني تقصير في عملية الشرح والتوضيح لكم بخصوص الزيارة للجامعه

[ســــلآف]

جزاك الله خير وما قصرت
والله يعوض عليك وفالك التووووفيق
فعلا اللي نسخ او اخذ من مكتبه الله يعوض عليه
يعني الميداني ٣ مو صعب حتى تنسخ او تاخذ من مكتبه
تخيل حاله واكتبها باسلوبك
اكيد فيه طلاب يقول انا نسخت
يمكن طالب او طالبه ربي ستر عليه والثاني انفضح
الله يعوض عليكم وتنجحون باحلى معدل

[ســــلآف]

انا راسبه بالمشروع وتقديرى ممتاز وحرمنى المشروع عند يسرا من مرتبة الشرف والله ان فيه قهر

غاليتي انتي سويتي مشروعك او احد مسويه لك بجد
اذا احد مسويه لك ياليت تحذرين منها او منه حتى لا يقع طلاب بنفس وضعك
بعضهم ما يخاف الله اهم شي الماده
وبعضهم ما شاء الله يحرص كل الحرص في عمل المشروع او التدريب بكل صدق

واذا انتي متاكده من عملك وعمل يدك لك الحق في المطالبه وعدم السكوت

[علمتني الحياه]

جزاك الله خير وما قصرت
والله يعوض عليك وفالك التووووفيق
فعلا اللي نسخ او اخذ من مكتبه الله يعوض عليه
يعني الميداني ٣ مو صعب حتى تنسخ او تاخذ من مكتبه
تخيل حاله واكتبها باسلوبك
اكيد فيه طلاب يقول انا نسخت
يمكن طالب او طالبه ربي ستر عليه والثاني انفضح
الله يعوض عليكم وتنجحون باحلى معدل

صحيح وكلامك في محله الله يعوض الجميع خير ويسهل امرنا ويوفقنا جميعا يارب ياكريم :love080:

[زمرده الجنوب]

هلا اخوي انت رسبت لان نسبه اقتباس ؟؟؟انا مرسبيني بدون اي سبب والله والله لاروح محاكم ليه هي فوضى وتدريبي معي وحجتي قويه يانجح بها الماده ياانسحب من الجامعه ليش الا الظلم حسبنا الله ونعم الوكيل اذا كان انظمتهم تتعطل ومايوصلهم شغلنا ايش ذنبنا ولو انا والله استاهل اني ارسب ماناقشت بس الظلم والقهر وفيه ناس ناسخه ونجحت بتقدير مرتفع انا ابي حقي بس وتو واحد منزا موضوع ان اللي صفر وشرطه بينظرون في امرهم 😢😢😢😢😢😢ماقهر الا فلوس الوالديااارب كن معي

[علمتني الحياه]

هلا اخوي انت رسبت لان نسبه اقتباس ؟؟؟انا مرسبيني بدون اي سبب والله والله لاروح محاكم ليه هي فوضى وتدريبي معي وحجتي قويه يانجح بها الماده ياانسحب من الجامعه ليش الا الظلم حسبنا الله ونعم الوكيل اذا كان انظمتهم تتعطل ومايوصلهم شغلنا ايش ذنبنا ولو انا والله استاهل اني ارسب ماناقشت بس الظلم والقهر وفيه ناس ناسخه ونجحت بتقدير مرتفع انا ابي حقي بس وتو واحد منزا موضوع ان اللي صفر وشرطه بينظرون في امرهم 😢😢😢😢😢😢ماقهر الا فلوس الوالديااارب كن معي

مو اقتباس سبب حملي للمادة السبب اني اصلن ما رفعت التدريب في الوقت المناسب بس ورحت لعلهم يقبلونه ولكن للاسف لم يتم قبول التدريب وهذا سبب حملي لها

[نور البرق]

هالكلام للمقتبسين بس ( لان انا الملف تالف لم يتم رفعه ) حسبى الله ونعم الوكيل ..

[مو أحد]

طيب انا تدريب الميداني سويته من نسج الخيال يعني تخيلت حاله ودرستها كيف طلع مقتبس ... حاولت أصدق نسبة إقتباس عاليه بس مآ قدرت مره

[ابو فوز]

هلا اخوي انت رسبت لان نسبه اقتباس ؟؟؟انا مرسبيني بدون اي سبب والله والله لاروح محاكم ليه هي فوضى وتدريبي معي وحجتي قويه يانجح بها الماده ياانسحب من الجامعه ليش الا الظلم حسبنا الله ونعم الوكيل اذا كان انظمتهم تتعطل ومايوصلهم شغلنا ايش ذنبنا ولو انا والله استاهل اني ارسب ماناقشت بس الظلم والقهر وفيه ناس ناسخه ونجحت بتقدير مرتفع انا ابي حقي بس وتو واحد منزا موضوع ان اللي صفر وشرطه بينظرون في امرهم 😢😢😢😢😢😢ماقهر الا فلوس الوالديااارب كن معي





انا بعد نفس الكلام اختي زمرده صفر بدون ملاحظات ولا تبريرات ولاشي قهررررر وحسبنا الله ونعم الوكيل ونعم المولى ونعم النصير فيهم💔

[اخصائي اجتماعي1]

الله يعوض عليكم بأعلى الدرجات وفالكم التوفيق
الحمدلله على كل حال

[علمتني الحياه]

سلام عليكم

صباج الخير

يا جماعة الخير اللى فعلا يجد انه ظلم يروج للجامعة ويجاول بشتى الطرق المهم اذا انت او انتي فعلا متاكد من صحة كلامك لا يمنع ان الواحد يسوي السبب والباقي على الله سبحانه وتعالى

[sami alrefaei]

الله يعوض عليكم ان شاء الله ويوفقكم

وتتعدل درجاتكم ان شاء الله

لازم صراحه في الترم هذا نحتاط سواء اللي سجلوها هالترم او اللي كتب الله وعادوها

لازم نناقشه بالمحاظرات المباشره ونفهمه الوضع عشان ما ياكلونها الجدد على الماده او الحاملين لها ( يارب ينجحون فيها )

نناقشه بسالفة الاقتباس وطبيعي يكون فيه اقتباس لانو اغلب الحالات اللي ندرسها متشابهه واكيد راح يكون فيه تشابه بالاسلوب

ووش المطلوب بهالماده لكي مو بس ننجح فيها نتفوق فيها

لازم يعطينا نقاط واضحه نمشي عليها

مو نتعب ونتفاجئ بالاخير سبب حمل ماده غير منصف كاقتباس او لا شي او تالف

وفق الله الجميع

[ابونواف111]

ابي ادعي عليه اليوم الجمعه اللي سقطني انا ونص دفعتنا بعذر فاشل مثل وجهه سود الله وجهه

[ماجد ولد سعيد]

السلام عليكم

والله وبالله اني نصحت أكثر من مرة فيما يخص التدريب الميداني 3 بأنه يلزم لفهم هذا المقرر أن تفهم مادة التوجيه والإرشاد.

محدثكم لا راح مدرسة ولا مستشفى ولا جمعية وانا ببيتنا متربع تربيعة معلم تخيلت حالة طالب مدرسة متوسطة منتقل من مدينة إلى مدينة ويشعر بحالة غربة عندما استقر مع والدية في المجتمع الجديد وركبت عليه مدخل علاجي من المداخل والنماذج المذكورة في مادة التوجيه والإرشاد واستخدمت في تقريري المصطلحات العلمية الخاصة بالمرشد الطلابي والحمد لله اجتزت المادة بدرجة 89.

مشكلة (بعض) الطلبة انه يصعب المادة عليه ولا يحب يفهم يبغى كل شيء جاهز .

أكرر افهم مادة التوجيه والإرشاد وبإذن الله سوف تتجاوز التدريب بدرجة امتياز..

[floor]

وانا معكم تكفون حتى انا استغربت أنهم حاطين لي درجة الأختبار صفر وانه في نسبة اقتباس أضم صوتي معكم

[علمتني الحياه]

الله يعوض عليكم ان شاء الله ويوفقكم

وتتعدل درجاتكم ان شاء الله

لازم صراحه في الترم هذا نحتاط سواء اللي سجلوها هالترم او اللي كتب الله وعادوها

لازم نناقشه بالمحاضرات المباشره ونفهمه الوضع عشان ما ياكلونها الجدد على الماده او الحاملين لها ( يارب ينجحون فيها )

نناقشه بسالفة الاقتباس وطبيعي يكون فيه اقتباس لانو اغلب الحالات اللي ندرسها متشابهه واكيد راح يكون فيه تشابه بالاسلوب

ووش المطلوب بهالماده لكي مو بس ننجح فيها نتفوق فيها

لازم يعطينا نقاط واضحه نمشي عليها

مو نتعب ونتفاجئ بالاخير سبب حمل ماده غير منصف كاقتباس او لا شي او تالف

وفق الله الجميع

لله درك كلام في منتهى الروعة :d5:

[علمتني الحياه]

السلام عليكم

والله وبالله اني نصحت أكثر من مرة فيما يخص التدريب الميداني 3 بأنه يلزم لفهم هذا المقرر أن تفهم مادة التوجيه والإرشاد.

محدثكم لا راح مدرسة ولا مستشفى ولا جمعية وانا ببيتنا متربع تربيعة معلم تخيلت حالة طالب مدرسة متوسطة منتقل من مدينة إلى مدينة ويشعر بحالة غربة عندما استقر مع والدية في المجتمع الجديد وركبت عليه مدخل علاجي من المداخل والنماذج المذكورة في مادة التوجيه والإرشاد واستخدمت في تقريري المصطلحات العلمية الخاصة بالمرشد الطلابي والحمد لله اجتزت المادة بدرجة 89.

مشكلة (بعض) الطلبة انه يصعب المادة عليه ولا يحب يفهم يبغى كل شيء جاهز .

أكرر افهم مادة التوجيه والإرشاد وبإذن الله سوف تتجاوز التدريب بدرجة امتياز..

كلام جميل

ياليت تحط نبذه مختصرة عن النقاط المشتركة بين كل الحالات التى يمكن ان تفيد طالب التدريب لاعدمتك ليستفيد الجميع :sm12:

[ام عبدالعزيزب]

وانا بعد صفرر في التدريب الملف مانرفع من الايفونه وانا رافعته من الايفونه مرتين من المكتبه وكلمت الدكتورة وقالت راسليني واتس وبعد ماطلعت النتيجه قالت ماعتمد على الواتس هدي مشكله العمادة وانا مو قادرة اتواصل مع العماده