شرح + استفسارات كل ما يتعلق ( بمشروع التخرج ) الفصل الثاني 1438 هـ

[ســــلآف]

السلام عليكم ورحمة الله وبركاته
وأسعد الله أوقاتكم أحبتي بكل خير
أسال تعالى أن يكون عاماً موفقاً وحافلاً بالنجاح للجميع ...

:004::004::004:
أخواني وأخواتي طلاب المستوى الثامن ها أنتم قد وصلتم للحصاد ...
أساله تعالى أن تجنوا خيراً وفلاحاً ونجاح بتفوق ...

* ( التساؤلات حول النقاط المهمة )
* بين أيديكم تساؤلات وأجوبة لمادة مشروع التخرج ... أساله تعالى أن تجدوا النفع والفائدة بها ....
1- ماهي المواضيع المتاح لي كتابة مشروع التخرج حولها ؟
ان يكون الموضوع خاص بعلم الاجتماع والخدمة الاجتماعية
2- اقترب العام الدراسي كيف لي أن أعرف اسم الدكتور المشرف على بحثي ؟
يمكنك معرفة المشرف على بحثك عبر بوابة التعليم عن بعد - ثم تختار أيقونة ابحاث ومشاريع ( علم اجتماع )
تُحدد الجامعة لكل طالب وطالبة مُشرف على مشروع التخرج
وعليه أن يلتزم ( الطالب أو الطالبة ) بمواعيد تسليم المشروع لمُشرفه في التوقيت المُحدد له
وفق تعليمات مشروع التخرج بأيقونة مشروع التخرج علم الاجتماع المتواجدة
بالخدمات الطلابية ,,,
3- أنا متخوف ... متوتر .. من مشروع التخرج ... هل يمكنني اجتيازه بتفوق ؟
نعم .. توكل على الرحمن وأبعد الخوف عن قلبك ... ومن الآن قم بمطالعة بحوثك زملائك الذين سبقوك
بالتخرج والهدف من ذلك تأخذ فكرة عن ماهية المشروع وما تسلسل أفكاره التي من المفترض أن تنحو نحوها في إعدادك مشروعك ..
4- هل المحاضرات المسجلة والمباشرة لمادة مشروع التخرج هامة ؟
نعم ... هامة جداً ... ما أن يبدأ العام الدراسي قم بتحميل محاضرات مشروع التخرج
واستمع إليها تباعاً ودون ملاحظتك حولها ... وأعلم أنها مفتاح فهمك للمشروع ...
>> نصيحة لكم تابعوا المحاضرات ... وأيضاً تابعوا المحاضرات المباشرة هي هامة جداً .. بها يحدد المشرف
على بحثك نوع الخط المطلوب التقيد به بالبحث وحجمه وعدد الصفحات ...
أيضاً يجيب على تساؤلات الطلاب وما أشكل عليهم من فقرات في المشروع في المباشرات ...
5 ـ لما لا أحرر نفسي من قيد المشروع وأبحث عمن يعده لي ؟
لاأنصح بهذا ... فمن يعده لك قد يعد نفس المشروع لغيرك ... فلا تجني الا التعثر بالمادة ...
كما المشروع هو اختبارك الحقيقي بتخصصك علم اجتماع .. فأحرص عليه .. لتجني الثمار غداً بالنجاح والتفوق ...
6 _ هل يمكنني طرح أسئلة على مشرفي بالتواصل معه عبر الإيميل ؟
نعم يمكنك التواصل مع مشرفك والتساؤل عما يُشكل عليك فهمه ...
7 _ هل استعانتي بمصادر ( مراجع وكتب عديدة) لمشروعي سيفيده ؟
لا ... احذر وتقيد بالعدد المطلوب منك في دليل مشروع التخرج ...
8- ماذا عن عدد الاقتباسات المسموحة لي في البحث ؟
أيضاً هنا تقيد بعدد الاقتباسات المطلوبة منك ... ولا تتجاوزها ...
* ( شرح خطوات المشروع )

خطـوات كتابة البحث :-
1- اختيار الموضوع :- يمثل اختيار الموضوع الخطوة الأولى ونقطة البداية في كتابة البحث . ومن المهم أن يثير اختيار الموضوع إهتمام الباحث والمشرف على السواء

. ولا بد أن يكون موضوع البحث محدداً وضيقاً وليس عاماً ، أي أن تكتب بحثاً في نقطة واحدة ، أو جانب محدد .
2- البحث عن المصادر والمراجع :- قبل كتابة أي بحث لا بد من تجميع المراجع الضرورية والكافية عن الموضوع . إذ لا فائدة من موضوع جيد ليس له مراجع .

كما أن قراءة المراجع المتاحة ضرورية لوضع برنامج القراءات وأخذ الملاحظات. تشتمل قائمة المراجع والمصادر على ما يلي:
• • الموسوعات العامة
• • الموسوعات المتخصصة
• • فهارس الدوريات
• • الكتب
• • مقالات الدوريات والصحف الورقية والآلية
• • شبكة الإنترنت للبحث عن معلومات ومصادر معلومات في غاية الأهمية والحداثة.

3 - تدوين مصادر المعلومات الأساسية :- هنا يبدأ الباحث باستعمال بطاقات متساوية الحجم لأبحاثه ، بتخصيص بطاقة واحدة لكل نقطة من النقاط الهامة ،

يدون عليها المعلومات الهامة من الدراسة ، سواء كان ذلك (أ) عن طريق الاقتباس

(ب) أو تلخيص الأفكار مع ذكر المصدر باستمرار أي : اسم المؤلف ، عنوان الكتاب

أو المقال ، والصفحة ، الناشر وبيانات النشر وسنة النشر ، على إحدى زوايا

البطاقة ، وهذا سيكون له أهميته عند النهائية للبحث .

4 - تجميع وتنظيم الأفكار :- بعد تجميع ما يكفي من المعلومات حول موضوع البحث ، يتم ترتيب بطاقات البحث حسب تسلسل الأفكار الرئيسية.

بعد ذلك يصبح الباحث ملماً نوعاً ما بنواحي موضوعه وبناءً عليه يضع خطة أو

هيكلاً عاماً مؤقتاً لبحثه، يراعي فيه الترتيب المنطقي المتسلسل والترابط بين أجزائه

ويختار له عنواناً مختصراً واضحاً، على أن تكون هذه الخطة خاضعة للتعديل من

حذف وإضافة فيما بعد . ثم يبدأ بكتابة البحث بروية ودقة كمسودة أولى ،

وذلك وفق الخطة التي وضعها في البداية والتي تتضمن أجزاء البحث الرئيسة التالية :-
1-المقدمة:- وهي الباب الرئيسي الذي ندخل منه إلى صلب الموضوع ، وتتضمن النقاط التالية :-
أ- توضيح الهدف من البحث وأهمية الموضوع.
ب- تحديد أبعاد المشكلة، وإعطاء تصور لكيفية معالجتها.
ت- شرح منهاج البحث وأسلوب دراسة الموضوع.
ث- إعطاء نبذة أو خلاصة عن محتويات البحث.
2- المتن أو المحتوى:- وهو القسم الرئيسي من أي بحث، ويمثل جوهر الموضوع لأنه

يحوي القسم الأكبر من المعلومات التي جرى عرضها وإعطاء الرأي فيها على هيئة فصول أو أبواب.
3-الخاتمة:- وهي حصيلة البحث وتأتي في آخر البحث، وتجسد النتائج النهائية التي توصل إليها الباحث، حيث يتمكن

القارئ من خلالها معرفة ما أضافه الباحث على الموضوع.
4-قائمة الجداول:- إذا تضمن البحث جداول إحصائية.
5-الملاحق:- إذا تضمن البحث بعض الاستبيانات أو الوثائق الهامة.
6-قائمة المراجع:- على الباحث أن يقوم بإعداد قائمتين: واحدة باللغة العربية ، والثانية باللغة الإنجليزية، كل على حده،

وأن تشتمل هذه القوائم على الكتب والمقالات وأية مصادر أخرى استخدمها عند كتابة بحثه . .


* ( .بالمرفقات )

نماذج

* تعليمات هامه جدا جدا للمشروع
* بعض النماذج لبحوث سابقة (مشروع بحث التخرج) للاستفادة فقط

* نموذج خطة البحث
* الشعار


http://www.mubasheer.com/contents/newsm/2719.jpg (http://mubasheer.com/news-action-show-id-2719.htm)
:icon19::icon19:

http://up.1sw1r.com/upfiles2/kbt80177.png





* شروحات سابقة

* مواضيع سّابقة للشّرح تم الاعتماد عليها لشموليتها وكمالها بالمرفقات
*هذا موضوع حوّاء ويشمل الجزء النظري فقط " مهمه جدا بالمرفقات مع بعض الروابط المهمة "


*وهذا موضوع بنكلير ويشمل الجزء التطبيقي فقط " مهمه جدا بالمرفقات مع بعض الروابط المهمة "


* طريقة حساب المتوسط الحسابي باستخدام برمجية اكسل

https://www.youtube.com/watch?v=1X8kswGBD2o (https://www.youtube.com/watch?v=1X8kswGBD2o)

قص ولصق الجداول في البحث
https://www.youtube.com/watch?v=TuDDQ3qGwQs (https://www.youtube.com/watch?v=TuDDQ3qGwQs)


* هام جداااا

بخصوص رابط الاقتباس :
أولا: الدخول على الخدمات الطلابية ومن ثم الصفحة الرئيسية في أعلى القائمة
بعد ذلك اضغط على أيقونة البريد الإلكتروني أعلى القائمة، ثم في الأسفل الدخول إلى النظام
راح يدخلك على صفحة outlook فيها بريدك الإلكتروني والرقم السري وهو بطبيعة الحال نفس رقم الخدمات الطلابية
هذا بخصوص الحصول على الرابط
ثانياً: بخصوص لمن لم يصلهم رابط :
الدخول إلى الخدمات الطلابية - خدمات أخرى - الأسئلة المتكررة- إضافة سؤال جديد وتضعوا سؤالكم بهذا الخصوص ...


* برنامج الاقتباس تجده على بريدك الجامعي :
https://www.kfu.edu.sa/ar/pages/email.aspx (https://www.kfu.edu.sa/ar/pages/email.aspx)
اسم المستخدم وكلمة المرور هي نفسها للخدمات الطلابية





* موقع الانتحال لفحص ملفات مشروع التخرج ( الجــــ@ـارح )
https://vb.ckfu.org/t736787.html (https://vb.ckfu.org/t736787.html)

اهم النقاط في برنامج الاقتباس .مع الشرح ( الجــــ@ـارح )
https://vb.ckfu.org/t714662.html (https://vb.ckfu.org/t714662.html)

هام بخصوص مشروع التخرج ,, ( الجــــ@ـارح )
http://vb.ckfu.org/t710828.html#post12787624 (http://vb.ckfu.org/t710828.html#post12787624)

ملاحظات هامة : الرجاء التأكد من صلاحية ملف المشروع يجب ان يكون صالح وغير تالف و ضمن الصيغه المسموحه
قبل رفع ملف المشروع الرجاء الذهاب الى الإقتباس والتأكد من نسبة الإقتباس
يسمح للطالب بإعادة تحميل ملف المشروع او تعديله مره واحد فقط خلال 24 ساعة فقط من تاريخ رفع الملف

تعليمات رفع مشروع التخرج :

أن يكون الموضوع الذي تم اختياره في تخصص علم الاجتماع والخدمة الاجتماعية .
أن لا يكون البحث منسوخًا من الانترنت .
جب أن يكون للموضوع جانب نظري. واخر تطبيقي ميداني يقوم الطلاب فيه بجمع البيانات وتحليلها وعرض النتائج النهائية .
يجب ان يقوم الطالب (الطالبة) بإعداد البحث بنفسه .
ان لا تتعدى نسبة الاقتباس في البحث 25% .
الطالب الذي يقوم بنقل بحث من زميل آخر سوف يتعرض للرسوب هو وزميله .
لن يقبل البحث إلا إذا كان مكتوباً بصيغة Microsoft Word وليس ملف صورة من خلال سكانر
لا تزيد عدد صفحات البحث عن 40 ورقة ولا تقل عن 20 ورقة
أن يكون البحث مكتوبا بحجم الخط (16) ونوع الخط (Traditional Arabic)
يتم رفع البحث بعد الانتهاء منه على ايقونة مشروع التخرج في موعد تحدده العمادة ولا تقبل البحوث التي ترد من خلال البريد الالكتروني
للمشرف أو اي بريد الكتروني اخر أو اي وسيله غير التي حددتها العمادة او بعد الموعد المحدد من قبل العمادة

يسمح للطالب بإعادة تحميل ملف المشروع او تعديله مره واحد فقط خلال 24 ساعة فقط من تاريخ رفع الملف

بعد عملية رفع مشروع التخرج , يرجى الضغط على مشاهدة الملف وطباعة الوصل , للتأكد من ان البحث قد وصل الى خوادم الجامعة ,
هذه الأيقونه فقط لأستقبال ملف المشروع , ولا يعني بأن البحث صالح او صيغته صالحة حيث يتحمل الطالب المسؤولية الكاملة عن حالة الملف
على الطالب التأكد من أن الملف المرفوع هو الملف الصحيح الخاص ببحثه

:icon19::icon19::icon19:
أي استفسار بإذن الله أنا و الجميع ما راح نقصر معكم ...
أسأل الله لي ولكم التوفيق والسداد
يا رب أني وفقت في طرح هذا الموضوع :004:

"رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِّن لِّسَانِي يَفْقَهُوا قَوْلِي"

[ســــلآف]

هناك عدة نصائح لكم


التقيد بتعليمات الجامعة في " اختيار اسم مشروعك تبع تخصصك ، التطبيق عملي ونظري ، نوع الخط ، عدد الصفحات ، الاقتباس ..... "
معرفة الدكتور او الدكتورة المشرفة على مشروعك
التواصل الدائم مع مشرفك عن طريق الايميل أو الجوال
عدم النسخ واللصق من مشاريع اخرى " حتى لا تتعرض لرسوب "
اذا لا تستطيع عمل المشروع بنفسك ممكن تختار شخص ثقه وليس أي شخص وتتابع معه اول بأول ولا تسلمه مشروعك بدون متابعه لان هناك من يكون هدفه جمع المادة وقد تتعرض لرسوب والحرمان من مرتبة الشرف او الامتياز او أي طموح اخر
أي طالب يقدم نصيحه غير صحيحه يحذف رده دون الرجوع له مثال " انا جبت 98 وكله نسخ ، انا جبت 95 ونسبة الاقتباس 45، انا جبت 100 ولا تابعت مع الدكتورووووو .... طبعا يمكن الله وفقك وعديت من بين ايدي الدكتور وما دقق بمشروعك لكن بعض الدكاترة او الدكتورات تبدأ تقيييم بالطريقة حسب التعليمات المطلوبة ..

اتمنى تأخذون بنصائحي وبإذن الله تفييدكم ... والله يوفقكم جميعااااااا

."رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِّن لِّسَانِي يَفْقَهُوا قَوْلِي"

[ســــلآف]

من تجارب الطلاب
فـــكـــرة النــجــاح فـي مشــروع التخــرج ليست صعبة | مشــروع تخــرجي و تعليمات | ~ (https://vb.ckfu.org/showthread.php?t=786532)

"رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِّن لِّسَانِي يَفْقَهُوا قَوْلِي"

[عاشق ومحد صدقه]

أحسنت

من جهازي SM-G925I بواسطة تطبيق ملتقى فيصل (http://r.tapatalk.com/byo?rid=92985)

[ســــلآف]

"رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِّن لِّسَانِي يَفْقَهُوا قَوْلِي"

[7aaamed]

جزاك الله خير وكتب اجرك يا اخت سلاف استفدنا منك الشي الكثير

ارفق لكم مشروعي لعله يفيدكم ولو بشيئ قليل

نسبة الاقتباس 4% والدرجة 90 ولله الحمد

بالتوفيق للجميع بالاجتياز وبالدرجات العالية

[ســــلآف]

جزاك الله خير وكتب اجرك يا اخت سلاف استفدنا منك الشي الكثير

ارفق لكم مشروعي لعله يفيدكم ولو بشيئ قليل

نسبة الاقتباس 4% والدرجة 90 ولله الحمد

بالتوفيق للجميع بالاجتياز وبالدرجات العالية

جزاك الله خير بحثك رااااااااائع

[منآآر]

جزاك الله خير وكتب اجرك يا اخت سلاف استفدنا منك الشي الكثير مشيت على نفس خطوات بحثك
والحمدلله كانت نسبة الاقتباس 6% والدرجة 97 عند الدكتورة صباح الله يسعدها
والحمدلله سوويته بنفسي واخذ مني شهر ونص تقريبا

ارفق لكم مشروعي للفائدة

[ابومقرن2012]

فتحت معكم أيقونة المشرف عليك؟!
دخلت على الخدمات أبحاث ومشاريع مانفتحت للطلاب والبلاك بورد حاطين كل المشرفين ع المشاريع هل اختار واحد ولا كيف الطريقة

[غيداء1]

الله يعطيك الف عافيه سلاف

عدد الفصول لازم خمسه غير المقدمه افضل شي كم اخلي نسبه الاقتباس
وعدد الصفحات .

[ســــلآف]

جزاك الله خير وكتب اجرك يا اخت سلاف استفدنا منك الشي الكثير مشيت على نفس خطوات بحثك
والحمدلله كانت نسبة الاقتباس 6% والدرجة 97 عند الدكتورة صباح الله يسعدها
والحمدلله سوويته بنفسي واخذ مني شهر ونص تقريبا

ارفق لكم مشروعي للفائدة


ما شاء الله تبارك الله
جزاك الله خير ومووووووووووفقه بإذن الله
ما شاء الله كل الطالبات عند الدكتوره صباح جابوا a+

ما قصرتي يا منار وتستاهلين

[ســــلآف]

فتحت معكم أيقونة المشرف عليك؟!
دخلت على الخدمات أبحاث ومشاريع مانفتحت للطلاب والبلاك بورد حاطين كل المشرفين ع المشاريع هل اختار واحد ولا كيف الطريقة


لا باقي اكيد حول اسبوعين حتى تفتح بإذن الله

[ســــلآف]

الله يعطيك الف عافيه سلاف

عدد الفصول لازم خمسه غير المقدمه افضل شي كم اخلي نسبه الاقتباس
وعدد الصفحات .


الله يعافيك يالغلا
شوفي وضعت التعليمات بالمرفقات افتحيها وراح تجدين كل ما تحتاجينه من شروط وتعليمات البحث

[الحظ العنيد]

فتحت معكم أيقونة المشرف عليك؟!
دخلت على الخدمات أبحاث ومشاريع مانفتحت للطلاب والبلاك بورد حاطين كل المشرفين ع المشاريع هل اختار واحد ولا كيف الطريقة

لسى ايقونة مشروع التخرج مقفله ابحاث ومشاريع تخص الرفع. فقط اسم المشرف يكون في ايقونة مشروع التخرج علم اجتماع انتظرو حتى تفتح

[MS.3MH]

سوال انا ابي ابدا في المشروع لازم انتظر الدكتور على موافقه على الموضوع او عادي

و النقط المهمه هو الخط نوع و حجم ، يكون جانب نظري و جانب عملي ، و يخص دراستي
في حاجه ثانيه عشان ابي اعرف اذا ابدا ولا انتظر

[ســــلآف]

انتظري حتى تعرفي من دكتورتك وتختارين موضوع توافق عليه افضل لك

[fofooooo]

كيف اعرف دكتوري بالمشروع ؟؟
وشهي الايقونه ؟؟
ومتى تفتح ؟؟

[ندو12]

سؤال الله يسعدكم الحين عادي اسوي مشروع التخرج بموضوع والتدريب بموضوع ثاني .؟

[الحظ العنيد]

كيف اعرف دكتوري بالمشروع ؟؟
وشهي الايقونه ؟؟
ومتى تفتح ؟؟

اذا فتحت الايقونة راح تعرفي الاسم موجوده في الخدمات الطلابيه بعدين اخرى بعدين مشروع التخرج لعلم الاجتماع

[الحظ العنيد]

سؤال الله يسعدكم الحين عادي اسوي مشروع التخرج بموضوع والتدريب بموضوع ثاني .؟

مشروع التخرج ماده والتدريب الميداني ماده ثانيه مالهم علاقه ببعض

[البروفسورة]

السلام عليكم
شكرا لمجهودك الكريم والله يوفقك ويوفقكم جميعا ..

السؤال
كيف أتاكد من صدق أداة البحث وثباتها ؟
ومن الجهه او الشخص اللي يقوم بمراجعة اداة البحث ويتأكد من صدقها وثباتها ؟

[hloleh]

السلام عليكم
الله يجزاك خير سسلاف ع التوضيح للمادة والطريقة

طلع مشرفي الدكتورة سامية باقر .. احذ قدم لها مشروع قبل؟؟ وشلون طريقتها ؟

[غموض ملائكي]

احتاج احد يعمل لي مشروع التخرج بسبب الضروف الصحيه اللي يعررف احد او مستعد يعمله يقولي .

[ســــلآف]

السلام عليكم
شكرا لمجهودك الكريم والله يوفقك ويوفقكم جميعا ..

السؤال
كيف أتاكد من صدق أداة البحث وثباتها ؟
ومن الجهه او الشخص اللي يقوم بمراجعة اداة البحث ويتأكد من صدقها وثباتها ؟






ما فهمت عليك :017:

[ســــلآف]

احتاج احد يعمل لي مشروع التخرج بسبب الضروف الصحيه اللي يعررف احد او مستعد يعمله يقولي .

عندك من الان شهرين ونصف يمديك

[ســــلآف]

السلام عليكم
الله يجزاك خير سسلاف ع التوضيح للمادة والطريقة

طلع مشرفي الدكتورة سامية باقر .. احذ قدم لها مشروع قبل؟؟ وشلون طريقتها ؟

وياك يالغلا
ان شاء الله امورك طيبه
تواصلي دائما معها وفالك التوفيق

[أحمدنتـ]

د. علي سمير المشرف على مشروع التخرج عندي , من كان معه ياشباب؟

[هنوش]

سلاف الموضوع انا اختاره ولا المشرفه

[Leith.MU]

د. علي سمير المشرف على مشروع التخرج عندي , من كان معه ياشباب؟

انا زييككك ..

..
.

بعد فتح الايقونة وش المطلوب مننا نرسل للدكتوور
والا وش السالفة ؟..

[البروفسورة]

ما فهمت عليك :017:

اذا صممتي اسألة الاستبيان
الاستبيان مع الاسالة تسمى اداة البحث الميداني
قريت في احدى البحوث
التأكد من صدق الاداة
يعني كأن فيه احدى يراجع الاسئلة

[شقردي!!!!]

د. علي سمير المشرف على مشروع التخرج عندي , من كان معه ياشباب؟

انا معك نفس الدكتور

[هنوش]

اقدر أتواصل مع الدكتوره على طريق الجوال واتس ولا أكلمها ؟ ��احس أني مو فاهمه نظام المشروع الله يستر سلاف مساعدتك ��

[الحظ العنيد]

اقدر أتواصل مع الدكتوره على طريق الجوال واتس ولا أكلمها ؟ ��احس أني مو فاهمه نظام المشروع الله يستر سلاف مساعدتك ��

اتصلي فيها واعطيها مواضيع وهي تختار

[أحمدنتـ]

طيب الشباب اللي معي مع الدكتور علي سمير ماتعرفون معلومات عنه بخصوص متشدد ويرسب ولا... ؟
شرايكم نفتح موضوع تجمع مشروع التخرج مع د.علي سمير

[هنوش]

اتصلي فيها واعطيها مواضيع وهي تختار

:sm5:بجرب ارسل واتس الله يسهل

[نواف246]

لماذا رقم الجوال

ويمنع التواصل عن طريقة

[•• شجون ~]

-


روحوا البلاك
افتحو ماده مشروع التخرج
شوفوا الساعات المكتبيه
اتصلوا في الوقت المحدد بيردوا عليكم
غير كذا ما راح يردوا


الواتس الترم الفات ممنوع نتواصل عليه
التواصل فقط بالاتصال

[هنوش]

اوك شكرا

[هنوش]

طيب البعض ماحطو الوقت حاطين ايميل

[ســــلآف]

الايميل ارسلي أي وقت والاتصال عادي الصباح بعد الساعة 10 او المغرب

[البروفسورة]

الحمد الله انا كلمت الدكتورة
ما بين الساعة 4 و 7 مساء

بالعكس رتبت افكاري واستفدت منها

والافضل تكلمونها اللي يحس انه محتاج شيء

[هنوش]

ممكن احد يقترح علي بعض المواضيع

[البروفسورة]

اكتبي بقوقل مواضيع بحث علم اجتماع يطلع لك 100 اقتراح

[طموح منتسب]

السلام عليكم ..
حبيت اضيف نموذج للغلاف وكل واحد وذوقه وأفكاره ..

احترامي للجميع ..

[NADA_GM1]

انا تخرجت و جبت في المشروع 98 والحمد الله طبعا انا كتبته بنفسي تكفون لا احد يعتمد مكاتب والا نت نسخ لصق اعرف كثير ما تخرجوا لانهم اعتمدوا على غيرهم اخذوا ترم جديد عشان المشروع وترا الجامعه عندهم جهاز اسمه القارئ يعرف هل هذا البحث منسوخ او او
راح اكتب لكم طريقتي
طلبت من دكتوره هي تختار لي موضوع
اول شي كتبت كل اللي مطلوب مني العناصر المهمه اتوقع 11 شي
من مقدمه و واهداء و سبب اختياري لموضوع المشروع و ماهو المشروع و اسبابه و وو جدول احصاء بالنسب و الدراسه الميدانيه
ثم اخذت كتابين من نفس الموضوع صرت اقرا سطر واعبر بطريقتي واكتب باسلوبي كل سطر جلست اسبوعين و انا مروقه اكتب
بعدين دخلته نسبه الاقتباس طلعت 3% فقط
والحمد الله رفعته
و لازم تقرون نموذج وتاخذون فكره مبديا و رتبوا الافكار والعناصر بورقه خارجيه وامشوا بالترتيب و بس وبكذا راح تتطمنون وفالكم التووفيق

[جميلةة]

مساء الفل
وش اسوي يا عالم
كيف اعمل مشروع

ومن اراسل ؟ واي ايميل

وكيف الطريقه

[الحظ العنيد]

مساء الفل
وش اسوي يا عالم
كيف اعمل مشروع

ومن اراسل ؟ واي ايميل

وكيف الطريقه

ادخلي ايقونه المشروع اللي في الخدمات الطلابيه بعدين اخرى تلاقي الايقونه فيها اسم المشرفه ورقمها وتعليمات المشروع اختاري كم موضوع يخص علم الاجتماع والجوانب او المشاكل في المجتمع السعودي وهي تختار لك او ممكن بدون اتصال بس عشان ترتاحين يعني كلميها زي مثلا مواقع التواصل الاجتماعي واثرها ع الفرد او ازمه الاسكان او الطلاق او تفوق الطالب ودور الاسره الايجابي او غياب الاب واثره ع الاسره وفيه مواضيع كثييييير جدا

[fofooooo]

انا تخرجت و جبت في المشروع 98 والحمد الله طبعا انا كتبته بنفسي تكفون لا احد يعتمد مكاتب والا نت نسخ لصق اعرف كثير ما تخرجوا لانهم اعتمدوا على غيرهم اخذوا ترم جديد عشان المشروع وترا الجامعه عندهم جهاز اسمه القارئ يعرف هل هذا البحث منسوخ او او
راح اكتب لكم طريقتي
طلبت من دكتوره هي تختار لي موضوع
اول شي كتبت كل اللي مطلوب مني العناصر المهمه اتوقع 11 شي
من مقدمه و واهداء و سبب اختياري لموضوع المشروع و ماهو المشروع و اسبابه و وو جدول احصاء بالنسب و الدراسه الميدانيه
ثم اخذت كتابين من نفس الموضوع صرت اقرا سطر واعبر بطريقتي واكتب باسلوبي كل سطر جلست اسبوعين و انا مروقه اكتب
بعدين دخلته نسبه الاقتباس طلعت 3% فقط
والحمد الله رفعته
و لازم تقرون نموذج وتاخذون فكره مبديا و رتبوا الافكار والعناصر بورقه خارجيه وامشوا بالترتيب و بس وبكذا راح تتطمنون وفالكم التووفيق

انا خايفه مرررره موضوع الاقتباس ممكن البرنامج ؟ علشان اتاكد قبل لا ارسل

[fofooooo]

عزيزتي سلاف
لو اخذ نموذج المشروع
ونموذج الخطه

كذا وهم رؤوس اقلام
واعبيه من موضوعي

عادي مايعتبر اقتباس ؟؟؟

[saleh33]

رد: ندااااااا لمسجلين مشروع التخرج
السلام عليكم ورحمة الله وبركاته
حبيت استفسر انا عندي مشروع التخرج والمشرف الدكتور حسن ابو زيد
اراسله ايميل ومايرد وجواله مقطوع
احد يقدر يفيدني لأن الوقت يمشي والدكتور ما رد علي

[•• شجون ~]

انا خايفه مرررره موضوع الاقتباس ممكن البرنامج ؟ علشان اتاكد قبل لا ارسل

-


لا تجربي اي موقع للاقتباس
فقط موقع الاقتباس راح ترسله لكم الجامعه بعدين
يعني قبل الاختبارات بشهر او ثلاث اسابيع


ابدائي ، وبعدين اذا فتح الاقتباس قيسي
واذا طلع الاقتباس كثير العبي بالكلمات :10111:
اعاده صياغه للجمل بأسلوبك




موفقه يا سكره :004:

[•• شجون ~]

عزيزتي سلاف
لو اخذ نموذج المشروع
ونموذج الخطه

كذا وهم رؤوس اقلام
واعبيه من موضوعي

عادي مايعتبر اقتباس ؟؟؟




نيابه عن سلاف


ايه تطلع بالاقتباس بس بنسبه مرا مرا بسيطه
اذكر جمله نسختها من هنا ( مشروع ضمن متطلبات النخرج .. الخ )
طلع لي مقتبس من موقع الملتقى :biggrin:

بس لا تخافين اهم شي الفصول
لا تقتبسي واجد


موفقه :106:

[•• شجون ~]

رد: ندااااااا لمسجلين مشروع التخرج
السلام عليكم ورحمة الله وبركاته
حبيت استفسر انا عندي مشروع التخرج والمشرف الدكتور حسن ابو زيد
اراسله ايميل ومايرد وجواله مقطوع
احد يقدر يفيدني لأن الوقت يمشي والدكتور ما رد علي


-



وعليكم السلام والرحمه


دامه ما يرد ابدأ في موضوعك

لان العام بعض الدكاتره يردوا عالطلاب
و طلاب ثانين ساحبين عليهم :biggrin:


اهم شي حاول تحضر المحاضره المباشره
المخصصه لدكتورك



موفق

[fofooooo]

نيابه عن سلاف


ايه تطلع بالاقتباس بس بنسبه مرا مرا بسيطه
اذكر جمله نسختها من هنا ( مشروع ضمن متطلبات النخرج .. الخ )
طلع لي مقتبس من موقع الملتقى :biggrin:

بس لا تخافين اهم شي الفصول
لا تقتبسي واجد


موفقه :106:

:Cry111::40:

[fofooooo]

-


لا تجربي اي موقع للاقتباس
فقط موقع الاقتباس راح ترسله لكم الجامعه بعدين
يعني قبل الاختبارات بشهر او ثلاث اسابيع


ابدائي ، وبعدين اذا فتح الاقتباس قيسي
واذا طلع الاقتباس كثير العبي بالكلمات :10111:
اعاده صياغه للجمل بأسلوبك




موفقه يا سكره :004:


شششكرا شجون :004::43:

[Mesh.1]

انا مشروعي عند دكتوره يسرا الهذيلي وراسلتها ولا ردت وش السواة ؟

[fofooooo]

انا مشروعي عند دكتوره يسرا الهذيلي وراسلتها ولا ردت وش السواة ؟

دقي عليها ..

[emey2812]

تكفووووووووووووووووووووووووووووووووووون تكفوووووووووووووووووووووووون تكفووووووووووووووووووووووون افزعولي جعلكم الجنه ردوا علي كيف اعرف موضوع تخرجي يعني الموضوع اللي بسوي عليه بحث هو من راسي اختار وكيف اعرف من المشرف او المشرفه الله يخليكم علموني خطوه خطوه احس مخي وقف لا تتجاهلون رسالتي

[غموض ملائكي]

مالحل عند الاتصال ع الدكتور والجوال مغلق ومايرد هل يبدا الطالب بالبحث حسب الموضوع اللي اختاره حتى ولو لم يوافق الدكتور . وهل نتواصل معاه طوال خطوات البحث او نبدا فيه كامل وعند فتح الايقونه نرفعه ارجوا الرد وجزاكم الله خير

[ســــلآف]

تكفووووووووووووووووووووووووووووووووووون تكفوووووووووووووووووووووووون تكفووووووووووووووووووووووون افزعولي جعلكم الجنه ردوا علي كيف اعرف موضوع تخرجي يعني الموضوع اللي بسوي عليه بحث هو من راسي اختار وكيف اعرف من المشرف او المشرفه الله يخليكم علموني خطوه خطوه احس مخي وقف لا تتجاهلون رسالتي

:41jg:
اكيد موضوعك من راسك بس راسك لازم يحدد " من تخصصك علم اجتماع ومن المجتمع السعودي بالذات "
تعرف مشرفك من الخدمات الطلابية >> اخرى >>> مشروع علم الاجتماع >> تجد اسم دكتورك

وبعدها تراسل دكتورك والباقي ادخل بداية الموضوع وتعرف كل شي

[ســــلآف]

مالحل عند الاتصال ع الدكتور والجوال مغلق ومايرد هل يبدا الطالب بالبحث حسب الموضوع اللي اختاره حتى ولو لم يوافق الدكتور . وهل نتواصل معاه طوال خطوات البحث او نبدا فيه كامل وعند فتح الايقونه نرفعه ارجوا الرد وجزاكم الله خير


حسب دكتورتك من هي ؟؟
اذا يسرا الله يعينك اختاري موضوع وشتغلي عليه لانها مستحيل ترد الا اذا شكوى الطلاب وصلت
واذا غيرها اكيد راح ترد بإذن الله .. انتظري بعد المباشره الاولى

وبالتووووووووووووووفيق

[غموض ملائكي]

المشروع مو لي الدكتور صديق عطا بس مغلق جواله كيف ارسل له عن طريق الايميل عندي هوتميل.

[مذهلةة]

السلام عليكم
يعطيك العافية سلاف

الحين رقم المشرفة وايميلها عشان اتناقش معها في موضوع بحثي واعلمها بالخطوات والا ليش؟

[مذهلةة]

انا تخرجت و جبت في المشروع 98 والحمد الله طبعا انا كتبته بنفسي تكفون لا احد يعتمد مكاتب والا نت نسخ لصق اعرف كثير ما تخرجوا لانهم اعتمدوا على غيرهم اخذوا ترم جديد عشان المشروع وترا الجامعه عندهم جهاز اسمه القارئ يعرف هل هذا البحث منسوخ او او
راح اكتب لكم طريقتي
طلبت من دكتوره هي تختار لي موضوع
اول شي كتبت كل اللي مطلوب مني العناصر المهمه اتوقع 11 شي
من مقدمه و واهداء و سبب اختياري لموضوع المشروع و ماهو المشروع و اسبابه و وو جدول احصاء بالنسب و الدراسه الميدانيه
ثم اخذت كتابين من نفس الموضوع صرت اقرا سطر واعبر بطريقتي واكتب باسلوبي كل سطر جلست اسبوعين و انا مروقه اكتب
بعدين دخلته نسبه الاقتباس طلعت 3% فقط
والحمد الله رفعته
و لازم تقرون نموذج وتاخذون فكره مبديا و رتبوا الافكار والعناصر بورقه خارجيه وامشوا بالترتيب و بس وبكذا راح تتطمنون وفالكم التووفيق

ماشاء الله

الف مبرووك
:d5::d5:


عقبالنا







مشاريع تخرج مقترحة

- البطالة وسياسات التشغيل
– التفوق الدراسي للتلميذ ودور الأسرة الإيجابي
- العمل والتخلص من المشاعر السلبية
- الإسراف وظروف الأسرة المتغيرة
- الرياضة وامتصاص طاقات المراهق الانفعالية
- أجهزة الاتصال الحديثة وزياد العلاقات العاطفية تعقيدا
- المراهقون والعنف والذكاء الاجتماعي من ألعاب الفيديو
- السرقة لدى المراهقين وعلاقتها بنوع التربية
- مرحلة المراهقة بين المخاطر والإهمال
- العنف داخل الأسرة
- جرائم البغاء وعلاقتها بمستوى الفقر
– الطلاق وتعدد الزوجات
- الزواج العرفي والانترنت
- الجماعات الافتراضية عبر الإنترنت وقضائها على الجماعات الأخرى
– المحادثات والجماعات الافتراضية عبر الانترنت
– الخلع والعنف الأسرى
– الانحراف والإنترنت
- سفر رب الأسرة الدائم وتأثيره على الأسرة
– الإدمان والتفكك الأسري
– التربية وأثرها على البيئة
– الطفل الإلكتروني
– سلبية الآباء وعلاقتها بالتخلف الدراسي للأبناء
– إهمال المعلمين والتخلف الدراسي للمتعلمين
– التحديات التي تواجه الآباء في تربية الأبناء
– انتشار العادات السيئة في ضوء جماعات الرفاق
– فوبيا الفقر
– أصدقاء السوء والإدمان
– الفقر وصراع الطبقات
– القلق المرضي
- الكذب لدى الأطفال
- النفاق الاجتماعي
– الانفصام
– انحراف الشباب والاستخدام السيئ للإنترنت
– إدمان الانترنت والصحة النفسية للمراهق
– التبول اللاإرادي والخوف لدى الطفل
– ظهور التلفاز وغياب الوازع الديني
– عمالة الأطفال وعلاقتها بانخفاض مستواهم التعليمي
– الخلع وانتهاك حقوق الزوجية
– الكذب وتأثيره علي نمو الطفل
- الغيرة وتأثيرها علي نمو الطفل
– الصراع الأسري والفقر
– الانعزالية وعلاقتها بالتمدن
– الإدمان والمراهقة
– الانترنت وضعف العلاقات الاجتماعية
– غلاء المهور وقلة حالات الزواج الحلال
– غلاء المهور وانتشار الزواج العرفي
– الفضائيات وضعف الروابط الأسرية
- المحمول وسيطرته على العقول
– الهجرة من الريف إلى الحضر
– سياسة الانفتاح الاقتصادي والخصخصة والتبعية الاقتصادية لدول المركز الرأسمالي
– التقدم التكنولوجي والتغيرات البنائية في جسم الأسرة
– النخب والتأثير الفكري علي الجماهير
– خروج المرأة للعمل بين المطالبة بحقوقها وبين تحسين مستوى المعيشة
– انتشار تكنولوجيا التعليم وارتفاع معدلات التعليم بين النساء
– رغبة المرأة في العمل تحقيق الذاتية والحرية
– خروج المرأة للعمل وصراع الأدوار داخل الأسرة
– خروج المرأة للعمل وضعف التنشئة الاجتماعية للأبناء
– خروج المرأة للعمل واستفحال ظاهرة المربيات
– نسبة غياب الأم عن المنزل وارتفاع الخلافات الزوجية
– إدمان المخدرات
– الأمية الصحية
– غياب الإرشاد الأسري
– جهل المجتمع بالإرشاد النفسي
- غياب الإرشاد المهني الذي يضع العامل المناسب في العمل المناسب
– العنوسة وتأثر الحالة النفسية للفتاة
- الغرور وعدم المعرفة بالعواقب لدى الشباب
- تسول الأطفال.

[•• شجون ~]

السلام عليكم
يعطيك العافية سلاف

الحين رقم المشرفة وايميلها عشان اتناقش معها في موضوع بحثي واعلمها بالخطوات والا ليش؟

بعد إذن سلاف


فقط تناقشيها بموضوع بحثك
تعطيها مواضيع ثلاث هيك وتختار واحد
وكمان اذا عندك استفسار بخصوص المشروع
تجاوبك .


الخطوات اننظروا المحاضره المباشره الاولى
شوفوا دكتوركم ايش يقول
بس الاكيد نفس خطواتنا :106:
موفقه

[•• شجون ~]

المشروع مو لي الدكتور صديق عطا بس مغلق جواله كيف ارسل له عن طريق الايميل عندي هوتميل.



اي ايميل ينفع عادي

[شجن الأوتار]

مخالف

[ســــلآف]

يعطيك العافيه غاليتي شجون ومغترب الله يكتب اجركم

[سميه بنت محمد]

السلام عليكم
الله يعافيكم انا دخلت الايقونه حقت مشروع التخرج وطلع لي غير مسجل في مشروع التخرج ماادري وش المشكله

[سميه بنت محمد]

السلام عليكم
الله يعافيكم انا دخلت الايقونه حقت مشروع التخرج وطلع لي غير مسجل في مشروع التخرج ماادري وش المشكله

[•• شجون ~]

السلام عليكم
الله يعافيكم انا دخلت الايقونه حقت مشروع التخرج وطلع لي غير مسجل في مشروع التخرج ماادري وش المشكله

وعليكم السلام


روحي السجل الاكاديمي
و البانر شوفي مسجله المشروع ؟؟!



-


الله يعافيك سلوفه

[عبد العزيز23]

السلام عليكم حاب اسأل بالنسبه أسلوب تحليل البيانات بإستخدام برنامج
التحليل الأحصائي spss هل فيها مشكله .. ؟؟ او عادي

[•• شجون ~]

السلام عليكم حاب اسأل بالنسبه أسلوب تحليل البيانات بإستخدام برنامج
التحليل الأحصائي spss هل فيها مشكله .. ؟؟ او عادي



وعليكمم السلام والرحمه

آيه ما فيها مشكله مشروعي كان عليه :16.jpg:

[شجن الأوتار]

مخالف

[ســــلآف]

السلام عليكم
الله يعافيكم انا دخلت الايقونه حقت مشروع التخرج وطلع لي غير مسجل في مشروع التخرج ماادري وش المشكله

وعليك السلام
افتحي سجلك الاكاديمي اذا مسجله المادة يعني فيه خلل وارسلي من خلال ايقونة الأسئلة المتكررة مشكلتك
اذا غير مسجله يعني انت اصلا ما سجلتيها

[huynh]

اللخين لو اخذ 4 مراجع واكتب منهن يطلع اقتباس عالي ولالا؟؟

[الحظ العنيد]

اللخين لو اخذ 4 مراجع واكتب منهن يطلع اقتباس عالي ولالا؟؟

خذي الكلام وصيغيه باسلوبك وممكن تقتبسي شي بسيط اهم شي مايتعدى 25٪‏

[غيداء1]

الاميل الجامعي كنت مسويته من زمان ادخل الرقم الجامعي والسري ويطلع غلط
كيف اغير الرقم اسري واو ارجع الرقم

[ابوتركي4141]

الله يعطيك العافيه

[رضاك ررربي]

لو سمحتووو عندي كم سؤال ياليت احد يرد علي ابي ارتاح

اللحين اذا اخترت موضوع للبحث لازم اخذ موافقه من الدكتوره او ابدا فيه ع طول
ثاني شي عادي استخدم النت للبحث وارتبه ع الي يناسبني مافهمت فكرة الاقتباس يعني شلون من وين اجمع بحثي
فهموني الله يسعدكم لان قريت اول صفحه بس كم نقطه مافهمتها

[•• شجون ~]

لو سمحتووو عندي كم سؤال ياليت احد يرد علي ابي ارتاح

اللحين اذا اخترت موضوع للبحث لازم اخذ موافقه من الدكتوره او ابدا فيه ع طول
ثاني شي عادي استخدم النت للبحث وارتبه ع الي يناسبني مافهمت فكرة الاقتباس يعني شلون من وين اجمع بحثي
فهموني الله يسعدكم لان قريت اول صفحه بس كم نقطه مافهمتها



موافقه الدكتوره مو لازم
بس الافضل تكلميها شوفي الاوقات المكتبيه
عند ماده مشروع التخرج لدكتورتك .

النت عادي تستخدمي ابحاث ومشاريع ماستر ودكتوراه
و كتب لبحثك ومقالات . انا تقريباً من كل شي اخذت
وصغت بإسلوبي
شوفي موضوع لي موجود بالرد الثاني
في طريقتي بالبحث



موفقه

[huynh]

ياليييت اجابه صريحه وواضحه
انا بكتب عن علماء بموضوع بحثي مثلا افلاطون وش قال وهربرت سبنسر وش قال وهكذا
اللحين لو بكتبه بيصير فيه نسبة اقتباس ولا عادي
لان وحده تقولي لازم تذكرين علماء وكتب ووش قالو

[الحظ العنيد]

ياليييت اجابه صريحه وواضحه
انا بكتب عن علماء بموضوع بحثي مثلا افلاطون وش قال وهربرت سبنسر وش قال وهكذا
اللحين لو بكتبه بيصير فيه نسبة اقتباس ولا عادي
لان وحده تقولي لازم تذكرين علماء وكتب ووش قالو

اذا كتبتي عنهم كثير اكيد راح تكون نسبة الاقتباس عاليه

[نوف علي]

السلام عليكم
الحين الشكر والعرفان بالبحث نفس الاهداء صح يعني اقدر احط اهداء بدون شكر وعرفان :d

[•• شجون ~]

ياليييت اجابه صريحه وواضحه
انا بكتب عن علماء بموضوع بحثي مثلا افلاطون وش قال وهربرت سبنسر وش قال وهكذا
اللحين لو بكتبه بيصير فيه نسبة اقتباس ولا عادي
لان وحده تقولي لازم تذكرين علماء وكتب ووش قالو



هذي الدراسات السابقه الغوها الترم الي فات
والي يحب يضيفيها لبحثه بكيفه

اختاري الي مناسب بحثك و قصير



موفقه

[•• شجون ~]

السلام عليكم
الحين الشكر والعرفان بالبحث نفس الاهداء صح يعني اقدر احط اهداء بدون شكر وعرفان :d



وعليكم السلام


الثنتين غير مهمه
واذا بدك حطي وحده فيهم :tongue:

موفقه

[الحظ العنيد]

السلام عليكم
الحين الشكر والعرفان بالبحث نفس الاهداء صح يعني اقدر احط اهداء بدون شكر وعرفان :d

عليكم السلام
مو مهمه كلها ولا عليها درجات

[سنين الالم]

سؤالي


انا عندي الدكتور صديق عطا وصراحه وبدون مجامله جننننننننننني هبلبي لاهو اللي يرد على سيره يرد على البريد بعد حوالي 5 ايام وقالي المواضيع بعد المباشره هالكلام قبل اسبوع واليوم حظرت ولا جا هو كل الدكاتره جو على موعدهم ودخلت عليهم الا هو . السؤال وش اسوي ياوجيه الخير خايف اختار موضوع هم يرسبني طبعاً لاهوب راد علينا عشان نوريه الموضوع والخطه قبل نبدا المشروع بيخلينا نرثع لحالنا ويمكن يجحفلنا بالنتيجه رسوب وش الحل ؟

[Sara25]

سلام عليكم لو سمحتي اختي سلاف هل فيه موعد محدد لتسليم البحث ؟؟؟ وإذا فيه متى اخر موعد

[wojood khouj]

الله يسعدكم كيف أعرف انا كم اقتبست في مشروعي :119:

[wojood khouj]

الله يسعدكم عدد الصفحات ضروري يكون خمسه أو أربعة؟

[الحظ العنيد]

سلام عليكم لو سمحتي اختي سلاف هل فيه موعد محدد لتسليم البحث ؟؟؟ وإذا فيه متى اخر موعد

مع الاعمال الفصليه

[الحظ العنيد]

الله يسعدكم عدد الصفحات ضروري يكون خمسه أو أربعة؟

تقيسين الاقتباس الجامعه بترسل لك رابط ع بريدك الجامعي منه تقيسين وعدد صفحات البحث من 20 الى 40

[Good mum]

بسألكم عن مواضيع البحث
صحيح لو كان الموضوع مكرر مايحسبو لي البحث
انا لمن كلمت دكتورتي يسرا اعطيتها موضوعين من ضمنها عن الفئة الخاصة
قالت لي اكتبي عن التوحد وصاغة لي العنوان وقفلت
وقتها كنت بأقولها موضوع مكرر حابه اكتب عن شئ ثاني بس مااعطتني مجال ع طول قفلت

[الحظ العنيد]

بسألكم عن مواضيع البحث
صحيح لو كان الموضوع مكرر مايحسبو لي البحث
انا لمن كلمت دكتورتي يسرا اعطيتها موضوعين من ضمنها عن الفئة الخاصة
قالت لي اكتبي عن التوحد وصاغة لي العنوان وقفلت
وقتها كنت بأقولها موضوع مكرر حابه اكتب عن شئ ثاني بس مااعطتني مجال ع طول قفلت

لا عادي حتى لو العنوان مكرر اهم شي المحتوى مايكون منسوخ

[مشاريع ام عمر]

مخالف

[adelmgk1]

هي نفسها ماده تصميم وتنفيد البحوث ولا غيرها

[الحظ العنيد]

هي نفسها ماده تصميم وتنفيد البحوث ولا غيرها

لا تختلف هذي ماده بدون اختبار درجة النجاح ع البحث اللي تسويه وترفعه من ايقونة ابحاث ومشاريع ولازم تمشي ع التعليمات

[نوف علي]

السلام عليكم حابه سال
يحتاج احط مستلخص الدراسه كل شي بشكل مختصر او لا واذا ايه وين احطه ببدايه البححث او با لاخير :icon19:

[نواف246]

هل يجب اني اكلم الدكتور واعرض عليه عنوان مشروع البحث

لانهم كاتبين بخصوص مشروع البحث شروط وطبقتها







كم عدد المراجع وما الافضل الكثرة او القلة

[طهرالمطر]

استفسار بسيط

تكرار الكلمة في البحث اكثر من مره هل يعتبر اقتباس ؟!

اتمنى افادتي

[•• شجون ~]

هل يجب اني اكلم الدكتور واعرض عليه عنوان مشروع البحث

لانهم كاتبين بخصوص مشروع البحث شروط وطبقتها







كم عدد المراجع وما الافضل الكثرة او القلة


مو لازم
بس افضل ترسله ، واذا ما رد ابدا في بحثك

معاد بيه وقت


موفق

[•• شجون ~]

استفسار بسيط

تكرار الكلمة في البحث اكثر من مره هل يعتبر اقتباس ؟!

اتمنى افادتي




لا ، يا كثر ما كتبت الاطفال الموهوبين
ولا طلع بالنسخ ، النسخ يكون ع جمله او سطر
كامل منسوخ .




موفقه

[طهرالمطر]

لا ، يا كثر ما كتبت الاطفال الموهوبين
ولا طلع بالنسخ ، النسخ يكون ع جمله او سطر
كامل منسوخ .




موفقه


شكرا جزيلا ،وياكِ

[•• شجون ~]

-

هذي المباشرات السابقه حقتنا
ممكن احد يحتاج يفهم شي
بتحصل الاجابه ان شاء الله



https://vb.ckfu.org/t767353.html

https://vb.ckfu.org/t770131.html

https://vb.ckfu.org/t772247.html



وهنا خطوات البحث الي ذكرتها دكتوره ناديه


https://vb.ckfu.org/1057347360-post34.html




- اتمنى عدم رفع مواضيع سابقه


+ انتبهوا ل عنوان بحثكم اذكر وصلني
استبيان الترم الي فات كان عن التحرش الجنسي
واسئله الاستبيان مره اوفر اوفر ، اسئله مخجله جداً
حتى الي متعرض للتحرش مستحيل يجاوب ههههههه


ف عشان كذا زي ما نبهت دكتورتنا الاسئله
ما تكون محرجه




موفقين

[ao09]

الحين الاسئلة الي تكون في البحث لازم نحلها وبعد مانخلص الاستبيان اعطيه احد يحله ؟؟

[al shamrani]

الي يختار موضوع ما يحتاج موافقة الدكتور . وأهم شي يراعي أن الموضوع يكون اجتماعي يعني لا تلخبطون بين علم الاجتماع وعلم النفس . ولازم تكون اسئلة الاستبانة تخدم أهدافك الي تبغى توصل لها وحاولوا تقسمون الاستبانة إلى محاور وكل محور يكون تحته أربع أو خمس أسئلة . وانصحكم بأختيار المراجع القريبة جدا لبحثكم .
والله يوفق الجميع يارب

[wojood khouj]

الله يسعدكم الاستبيان محدود بعدد معين من الأسئلة .. وتوزيعها مطلوب ل 50 شخص ولا؟

[•• شجون ~]

الحين الاسئلة الي تكون في البحث لازم نحلها وبعد مانخلص الاستبيان اعطيه احد يحله ؟؟



سويه ع قوقل درايف و وزعه
يحلونه لك


لا يقل عن 50 رد
انا كان 70 واذا اكثر مو مشكله
لكن لا يزيد بشكل غير معقول


موفق

[student87]

مرحبا
يا جماعة فتحت ايميلي الجامعي ما لقيت رابط لقياس نسة الاقتباس
احد يساعدني ابي اشوف البحث كم نسبته ....

[•• شجون ~]

مرحبا
يا جماعة فتحت ايميلي الجامعي ما لقيت رابط لقياس نسة الاقتباس
احد يساعدني ابي اشوف البحث كم نسبته ....




مرحبتين


لســه مــا ارسلوا لكم الرابط ..
يمكن قبل الاختبارات بثلاث اسابيـــع



موفقه:icon19:

[Good mum]

لو سمحتو كيف اسوي الايميل الجامعي ..
حاولت ماعرفت

[الحظ العنيد]

لو سمحتو كيف اسوي الايميل الجامعي ..
حاولت ماعرفت

سهل مره ادخلي بوابة التعليم عن بعد تلاقي فوق يسار مكتوب البريد الالكتروني افتحيه حطي الرقم الجامعي وكلمه المرور حقتك واذا طلب المنطقه الزمنيه حطي الرياض الكويت وبيتفعل معاك

[هنوش]

لو سمحتو عندي الموضوع البحث ابي اعرف كيف اشوف الاقتباس

[هنوش]

ينفع اخذ بعض المعلومات من النت

[مشاريع ام عمر]

ام عمر اتقي الله فيني >> تعبتيني والله

[الحظ العنيد]

لو سمحتو عندي الموضوع البحث ابي اعرف كيف اشوف الاقتباس

اذا خلصتي البحث كامل تقيسي الاقتباس الجامعه راح ترسل رابط ع بريدك الجامعي ومنه تقيسي

[Ammeeri]

السلام عليكم
ممكن اعرف طريقة وضع الاستبيان في الوورد ؟!

[HRoOoSs]

متى نرفع مشروع التخرج ومتى أخر وقت لرفع مشروع التخرج

[الحظ العنيد]

متى نرفع مشروع التخرج ومتى أخر وقت لرفع مشروع التخرج

اذا فتحت ايقونة ابحاث ومشاريع ترفعه من هناك واخر موعد مع الاعمال الفصليه

[أبو المجد]

بغيت استفسر عن المسوده ورفعها للدكتور كيف وهل هي مهمه ولا لا

[الحظ العنيد]

بغيت استفسر عن المسوده ورفعها للدكتور كيف وهل هي مهمه ولا لا

قسم علم الاجتماع لا
اهم شي البحث رفعه الصحيح من ايقونة ابحاث ومشاريع اذا فتحت

[غيداء1]

مين حضر المباشره الثانيه وايش اهم شي

[غيداء1]

ابي اراسل الدكتورة يسرا هذيلي على الاميل الجامعي
كل مااحط كلمة المرور تطلع غلط

كيف استرجع كلمه المرور او اسوي جديده

[أبو المجد]

قسم علم الاجتماع لا
اهم شي البحث رفعه الصحيح من ايقونة ابحاث ومشاريع اذا فتحت

انت متأكد ما في رفع مسوده للدكتور ...يعني ما يحتاج تواصل مع الدكتور نرفع البحث مباشره

بعدين وين احصل ايقونة الاقتباسات بالتفصيل المُمل انفداك

والمشكله أن تليفون والايميل للدكتور الناجي أدم لا يرد ولا شئ من هذا القبيل ..احنا مهتمين وهم طنش

[الحظ العنيد]

طبعا اخي العزيز متأكده انه مافي مسوده سمعت انها لقسم الانقلش ومحدثتك متخرجه ولله الحمد وبعض الطلاب اللي مشرفينهم ماردوا اتصلوا ع مشرفين غير واعطوهم مواضيع عشان يتأكدون ان الموضوع يخص القسم اما الاقتباس سهل الجامعه ترسل ع بريدك الجامعي رابط تدخل منه تقيسه اذا ارسلوه اشرح لك بالتفصيل الممل اهم شي فعل بريدك الجامعي

[ريما555]

يارب توفيقك

[memo53991]

طيب الدكتوره يسرا ماردت على اختياري لموضوع المشروع ابدا فيه وخلاص وش رايكم ارسلت لها كم مره بالايميل ورسالة نصيه على الجوال ودقيت ولا ردت

[نبض الكلمات]

طيب الدكتوره يسرا ماردت على اختياري لموضوع المشروع ابدا فيه وخلاص وش رايكم ارسلت لها كم مره بالايميل ورسالة نصيه على الجوال ودقيت ولا ردت

توكلي على الله وسوي بحثك ما يحتاج موافقة المشرف بقالنا سنين ماشيين على النظام ده.. اهم شي يكون موضوع خاص بعلم الاجتماع وما تخلطي ما بين علم الاجتماع وعلم النفس

وامشي على تعليمات العمادة في الخط وعدد الاوراق ونسبة الاقتباس وبإذن الله موفقة

[هنوش]

الجامعه متى ترسل ايميل الاقتباس ؟ 🤔نوع ما مو فاهمه ذا نقطه انا خلصت البحث وابي اشوف الاقتباس كيف وشلون

[مذهلةة]

الله يعطيكم العافية ويجزاكم خير سلاف واللي حطوا نماذج من بحوثهم


احسه سهل صعب

شايلة همه بس نقول الله ييسر

برجع افصفص كلامكم واطبق خطوة خطوة والله كريم

ويارب كلنا ننجح بتفوق ونتخرج ونرتاح ونريح اهالينا

[خوله تركي]

طلع لي نسبة الاقتباس 31% وعدد كلماتي 8.811 يعني وشوووووو

[نبض الكلمات]

طلع لي نسبة الاقتباس 31% وعدد كلماتي 8.811 يعني وشوووووو

يعني نسبتك أعلى من النسبة المطلوبة. 25% وأقل

في صفحة الاقتباس اضغطي على رقم 31% الموجود باللون الرمادي. راح يفتحلك صفحة فيها الاجزاء المقتبسة معلمة بألوان مختلفة

شوفي ايش اللي محتاج تعديل وعدليه أو عيدي صياغته وبعد كده ترفعي الملف من جديد وتشوفي النسبة مره ثانيه

وكل ما تكون اقل كل ما تكون افضل

[خوله تركي]

اها طيبببب ياضيق صدري

[نبض الكلمات]

اها طيبببب ياضيق صدري

يا ساتر ليه كده الموضوع بسيط

تفاءلي خير تجديه

[هنوش]

7 .ادخل عنوان الملف في أول خانة بالصفحة، ثم ادخل اسمك األول، واسمك
األخير، ثم اضغط زر "File Choose "الختيار الملف من جهازك. ثم اضغط
زر "Upload "ليتم رفع الملف.

هنا يقصدون عنوان البحث الموضوع يعني

[هنوش]

نسبه الاقتباس عندي 43% يعني كم اقل ولا

[خوله تركي]

صارت نسبه اقتباسي 18% كويسس ولا لا ؟؟؟؟؟؟

[الحظ العنيد]

نسبه الاقتباس عندي 43% يعني كم اقل ولا

ايوه لازم تقللي اهم شي تكون اقل من 25 اضغطي ع النسبه راح يطلع البحث والمظلل يحتاج تعديل اكتبيه باسلوبك

[الحظ العنيد]

صارت نسبه اقتباسي 18% كويسس ولا لا ؟؟؟؟؟؟

ممممتاااز

[هنوش]

صارت النسبه 19 كويسه :mh12:

[الحظ العنيد]

صارت النسبه 19 كويسه :mh12:

ممممتاززز

[هنوش]

نسبه الاقتباس طلعت معاي 19% كويس

[غيداء1]

السلام عليكم


ياليت وحده ترد علي ضروري. ابي رقم وحده من دكتوراتكم بس اهم شي ترد

ز ابي اسئلها عن شي ضروري

[سقيا جنون]

السلام عليكم ي اخوان بسسالكم ..
صفحات المشروع بعدد معين ولا انا احددها
لان جد متوهقه فيه وماعرف اسوي فيه شي ..
يس بتوكل على الله والف من راسي
الله يسعدكم ردو

[نبض الكلمات]

السلام عليكم ي اخوان بسسالكم ..
صفحات المشروع بعدد معين ولا انا احددها
لان جد متوهقه فيه وماعرف اسوي فيه شي ..
يس بتوكل على الله والف من راسي
الله يسعدكم ردو

20 الى اربعين ورقة

وراجعي دليل المشروع في المرفقات

[حرووف~]

السلام عليكم
عندي إستفسارين
فصل الإتجاهات النظرية للدراسة.. وش يعني؟ من كتب؟ مقالات؟
+
الإستبيان يفضل كم سؤال؟

وشكرا جزيلا مقدما..:love080:

[ήὁ̠O̠̲яɑн]

متي اخر يوم لتسليم البحث ؟؟؟

[نبض الكلمات]

السلام عليكم
عندي إستفسارين
فصل الإتجاهات النظرية للدراسة.. وش يعني؟ من كتب؟ مقالات؟
+
الإستبيان يفضل كم سؤال؟

وشكرا جزيلا مقدما..:love080:

على حسب ما بسوي البحث.. الإطار النظري للدراسة بيتكون من بعض المفاهيم والنظريات عن موضوع بحثك...يعنى مثلا لو بحثك عن المخدرات، بتتكلمي عن مفهوم الإدمان وأضراره وآراء الطب والشرع فيه

أما الاستبيان فالعدد ماهو محدد لكن بيكون على حسب الموضوع وعينة الدراسة.. يعنى في رأيي من 10-15 سؤال مناسبين

والله أعلم

[نبض الكلمات]

متي اخر يوم لتسليم البحث ؟؟؟

والله مش متأكد لكن المعتاد كل ترم إن ايقونة الرفع بتفتح قبل الامتحانات تقريبا بأسبوعين على ما أذكر

انتي ما تتأخري وسوي البحث وخليه جاهز ما تنتظري لاخر يوم

[حرووف~]

على حسب ما بسوي البحث.. الإطار النظري للدراسة بيتكون من بعض المفاهيم والنظريات عن موضوع بحثك...يعنى مثلا لو بحثك عن المخدرات، بتتكلمي عن مفهوم الإدمان وأضراره وآراء الطب والشرع فيه

أما الاستبيان فالعدد ماهو محدد لكن بيكون على حسب الموضوع وعينة الدراسة.. يعنى في رأيي من 10-15 سؤال مناسبين

والله أعلم

:icon19:

[HAN0]

الله يوفقكم جميعاً .. انا خلصت المشروع السمستر اللي فات والحمد لله جبت فيه اي بلس والفضل لله اولاً ثم لاعضاء هالمنتدى فحبيت افيدكم بكم شغله لعلكم تستفيدون منها إن شاءالله
موضوع البحث عندي كان مكرر جداً ومستهلك ورغم كذا اخذت عليه 95 لسبب بسيط اني عملته بنفسي وبأسلوبي وتعمقت في الفكره وتابعت تطورها وطرحت وجهة نظري وخلاصة دراستي للموضوع بشكل واضح يعني العنصر الاساسي هو انكم تعتمدون على انفسكم
نماذج البحوث اللي موجوده بالمنتدى مره مهمه اطلعوا عليها وكونوا من خلالها فكره عامه بس طبعاً لاتنسخونها ، مو شرط تكلفون على انفسكم بالاعمده والجداول وتسوون زحمه انا اكتفيت في بحثي بالدائره النسبيه ومشت الامور تمام الحمد لله طبعاً لازم تستخدمون مصطحات علميه صحيحه وتهتمون بالتدقيق الإملائي وتتجنبون الأخطاء الللغويه والنحويه كل هذي تأثر في فكرة الدكتور عن الطالب صاحب البحث والدرجه المستحقه
راح ارفق لكم البحث واطلعوا عليه يفيدكم ان شاءالله
قبل انسى نسبة الإقتباس عندي كانت 4 % فقط وكانت بسبب الايات والاحاديث اللي استشهدت فيها

[@abrar@]

https://mobile.twitter.com/atwrk1402?s=09

[hloleh]

يارب توفيقك
ودي اعرف ليه ما وصلني رابط الاقتباس الي ارسلوه الجامعه
وهل هو مهم لازم ادخل عليه

[عبد العزيز23]

يارب توفيقك
ودي اعرف ليه ما وصلني رابط الاقتباس الي ارسلوه الجامعه
وهل هو مهم لازم ادخل عليه

راسليهم ايييييييه مهم مره

[ســــلآف]

الله يوفقكم جميعاً .. انا خلصت المشروع السمستر اللي فات والحمد لله جبت فيه اي بلس والفضل لله اولاً ثم لاعضاء هالمنتدى فحبيت افيدكم بكم شغله لعلكم تستفيدون منها إن شاءالله
موضوع البحث عندي كان مكرر جداً ومستهلك ورغم كذا اخذت عليه 95 لسبب بسيط اني عملته بنفسي وبأسلوبي وتعمقت في الفكره وتابعت تطورها وطرحت وجهة نظري وخلاصة دراستي للموضوع بشكل واضح يعني العنصر الاساسي هو انكم تعتمدون على انفسكم
نماذج البحوث اللي موجوده بالمنتدى مره مهمه اطلعوا عليها وكونوا من خلالها فكره عامه بس طبعاً لاتنسخونها ، مو شرط تكلفون على انفسكم بالاعمده والجداول وتسوون زحمه انا اكتفيت في بحثي بالدائره النسبيه ومشت الامور تمام الحمد لله طبعاً لازم تستخدمون مصطحات علميه صحيحه وتهتمون بالتدقيق الإملائي وتتجنبون الأخطاء الللغويه والنحويه كل هذي تأثر في فكرة الدكتور عن الطالب صاحب البحث والدرجه المستحقه
راح ارفق لكم البحث واطلعوا عليه يفيدكم ان شاءالله
قبل انسى نسبة الإقتباس عندي كانت 4 % فقط وكانت بسبب الايات والاحاديث اللي استشهدت فيها

ما شاء الله وبالتووووووووووووفيق لك :004:

[عطر الجنآن]

ٱلْسَلآإمّ عليكم وٍرٍحَمُةٌ اللَّـَـَـَـْـْہ ۆبُـرٍگآإتَهّ



اذا كان المشروع اكثر من 40 صفحه عاادي يكون ولا

صاحبتي سوت مشروعها 50 صفحه
مو عارفه تقلل عدد الصفحات ولا عاادي ؟؟

[نبض الكلمات]

ٱلْسَلآإمّ عليكم وٍرٍحَمُةٌ اللَّـَـَـَـْـْہ ۆبُـرٍگآإتَهّ



اذا كان المشروع اكثر من 40 صفحه عاادي يكون ولا

صاحبتي سوت مشروعها 50 صفحه
مو عارفه تقلل عدد الصفحات ولا عاادي ؟؟

والله تعليمات القسم ما يزيد عن 40. وممكن لو الدكتورة غلسة تسويلها مشكلة. الافضل تقلله شوي ممكن ل 45

[ام جرير]

مخالف

سلاف

[Rashasaeed]

السلام عليكم ورحمة الله وبركاته
انا سويت بحثي باقي لي الإحصاء والاستبان كيف اسويه مافهمت الطريقة الي اسويها، الي بيشرحلي الطريقه بالتفصيل أكون اشكره له..

[نبض الكلمات]

السلام عليكم ورحمة الله وبركاته
انا سويت بحثي باقي لي الإحصاء والاستبان كيف اسويه مافهمت الطريقة الي اسويها، الي بيشرحلي الطريقه بالتفصيل أكون اشكره له..

