آل إيه آل الدنيا حلوه وقميله

[الدمام يونايتد]

قميله ايه ياكتور وسهله ايه ياباشا

اقسم بالله العظيم اقولها وانا بكامل قواي العقليه

لو أجلس من اليوم الى 20 سنه قدام اسمع بمحاضرة الحد العام والحد الاوسط

ماراح افهم أبد أبد أبد

لا بالله بلطنا بالرياضيات

اللي بيبشرني وبيقول انها تنحل بالآله الحاسبه يبشر باللي يبيه

تكفوووووون اقسم بالله تعقدت

الظاهر الدعوه بتصير تشيير بالاختبار يعني حظ نصيب

تغمض عينك وترفع القلم بشكل عامودي ارتفاع 15 سم

وتدوره على شكل حلقه وتخليه يطيح على ورقة الاسئله

والجواب اللي يطيح عليه القلم تختاره

قسم بالله تعقدت

تصبحون على خير بروح انام ابرك لي

[ام خالد 2010]

تعال وانا اختك لاتتعقد ولا هم يحزنون ..

انا بعطيك اياهم بكلمتين وش رايك بس عاد ها وش لي ..

خذ هالقاعده مني وبترتاح .. وحلك مي ميه ..

دائما وابدا .......>> سارقتها من الدكتور .

اذا قالك اوجد مفكوك .. طبعا تسوي العمليه الطويله الي قالها تحلل ..الـــ ق والرقم والسين اذا ماتعرفها قولي اشرحك لك اياها والله يعيني ..

واذا قالك الحد الأوسط .. اول شي لازم تحفظ قاعدة الزوجي او الفردي .. طبعا شوف الاس اذا كان زوجي له قاعده وحده واذا فردي له قاعدتين . وبعد كذا لما تطلع لك الاجابه طبق قاعده الحد المطلوب منك يعني فرضا لو طلعت الاجابه 5 معناها يبقى الحد ال5 .. وسهل جدا تطلع الحد الخامس

عاد اسهل شي بالدنيا هالحدين .. وانا اقولك ليه

الحد الخالي .. على قولة الدكتور لاخالي ولا عمي .. وينكت بعد ياحليله..
دائما وابدا الحد الخالي من س = صفر ... يعني اي مسألة جابها لك وقالك حدها س اعرف صفر على طول .

الحد الذي يحتوي على س3 على طول جوابه 3 .. ليش قلت جوابه 3 .. لو جاك س واي اس ثاني على طول جوابه هو الاس نفسه .. مثلا

الحد الذي يحتوي على س5 على طول جوابه 5 .. لاتفكر ولا تحتار مع ام خالد كل شي صار ..خخخخخ

طبق هالقواعد وبتنجح .. بس عسى يارب انا ماانساهم ..خخخخخخ

[الدمام يونايتد]

انا مو باط كبدي وفاقع مرارتي الا انه ينكت

مسئله طويله عريضه ويقول الدنيا سهله وقميله

الله لا يهينك يا ام خالد ويحفظ لك خالد ويجعلك تلفحين بشعرك في عرسه شوي شوي حبه حبه

اشرحيلي :)

عطيني مسئله على كل نوع واشرحيها بالتفصيل الممل

اعتبريها مراجعه لك واللي يوفقك

[Queen =$]

وشو الحد الخالي ؟

<<< توها صاحيه من النوم مدري وش السالفه :|

[الليــ صمت ـــل]

يعطيك ربي العاااافيه ام خلووودي

[نيو ستايل]

وشو الحد الخالي ؟

<<< توها صاحيه من النوم مدري وش السالفه :|

Queen خليك نايمه احسن من وجع الرأس لأنك لو صحيتي لقيتي نفسك بالربع الخالي

بسبب الحد الخالي .

طب وانا مالي ؟

ربع خالي ولا نص خالي هو حد ولكن خالي

يازين الواحد خااااااااااااااااااااااااااااالي البال

تحياتي يا Queen

[الرقمي]

ايه ده ايه ده ايه ده.. الامتحان سهل وبسيط بس انتى زاكر.. وكله سهل بأمر الله..

[رجل طموح]

اولاً علينا احترام الاستاذ هذا دكتور مهما كان وله احترامه وتقديره بغض النظر عن صعوبة المنهج
هو ماله علاقه بالعكس جزاه الله خير الي قاعد يرفع من معنوياتنا

[ادارة اعمال]

مع احترامي وبحكم اني بروفسورة في الرياضيات مافي شيء اسمه الحد اللي فيه س5 يعني الحد5
ولاالحد اللي فيه س7 يعني الحد7
والا فما الفائدة من قانون الحد العام؟؟
وماننسى انه اذا كان الأس موجب في المفكوك يكون عدد الحدود اكثر بواحد <<ماجبته من راسي من كلام الدكتور... فكيف يكون الحد 4 مثلا يحتوي على س4 مستحيل مستحيل واتحدى اي دكتور مو بس طالب والا طالبه يجيب لي غير كلامي هذا
تكون هذي القاعدة حقيقية
ممكن تصادف بس تُعمم مستحيل
والدكتور قال اللي يهمني هو قانون الحد العام
مارح يعطينا مفكوك ويقول فككوه الله يفكك العدو

((ملحوظة مارح ارد على اي احد يسب او يتهكم لأني اكبر من كذا لأن المنتدى هاليومين صاير :no2:))

[امل الروح]

لو طلب منك

س: اوجد الحد الخامس في مفكوك (س+3)^9 ؟؟
(( محدد لك انة الحد الخامس يعني نطبق قانو ن الحد العام))


ح ر+1 = ن ق ر ( الثاني )^ر (الأول ) ^ن-ر


ح5= 9ق4 (3)^4 س^5
( 9ق4) بالألة الحسبة تقدر تطلع قيمتها

كالتالي 1)9 2)npr بعدين 3) 4 قيمتهاا= 126
=126 81x س^5

=10206 س^5

----------------------------
لكن لو يطلب منك اوجد الحد الأوسط في لة حالتين للحل

الحالة الأولى: إذا كان الأس فردي ( لة حدان أوسطان ) تطبق هالقانونين ن+1 /على 2 & ن+3/على 2

الحالة الثانية: إذا كان الأس زوجي( لة حد أوسط واحد) نطبق هالقانون ن+2/على 2

مثال::


* أوجد الحد الأةسط في مفكوك (س-2)^10

الأس ن 10 زوجي

الحد الأوسط = ن+2/على 2
10+2 /على 2 = 6
ح6 = 10 ق5 (-2)^5 س^5
-----------------------------------------

مثال::

*أوجد الحد الأوسط في مفكوك (س+5 )^11


الأس ن =11 فردي (لة حدان أوسطان )

أولاَ ::ن+1/على 2
=11+2/على 2
=6
=ح6
ثانياَ::ن+3/على 2
11+3/على 2
= 7
=ح7



-----------------------------------------------------
ا

هم شيء تفهم وتحفظ القانون الحد العاام ( لما يطلب منك اوجد الحد الخامس أو الحد السادس او الحد السابع,,,,)

وافهم ان الحد الأوسط لة حالتين فردي , وزوجي
كيف تعرف هذا زوجي ولا فردي؟؟

من خلال الأس ن
اذاكان زوجي =6,4,2..... الخ نطبق هالقانون ن+2/على 2
واذا كان فردي = 7,5,3,1........الخ نطبق هالقانونين ن+1/على 2 ن+3/على 2

--------------------------------------------------


وأتمنى اكون افدتك ولو بجزء قليل
واسفة سبقت ام خالد بس عشان يمديك تفهم الدرس وتذاكر
والله يسهل ويوفق الجمييييييع يآآآآآرب...

[ام خالد 2010]

امل الروح كفيتي ووفيتي حبيبتي ..

وادارة اعمال .. لاتعليق على كلامك يالبروفيسورة .. مادرينا ان كلنا كسالا الا انتي البروفيسورة ..

اقول العقل نعمه .. الله يخلف على هالردود الي مادري وش فاطرة على الصبح ..

لقافه مافي مثلها لقافه .. الله المستعان ..

قل خيرا او اصمت .. يابرفيسورة المنتدى على غفلة ..

[الدمام يونايتد]

اولاً علينا احترام الاستاذ هذا دكتور مهما كان وله احترامه وتقديره بغض النظر عن صعوبة المنهج
هو ماله علاقه بالعكس جزاه الله خير الي قاعد يرفع من معنوياتنا

اخوي الظاهر داخل موضوع خطأ

مين استهزأ في مين

الكل له حشمته وانا اخوك دكتور ولا طالب

هدي هدي وانت معدي :no2:

[الدمام يونايتد]

مع احترامي وبحكم اني بروفسورة في الرياضيات مافي شيء اسمه الحد اللي فيه س5 يعني الحد5
ولاالحد اللي فيه س7 يعني الحد7
والا فما الفائدة من قانون الحد العام؟؟
وماننسى انه اذا كان الأس موجب في المفكوك يكون عدد الحدود اكثر بواحد <<ماجبته من راسي من كلام الدكتور... فكيف يكون الحد 4 مثلا يحتوي على س4 مستحيل مستحيل واتحدى اي دكتور مو بس طالب والا طالبه يجيب لي غير كلامي هذا
تكون هذي القاعدة حقيقية
ممكن تصادف بس تُعمم مستحيل
والدكتور قال اللي يهمني هو قانون الحد العام
مارح يعطينا مفكوك ويقول فككوه الله يفكك العدو

((ملحوظة مارح ارد على اي احد يسب او يتهكم لأني اكبر من كذا لأن المنتدى هاليومين صاير :no2:))

صح اختي انا لاحظت هالشي الظاهر قالت هالكلام ام خالد الله يطول بعمرها

ويوم شيكت على المحاضره لاحضت ان كلامها موصحيح

عاد قلت ماني معلمها علشان تتوهق مثل ماكانت بتوهقني

بس انتي انفذتيها :cheese:

تسلمين عالملحوظه

[R m z]

أفكر اعدي هالمحاضره ، احس ضيعت الوقت عليها

و راااااااااسيييييييه

[رجل طموح]

اخوي الدمام وسع سدرك وتراني مهدي ونا اخوك <<< خايف من ساهر خخخخخخ
ويمكني فهمتك غلط ودامك ماتقصدك فحقك علي حبيبي
،،،،،،
ام خالد شكلك مافطرتي اليوم ياخيتي وسعي سدرك ترى الدعوه سهالات

[الدمام يونايتد]

اخوي الدمام وسع سدرك وتراني مهدي ونا اخوك <<< خايف من ساهر خخخخخخ
ويمكني فهمتك غلط ودامك ماتقصدك فحقك علي حبيبي
،،،،،،
ام خالد شكلك مافطرتي اليوم ياخيتي وسعي سدرك ترى الدعوه سهالات

ولا يهمك يابعدي كل ٍ يصلح سيارته

وعلى فكره الدنيا من جد طلعت سهله وقميله بالاختبار :cheese: