ابو مشعل121
2017- 1- 30, 07:53 AM
بسم الله والصلاة والسلام على رسول الله اما بعد:
اخواني واخواتي خريجي هذا الفصل ومرتادي هذا المنتدى السلام عليكم ورحمة الله وبركاته:
(ترى ما عطوني الوثيقه فإذا تبي تكمل الموضوع ولا رد السلام وقفل وسلامتك)
بطبعي الازلي وفطرتي الانسانيه دائما عجل, اضف على ذلك حاجتي لوثيقة التخرج المستعجله اضف على ذلك كان يوم اجازه امس لكل موظفي الشركه التي اعمل بها (من غير ذكر اسماء) """طبعا مافيه اجازه لجميع الموظفين امس الا شركتي معروفه """
المهم شددت الرحال واطلقت عنان راحلتي متوجها الى مدينة الاحساء البهيه والغناء طبعا مع طول صراع مع الهاتف طوال الاسبوع الفائت ولا مجيب.
وما ان اشرفت على ضواحي مدينة الاحساء البهيه والغناء كما اسلفت , وانا الي اقابل ناس تبيع الكنار والترنج وشيئ من الجمار وباسلوب الاخوه الحساويه الممتع والمهضوم بغيت انسى وش الي جابني الاحساء من كثر الهذره معهم.
مالكم في الطويله وعلى وصف احد الاخوه توجهت الى جامعتي الحبوبه. ياولد وش ذا الجامعه مدينه متكامله ما شاء الله تبارك الرحمن احسست بالانتماء لهذا الصرح العظيم وانا مشي مختالا (خريج طبعاُ) كان فيه قسم جديد يبنونه مشروع جديد حسيت انه من فلوسي
, المهم وينك يا التعليم عن بعد وينك يالتعليم عن بعد وينك التعليم , كل ذا وانا في السياره, حصلنها بعد ما لفيت عليها مرتين ( المشكله امي وابوي معي وطول الوقت ياولد لونك مضيع ياولد لونك مضيع) حصلتها مع صلاة الظهر قلت فالً طيب صلاه وبعدها خير
بعد ماصليت انا وابوي وانا اقول للوالد اجلس في المصلى باجيك بالشهاده طبعا ابوي دايخ من كثر اللفلفه وقد وده بفرقاي هز راسه يعني رح طيب
كل ما شفت اثنين واقفين وقفت معهم واسأل كيف اخذ الوثيقه شوؤن الطلاب السكرتاريه , اي احد صاف سرى اصف وراه واخيرا قالوا لي رح للسكرتير الله يرحم والديك ما تسوا علينا تخرجت أووووف
رحت للسكرتير سلمت ومع ذيك الابتسامه من الاذن الى الاذن :biggrin:, سلم علي وهو على كرسيه قلت امحق ماحصلنا شي عز الله
على فكره كان يعطي واحد الرقم المباشر للمكتب حقه (5898412) طبعا بعد فتح الخط (013) ترى خاص ارجو لا احد ينشره
انا: يالحبيب انا خريج اوبغى الوثيقه :biggrin:
هو: خريج اي ترم :24_asmilies-com: اها عاد
أنا: هذا الاول :biggrin:
هو: بااااااال بدري بعض الاترام الي طافت ماخذو الوثايق الى الان :(284): اها عاد
انا: يارجال :eek:
هو: مالك حل ...لو عندي او احنا نطبعها والله اعطيك اياها الحين بس للاسف نستناها من القبول والتسجيل
انا : :000:
هو: اذا تبي رح القبول واسألهم ويمكن يمكن يمممممممكن يسوون لك شي :(269): اها عااااااد
رحت لبوي في المصلى قلت يالله يابوي مشينا (هجل ما نجحت , هجل سقطت) قالها ابي قلت لا بس يبيلها وقت وحولوني على قسم ثاني خلنا نروح نشوف
ركبت السياره ومازلت احس بالانتماء الى هذا الصرح العظيم امي تقول وراك وراك , والله و الي اريوس واصدم السياره الي وراي. انا على بالي امي قلبت من هل الشمال اثرها تقول السياره وراك احسبها تقول وش فيك
ما علينا نزلت وحصلت حرمه في السياره تكلم بالجوال , الظاهر تكلم زوجها , ابوي يوقل غشيم وساقط وامي تقول ما تشوف , ايييييه ما مداني باقول شي الا صاحب السياره اقرب من الشاشه الي قدامي اللحين ((( يمنك الرجال خريج زيي))) ويمكن يقراء الموضوع اللحين -- اقدم له جزيل الشكر قالي توكل على الله ما بي منك شي---
رحت للقبول والتسجيل ومازال شعور الانتماء ينتابني مابين الوهله والاخرى (ماغص ذا ماهو شعور) المهم
وقفت امي وابوي برا وقلت اصبروا شوي ماحد رد علي (قافله الف)
دخلت حصلت ثنين صافين صفيت وراهم طلعو ينظفون الارضيه , مازال الشعور ينتابني. جيت عند شباك استلام الوثايق وحصلت واحد يطبع الوثايق :mh001: قلت بس هذا هو
يالطيب طبعا مقابلني باذنه (كان يطبع وثيقه تخرج لوحده اسمها موضي محمد لقطت الاسم """" مبروك الف مبروك ياموضي ناجحه"""""
هو: تفضل وهو يطبع (ماصوبك احد)
انا : خريج
هو: طيب
انا :الوثيقه
هو: راجع التعليم عن بعد
انا: راجعتهم
هو: طيب
انا:الوثيقه
هو: بعد ثلاث اسابيع
انا : يارجااال :sm1:
طلعت حصلت ابوي متلطم وراقد وامي خلصت على الكنار والترنج الي في المرتبه الي وراا :d5:
رحت ورى السياره اتاكد مافيه شي وركبت وقلت ماودكم بمطعم الرومنسيه , نفر لحم واثنين جريش مع المقبلات بعد هذه الرحله الطويله مع الشعور الطيب بالانتماء :sm12:
ثم كربت عنان راحلتي عائدا الى ديار الوطن العزيز والمسافه كلها 120 كلم
((خلاصة الكلام والله ماعندك احد ولا فكروا فيك كطالب عن بعد لا ونبي يسوون لنا حفل تخرج زيين انهم يختبرونا))
وسلامتكم
شكر خاص لكل من قراء هذه القصه المعبره والقيمه ووحده من الثنتين يا انك واحد من المشرفين يتأكد من الموضوع يا انك واحد فاضي ماعندك شغل :106::106::106:
اخواني واخواتي خريجي هذا الفصل ومرتادي هذا المنتدى السلام عليكم ورحمة الله وبركاته:
(ترى ما عطوني الوثيقه فإذا تبي تكمل الموضوع ولا رد السلام وقفل وسلامتك)
بطبعي الازلي وفطرتي الانسانيه دائما عجل, اضف على ذلك حاجتي لوثيقة التخرج المستعجله اضف على ذلك كان يوم اجازه امس لكل موظفي الشركه التي اعمل بها (من غير ذكر اسماء) """طبعا مافيه اجازه لجميع الموظفين امس الا شركتي معروفه """
المهم شددت الرحال واطلقت عنان راحلتي متوجها الى مدينة الاحساء البهيه والغناء طبعا مع طول صراع مع الهاتف طوال الاسبوع الفائت ولا مجيب.
وما ان اشرفت على ضواحي مدينة الاحساء البهيه والغناء كما اسلفت , وانا الي اقابل ناس تبيع الكنار والترنج وشيئ من الجمار وباسلوب الاخوه الحساويه الممتع والمهضوم بغيت انسى وش الي جابني الاحساء من كثر الهذره معهم.
