ساعدوني الله يخليكم

[طالب2009]

بسم الله الرحمن الرحيم


السلام عليكم ورحمة الله وبركاته

اخواني اخواتي الكرام انا طالب في جامعة الملك فيصل دفعة 2010 دخلت كلية العلوم الإدارية والتخطيط ومو قادر امشي في الكلية الترم الأول حملت المواد ومعدلي 1 من 5 والحين صار لي اسبوعين ماروح الجامعة ضايق خلقي وتعبان نفسيا ومريض وانا ودي انقل لكلية ثانية الأداب أو التربية وقانون الجامعة مايسمح ألا إذا بواسطة ممكن بل اكيد اني بنقل بس مااعرف احد
اليوم فكرت اني اسجل من جديد وادخل بياناتي ورقم الأحوال المدنية حقت والدي بس المشكلة بعدين لما ارسل اوراقي وبيطابقوهم بيرفضوني انا للحين ماسحب اوراقي من الجامعة ومو عارف مثل ماقلت لكم وش يسوي
فااللي عنده اقتراح او حل يساعدني لا يبخل علي

:Cry111:

[فيصل العمار]

السلام عليكم اخوي طالب

صباح الخير

بصراحه والله اني حزنت لموضوعك هذا

وودي اتكلم معك في بعض النقاط فيما يتعلق بالمشكلة النفسية

اخوي طالب يعلم الله اني لا اقول لك هذا الكلام من باب التجربه

ولكن انا ما اعرف هل لو حملت المواد وبمعدلك هذا

هل تستحق عليه حرمان من الجامعه ام هنالك مجال

فأذا فيه مجال انك تواصل دراستك فواصل

بسألك سؤال واحد بس

وين ترووووح بالله عليك ؟

تبيع خضرهـ !!

بيع الخضره ماهوب حرام ولا عيب

لكن ما انك درسة واهلك اتعبوا عليك الين تخرجت من المرحله الثانويه

واثق انا ان اهلك متأملين فيك خير كبير

ولا تجعل للشيطان عليك مدخل في حكاية النفسيه وماني عاااارف ايه

ترا والله ما فينا الا العافية بس حسبي الله على الشيطان اللي ضيعنا

ياخي كلنا نبي نبصط ونستانس ونفللللللله ولا نبي الارتباط ولا نبي الدراسه بعيشة الله

لكن قبل هذا فكر ان الموضوع مجرد محطه لك بتتعداها ان شاءالله

بعدها لا يردك لا جزيرة موووووناكوا فل ابو ابوها

وأهمالك بالدراسه وعدم المذاكره صدقني هو اللي سبب لك حمل المواد اللي ذكرتها

لكن ثق تمام الثقه انك تقدر تعديها بأذن الله لا تجعلها تكون عائق في طريقك

تكفى ترا ما عاااد بوووهـ وضائف وانا اخووووك


معك شهاده تتوضف ما معاك ما راح احد يوضفك

يارجال الحين جامعيين صاااروا يتنافسون على رتبة جندي بالعسكرية

ولا هوب عيب بعد العسكرية

بس ياخي الدراسه وتعب وبعد هذا جندي

لكن تجد معدلاتهم ما تساعدهم بالوضائف السنعه

عموماً ماودي اطول عليك ولا ودي امصخها بعد معك

لكن تكفى وانا اخوك اذا فيه مجال انك تعيد المستوى الاول عيد

واعتبرها كبوة حصاااااااان

ولا اقول غير الله يوفقك

بس انت وسع صدرك وخل بالك وسيع

وراك بناء مستقبل

اسأل الله العلي العظيم ان يهديك لما فيه خير لك


أخوك / فيصل العمار

اذا فيه اخطأ املائية لا تشره علي مواصل ولا فيني حيل من تأكد من الاخطأ

تقبل تحياتي