قال الشاعر.. ركزي معاي الله يكرمك شوي

عينة البحث عندك 100 فرد مثلا... بتسوي الاستبيان لبحثك لنفرض 10 عبارات

العبارة الأولى 28 وافقوا عليها والباقي اعترض

بتسوي جدول وقدام العبارة الأولى بتكتبي الموافق 28 والرافض 72
نيجي للرسم البياني.. فيه ناس كتير بتستخدم برنامج spss لكن انا مفهمش فيه وحاولت اتعلمه وبصراحه معرفتش.. انا بستخدم تقسيم النسب المئوية

عندك في الوورد 2010 وما بعده تحت تحت قائمة إدراج بتلاقي كلمة مخطط وفوقها ثلاث عواميد ملونة... تضغطي عليها وتختاري الأفضل في رأي شكل دائري افضل شي للنسب المئوية

اوتوماتيك بيفتحلك صفحة اكسل مكتوب فيها الربع الأول والثاني والثالث والرابع وقدام كل واحد فيهم رقم.. احذفي الثالث والرابع واكتبي مكان الأول موافق.. ومكان الثاني معترض.. وقدام كل واحد منهم عدد المشاركين

هتلاقي الرسم البياني في الوورد اتعدل على حسب الأرقام اللى كتبتيها.. وكل ما تغيري الارقام الشكل يتغير

ولو الشرح ماهو واضح موجود على يوتيوب اكتر من شرح لعمل الاشكال البيانية على الوورد

ملاحظة أخيرة: دي الطريقة اللي بشتغل بيها من زمن والحمد لله كويسه ومناسبة... إذا فيه طريقة تانيه تحسيها افضل بكيفك

[ابو بشرى]

السلام عليكم ورحمة الله وبركاتة
هل مازال فيه متسع من الوقت لأختيار موضوع مشروع التخرج والتدريب الميداني

[نبض الكلمات]

السلام عليكم ورحمة الله وبركاتة
هل مازال فيه متسع من الوقت لأختيار موضوع مشروع التخرج والتدريب الميداني


فيه وقت لكن غير متسع... باقي 24 يوم... استعجل

[ae87]

السلام عليكم
عندي استفسار بخصوص رابط الاقتباس اللي ارسلوه لنا الجامعة
ماقدرت اغير كلمة السر مو راضي يقبلها حاولت مرات كثيرة وبأشكال مختلفة بس ماضبطت
فيه احد واجهته نفس المشكلة؟وكيف احلها؟

[ســــلآف]

السلام عليكم ورحمة الله وبركاتة
هل مازال فيه متسع من الوقت لأختيار موضوع مشروع التخرج والتدريب الميداني


ان شاء الله

[غيداء1]

مرحبا

رابط الاقتباس ماارسلته الجامعه كيف اراسلهم عشان يرسلونه ليا

[نبض الكلمات]

مرحبا

رابط الاقتباس ماارسلته الجامعه كيف اراسلهم عشان يرسلونه ليا


ikhalifa@kfu.edu.sa

[ae87]

طلع لي بموقع الاحتيال 7%
كذا كويس؟
والملف اخليه والا احذفه من الموقع؟

[نبض الكلمات]

طلع لي بموقع الاحتيال 7%
كذا كويس؟
والملف اخليه والا احذفه من الموقع؟

7% كويس خالص.. وتحذفه او ما تحذفه ما تفرق بكيفك

[almaaas]

مرحبا جميعاً لو سمحتوا حبيت اعرف الصيغه الي ارفع فيها المشروع وورد او بي دي اف ؟؟؟!

وشعار الجامعه احطه بالوسط او على جانب الصفحه ؟؟!

[فهد البشري]

‏في المحاضرات المباشرة
‏ما نزلت المحاضرة للدكتور صديق عطا اللي هو المشرف على مشروع تخرجي
الموجودين على ما اعتقد اربعه او خمسه دكاتره
ليس من بينهم صديق عطا
وش الحل احمل اي وحده منهم والا انتظر
واذا حملت اي وحده اخاف ما تحسب الدرجه

[الحظ العنيد]

‏في المحاضرات المباشرة
‏ما نزلت المحاضرة للدكتور صديق عطا اللي هو المشرف على مشروع تخرجي
الموجودين على ما اعتقد اربعه او خمسه دكاتره
ليس من بينهم صديق عطا
وش الحل احمل اي وحده منهم والا انتظر
واذا حملت اي وحده اخاف ما تحسب الدرجه

حمل كل المحاضرات مباشره ومسجله عادي الدكاتره يحضرون بدال بعض مو شرط كل المشرفين ينزلون محاضرات هم بالنيابه عن بعض فهمت؟؟

[almaaas]

مرحبا جميعاً لو سمحتوا حبيت اعرف الصيغه الي ارفع فيها المشروع وورد او بي دي اف ؟؟؟!

وشعار الجامعه احطه بالوسط او على جانب الصفحه ؟؟!

ياليت احد منكم يجاوبني ..

[مسموح]

السلام عليكم
أخواني
لقد عملت الاستبانة وتمت تعبئتها ، لكن أود معرفة الخطوات التي بعدها ، مالعمل:

جزاكم الله خير

[نبض الكلمات]

مرحبا جميعاً لو سمحتوا حبيت اعرف الصيغه الي ارفع فيها المشروع وورد او بي دي اف ؟؟؟!

وشعار الجامعه احطه بالوسط او على جانب الصفحه ؟؟!

ياليت احد منكم يجاوبني ..

الصيغة وورد

وسط الصفحة او جانب الصفحة ما بتفرق.. دا شيء يرجع لزوقك ماهو محدد

[نبض الكلمات]

السلام عليكم
أخواني
لقد عملت الاستبانة وتمت تعبئتها ، لكن أود معرفة الخطوات التي بعدها ، مالعمل:

جزاكم الله خير

ابدأ في تحليل اجابات المشاركين.. شوف راح تحلل نسبة مئوية عن طريق اكسل ولا تبي تحلل تحليل احصائي

[مسموح]

ابدأ في تحليل اجابات المشاركين.. شوف راح تحلل نسبة مئوية عن طريق اكسل ولا تبي تحلل تحليل احصائي



انا سويت الاستبيان عن طريق جوجل واعطاني النسب المئوية

لكن بالنسبة للتكرارات كيف اسويها

محتاج احد يشرحها لي بسهوله

الله يسعدكم

[نبض الكلمات]

انا سويت الاستبيان عن طريق جوجل واعطاني النسب المئوية

لكن بالنسبة للتكرارات كيف اسويها

محتاج احد يشرحها لي بسهوله

الله يسعدكم

التكرار على حسب ما اعرفه انه عدد الاجابات باختيار معين لكل عبارة

يعني عندك العبارة الاولى في الاستبيان... كام واحد مجاوبين بموافق أو نعم؟

23 شخص جاوبوا بموافق او نعم... إذن تكرار موافق او نعم = 23

وكام واحد مجاوبين برافض أو لا؟ 37 اذن تكرار رافض او لا = 37

تسويهم في جدول كلهم وتمام كده طلعت التكرار

دا حسب ما انا بسويه والله اعلم

[ابن قيس]

سلام عليكم متى اخر موعد لرفع البحث تخرج؟

[مسموح]

اخواني

فيما يخص تفسير البيانات (التي تكون في الجدول) الخاصة بالمحاور

هل هناك تسلسل معين يجب علي اتباعه أو افسرهت حسسب فهمي.

تحياتي لكم

[خوله تركي]

طريقه الرفع وورد ولا بي دي اف

[طهرالمطر]

جزاك الله خير وكتب اجرك يا اخت سلاف استفدنا منك الشي الكثير

ارفق لكم مشروعي لعله يفيدكم ولو بشيئ قليل

نسبة الاقتباس 4% والدرجة 90 ولله الحمد

بالتوفيق للجميع بالاجتياز وبالدرجات العالية

ممكن استفسار

اداة البحث كيف طريقته هل لازم اذهب الى مستشفى او مدرسه

والاستبيان لازم احد يحله

[الحظ العنيد]

ممكن استفسار

اداة البحث كيف طريقته هل لازم اذهب الى مستشفى او مدرسه

والاستبيان لازم احد يحله

البعض سوا استبيان وهمي والبعض الكتروني بقوقل درايف وارسله للي يعرفهم عن طريق الواتس وغيره

[طهرالمطر]

طيب اذا كان استبيان وهمي يتطلب ارسال الاستبيان ولا لا

[الحظ العنيد]

الوهمي.انتي من راسك تسوين الاحصائيه كم نعم وكم لا وكم ذكر وانثى شوفي نماذج للبحوث وامشي عليها

[مسموح]

اخواني
ممكن اعرف كيف طريقة اخراج المتوسط الحسابي

وساكون لكم من الشاكرين

[نبض الكلمات]

اخواني
ممكن اعرف كيف طريقة اخراج المتوسط الحسابي

وساكون لكم من الشاكرين

والله على ما اتذكر من دراستي في المرحلة الاعدادية

بتجمع الارقام اللي عندك وتقسم المجموع على عدد الأرقام

يعنى ارقام 30 - 30 - 20 - 50- 70

كله يطلع 200 تقسمهم على 5 يطلع المتوسط 40.. والله اعلم

[Jfn]

جزاك الله خير

[mraami]

هل لازم اخصص المشكلة بجانب معين ؟ مثلا انا اخترت التنمر و اثره ع المجتمع ،، هل المفترض اخصص للمجتمع المدرسي مثلا اقول التننمر في المجتمع المدرسي ؟؟؟؟

[عفويه حيل]

سلاف أو أحد عنده جواب أروجكم ساعدوني انا ما سويت جدول تبع توزيع نوع نجس عينة البحث ولا أعمارهم ولا مستواهم التعليمي ...
هل لازم منه لسى جالسه اشتغل على البحث ارجوكم جاوبوا خلوني الحق أعيد الاستبيان

[رضاك ررربي]

ممكن احد يفهمني وش الجزء النظري بالمشروع التخرج لاني انا بس سويت مشروع تخرج هل هذا يكفي ولا فيه شي تبعه ماسويته ياليت احد يفهمني واكون شاكره لك

[ام جرير]

الجزء النظري اللي هو تقريبا الفصل الاول والثاني اما الثالث والرابع الميداني اللي هو الاستبيان

[مذهلةة]

الله يعطيكم العافية

حد يعرف متى اخر تاريخ لرفع البحث ؟

وهل يرفع بصيغة الوورد والا اف بي دي زي التدريبات؟

[الحظ العنيد]

الله يعطيكم العافية

حد يعرف متى اخر تاريخ لرفع البحث ؟

وهل يرفع بصيغة الوورد والا اف بي دي زي التدريبات؟

مع الاعمال الفصليه والصيغه وورد

[سهام مبارك]

تكفون ردو علي بسرعه انا بديت في المشروع اخترت الموضوع و مااخذت راي المشرف عليه ضروري يكون المشرف موافق عليه ؟؟؟؟؟ تكفون الرد بسرعه

[الحظ العنيد]

تكفون ردو علي بسرعه انا بديت في المشروع اخترت الموضوع و مااخذت راي المشرف عليه ضروري يكون المشرف موافق عليه ؟؟؟؟؟ تكفون الرد بسرعه

مو ضروري اهم شي العنوان يخص التخصص

[الحظ العنيد]

سلاف أو أحد عنده جواب أروجكم ساعدوني انا ما سويت جدول تبع توزيع نوع نجس عينة البحث ولا أعمارهم ولا مستواهم التعليمي ...
هل لازم منه لسى جالسه اشتغل على البحث ارجوكم جاوبوا خلوني الحق أعيد الاستبيان

البحث لازم جزء نظري وجزء تطبيقي اللي هو الاستبيان والجدول وعليه نص درجة البحث

[غاليه1410]

عندي سؤال كم مره فينا نرفع الملف في برنامج كشف الاقتباس ؟ مع اني مستصعبه الطريقه لاكن بحاول
وهل ضروري بالبحث يكون فيه الوسط الحسابي ، لان شفت بعض البحوث السابقه مافيها

اسال الله لي ولكم التوفيق

[نبض الكلمات]

عندي سؤال كم مره فينا نرفع الملف في برنامج كشف الاقتباس ؟ مع اني مستصعبه الطريقه لاكن بحاول
وهل ضروري بالبحث يكون فيه الوسط الحسابي ، لان شفت بعض البحوث السابقه مافيها

اسال الله لي ولكم التوفيق

قال الشاعر لكي خمس محاولات بس على برنامج الاقتباس.. واعتقد انهم كافيين وما فيهم مشاكل

أما بالنسبة للمتوسط الحسابي فهو يرجع لصاحب البحث، لو تبي تزوديه زوديه ولو ما تبي وشايفه بحثك زين ومتكامل بدونه خلاص توكلي على الله

[Only girl]

لو سمحتوا ممكن مساعدة :sm12:
أنا طلع لي نسبة الاقتباس 28% وهو المفروض م يعدي 25 .. وش الحل وش أسوي عشان تنزل النسبه !!
م فيه وقت أدور وأكتب من جديد .. قربت الاختبارات وأنا م عندي شغل الا هالبحث ..
فزعتكم ي الأجاويد .. :000:

[نبض الكلمات]

لو سمحتوا ممكن مساعدة :sm12:
أنا طلع لي نسبة الاقتباس 28% وهو المفروض م يعدي 25 .. وش الحل وش أسوي عشان تنزل النسبه !!
م فيه وقت أدور وأكتب من جديد .. قربت الاختبارات وأنا م عندي شغل الا هالبحث ..
فزعتكم ي الأجاويد .. :000:

شوفي قطعة من بحثك يكون اقتباسها زيادة وغيري صياغتها واكتبيها بأسلوبك انتي.. راح تنزل النسبة

[Only girl]

ايوا ما كنت أدري ان يطلع لي النص اللي نزل النسبة .. سويت تعديل عليه والحمدلله الحين تمام ..
الله يعطيك العافيه
سؤال أخيـر لازم ارفع البحث لايميل الدكتوره ولا خلاص انزله بالموقع واكتفي !!

[نبض الكلمات]

ايوا ما كنت أدري ان يطلع لي النص اللي نزل النسبة .. سويت تعديل عليه والحمدلله الحين تمام ..
الله يعطيك العافيه
سؤال أخيـر لازم ارفع البحث لايميل الدكتوره ولا خلاص انزله بالموقع واكتفي !!



لا ما يحتاج ايميل الدكتور.. تأكدي بس من رفع الملف بصورة صحيحة واطبعي الايصال أو صوريه بجوالك بعد الرفع

[[sOSo]]

يعطيكم العافيه انا خلصت البحث الحمدلله
ارجع ارسله للدكتوره تشوفه قبل ما ارفعه او مايحتاج ؟

[نبض الكلمات]

;1057652938']يعطيكم العافيه انا خلصت البحث الحمدلله
ارجع ارسله للدكتوره تشوفه قبل ما ارفعه او مايحتاج ؟


لو تحبي ارسليه ولو ما ارسلتيه ماهو مطلوب.. بكيفك

[غيداء1]

اميل قياس نسبة الاقتباس ماوصلني

[غيداء1]

لقيت وصلني اميل بالانجليز هو اميل نسبة الاقتباس

[الحظ العنيد]

لقيت وصلني اميل بالانجليز هو اميل نسبة الاقتباس

ايوه هو رابط وفيه كلمة مرور

[Rashasaeed]

السلام عليكم ورحمة الله وبركاته
كيف اعرف اذا المشروع رفع في الموقع بعد ماأسوي حفظ يطلع الصفحة مكان الرفع فاضي
هل يكون كذا انه انرفع او لا

[Rashasaeed]

السلام عليكم ورحمة الله وبركاته
كيف اعرف اذا المشروع رفع في الموقع بعد ماأسوي حفظ يطلع الصفحه**مكان الرفع فاضي
هل يكون كذا انه انرفع او لا

[نبض الكلمات]

السلام عليكم ورحمة الله وبركاته
كيف اعرف اذا المشروع رفع في الموقع بعد ماأسوي حفظ يطلع الصفحه**مكان الرفع فاضي
هل يكون كذا انه انرفع او لا

مكتوبلك انقر هنا لعرض الملف، اضغط عليها راح ينزلك نسخة من بحثك من على الموقع عشان تتأكد، دا غير ان راح يكون مكتوب لقد تم رفع الملف

[ســــلآف]

بالتووووووووفيق للجميع ... والله الواحد ما وده يدخل هالصفحات الخربانه
لا اعلم اين ادارة الملتقى عن هالعطل

[غيداء1]

متى اخر يوم لرفع المشروع

[الحظ العنيد]

متى اخر يوم لرفع المشروع

مع الاعمال الفصليه

[الحظ العنيد]

السلام عليكم ورحمة الله وبركاته
كيف اعرف اذا المشروع رفع في الموقع بعد ماأسوي حفظ يطلع الصفحه**مكان الرفع فاضي
هل يكون كذا انه انرفع او لا

عليكم السلام
تطبعين الايصال او تصورينه وتشوفين البحث بالضغط ع الاطلاع على الملف وماراح يطلع الا من لابتوب جوال ماينفع

[نواف246]

كم اقل عدد صفحات للمشروع؟؟؟

كم اقل عدد للاستبيان؟؟؟

[سقيا جنون]

السلام عليكم ورحمه الله وبركاته
لو سمحتوو طلع عندي نسبه الاقتباس22 بالميه
مسموح ولالا؟

[نبض الكلمات]

كم اقل عدد صفحات للمشروع؟؟؟

كم اقل عدد للاستبيان؟؟؟

اقل شي 20 ورقة

والاستبيان اعتقد 10 اسئلة مناسب وكويس

[نبض الكلمات]

السلام عليكم ورحمه الله وبركاته
لو سمحتوو طلع عندي نسبه الاقتباس22 بالميه
مسموح ولالا؟

22 كويس ولو ينفع تنزليها كمان يكون افضل، لكن 22 مناسب وما فيه مشاكل

[سقيا جنون]

يقةل لازم العدد 40 فقط وبحثى 48 ورقه وش اسوى :_

[غاليه1410]

كيف ارفع البحث في موقع الجامعه وين اروح ساعدوني الله يرضى عليكم

[نبض الكلمات]

كيف ارفع البحث في موقع الجامعه وين اروح ساعدوني الله يرضى عليكم

الخدمات الطلابية

خدمات اخرى

ابحاث ومشاريع

بحث التخرج (لونها ازرق)

اختيار الملف

طباعة الايصال

بالترتيب كده

[اماني المري]

السلام عليكم

عنوان بحثي كذا

دراسة مشكلة الطلاق وتأثير إنفصال الوالدين على الأبناء في سن المراهقة إجتماعيا ونفسيا في المجتمع السعودي .

كيف ؟ مضبوط ولا يبي له تعديل

وكيف اضيف الاستبانه ؟ وهل لازم تساؤلات عشان اضيف الاستبانه


بليز ساعدوني متوهقه

[سقيا جنون]

ردوووووو علي :(
عادي 46 ورقه.؟؟
البحث ولا مشكله

[اماني المري]

ردوووووو علي :(
عادي 46 ورقه.؟؟
البحث ولا مشكله

اقل شيء 20 صفحه واقصى شيء 40 صفحة

نقصي 6 صفحات:d5:

[الجود**]

سلاف الله يرضى عليك جاوبيني
الايصال مو راضي يفتح معاي ابد
وفي ايقونه لرفع التقرير <<<< هل المقصود فيه البحث
لاني رفعت البحث اليوم الفجر

[نبض الكلمات]

ردوووووو علي :(
عادي 46 ورقه.؟؟
البحث ولا مشكله

نصيحة ما تنقصي شي طالما جزء مهم وأساسي من بحثك، الزيادة البسيطة ما تضر طالما بتخدم الموضوع

[اماني المري]

حد يرد علي يا جماعه ’:( :(

[نبض الكلمات]

السلام عليكم

عنوان بحثي كذا

دراسة مشكلة الطلاق وتأثير إنفصال الوالدين على الأبناء في سن المراهقة إجتماعيا ونفسيا في المجتمع السعودي .

كيف ؟ مضبوط ولا يبي له تعديل

وكيف اضيف الاستبانه ؟ وهل لازم تساؤلات عشان اضيف الاستبانه


بليز ساعدوني متوهقه

أولاً عنوانك كويس ما تعدلي عليه

انتي ما سويتي دراسة ميدانية؟

ضيفي الاستبانة اللي استخدمتيها في ملاحق البحث آخر شي في البحث بعد المراجع

واكيد لازم يكون فيه تساؤلات عشان عينة الدراسة يجاوبوا عليها

[حورksa]

لو سمحتو ايش اكتب اسم الدكتو ولا مشف البحث وايش الدكتور الي اكتب اسمه ����

[نبض الكلمات]

لو سمحتو ايش اكتب اسم الدكتو ولا مشف البحث وايش الدكتور الي اكتب اسمه ����

تدخلي على الخدمات الطلابية - خدمات أخرى- مشروع تخرج علم اجتماع

يطلعلك اسم المشرف

هو ده اللى تكتبيه على الغلاف

[manool79]

السلام عليكم
انا سويت استبيان الكتروني عن طريق الوتس اب
ايش اكتب منهجيه البحث

[مذهلةة]

سلام عليكم

من منكم مع الدكتورة ام العز يوسف


او راسل المشرفة

لان ايميلها مايقبل الرسائل وابغى ارسل لها


ردوا جزاكم الله خير

[الحظ العنيد]

سلام عليكم

من منكم مع الدكتورة ام العز يوسف


او راسل المشرفة

لان ايميلها مايقبل الرسائل وابغى ارسل لها


ردوا جزاكم الله خير

ام العز ممتازه جدا الايميل اللي في الايقونه غلط هذا الصح
uhajahmed@kfu.edu.sa

[manool79]

السلام عليكم
انا سويت استبيان الكتروني عن طريق الوتس اب
ايش اكتب منهجيه البحث
ياليت احد يرد علي

[الحظ العنيد]

ياليت احد يرد علي

والله ماعندي خبره كثير في البحوث مو انا سويت بحثي بس كذا كان اذا هذا قصدك

[غيداء1]

متى اخر يوم للاعمال الفصليه

[نبض الكلمات]

ياليت احد يرد علي

منهج البحث في أغلب ابحاث قسمكم بيكون المسح الاجتماعي

اكتبي استخدمت الدراسة منهج المسح الاجتماعي الشامل لمناسبته لهذا النوع من الدراسات، ويعد هذا المنهج من المناهج الرئيسية المستخدمة في البحوث الوصفية للوصول إلى ادق النتائج

[نبض الكلمات]

متى اخر يوم للاعمال الفصليه

حسب اللي مكتوب بموقع الجامعة فهو 2/5/2017 يعني بعد 7 ايام تقريبا

[manool79]

منهج البحث في أغلب ابحاث قسمكم بيكون المسح الاجتماعي

اكتبي استخدمت الدراسة منهج المسح الاجتماعي الشامل لمناسبته لهذا النوع من الدراسات، ويعد هذا المنهج من المناهج الرئيسية المستخدمة في البحوث الوصفية للوصول إلى ادق النتائج
الله يجزاك خير ماقصرتي :106:

[manool79]

والله ماعندي خبره كثير في البحوث مو انا سويت بحثي بس كذا كان اذا هذا قصدك
الله يجزاك خير
ماقصرتي :106:

[F T O]

يعطيكم العافيه عجزت القى ايقونه رفع مشروع التخرج وين هي بالضبط ؟؟؟

[نــايف]

السلام عليكم
لو سمحتوا طلع لي بمشروعي ان نسبة الاقتباس 64%
كيف تمام ولا
وكم لازم تكون النسبة
وشكرا

[نبض الكلمات]

يعطيكم العافيه عجزت القى ايقونه رفع مشروع التخرج وين هي بالضبط ؟؟؟
اسمها ابحاث ومشاريع في خدمات اخرى

[نبض الكلمات]

السلام عليكم
لو سمحتوا طلع لي بمشروعي ان نسبة الاقتباس 64%
كيف تمام ولا
وكم لازم تكون النسبة
وشكرا

ما ينفع يزيد عن 25%

[نــايف]

جزاك الله خير

طيب 18%تمام ولا
اتمنى الرد جزاكم الله خير جميعااا

[نبض الكلمات]

جزاك الله خير

طيب 18%تمام ولا
اتمنى الرد جزاكم الله خير جميعااا

18% ممتاز. توكل على الله وارفع بحثك

[نــايف]

جزاك الله خير اخوي وبارك الله فيك
اسال الله لي التوفيق لي ولكم اجمعيين
الله يرضى عليك بسال عن خدمة رامكس كيف دحين نسويه وله متى؟
وكيف يتم اخلاء الطرف ارجو التوضيح ؟

[غيداء1]

عادي تكون فصول البحث 4
ولالازم تكون خمس فصول

[الحظ العنيد]

جزاك الله خير اخوي وبارك الله فيك
اسال الله لي التوفيق لي ولكم اجمعيين
الله يرضى عليك بسال عن خدمة رامكس كيف دحين نسويه وله متى؟
وكيف يتم اخلاء الطرف ارجو التوضيح ؟

بعد طلوع النتايج ان شاءالله