مالكم في الطويله وعلى وصف احد الاخوه توجهت الى جامعتي الحبوبه. ياولد وش ذا الجامعه مدينه متكامله ما شاء الله تبارك الرحمن احسست بالانتماء لهذا الصرح العظيم وانا مشي مختالا (خريج طبعاُ) كان فيه قسم جديد يبنونه مشروع جديد حسيت انه من فلوسي
, المهم وينك يا التعليم عن بعد وينك يالتعليم عن بعد وينك التعليم , كل ذا وانا في السياره, حصلنها بعد ما لفيت عليها مرتين ( المشكله امي وابوي معي وطول الوقت ياولد لونك مضيع ياولد لونك مضيع) حصلتها مع صلاة الظهر قلت فالً طيب صلاه وبعدها خير
بعد ماصليت انا وابوي وانا اقول للوالد اجلس في المصلى باجيك بالشهاده طبعا ابوي دايخ من كثر اللفلفه وقد وده بفرقاي هز راسه يعني رح طيب
كل ما شفت اثنين واقفين وقفت معهم واسأل كيف اخذ الوثيقه شوؤن الطلاب السكرتاريه , اي احد صاف سرى اصف وراه واخيرا قالوا لي رح للسكرتير الله يرحم والديك ما تسوا علينا تخرجت أووووف
رحت للسكرتير سلمت ومع ذيك الابتسامه من الاذن الى الاذن :biggrin:, سلم علي وهو على كرسيه قلت امحق ماحصلنا شي عز الله
على فكره كان يعطي واحد الرقم المباشر للمكتب حقه (5898412) طبعا بعد فتح الخط (013) ترى خاص ارجو لا احد ينشره
انا: يالحبيب انا خريج اوبغى الوثيقه :biggrin:
هو: خريج اي ترم :24_asmilies-com: اها عاد
أنا: هذا الاول :biggrin:
هو: بااااااال بدري بعض الاترام الي طافت ماخذو الوثايق الى الان :(284): اها عاد
انا: يارجال :eek:
هو: مالك حل ...لو عندي او احنا نطبعها والله اعطيك اياها الحين بس للاسف نستناها من القبول والتسجيل
انا : :000:
هو: اذا تبي رح القبول واسألهم ويمكن يمكن يمممممممكن يسوون لك شي :(269): اها عااااااد
رحت لبوي في المصلى قلت يالله يابوي مشينا (هجل ما نجحت , هجل سقطت) قالها ابي قلت لا بس يبيلها وقت وحولوني على قسم ثاني خلنا نروح نشوف
ركبت السياره ومازلت احس بالانتماء الى هذا الصرح العظيم امي تقول وراك وراك , والله و الي اريوس واصدم السياره الي وراي. انا على بالي امي قلبت من هل الشمال اثرها تقول السياره وراك احسبها تقول وش فيك
ما علينا نزلت وحصلت حرمه في السياره تكلم بالجوال , الظاهر تكلم زوجها , ابوي يوقل غشيم وساقط وامي تقول ما تشوف , ايييييه ما مداني باقول شي الا صاحب السياره اقرب من الشاشه الي قدامي اللحين ((( يمنك الرجال خريج زيي))) ويمكن يقراء الموضوع اللحين -- اقدم له جزيل الشكر قالي توكل على الله ما بي منك شي---
رحت للقبول والتسجيل ومازال شعور الانتماء ينتابني مابين الوهله والاخرى (ماغص ذا ماهو شعور) المهم
وقفت امي وابوي برا وقلت اصبروا شوي ماحد رد علي (قافله الف)
دخلت حصلت ثنين صافين صفيت وراهم طلعو ينظفون الارضيه , مازال الشعور ينتابني. جيت عند شباك استلام الوثايق وحصلت واحد يطبع الوثايق :mh001: قلت بس هذا هو
يالطيب طبعا مقابلني باذنه (كان يطبع وثيقه تخرج لوحده اسمها موضي محمد لقطت الاسم """" مبروك الف مبروك ياموضي ناجحه"""""
هو: تفضل وهو يطبع (ماصوبك احد)
انا : خريج
هو: طيب
انا :الوثيقه
هو: راجع التعليم عن بعد
انا: راجعتهم
هو: طيب
انا:الوثيقه
هو: بعد ثلاث اسابيع
انا : يارجااال :sm1:
طلعت حصلت ابوي متلطم وراقد وامي خلصت على الكنار والترنج الي في المرتبه الي وراا :d5:
رحت ورى السياره اتاكد مافيه شي وركبت وقلت ماودكم بمطعم الرومنسيه , نفر لحم واثنين جريش مع المقبلات بعد هذه الرحله الطويله مع الشعور الطيب بالانتماء :sm12:
ثم كربت عنان راحلتي عائدا الى ديار الوطن العزيز والمسافه كلها 120 كلم
((خلاصة الكلام والله ماعندك احد ولا فكروا فيك كطالب عن بعد لا ونبي يسوون لنا حفل تخرج زيين انهم يختبرونا))
وسلامتكم
شكر خاص لكل من قراء هذه القصه المعبره والقيمه ووحده من الثنتين يا انك واحد من المشرفين يتأكد من الموضوع يا انك واحد فاضي ماعندك شغل :106::106::106: