افيدوني

[ويبقى الأمل...]

السلام عليكم ورحمه الله وبركاته

عندي يوم الاربعاء شرح درس بيكون تقويم وعليه درجات
عطوني موضوع مناسب وطريقة حلوة كيف ابداء مقدمة الدرس وخاتمته
مع تطبيق استراجية لتعلم

جزاك الله خير افيدوني

[ع.ع.ع]

وعليك السلام ورحمة الله وبركاته

أي مادة؟

[ويبقى الأمل...]

مادة تدريب ميداني

[ع.ع.ع]

يعني مفتوح لج تختارين أي موضوع تبين؟

[ع.ع.ع]

إذا مفتوح ممكن تختارين:
-الفرق بين الحب في الله والحب مع الله.
-وداعا أيها القلق! (مقال ممتع بتلقينه بالنت)
-بدع الحداد.


النشاط الاستهلالي الي هو المقدمة ممكن تسوينه نشاط يتم من خلاله التعرف على عنوان الدرس، يعني تسوين النشاط قبل لا تكتبين العنوان على السبورة، مثلا لعبة حبل مشنقة، او ذيج اللعبة الي تحطين اشكال وكل شكل عبارة عن حرف، او مثلا يكون قصة له دخل بالموضوع، او تشغلين لهم فيديو او قصيدة او نشيدة تتعلق بالموضوع...

من استراتجيات التعلم الي ممكن تطبقينها، ان تخلينهم يكتبون شنو يعرفونوعن موضوع اليوم وشنو يبون يتعرفون وفي النهاية شنو تعلموا، أو استراتجية التعلم الجماعي أو التعاوني، أو استراتجية ان تقسمين الدرس على الطالبات وتخلينهم هم يشرحون، او تقسمينهم مجموعات وكل مجموعة لها ورقة عمل وتحطين ورقة الاجابة على السبورة وعقبما ينتهون من الحل يروحون يتأكدون من اجاباتهم، او توزعين عليهم اوراق وتخلينهم يرسمون شي له دخل بالموضوع...

وفي الختام ممكن يسوون خريطة ذهنية للدرس كامل، او تقولين قصة، او تخلين احد ينشد شي له دخل بالموضوع، او مثلا تقسمينهم مجموعات وتختارين لهم حرف، وتحددين وقت معين، الي يجمع اكثر كلمات تبتدي بالحرف الي اخترتيه بحيث تكون الكلمات لها صلة بالدرس هو الفايز، وممكن توزعين عليهم جوكلت... هذا الي حظر لي

[ويبقى الأمل...]

يعطيك العافية ياقلبي وماتقصري
جزاك الله خيرا

[ع.ع.ع]

ربي يوفقج وييسر لج، ياريت تطمنينا عقب ما تنتهين من درسج⚘

[ويبقى الأمل...]

ان شاء الله بأذن الله
تسلمين حبيبتي :love080: